((مثل يا فاهمين التمــاثيل))
هذا مثل يا فاهمين التمــاثيل كل يجي شعره بحسب اقتداره
من عاش ينظر بالسنين المقابيل يذوق من عقب البرودة حرارة
الطيب يخلق مع قلوب الرجاجيل ما هوب في بنك التجارة تجاره
والرزق عند الوالي بالتساهيل ما هوب بالقوة و لا بالشطارة
من عاش في حيله وكذب وتهاويل يا سرع من عقب الطلوع انحداره
والشور ما ينفع قلوب المهابيل كالزند وان حرك تطاير شراره
لو تامره بالعدل يعرض عن الميل بستل على رايه بربح و خسارة
والطبع ما ينزال غيره بتبديل مثل الجدي مرساه ليله نهاره
والحنظله لو هي على شاطي النيل زادت مرارتها القديمة مرارة
هذا مثل يا فاهمين التماثيل كل يجي شعره بحسب اقتداره
الشاعر عبد الله اللويحان(جريدة الجزيرة)

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي