الاخوه رواد المنتدى هذه اول مشاركه لي في منتدى همس المشاعر وامل ان تعجبكم هذه القصيده المختاره

الهنوف اللي سرت من نجد وامست بالحويه *** ضيقت صدرالرياض وسافر الطايف وجاها
وانثنى غيم الحجاز لخد نجد النرجسيه *** يوم جاته من زعلها كنها تقصر خطاها
زعلوها ورحت واخلت قصور الفاخريه *** والحقتني شرهة الزعلان واخطاني رضاها
سافرت والله ماخبر اللي يزعلها عليه *** واستباحت لله الخيره سهر عيني وماها
ليتها يوم استباحت دمعة العين الشقيه *** ماستباحت دم قلبي من خلاها في خلاها
سامح الله ضـلمها واطعونها الخضر النديه *** والله يسامح خناجرها ويعفو عن خطاها
عرضتني للهبايب والظما والمهمهيه *** واتركتني للزعل والشوق والكبر وغلاها
والغلا ماهوب فيديها ولا هو في يديه *** الغلا شي من الله واشهد ان الله عطاها
من غلاها لو توردني على حوض المنيه *** كنها تسقيني الشهد المصفى من شفاها
ومن حلاها ماتوصفها الحروف الابجديه *** كيف توصف وردة يبري من العله شذاها
الورود تغار منها مزهريه مزهريه *** وان تباهات عذرها معها يحق لها تباها
مايشابهها شبيه ولا يحاليها حليه *** جل رب يوم صورها فرقها عن سواها
لاقبلت هيجنت وان اقفت جذبت السامريه *** واعذابي لاعطتني وجهها
والا قفاها ان بدالي وجهها يسعد صباح اليوسفيه *** وان غشتني نفحة من ليلها يسعد مساها
درّه بالموت محروسه وبالبحر محميه *** البحر من دونها والموت الاحمر من وراها
دونها ماغليت وسم اهلي ولا اشداد المطيه *** مرخص فالقاع عمري والثريا في سماها
لايمي يبلا بحب الحضر بعيون بدويه *** في ظروف مايقارن مستواه بمستواها
الله اقوى يافقير القلب ابو نفس غنيه *** مالك الا الصبر والجنه لقاها من لقاها
والهوى اللي يطرح الرجال فيدين اجنبيه *** علة بالجوف لاتبرا ولا يلقى دواها
والهنوف اللي لرد الثار تاخذها الحميه *** شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطيه *** كثر ماتشتاق لاعماقي وانا اشتاق لدفاها
كل ماعرقت بميسمها تحريت لخويه *** والحقت الميسم الميسم كذا...على عماها
عااااقبتني كل يوم تلحق الكيه بكيه *** واتعبتني وادركتني والحقت نفسي مداها
وان تمادت جهزو قبري وانا باكتب وصيه *** باكتب الله لايعاقبها ويرضى لي علاها
العمر تلفه الايام والدنيا مديه *** والسنين اتلفني والنار تحرق من وطاها
علموها تلحق الباقي مدام الشمس حيه *** واتغانم مابقىمني وماتطلب فداها
لاتمادا في جفاها والرياح الموسميه *** ماتقدر وقفة الاشجار وتثمن عطاها
وعلموها مابقى لي غير ادن الهاشميه *** كان ترضاها علي ولاتهون من جفاها
واتصحوها لاتحمل نفسها نفس بريه *** وذكروها بالقبر لاعلها والا عساها
!! وعلموها علموها لاتطول بالحويه *** ديرة ماهيب ديرتها لو اعجبها هواها



------------------
احسبن الرمش لاسلهم حنون...اثر رمش العين ما ياوي لاحد

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي