السلام عليكم ورحمة الله وبركاتة ...

مــــــــــن ســـــــــــــيـــــربـــــــــح الــــــمــــلـــــيــــــون ؟!؟!



أكيد تعرفون برنامج من سيربح المليون بنسخته للجوالات .. طبعآ نفس طريقة اللي يجي بالتلفزيون بس بالجوالات.

بقولكم معاناتي معه...

مره كنا بالإستراحة وكان عندنا واحد من العيال ومشغل البرنامج وكل شوي يسألني علشان أساعده وبقدرة قادر قدرنا نوصل لسؤال المليون وجاوبت له وطلع صح ، وأخذوا فيني مقلب يحسبوني مثقف مايدرون ان كلها صدف بصدف.

يوم رجعنا للبيت نمت تقريبآ الساعة 2 ومادريت إلا أخوي الكبير واقف عند باب الغرفة ويناديني عاد أنا عندي خفة نوم مدري منين جايه بمجرد انه يناديني مره مرتين أصحي ، المهم انه طلع بيسألني عن سؤال مر عليه بالبرنامج يوم شفت الدعوه كذا قلت مدري وش الجواب ووالله لو ماني خايف منه إني لطلع الكاراتيه من الدولاب وأمسطه فيها لين يتفل العافية >> يسمع بالكاراتيه.

بالله وش رايكم يصحيني من عز نومي علشان يسألني ؟؟ مايدري إني مستحيل أنتج إذا ما أخذت قدر كافي من النوم.
بس ماقدر أقول شي حكم القوي..

ومره أخوي الصغير مصحيني من النوم علشان يسألني ومن زود اللعانه جاوبت له خطأ عاد هو ماقصر ضربني وأطلق ساقيه للريح(يعني فرك)
قلت ماني فاضي الحقه بها الظهريه نتطارد تقول بسسه إذا قمت العصر أتفاهم معه ويوم صحيت العصر ماقلت له شي بس عاتبته مع شوية مؤثرات حركية باليد وأحيانآ استخدم الرجل إذا أبعد عني..

مادري وش فيهم الشعب السعودي أدمنوا هالبرنامج لدرجة ان مره واحد من اخوياي كان عندهم عشاء(ذبيحة) وصب لنا القهوه وبعدها صب الشاهي وعاد تخبرون الشاهي نطول بشربه مو مثل القهوه وفي هذه الأثناء الأخ طلع جواله وشغل البرنامج طبعآ بدون صوت ، يوم شفته كذا أشرت له وقلت السؤال الرابع جوابه الإختيار الثاني وصدق المخفه يوم وصل السؤال الرابع على طول حط الجواب الثاني ومسكوه الباب ..
أنا وش ذنبي لصار طعس لها الدرجة ؟؟

على طاري صديقي هذا بقولكم سالفته مره دخل منتدى وشارك وصار عضو مهم ويوم شاف الدعوه كذا راح لقسم الألعاب وحط موضوع
(اللي يوصل رقم 5 يفصخ سروال العضو اللي يبي)
والإدارة ماقصرت على طول حذفته هو وموضوعه بس للأمانه انه كان مخصص اللعبه للشباب بس >> مسوي محترم ومصدق انها لعبه زينة. لا ويقول كنت أتوقعهم يثبتون موضوعي>> والله من كبر الشرهه ..

يوم قال لي سالفته تذكرت نكتة الحوطي اللي قعد ينكت على امه وأبوه ويوم شافهم يضحكون صفق ابوه بكف>> يمون..
وجه الشبه بينهم كلهم ماودك تعطيهم وجه..

عاد أنا فكرت اني أرفع دعوى قضائية بالمحكمة ضد مبرمج برنامج من سيربح المليون وأطالبهم يعوضوني عن الحالة النفسية والإزعاجات اللي جتني بسببه ..
ياخي مشكلة لصرت مثقف>> صدق نفسه..

إلى هنا نأتي لختام الموضوع..

امنياتي لكم بالحياة السعيدة في الدارين..

اخوكم / رحمالوف ...

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه