الغريب المضحك هذي البنت سلمك الله عندها خوات أكبر منها وأصغر منها وهي توها
متخرجة من الثانوي المهم بالبيت ما عندهم خدامه كل يوم الدور على
وحدة من البنات تطبخ وبعدين ترمي الزبالة عند الباب المهم جاء دور
هالبنت اللي أتكلم عنها كانت سهرانه مع أخواتها الين الساعة 2الصبح
وبعدها خواتها طلعوا ينامون فوق..وهي قعدت تنظف المطبخ وتشطب
عليه..وقامت طلعت الزبالة عند الباب..المهم البنت قالت ليش أحطها عند
الباب خليني أتشجع وأرميها بالزبالة أحسن..**



وطلعت برا بالشارع
وكان الشارع فاضي مرة وكانت الساعة حوالي 30_ 3المهـــــــــــــم
يوم جت تطلع ترمي الزبالة قفل باب بيتهم هههههههه وقعدت المسكينة
بالشارع...فكرت ترن الجرس خافت أبوها يهاوشها ويسوي ليها شي
(لأن أبوها شديد)... وطلعت بالشارع ما عليها إلا! قميصها حق البيت ..المهم
حست أن صوت يتقرب..صوت سيارة !! قامت مسكت الزبالة وقلبتها
ودخلت جواتها المهــــــــــم كان اللي جاي ولد الجيران ..كان توه جاي من
استراحة..المهـــــــــم جاء ولد الجيران وقف السيارة
وطلع المفتاح علشان بيدخل للبيت إلا يسمع صوت يتحرك بالزبالة !!
وأستغرب إن الزبالة مقلوبة قام قرب من عندها...وجا بيرفع الزبالة ويا زينها
إلا صرخت وقالت : لالالالا.قال:بسم الله الرحمن الرحيم..أنتي إنس ولا جن
قالت:إنس قال أنتي وش جابك أهنا ؟؟
وقالت له القصة وهي متغطيه بالزبالة وترجت ولد الجيران يساعدها
قال خلاص لا تخافين قام قرب سيارته من باب البيت وركب فوق السيارة
ونقز وفتح للبنت الباب..وقالها:ادخلي بسرعة لاحد يشوفك قامت
مسكينة ما صدقت رمت الزبالة..وطلعت كذا قدام ولد جيرانهم المهــــــم
دخلت وقفلت الباب على طووول...وولد الجيران واقف ما تحرك
يناظر فيها... المهم. ما مر على هالسالفة يومين إلا جاء وخطبها
من أبوها وتزوجه ههههههه والله قصة زواج غريبة وعلى فكرة
ترى هدي السالفه حقيقية وحصلت بالفعل

لايجي بكرة أشوف كل واحد يقلّب زبالة على باله فيها بنت
خاصة الشباب العزاب


شرايكم في القصة؟؟؟؟؟؟

منقوووووووووولة

منتديات مدرسة المشاغبين - القصص و الروايات و الحكايات قصص قصيرة و تعلم القصة story novelette

أجمَلّ مَآفيٍ حُريَة الإنترنِتْ أنهَآ فيّ غَيبَة الرقيبّ سوى ( الله جلّ في علاه) تعطيك الفرصَه لتعرفّ حِصَتك مِـن { نـبلّ } السُلوك ونصيبَك مِن { طهَآرةِ } الضميّر