انت منت بحبيبي، انت منت بغـلاي=انت شيٍ سكن بين الضلوع وتمكًـن
ويش اسميك مدري، بس منت بهواي=الأكيد ان اسمك في حشا الروح وطًن
ياغريب السماوه، تدري انك منـاي؟=لا تقول اش بلاني، خاطري بك تجنن
التفت يم غيرك، وانت مالك سـواي=وكلما قلت وينك، قلت كانـي تطمـن
اتحرى وصالك ، وابتديـك بجفـاي=ياخي الله يعينك، خاطري بـك تفنـن
صعب تفهم شعوري صعب تبقى معاي=كيف تبقى مع اللي كل يـوم يتلـوًن
والله انك حبيبي لو نظـرت لسمـاي=شفت غيم الحيارى في سماي يتكون
الليال اتعبتني مـا لقـت لـي دواي=والخفوق المعنى من جروحـه تكفًـن
انصحك لا تجيني وان بغيت بسـواي=روح وبدون شرهه ياحبيبـي تطمـن