حـــب وذهــــــــول

كل شيٍ فيك يجبرني اقول=لعنبو الايام والحظ الردي
كان ماخلوني اوصل لك واطول=حضنك الدافي وخدٍ موردي
يابعد عمر الشقاوي ويش اقول=وكيف نار الحظ فيني تبردي
اشتهيتك وصل واعياني الذهول=اشتهيتك حب يسري بجسدي
آآه يا الحظ الردي كيف الحلول=كلما رمت الصبر مات بيدي
عين قلبي شفتها قبلي تجول=مرةٍ تقبل ومرات تغدي
والبلا اني ما قدرت لها وصول=كلما قدمت رجلي ما اهتدي
وان بغيت ارسل لها حتى رسول=قال حظي يا رسايله اقعدي
احتبست الدمع في عيني ذبول=وانكسر بالقلب حبٍ مبعديٍ
طول عمري عشتها حب وذهول=ولين اموت ابكيك يالحظ الردي