هلا والله بمشاغبين عيوني أشتقنالكم والله(أخ منك يالنصاب ماتتوب)

على العموم ما أطول عليكم تفضلوا شوفو الموضوع

هلالية ونصراوية يتهاوشون .. النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ . . وترد الهلالية: وع على لاعبينكم القواطي مالت عليهم ... ماعندكم صاحي إلا سيزار وبدا يخرب بعد .. بعدين لو فيك خير ما لبستي عباية كتف(أبي أعرف وش دخل العبايه في السالفه) :D

أم تهاوش بنتها المراهقة: وجع إن شاء الله تغطي.. شوفي هذاك من اليوم يناظرك .. ترى والله لأعلم أبوك عليك....... :eek:

وحدة عربجية تصايح: يا حارثي يالنذل .. لا تكسّر سامي حسبي الله عليك بلا :D

وحدة تبكي قلبها متقطع وأختها تقول: خلاص يا بنت الحلال .. قسم بالله التمياط إصابته بسيطة .. شوفيه بيرجع للملعب مرة ثانية :D

حرمة كبيرة: الله يهديه أبو عبدالله ما لقى يعزم إلا اليوم .. خليت الجريش على الفرن والله يستر ما يحترق ;)

وحدة دلوعة تقول للى جنبها: لو سمحتي معك كريم واقي من الشمس؟ ما لقيت كريمي :confused:

وحدة فاضية تسئل اللى حولها: ما شفتوا عدستي الرمادية؟ طاحت الله ياخذها @@4

وحدة ثانية فاضية: من يعرف طريقة محشي ورق العنب؟ عجزت أضبطه ;)

وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟" .. طرااااخ صوت كف متعوب عليه @@3

هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك ياعسكر ياعسكري.... :confused:

وحدة بريئة: يا حبي لك يا شلهوب ياصغيرون... :eek::confused:

وحدة ما تدري وين المباراة معه: أحلى على الطول يا مفرج...

وحدة مسوّية نفسها فاهمة: يامدرب الهلال .. طلّع النزهان ودخّل بداله ادميلسون (ادملسون يلعب من البداية) وقدّم خميس قدام .. ونزّل أبو يعقوب الله يقلعك :o

وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد :D:D

ها وش رايكم

:D:D:D

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه