اذلف تقلع مالك بداخلي بيت

(أبليس يومني نخيته لقيته
ولانت يا ابن الكلب عني تخليت)
هدمت قصرن في داخلي لك بنيته
اذلف تقلع مالك بداخلي بيت
غلطان لا تحسب ذراعي لويته
ولا تحسبنك غالي لا تغليت





لا وداعيه ولاهم يحزنون
قط لي كل الرسايل وانصرف
كيف خان وهو حالف مايخون
وين عهده ؟! وين كلمات الشرف ؟!
كل شي عقب محبوبي يهون
واستوى عندي والترف



ياليتني دمعة فراق وتبخرت
لا احساس لا وجدان لا قلب يصيح



الله من واحد ياسعود لعبو به
خلوه عقب الشرف يمشي وهو حافي
ياسعود سود الظماير يالله التوبه
اخطر من الحية اللي سمها صافي
وان كان ماجيت في شفه ومطلوبه
ذاك الغلا راح سفساف مع السافي



تكذب وتحلف ومن باب إنك الواضح
وتتوقع إنك بعد هذا بتقنعني
وش ذنبي إن كان حظك دايم طايح
كل شي فيني عن مواصلك يمنعني
بانت حقيقة غلاك ولاني مسامح
ووخر عيونك شوي...ولاتطالعني
فهمتك من أول أنك منت لي صالح
وحتى وأنا أجرحك قلت الجرح ينفعني



أنا ماطحت من عين المواجع يوم أنا مـكسور
أنا من كثر مافيني مواجع طحت من عيني




يعني اعطيك الثقه وتردها بلوي الذراع؟!
ياااخي ماشاء الله عليك ابدعت في رد الجميل



غيبتي طالت ولاهمك جفاي ?
وكنت عايش في أمل تسأل علي
من غلاك أحسبك عايش في رجاي
وأنت ماهمك ولو طال زعلي
فوق هذا والخطاء ماهو خطاي
كيف أجيك وأقول حقك علي ?
انت مالك ذنب هذا من غباي
ناسيني وأحسبك تتغلى علي




زمان ما هو زمان جندل وابوذر
ولا صهيب ولا البرا وبو دجانه
زمان فيه الغدر والذل والشر
((اهــل)) الزمان والا الزمن على حاله




مادام عند القريب آشوف نفسي بعيد
مالي ومال البروق ولو صدق نوّها
مايجلي الهمّ والغربال بيت القصيد
لاشك الابيات تـُـطرب لارحل جوّها
العمر ينقص ولكن التجارب تزيد
وعدّلت مرّ الليال بطعم محلوّها
اصبحت بين الحلو والمرّ ساعي بريد
والصخره اللي على قلبي مهي توّها




أنا ماني على قيد الحَيَاة اللي على قيدك
أنا قيدي حَيَاة ٍ لا اسْتَرحت ابْهَا بديت أتْعَب
مواعِيد الوصل في يْديك يامَا أكذب مواعِيدك
وأنا لو إني أفهم بعض كِذبك..قلت لك تكذب!
أَشبّهك بصباحي ..مغربي ياصعب تحديدك
مادامك شَمس تَطلع في سمَايَه ما لها مَغـْرِب!
أحبك من شتاي اللي تَرَمّد في مواقِيدك
وعُمْر ٍ ولّعَت كَفْ الليَالي نَار بِه..واشتَب!




تعبت أنزف جراحي حبر وأدور للألم أسباب
لجل أكتب شعر يحكي بعض أصغـر معاناتي
قفلت من الأسى بابي وسجنت الكون خلف الباب
وعصتني دمعةٍ فيهـا سؤال لكل اجاباتي
ملل أخبار حسّادي أحد صادق وأحد كذاب
وأحد ما طال تجريحي وأحـد عايش لزلاتي
(عبد الرحمن بن مساعد)




يا صاحبي على العطا من جبرني
اقدر على التطنيش و اخسرك واغيب
لاشك اصلي بالرجوله امرني
ما همني من ياخذ المدح ويجيب
بروح وأن ضاق الزمن افتكرني
لا شان وجهك ولفحتك اللواهيب
بتقول هذا بالوجيه اختصرني
وجهٍ كفاني شر ناسٍ من العيب



للقائمة روح وأبحث لين تلقاني
وأضغط على الزر الأخضر ثمّ كلمني
أريد صوتك مهو لأجلي ومنشاني
لأجل الغلا اللي من أغلا النوم حارمني
يامحمد الفين صدقاني وخلاني
ولافيه واحد من الالفين فاهمني
اعامل اقصى خوي عدّة من اخواني
وانا ادري بعد يومين صادمني
مدري ..? هو اني مااعرف اختار صدقاني
او إن بي عيب خافيني وضايمني