أسعد الله صبحي اللي فيه عشت الزلزلة=والعواصف والرعــود والبراكين بسببك
آه ياصبح لمحتك فيه بان عشق من أوله=صبح عشقاً أربك الخافق وعقلي ارتبك
من عيوني شافت عيونك تعلمت الوله=أشهد انه يعشق التعذيب من جاك وقربك
يالغرام الغض ياروح الهوىيامد لـله=وش أبوصف فيك حسنك أوجمالك أوأدبك
من لمحت عيونك اللي ناعسة ومكحلة=ضعت من فتنة عيونك والدلال اللي بهدبك
يالشريفــه يالعـفـيـفـه يالغلا يامبـجله=يالــوفيه يالنـقـيـه عــز من زينك وهـبــك
أشهد انك من ظهر شيخ رفيع المنزله=ليت من صافح يمينه وسأله عنك وخطبك
آه ياسنيناً مض(ن) لي قبل عرفك مهمله=آه ياقلــبي رحمتك في عــناك ومن تعـبك
تكفى لاتبعد تراني بعــدكم مااتحـمله=لو تشب العين شمعه والحنايا هي حطبك
لوتبي روحي وقلبي ماأهونك يالمسأله=خذ حياتي فدوةً لك بس أحقق لك طلبك