بسم الله الرحمن الرحيم



ذات مسيان وبينما كنت اتصفح مجلة ( ماجد ) فاذا بي اسمع صوتاً خافتاً ..

قم قمت عصبك وتثنت ركبك

الصوت ليس بغريب كود شفتوه <=== زحلقوه هالمره

التفت خلفي واذا بها امي و الشرر يتطاير من عينيها

في هذه اللحظه ... استرجعت قواي ( الاقتصادية ) وقلت مهب معقولة امي هذا صوته

همن تذكرت اني متروش الشهر اللي راح ونسيت الـ ( بيز ) بأذني

<=== يتليف ببيز

المهم مسك اعصابي ولا رديت عليه وقلت : يا ولد خلك اعقل منه ولا تحط روحه له..

قلت مثل عيال هالوقت : هاه وش تبين مابوه الى انا بالبيت

قالت : قم طس للدكان وجب اندومي ...

قلت : والسواق وينوه ؟؟؟

قالت : عليه قل صح وحرارة وخايفتن عليه يسوق وهو تسذا !!!!

<=== حس بالقهر الممزوج الحقران

طلعت من البيت وركبت السيارة وانا غادين حول من القهر

وانا ماشي بالطريق شفت بالجهة المقابلة ابوي واقفن عند الاشارة ويتهاوش هو

ويا واحد

قلت ياولد اذا ما نفعت ابوك هالوقت متى بتنفعه .....

وقفت السيارة بنص الخط وجيتك مدبتس

وانا اركض سمعت صوت فرامل اووووووووووووووووووووووح ‍‍‍‍!!!!! طاااااااااااخخ

التفت والا سيارة مريحة موتري من ورا

غدى الموتر تقل بسكوت ابو ميزان الى غطيتوه بشاهي <==== والله من زين التشبيه

سحبت على الشايب اللي هو ابوي ورجعت للسيارة اشوف وشبه ...

نزل اللي صدمن وهو حاقد على اللي جابون ...

ركضت لموه وقلتلوه سلامات ما رد علي مسكن مع الفنيلة العلاقي ورفعن الى مستوى سطح جبهتوه ...

قال : وين ابوك يالسفلة

طبعا انا مارديت عليه مهب خوف بس الفنيلة صاحتن على جراني والقصبة الهوائية منسدة ...

يوم اني ما رديت يحسبن مشكلوه .. ومير يسويبي حركة للأمانه فكيت معه ...

رفعن فوق لدرجة اني شفت بحر الدمام <==== تكفون زحلقوه

همن ثبتن على صدره همن على ركبتوه وعلى الطاير بين الكفرين اللي ورا

جاء ابوي وهو يركض يبي يشوف وش السالفة طبعا هو ما يدري ان اللي ينفرش ولده.....

الرجال ما طاح اللي براسوه!!!!!!

مسكن مع رجليني وقعد يدوربي يدوربي همن حلتن ولاي بالاثله ...

جا لمي ابوي وهو ما يشوف وجهي من العصافير والحواقل اللي تدور فوقي ...

قعد يهش عليهن بشماغه يوم شافن ويصرخ : لعنبوا بليسك وش انت مزين ؟؟؟

انا للمرة الثانية ما حبيت احط عقلي بعقلة وقلت اصير اعقل منوه ...

كلم الرجال وتصالحوا هو وياه وانا تحت الاثله !!!

عقبه اخذن ابوي نبي نرجع للبيت ... وحنا بالطريق قلتلوه وقف خلنا نشتري اندومي ..

قال من هولوه قلت : لامي .

شرينا الاندومي ورحنا للبيت ..

دخلت على امي وشافتن ومير تصرخ : وش انت مزين وجعن يوجعك

<=== يحسبه تبي تاخذه بالحظن وتسمي عليه ...

رجعت لغرفتي اللي هي المقلط وقعدت الصق جروحي واداوي مشاعري واحاسيسي اللي مطرسهن الرجال ...

وانا متحمس مع جرح بساقي وقاعدن اقشع .. دخلت امي وقالت : قم رح عط السواق عشاوه !!!!

طبعا ما رديت عليه للسبب اللي ذكرتوه سابقا ...

اخذت الاندومي ورحت لغرفة السواق وطقيت الباب ..<=== محترم . خايفن يتمدسه السواق لو ما طق الباب ...

دخلت عليه وحطيت الاندومي على الطاولة وانا اناظرة بنظرة مليانة كره وحومة تسبد

قال هو ويا وجهوه ...

ايس فيه ؟؟

قالت : ايس فيه هاه ايس فيه لعنبو صواميل سيكلك كل الي صارلي بسبك انت واندوميك ...

قال : ما فيه كلام .. قرقر انا فيه روووووه كلام ماما

ما رديت عليه لان باين عليه واسطتوه قويه ...

رجعت لغرفتي اللي هي المقلط وقعدت اكمل مداوات مشاعري واحاسيسي الي طاحن من ولا كنستهن الشغالة ...

وسلامتكم

ولكم تحياتي,,,,

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه