تاريخ اليوم: بعد الجمعه بيوم وقبل الخميس بيومين..:confused:
الوقت: الصبح بعد المغرب على طول في نص الليل ..:confused:

الحادثه:
رحت محل للكمبيوترات عشان اشتري شي من هناك .... وانا جالس اكاسر الرجال في السعر ..
خش واحد من طقت ..ياااااااااوك ... وشايل شاشه حقت جهاز ... انا قلت في نفسي يمكن خربانه..
الرجال حط الشاشه وقال لصاحب المحل: الكمبريتي حقي خربان ما ادري ايش فيه؟؟
هوا قال كده ... وصاحب المحل لقي مكاني غبار ...
خرجت من المحل وانا اجري ...اجري ...اجري ...لين صدمت في جدر ...بس الحمد لله الجدار بخير .
صاحبنا قصدو على الشاشه انها الكمبيوتر ....لا ..وقال كمبريتي ..@@4

---------------------------------------------------------
تاريخ اليوم: قبل الربوع في نهايه الويك اند..:confused:
الوقت: الشاعه 6 الظهر قبل المغرب..:confused:

الحادثه:
كنت العب اسكيت في البحر ... ومعايا قروب .. ومع الحماس جالسين نسوي حركات و اشياء حلوه بالاسكيت...
طبعا الجلسات على البحر اللي هنا تجنن ..ايش علب بيبسي ..وايش اكياس بيك ..و...و....الع.هي الع ولا الخ ؟؟
anyway .. مرينا من جنب شباب كانو جالسين على الرصيف.. ولمن شافونا قام واحد منهم وقال: يا الحبيب ممكن سؤال؟؟
واحد من اصحابي قال: عادي ...اسأل...
قال: هذي اللي تلعبونها..(قصدو على الإسكيت) ....بالبنزين ولا بالحجار(البطاريات)..؟؟؟
أنا::eek:
صاحبي::confused:
الولد اللي سأل::p
فار كان هناك: :mad:
صاحبي قال للولد :لا هذي الاسكيت يشتغل بالطحينه...
طبعاً السؤال يدل على صاحبو .....

------------------------------------------------------------------
تاريخ اليوم: يوم الخميس الموافق الجمعه بعد العيد..:confused:
الوقت: صباح اليوم اللي كان بعد المغرب..:confused:

الحادثه:
مره كنت واقف في اشاره ...( لا يروح بالكم اني ابيع مويه) ...بالسياره ..
وكانت قدامي سياره فخمه ...واللي جنبها...فحمه...
anyway.. انا انتبهت انو في شي مو مزبوط بين السيارتين...
شويه شفت الرجال اللي في السياره الفخمه ...نزل منها ..
والثاني كمان نزل من سيارتو....
..
..
..
..
..
راحو الإثنين ماسكين في بعض وهاتك يا ضرب .....قاعدين يتضاربو ..ما ادري ليش ..@@3
أنا شفت الناس اتلمو ... اتلميت معاهم ... طلع اللي في السياره الفخمه ...واحد من VIP والثاني ...مسكين من ال VUG.. اوه يعني لازم اشرحها ..( very under ground)..
ال VIP طالع فوق الVUG وشغال بكس على كف على كوع على ركبه ..و...و....
والثاني شغال ...يصد البكس هذا ...والكف الثاني يجي فيه ..والركبه تكون قويه .. وعينو تدمع ...
لين جا العسكري ... راح الVIP قال: هوا اللي مد يدو في الأول ...
الVUG قال: انا مافي ضرب هوا ...
وقال جمله خلاني ...اركب سيارتي وابكي من القهر (لاحد يصدق...) ...تعرفو ايش قال.؟؟

قال الVUG للعسكري: والله ...هوا مافي سب انا ...هوا ضرب على طول ...كيف هدا؟؟؟:mad:
مسكين الVUG..كان مستني السب في البدايه وبعدين الضرب...
وقال في الأخير : خرميييييييييييييييييييييييييش....(الين دحين ما اعرف معناها ..)..:confused:

------------------------------------------------------------------------
كوكوكوكو....كوكوكو.....كوكوكو.....مياااااااااااو .....بلق.... كومياااو...كوميااااااو(بسه مع ديك)..

التكمله بعدين ....دحين دخل الفجر ..وشهرريالات تبغا تنام...
وانا كمان ....@@2


يالله ....



اشوفكم على خير ....:cool:

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه