--------------------------------------------------------------------------------

ماهو العربجي ؟؟

بصراحة يعني يوم كنت في لوس فوقاس

قابلت أحدى المعجبين بالعرابجة ... وكان مرة متأثر وعرقة يصب

واشوف الناس يزحلقون من وراة بسبب عرقة

عاد انا لا شعوريا فكيت الغترة وافردها وارميها لة

عشان ينشف عرقه

عاد قال لي

وااز اب مان ... واي افري بودي توك اباوت مي ان باد واي ؟

عاد على حسب فهمي بالعتقليزي وفلاتتي بها راح اشرح لكم وش يقول

عاد هو يقول

وش معنى العربجة لغة واصطلاحا واين موقعها من الاعراب

عاد انا تأثرت بسواله هذا وعلمت له الاجابة

عاد انشاء الله تقرون اجابتي وتفهمون وش معنى العربجة

عاااد هاه .. لا يجيني واحد بعد الدرس هذا ولا هو فاهم .. وربي فامحطة بالعقال الين يقول امين ثمانين


العرابجة كثيرون....وهناك انواع كثيرة من العرابجه.....

فيوجد..عربجي شاطر بالدراسة...غالبا مايكون اسمه عبدالكريم....ومن القابه ابو جلمبو....او ابو صاموله..ذلك يعود لأنه يمتاز بالذكاء..

سيارته..غالبا مايفضل هذا النوع من العرابجه..السيارات الصغيره..عشان مايبلشون بالمواقف..مثلا..كورلا 94 مطيح ..مركب طياس...

وايضا ....عربجي مغزلجي..غالبا يكون اسمه شين ..يعني مثلا صندوق والا ساطور..يعني زي كذا..ولكنه عنده اسم فني يستخدمه..مثل خالدين..والا فهودي...مسوي فيها رقيق...ايه صفقني..

ويلقب غالبا ..بقاهر الدلوخه....وسيارته غالبا ماتكون ..كابرس 90 ربع تنده ...مكتوب على الطرف..خميس مشيط (هنا تظهر العصبية) ..ولو انه بالرياض.

ومن انواع العرابجه يوجد نوع اندثر..ويقال انقرضت هذه الأشكال..وهو العربجي..المتهور..وهذا النوع خطير على من حوله..لما يتمتع به من طفاقه ..جلافه ..ولو حط طاقته الكامنه في تقليع النخل كان افضل..لمزراع تهامه..ويحمل هذا النوع العديد من الصفات المتميزة..نذكر منها..تصفيقه للهندي راعي المغسله اذا لاحظ ان سروال السنه تغير لونه..

ومن الأنواع الجديده بالعرابجه..هو العربجي اللأنترنتي..وهذا النوع يتكاثر اشكاله بالتشات..وتراه يجي اسمه رومنسي و اسلوبه مهوب سهل بالتشبيك..وخفة دمه تغطي على القصبي.... هاهاها
لا داعي للصتفيق أرجوا من الجميع الجلوس
احمم احمم
ومن صفات هذا النوع..انه اذا دخل غرفة....يقز لستت الأسامي..اللي بالغرفه بالتشات..وتطيح عينه على اسم بنت رومنسي..في نظرة..مثل ..دلخه او مهبوله او خبله..او تكرونيه..يعني زي هالأسامي التي تهز كيان هذا العربجي..

مما يحتم عليه ان ينزلق عليها بالذب..ويتسلمها...الى ان تموت من الضحك..وتجيه تطامر بالوسبر( لله درك على هالأسلوب )

وليس هكذا فقط..بل كل البنات اللي بالغرفه..يجونك على كفرين يلاحقون هذا العربجي....ولكن عيبه الوحيد..انه ذابحه الثقل..نعم ..ان العربجي وخاصة مع الفتيات..يكون ثقل..ولا يعطيهن وجه الا بعد فترة

أنا أشهد أن البعض راح صلصة بدون بصل معاي

ونعني بذلك الى ان يخق ..يعني مثلا..جته وسبر وقالت له هلا عمري ..وباللون الوردي...ممايؤدي الا ان هذا العربجي..يبي يمسط من الكرسي..هذا اذا ماكان سادح الجهاز بالملحق وقاعد على مركا..

ونحذر جميع العيال من هذه الأشكال من العرابجه..لأنهم مملوحين وكل البنات يحبونهم..وهم فعلا يستاهلون..لما فيهم من وفاء وخفة دم ..وكل ما يتمناه المرء يدركه ....

سؤال وردنا من المرسل ورمز بأسمه ص 1 ن وهو اختصار لأسم صويلح ابو نشقه.. يقول: فيه..بينما كنت امشي بالشارع مسرع..وانا ملتفت يمين اناظر الفيصليه..مادريت الا اني ضاف لي اربع هنود وكملتها وصدمت صعيدي كان يقطع الشارع..فما انا فاعل ؟؟

يجيب عليه الأستاد العربجي محقان ..ويقول..ارى انك تنزل وتمحط الصعيدي بالعقال لين يعض الأرض..وتقوله ياملا المصع وراك تنسدح قدامي..

عاد محقان هذا كان هو المسأول عن المطبخ وغرفة النوم أيام دراستنا في ولاية بوطوسن


أنشاء الله أنكم فهمت

يالله نسأل الطالب هذا نشوف هل هو فاهم

قم يا أبو نواف ... علمني ماهو موقع العربجي من الاعراب

يقوم أبو نواف ببطيء شديد .. فاك اللطمة وعينة تقدح شرارا

ويقول في همسة غضب

العربجي .. فعل مضروب وعلامة رفعه الضربة الظاهرة على وجة

عاد ابو نواف هذا مجهد الاستاذ

وتروني ماهوب الاستاذ

تصفيق يا شباب

ابو نواف يقول .. وهو يمسح خشمة بطرف غترة قائلا

اقول يا أستاذ وراك ما تتلايط وتخلص درسك احسن لك

دايرك ومن دون اي تفاهم

يالله انتهى الدرس .. يالله الفسحة بدت

وأهب على ابو نواف

اول واحد مع الباب خارج ولاقط اللفة في اثنين يبي يلحق طابور

الطعميه

أنشاء الله ان الموضوع اعجبكم

طبعا الموضوع ملفق منا ومنا .. ويمين يسار

وبهذي الفرصة السعيدة أستغل هذي الفرصة الذهبية واقول

لالالالالالالالالالالالالالالالالالالالا للظلم

نعم للعرابجة

صدقوني اننا مضطهدين >> ما أدري الكلمة هذي صح ؟ذي صح ؟

منقول

_________________
اعذب كلام الحب كلمه أحبك لاقـلتها لي ياهـوى النفس باحساس

وارق كلمه ياحـبيبي بقلـبك انسى بها نفسي على طول والناس

احب تنطقها الى جيت جنبـك اربع حــروف عطـرها فـوق الانفاس

ينـتابني مـنها شعـور بـقـربـك حـــروفها عـقـد ومـنـظوم مـن ماس

أسلوبـك اللي شدنـي فـوق دربـــك يطرد عن أيامي معــك نظره الـيأس

ياخــف دمــك قلـبـي اللـي يحــبــك فـيك الحلـى يا فـاتـني مالـه قيـاس

من صادق إحساسي أحـبك وأحــبك مـن حافة اقدامـي الى هامة الـرأس

هههههههههه


يعطيكي العافية أختي


غلا ...............................(بس لاكون غلطان ) ويطلع شاب


ههههههههههههههههه


مشاركة ظريفة


أتمنى لك دوام النجاح


تحياتي


عماد الدين

_________________
[[
[

هههههههههه ايه صح مضطهدين اخبرها كذا


وحياك الله يا غلا ومشكورة على المشاركة الخفيفة


تحياتي لك ...

_________________

هههههههههههههههه
مراحب اختي غلا
زمن العرابجه ولى>>يعني راح>>يعني ذلف
ايام الشماغ>>الغتره على الكتف ولونها اصفر من النظافه>>ايه هين

ولكي تحياتي,,,
بركان ألم

هلا اختي غلا الف شكر على الموضوع الجميل

والله صادق اخوي بركان الم زمن العرابجه باح حلوه باح يعني انتهى


الف شكر عزيزتي على الموضوع





ملك الفلاش