أسباب همي ....

لو ينشكي همي شكيته على الناس = بس البلا للناس ماتفيد شكواي
شكواي لله يجلي الهم والباس = ماغير رب الكون يعلم بدعواي
نمسي بهوجاسً ونصبح بهوجاس = عيت لتمشي لي على الكيف دنيياي
لنامت عيون البشر وارخت الراس = مافيه عينً تسهر اليل لرضاي
ماتهتني عيني ولا الجفن بنعاس = دايم وحيد وطاري الهم وياي
وضعي صعب وحالتي صابه الياس = وازرت دكاتير المرض تعرف دواي
والقلب دايم تنقطع عنه الانفاس = لمن ذكرت اللي تسبب ببلواي
حسبي عليه الله بلا حد وقياس = راح وتركني يوم جيته من اقصاي
بنيت له بالقلب قصرً علي ساس = مير هدمة قبل يتهنا بمبناي
طاوع بي العذال ولحبنا داس = وعقب الموده يطلب اليوم فرقاي
وسوس بعقله له من الناس وسواس = وطاعة بقوله قبل لا يطلب الراي
وثوب الصداقه بدله بأرخص الباس = ونسا وتناسى مامضى وأنكر الجاي
لقى بديلً لي يبادله الأحساس = وانا لقيت الشوك مزروع بخطاي
لو كنت وسط البحر ماهر وغطاس = خلاص ماهو غايتي ماهو أمناي
دامه مشى دربً نهايته الأفلاس = والكذب له مبدا وانا الصدق مبداي
بحط دونه بعـد مابار حـراس = لايدخل بقلبي ولا يقرب حماي
وسجل الذكرى بحبرً وقرطاس = ومع الهبوب اذرها بكف يمناي