إلى تلك الأنثى مع التحية

يا بيوت الشعر بالله اسعـــــــــفيني = اسعفي قلبن تحرك من مكانــــــــــه
حركه روعة قمر يا مـســــــــلميني = من تبين في نهـــــــــــار العيد زانه
هو دواي وداي في تالي ســـــــنيني = وهو سعادة خاطري مرهـــف ثمانه
راعي الوجه الحسن صافي الجبيني = جل من هو صوره سبحان شانـــــــه
والعيون السود كالرمح الرديــــــــني = والهدب من فوقها حراس امانــــــــه
والخدود ورود تقطف باليديـــــــــني = والشفايف شهد والريــــــــق بضمانه
ووسطها عسكر حرس متماســــكيني = او كما حبات لولو او جــــــــــــــمانه
والصدر بارز وبه رمانتيني = والخصر لاهتز كنه خيزرانه
هي سبايب علتي حــــــــلف اليميني = والدوا منها ولا احتاج اكـــــــــزخانه
وصاحبي من طيبته دايم حـــــــزيني = ما يعرف الكذب ودروب اللعانــــــــه
وصاحبي لا من مشى يا سامعــــــيني = تنبت اثاره زهور بكل خانـــــــــــــه
وصاحبي ليتي معه في كل حــــــــيني = ليتني له خال ولا من خوانــــــــــــــه
لجل اشوفه دايمن قدام عـــــــــــــيني = ولجل اضمه واتلذذ باحتضانــــــــــــه