السلام عليكم ورحمة الله وبركاته
اما بعد :
انا عندي قصه واقعيه حصلت معي وانا في احضان الوالد والوالده في البر والغريب في الموضوع اني كان فيني طبع حضري شلون مدري يعني ما اقعد على الرمل جايب كنب من الديره وما اروح العب مع البزارين يعنني ثقيل ههههه وكل ماحلب ابوي من البعيره ازوع وتندبل تسبدي يعني مره مره ماحب البران والسوالف هذي ومرة من المراريت وانا قاعد على الكنبايه جتني عصفورايه قالتلي الحق صخلتكم طاحت بالبير ( البئر) قلت يافرقا وين ذا البير قالت العصفوره امش معايه انا اوديك لها ورحت معاها كان الوقت في حزة الغروب وكان الظلام دامس (ههههههههههههه حلوه في حزة الغروب والظلام دامس بس اسلوب انا ولا شرايكم توني اكتشف هالاسلوب هههه) المهم وانا امشي ورا العصفوره اسمع صوت ورايه يقول وين رايح بصوووت يخرع عاد انا حضري مثل ماتعرفون واقول يامامي وش ذي البلوووه وفي غفلة من الزمن واذا بالعصفور يتوارى عن الانظار وبدأ جسمي بالرجفه اللي من عقبها صار القلب بالكعب @@4 وانا انادي ياعصفووووور الله يرجك وين رحت وخليتني وانا اسمع صوت الصخله الصغيره ومن الفرحه رجع قلبي لمكانه وانا لك افزع مع الصخله واطالع بالبير بس ما اشوف شي الا مادريت الا باللي صقع بوجهي وانا لك انقلب سبع قلبات (ههههه فلم هندي ) واطالع والا العصفووور اللي كان معي انقلب صار خفاش ( فلم هندي حجري من ايام تاجا وطقته هههه) والصخله تصيح وتقووول بك بك بك بكييييك قلت لا حول ولا قوة الا بالله وش ذي الصخله المهبوله قلت ياربي وش اسوي الحين علشان اطلعها المشكله بالبر ومافيه شي وانا اقعد عند البير وافكر وافكر وافكر وقامت تطلع على راسي لمبااات وعليهن علامة استفهام الوكاد وانا افكر جان القى حل (امحق حل الحين بتقرونه ههههه) قلت على حسب نظرية دارووين ان الارض تسير في الفضاء من غير رب وهذه نظرية لا يمكن التصديق والايمان بها ولكن بنظرية نيوتن بالجاذبيه قلت ياولد جيب ماء وصبه على التراب وخله على شكل عصا طويله علشان بكرا بالشمس يصير يابس وتسحب الصخله الوكاد عجبتني الفكره بس لابد لكل فكره ان تكون هناك مشاكل ومن المشاكل التي واجهتني في هذه الرحله هو قلة الماء او بالاصح مافيه ماء وجلست مره ثانيه افكر وافكر والعصفور قاعد يطالع اللمبه اذا ولعت قام يصفق هههههه وهي لك تولع هاللمبه هو يصفق العصفور قلت مافيه غيرك ينقذ هالصخله قالي وشلون قلت تروح للبير وتعبي فمك ماء وتجيبه وتصبه على التراب وحنا نشتغل بهالشغله لما طلع الصبح والعصفور تعب المسكين وحنا نسوي العصا الترابي ونخليه بالشمس لما جا وقت الظهر علشان بهالوقت تكون الشمس عاموديه كما قال بطاح من بطيّح البطاطيحي ويكون العصا الترابي في قمة تماسكه ولما جا الظهر وحنا نتعاون انا والعصفور على العصا وحنا ننزله بالبير عاد من ذكائي انا والعصفور نسينا ان العصا الترابي يخرب اذا جاه ماء ههههههههه وفشلت الخطه واللي عايش بهاللحظه العصفور متى مابقا ماء شرب وطلع والصخله تشرب بس قاعده بارضها وانا مسكييين وحزين عطشان وودي اطلع هالصخله المهم قعدت افكر قلت مالي الا اخلي العصفور يروح يدور على احد يساعدنا عاد انا مو دليله بالبران راح العصفور وانا قعدت اونس الصخله نسولف انا وياها عن ايام الطفوله وعن طموحاتنا المستقبليه قالتي وش ودك تصير اذا تخرجت من الثانويه قلتلها انا الاهل مخيريني بين وظيفتين وانا بختار وحده قالتلي وش هن قلت الاولى الله الله على الوناسه والشغل الطيب فيها بس الراتب مهو بمغري والثانيه تنبأ بضيقة الخلق والتكتيم طول الدوام بس هالمعاش اللي يرفع الراس بس هالتخصص هذا نادر وما اعتقد انه موجود بالوطن العربي بس ان شاء الله راح يحطونه علشان اذا توكلت على الله ابي ادخله لانه بصراحه عاجب الاهل قالت لي الصخله طيب وش هن قلت الاولى ياطويلة العمر (قالت لي طويل العمر ابليس وانا اتنح هههههه) قلت هي بواب عماره والثانيه مسلك مجاري قلت لها ايهن احسن وانا اعطيها ذيك الغمزه مع تحريك القذله الى اليمين بزاوية تسعين درجه (عاد انا امزح عليها بس نبي نضيع وقت ) وهي لك تطلع الفصفص وقالت انت يبيلك قعده ياوليدي قالت وش رايك تصير طيار ولا طبيب وقعدت تنصحني وانا كل تفكيري بهالفصفص اللي ماعطتني منه وبأخر شي عطتني منه المهم ماقدرت علي وانا مصمم على هالوظيفتين قالت تصطفل منك لووه ( هههههه طلعت ابظاي هههههه)وانا عيوني قمات اتلاقط من علامات التعجب اللي ماليه وجهي الزبده شكلي طولت عليكم ماعليش اول مره اكتب قصه بحياتي هههه خلوني استانس المهم جا العصفور ومعه وايت وبهالوايت واحد سوداني شلون العصفور فهم السوداني مدري الوكاااد اول ماجا سلم وانا اسلم عليه وهو يطلع الشاي والقهوه وحلف اني اتقهوى والصخله تقول مياو مياو النجده انقذوني والسوداني يقول آآآآآآآآآي دقيقه يازول داير ليك ياعم المهم وهو يطلع السلم من الوايت وهو ينزله بالبير وانا انزل لما نزلت هو يسحب السلم وقعد يضحك ويقووول آآآآآآي ليش بيقولو السوداني غبي آآآآآي مابيفهمووش واللهي آآآآآي وهي تطقني العبره وانا اصيح ابي ابوي ! ابي امي ! ابي زوجي ! ماني قادره وااااي وهو يضحك السوداني ضحكته الشريره مثل شرحبيل اللي بالسنافر سبحان الله بجيت سوبرمان هو يجي من ورا السوداني وهو يشوته هو يصبخ راسه عند رجلي قلت امش يالرميه الساحقه ههههه الضربه السريعه للكابتن ماجد هههههههه وهو يجي سوبرمان وهو يرفعني وانا والصخله ويطلعنا ويخلي السوداني بالبير وحنا نرووح لبيت الشعر وانا اقصد( آه وويلاه من سوداني ظلوم *** بعد مانا وصختلي بالبير بالمقلوب )
وطلعت الصخله هذي لخوي وانا مدري عنها عاد انا تعلقت بها لانه بيني وبينها خبز وملح (خخخخخ امحق خبز وملح ) وابوي يهاوشني ويعطي الصخله اخوي وانا اعصب وازعل واطلع من البيت زعلان واروح للبير وانا القى السوداني وحنا نطيحله سوالف ( ماراح اقول السوالف لاني ابي اروح اتعشا وشكلي كثرت عليكم من الكلام اللي ماله داعي ههههه)
المهم هي تجي الصخله للبير شلون درت مدري الوكاااد حنا نطلع السوداني من البير ونعيش انا والصخله والعصفور والسوداني حياه هنيئه الى ان توفت الصخله والسوداني في حادث شنيع ومؤسف في نفس الوقت ما راح اقوله علشان ما تطقني العبره وبقيت انا والعصفور وقالي رح ادرس بالديره وتعلم والحمدالله انا الحين جامعي طمووح في كلية الهندسه ههههه يعني مهندس مشاغب مبتدئ وخير الكلام ماقل مادل هههههههههههههههههههههههههههههه وش عقبه هههههههههه يالله اكلووو العشااا عني مع تحياتي لجميع الاعضاء بالمنتدى والسلام عليكم ورحمة الله وبركاته


ALjockey

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه