|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
10-13-2007, 06:37 PM
| ||||
| ||||
| يــــــــالبى روحـــــــــي <<<طـــــــــــــفولتها السـلااام عليـكم .. تسييف حالكوووو..... يااعسااني مااعدم هالووجيه الطيبه اللي داخله تقرى الموضووع <<< يمديتس على الاسلووب  البزر وما ادرااك مالبزر .... مالكم بالفلسفه والكلاام الكبيرر << احلىىىىىىى ياحركتات انا اليووم بحكي لكم قصه من قصص الطفووووووووووله... 7 7 7 7 هباش _ نونو _ انا (نوده ) قااعدين بالعصرر على التلفزيون وكل واحد يقررمش شبسه المفضل ونشوف توم وجيري وبينماا نحنوو منسجموون وداخلين جو... فجأه تقطع القناه الكرتون وتجيب اعلانااات واحنا اللي ننتظر .. وننتظر .. وننتظرر ماخلصت الاعلانات خخخخخخخخخخخخ نونو: اووف خلاص خلونا نشغل الفيديو هباش : يلا وش تبوون نشغل انا : نشغل ساالي نونو : ماعندك الا ساالي انتي .. لا نبي عدنان ولينا هباش : خلاص بكره انتي تختارين وش نشغل انا : لا ماابي ماابي كل يوم بكره كل يووم ماابي اعااااااااء اعاااااااااااااااااء <<<< صوت بكائي يالبى قلبي نونو:انقلعي مو بكيفك اثنين على واحد اصلــــــــن واناابتسي لا لا لا مابي شغلووا سالي هباش : انقلعي مو بكيفك اصلا انتي منتيب اختنااا جبناك من الشاارع انا اذكر اصلا انا : لاااااااااا انا اختكم نونو : ايه صح انتي جبنااك من الشارع حتى كنتي وصخه وجهك كله تراب انا : لا لا لا انا اختكم وانا اللي اشيل عمرري واركض للحوش وامسك الزاوويه واقعد اصيح تهئ تهؤتهأ وافكر بكلام هباش ونونو واقعد اصيح وافكر مع نفسي .. نونو تحب هباش اكثرر مني وداايم تتهاوش معي وتمخش خشتي حتى اذا تهاوشت مع هباش توقف معه يمكن انا ماصيرر اختهم اصلا انا ماشبههم حتى و بينما كنتو غارقتن في نوبتن من الصيااح و تدوور هذه الافكاار الملعونه براسي وبينما انا في صرراع نفسي وجسمااني.. وااذاا بصووت امي تناديني نوووووووووده وصمخ تعااالي وجعه انا : نعم يمه امي : نوده ولعنه انتي حاارقه سجادة مجلس الحرريم انا : هاااااااااه امي : ايه اعررفتس هذا انتي اصلاا محد يحب يلعب بالكبرريت غيررك اصلا انتي منتيب بنتي داايم ترفعين ضغطي والله لاورريك .................الخ منتيب بنتي منتيب بنتي هذي اخر كلمة سمعتها من سب امي .. ياااربــــــــــــــــــــــــــــي <<< انا ميييييين بنت مين :71_71: جلست ثلاث اياام وانا اهوجس بهالساالفه انا بنت مين .. ليش اخذووني ربوني .. ليش احرموني من اهلي الصدقيين ذبحني الهمم .. صررت بس افكرر بهالسالفه .. حتى صررت ماتهاوش مع اخوني على التلفزيون حق اهلهم كيفهم وافكرر امي شلوون شكلها حلووه ولاشينه .. ابوي دب واصلع ولا معصقل وشعره طويل .. عندي اخوان ولا ماعندي ياارب يصير ماعندي عشان اشغل الفديو على كيفي ووصلت لحل وهو اني اهج من البيت ..بس وين اروح عند مين اسكن.. اذا جعت شلوون اكل ..مين يشري لي ملابس.. وفي عصررية يووم الخميس نززلت الشارع اووسع صدري حتى تذكررت سالفه عمااتي يوم انهم يطلعون اللي يتشابهون بالعائله وانا الوحيده اللي ماقلوا لي شبيه ميرر ازين اني ماطلعت اشبههم هالشيون وانا قااعده افكرر وعيووني تدمع  نوده وش فيييك قوومي نلعب بالسيكل << ولد جيررانا ناصر انا : نصور مابي العب اترركني ناصر : ليه وشبتس انا والدموع بعيوني : نصوور ترا اللي بهالبيت مهم اهلي ناصر : شلوون تسذا الا اهلتس هباش داايم يقوولي لاتطق اختي انا : يااغبي هم مايدرون بس امي وابووي يدرون ناصرر : طيب روحي دووري اهلتس انا : وين القاهم ..؟؟ ناصر : ماعليتس تلقينهم زي بشارر يوم يلقى امه تلقين اهلتس بس لازم تصيرين قوويه << متاثر بقووه هالكمخه نويصرر انا : طيب بس انا ماعرف ادور شلوون ناصر : تعاالي بيتنا أقعدي بالملحق عندي <<<< منـــــعوون  انا : طيب اجل اصبرر باطلع اجيب ملابسي واشياائي واجي .. اخذت ملابسي الحلووه والشينه تركتها.. واخذت مخدتي .. ودفتر تلوين والواني .. وحصالتي اللي فيها خمس ريال وثلاث قروش .. وقبل اطلع اخذت اقلام هبااشوه ونونو وبريتهاا كلهاا بالبرايه عاد هذي عقددتي وانا صغيرره كنت داايم امسك اقلامهم وابريهاا الين تصيرر صغييييييييييره ويروحون يعلمون امي عاد هم كانوا يدرسوون وانا عطلجيه ورقيت السطح ورميتهاا على سطح نويصرر عشاان لاحد يشوفني شاايله بقشتي ويشك نزلت الشاارع ورحت مع نويصرر وقعدنا نلف بالحارات عشاان ندوور اهلي رجعنا المغرب بيتهم ودخلني الملحق .. 7 7 7 7 انا : نويصررررر وش هالمكان الوصخ وووع نويصرر : لازم تتحملين عشاان تلقين اهلتس ناصر : نوده ودي اسالك سؤال بس تقولين الصدق لا تكذبين :71_71: انا : لا والله ماكذب وشوو ناصر : انتي اذا كبررتي من ودك تتزوجين انا : انا ماابي اتزوج انتم العياال وع تطقوون البناات ناصر : ياغبيه اذا كبرنا مانطق بعض بس الحين انا : الا ابووي يطق امي  ناصر : انا اذا كبررت تدررين مين بتزوج ؟؟ انا : ميييييييييين ناصر : انتــــــــــــــــي انا : خلااص بس ماتطقن اذا تزوجنااا ناصر : لا ماطقتس بس اذا ماسوويتي غداء يعجبني اطقتس << يالليـــل البزرنه واهلي حالتهم حااله ابوي بلغ الشرطه والجيرران شايلين هم وانا ونويصرر بعالم ثااني .. وهو منعوون قاعد يقوولي ولا يهمتس اذا مالقينا اهلتس بتجلسين بالملحق الين نكبر واتزوجك .. وبعد مامرت ثلاث اياام بلياليهن واهلي حالتهم حااله ونويصرر ماغيرر يزرف من مطبخهم ويذعفن .. في فجر اليوم الرابع .. طلعت مع نويصرر بالعباايه ندوور اهلي على قولته على فكره كناا من زود الدلاخه ندق الجررس على الناس ونسالهم عندكم بنت ضايعه تشبهني قعدناا ندرعم بذا الحارات الين وصلناا اماكن ماعمرنا شفناها ونويصرر حتى قاال منيب عارف ارجع الين جا الظهر ..و جاالعصر .. ولاحنا عارفين نرجع وقعدنا نمشي ونمشي الين وصلنا شارع عام .. المهم جلسنا على الرصيف من كثر ماتعبنا وانا ودي اتوطى ببطن نويصرر هو اللي وهقني واحنا جالسين جا شاايب يفتح بقالته اللي كانت قدامنا .. عاد هو بس شايب بس رزه المهم مرت خمس دقاايق وهو يناظرناا جالسين على الرصيف ونصيح بس بصووت واطي ياحبــي لناا وجاالشايب لمنا: وش فيكم ليه تصيحوون ؟؟ انا : انا انا طلعت ادوور اهلي وضعت الشايب : ليه يابنيتي وينهم اهلك انتي ضعتي منهم ؟ انا : لا بس انا عايشه مع ناس مهم اهلي وانا ابي اهلي الصدقيين الشايب : لاحووول ولاقوة الابالله .. ويناظر ناصر وانتي ياولدي اخوها ناصر : لااا بس انا صديقهاا وبدور اهلهاا معها << حلوه صديـــــقها وهو اللي يدخلنا واحنا متقطعين من الصياح ويعطينا بسكوت ابو ولد وسن توب << الا على طاري السن تووب ماتلاحظون ان الجالكسي متغيير طعمه ؟؟ تتوقعوون الدنماركين لهم علاقه بالموضوع؟؟ وقاال لنا الشايب يلا تعالوا معي اوديكم لاهلكم ورحنا معه ..طلع النذل ماخذنا للشرطه خخخخخخخخ ووصلنا لقسم الشرطه وسالونا عن اساميناعاد احنا خررينا السالفه كلها قلنا اني بملحقهم وقلنا كل شي من زود الدلاخه المهم مامرت نص ساعه الا وابووي وابوو ناصر بالقسم عاد ابونويصر قاعد يصفقه بالشاارع خخخخخخخخ ابووي كان سااكت طووول الطرريق ماقاالي ولا كلمه وانا اقوول ياحلليله ابووي خاايف علي حررام يمكن هو ابووي بس ان امي مهب امي ونرجع البيت الا أمي واخواني يصييحون  انا : تصيحوون علي طيب ليش تقوولون انتي منتيب اختنا وانتي يمه ليش تقولين انتي منتيب بنتي..وامي اللي تمسكني وتخمنييييي انا بذيك اللحظه ندمت قلت حررام والله شكلها امي صـــــــــــــدق في هذه الحظات الشاعريه والمؤثره شيئوون ماسحبني مع كشتي ابووي : هذي اخرتها يانووده واحد مايسووي يعلمني شلون انتبه لبناتي انا : يببببببببببه اصلا كله من هباش ونونو هم اللي قالوا لي منتيب اختنا اطلعي من البيت اعااااااااء اعااااااااااااء ومن ذاك الوقت واهلي قاطعين علاقتهم باهل نااصر وصاارت هوشاات بينهم بسببنا حتى ماافي امل نتزوج انا ونويصرر .... ملحووظه : نويصر لو قريت هالموضوع بالصدفه وتذكرت نوده بنت جيرانكم ترى انا الى الحين احتريك واذا ماعليك امر ترى مخدتي ودفتري والواني عندكم بالمحلق جيبهم معك اذا جيبت تخطب ..ســــــــــــــــــــــــلام
_________________  |
|
10-13-2007, 06:43 PM
| ||||
| ||||
| رد: يــــــــالبى روحـــــــــي <<<طـــــــــــــفولتها ههههههههههههههههههههههههههههه مشكووووووووووره
_________________  |
|
10-13-2007, 06:53 PM
| ||||
| ||||
| رد: يــــــــالبى روحـــــــــي <<<طـــــــــــــفولتها ههههههههههههههههههههه هههههههههههههههههههه يسلموووووووو |
|
10-13-2007, 07:13 PM
| ||||
| ||||
| رد: يــــــــالبى روحـــــــــي <<<طـــــــــــــفولتها نوووووووووووووده هذا انتي يالصياحه انا نويصر حبيبك هههههههههههه واذا تبين تتأكدين بالاماره انتي سنونك مكسره انا صاكك على خشتك بقدر امك يوم كنا نلعب في مطبخكم ههههههههههههه واذا تبين اثبتلك اكثر انتي حولا صح خابره يوم كنت عندكم في البيت وكان ابوكي جالس معنا انا واخوك هباش المتوحش يوم انكم تهاوشتو علي باقي السف اب اللي كان معي وعطيتكم اياه<<<<<< ياكريم. وقتها انتي صكيتي ابوك بالريموت وكنت تبينه يجي في اخوكي هباش خلااااااااااااااص اخير لقيت حب حياتي بكره ان شاء الله ابجيكم البيت واخطبك من ابوك يلا افرحي وانبسطي لانك لو ماخطبتك انا والله لاتعنيسين اجل منهو اللي يرضي بوحده سنونها مكسره لا حولا بعد هههههههههههههههههههههه لكن الشكوى لله تورطت معك يوم كنت صغير ولعبتي على وخليتيني احبك وقولي لابوكي نويصر ماعنده مهر مهره المصاريف اللي يبي يصرفها على في المستشفيات لترميم خشتي هههههههههههه |
|
10-13-2007, 07:29 PM
| ||||
| ||||
| رد: يــــــــالبى روحـــــــــي <<<طـــــــــــــفولتها ماشاء الله ***********************************
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
