 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
10-21-2007
| ||||
| ||||
 قنبلة موقوته ,,,, بسم الله الرحمن الرحيم السلام عليكم ورحمة الله وبركاااته .................. هذي قنبلة كانت تنفجر مرارا وتكرارا معي ولمن هم على شاكلتي ايضا لربما انفجرت معهم ايضا مرارا وتكرار .............. لنعود للوراء قليلا أيام زمان ادري الموضوع رااح يجلس معي سااعة للتاليف والاخراج واعتذر مقدما اذا ظهر بصورة غير حسنه وايضا اعتذر انني قمت بانزاله وانا غاضب لان القنبلة لازال صوتها يدوي آذاني قبل مائة عام حياة البدو يالله كانت بسيطه جدا ورائعه من وجهة نظري اذا بلغ الشاب زوجوه فورا اذا كانت هناك أمرأة لان النساء كانت لديهم على حسب الرواة قليلات جدا حتى ان الارملة لاتلبث الا ان تتزوج كانت ظروفهم المعيشيه جدا صعبه وكانت تتسم بالبساطة ايضا لاتكلف ولا هم يحزنون مو زي وضعنا الآن اللي بسببنا نحن نعيب زماننا والعيب فينا&&& ومالزماننا عيبا سوانا الاولاد زمان متى مابلغ 12 سنه وقربها الا ويخرج لرعي الابل او الغنم ويساااعد والديه بامور منزلهم البسيط بيت شعر  وكانت ماشاءالله صحتهم لا اله الا الله توب ومهر الزواج قطيبة واشياء بسيطه واهم مافي الأمر انه لايجوع يعني اذا كان قادر يآكل ويشرب مافيه اي مانع من الزواج ادري بتقولون قنبلة أبحر في قلمي ( خالد ) وش رااح تكون ماتتخيلون كيف رااح تكون بس اتسلسل بأفكاري عشان تعذروني تزوج البدوي والزوجه اعمالها كثيرة جدا من يوم تصبح الين تمسي وهي تعمل يا تحطب يا تخض اللبن يا تسووي أقط يا تسووي سدو من صوووف الحيوانات  المهم قائمة بأعمال منزلها لا كلل ولاتعب نجي لتربية الاولاد بسيطه جدا يجلس عند ابوه يسمع ويتعلم حبه حبه يعني مع الرجال أو يعمل اعمال هو مكلف بها كما ذكرت سالفا يعني يطلب نااقة يدوج فيها او فرس ابوه يطمر عليها ويهيم بالخلاء ماسمعنا فيها أبد او ياترى يبي جوال كاميرا وجيل ثالث الآن بدأ العضو أبحر يقارن فلازم تركزون  يعني بأختصار شديد الرجال ايام اول أطلق منا اشناب وأبحر اول شخص فيكم يعترف بالهشي ليش؟ يعني فاااارضين سيطرتهم على الوضع كامل مافيه المره لا تلف ولا تدور ولا قالت ماني خاضه اللبن بالصميل( ترى بعض اللالفاظ ممكن البعض لايعرفها يستعين بصديق) ولا هي بقااايله جب لي حبشيه ولا عبده تشتغل محلي وانا اتربع بالبيت ولا تقول البنت يبه ما أبي هذا والا انا ابي دكتور والا ضابط,,,,,,الخ تسكت ابوها ادرى بمصلحتها ادري بتقولون هات الزبده يا خالد اقول خلوا افكاركم متراابطه معاااي حبه حبه وتعرفون وش القنبله التي انفجرت ..................... لمحه سريعه عن الماااضي نجي للوقت الحااضر كم عازب زي حلاااتي وصل لعمر 28 سنه ماتزوج وكم عازبة تعدت 25 سنه ماتزوجت ............. أنا موظف من ثمان سنوات ماقدرت اجمع ستين الف ريال ليه انا مسررف لا حشى والله اللي يعلم بس اوضاعنا سيئه وأدري من زمان بالهشي بس متلااايط على شحم خالد ولايبي ينكب روحه ويش يقول ويش يخلي انتم عارفين كم مهر البنت بصرااحه وتكاليف الزواااج اذا انت متوسط ممكن تكاليف الزواج يبيلك مائة الف ريال هذا انا انت مهر اربعين الف وشقة وتاثيث وشهر عسل اللي نكب عفشنا الموووضه الجديده ................. لا وقبل كل هذا اذا خطبت ممكن تنرفض لا والموضه الجديده عندنا يالشباب البنات وين تلقى وحده بتقوووم بأمور بيتها دون كلل أو ملل المشكله اذا خطبت اول شي يبلغونك فيه اهلها ترى بنتنا ماتعرف تطبخ ولازم تخليها تكمل درااسة << تبي دكتورااه ولا ممكن تلتفت فيك اصلا هذا اذا الله رزقك بوحده فيها ذا المواصفات فحب يدك مقبوله << هذا كلام المتزوجين بأنفسهم لا ويقولون ترى العزوبية ارحم مليون مره من الزواج ليه يارجال يابن الحلال غثى من يوم تصبح الين تمسي وانت مثل البرميل رح تعال ود جيب هذا وخرابيط هبالنا الا يام هذي .............. وش فيك ياأبحر وش الموضوع طلعت للحلاق بعد العصر مع واحد من الاصدقاء بالخبر وقال لي ياخالد وضعنا متدهور الين متى واحنا على ذا الحال ماتبي نتزوج ضحكت من قلب قلت انا بودي مسيار ارحم مليوون مره سألت الحلاق قلت كم عمرك قال 21سنه وقلت متى ناوي تتزوج قال انا متزوج وينسفك وجهي قلت كيف قال من ثمان شهور تزوجت وقلت الآن وين زوجتك قال في بيت ابوي تخدمهم قلت بنفسي وين الخليجيات من هالكلام<< ما ابي احدد دوله معينه واللبيب بالاشارة يفهم قلت كم كلفك الزواج قال عشرة الآف ريال ........... فكروا ياناس مع خالد لو كل زواج عندنا بيكلف عشر الآف ريال بنلقى حالات ترقيم ومغازل وهبال ......الخ ......... انا عن نفسي اقولكم والله وربي شاهد علي لو هذي تكلفت الزواج ولقيت المراة المناسبة لاتزوج باكر ....... طبعا لا انكر ان آثار رفض الاجازة صباح هذا اليوم أثر علي جدا قلت السفر هو متنفسي الوحيد ومنعونا منه .......... هل تعتقدووون ان الزواج يساعد على الاستقرار النفسي والمادي والعاطفي << نعم بكل تأكيد طيب اذا العزوبية مرتفعه لدينا كيف يصبح مجتمعنا بشكل عام مستقر خوذوا مثل منتخب كرة قدم يتكون طاقم اللاعبين من 22لاعب اساسي واحتياط اذا كان المنتخب اعد جيدا هل سينجح ومستقر من جميع الجوانب ام لا هذا هو مجتمعنا الآن من المتسبب بالازمه او بالاصح من قام بتفجير قنابله بنا اسباب تراكمت مع مرور الزمن والذي يعاااني انا وانت وانتي ........... واعترف انني اهرب من هذا الواااقع بطرق خاطئه ولكن هل لي ذنب .............. الى الملك عبدالله بن عبدالعزيز حفظه الله القي الينا نظرة ودعك من مشروع جامعة البحر الاحمر قليلا فهناك ماهو اهم من ذلك بكثير اسعفنا الشباب والشابات العازبين نحن قنابل موقوته تنفجر ثم تركد ثم تنفجر ثم تعود.......على هذا السيناريو كيف تريد النهضه ومنا من يبلغ 30 من عمره لم يقدر على الزواااج واذا رجعنا الى ازمة المساكن فلها دورا كبير ايضا واذا دققنا بغلاء المهور فله ايضا دورا كبير واذا فكرنا بمزاجية الفتاة والشاب فلها ايضا دور و......الخ من اسباب اخرى فأنت ولي الامر وانت الراعي ونحن الرعيه وضعنا متدهور جدا واذا لم تجد حلا فاتمنى ان تكون ظاهرة انتشار الخيام منتشره لتكون ملاذ لللسكن فهي بقيمة الف وخمسائة ريال وليس هناك ىجار سنوي يقص الظهر من يقرأ بين السطور يعرف ماذا اقصد ......... بقية الحديث اليكم هل عرفتم ماهي القنابل التي تنفجر من حينا لآخر تقبلوا مرور ابحر في قلمي
_________________ \ \  \ \ ايه الموت لاتحاول الإقترآب مني فلم تكتمل على وجهي بعد تفاصيل ابتسامتي هناك خطوات تنتظر أقدامي وفي الأعلى احلآم تشتاق لأيامي . . \ بقلم خالد الحبشان |
|
#2
10-21-2007
| |||
| |||
 رد: قنبلة موقوته ,,,, انا قنبله من تلك القنابل بقولك رأيي بسراحه 00 ولا راح اكذب انا مارا اتزوج ابداً مشاريع الزواج الي اشوفها قدامي مانيب قدها 000 موب على الماده لا الحمدلله بخير ونعمه 000 بس انا مانيب قد المسؤليه البيتيه 0 احس ما انفع اكون زوج 0 لازلت مراهق وسأظل مراهق بعقل 00 يعني اوقات احس اني نفسي اكمل حياتي بطريقتي ولوحدي واستمتع فيها بدون شوشره 0 الزواج با النسبه لي مشروع فاشل اكرر با النسبه لي انا بس 00 تقول استقرار 00 اقولك نعم استقرار والزواج شي طيب ومشروع الحياة 00 بس انا مافكرت فيه 0 يمكن تقول اناني 000 اقولك ممكن 00 انانيه غير سلبيه 0 اكره الارتباط 00 فكرهت الزواج 0 احب و اعشق 00 العزوبيه 0 ابحر 000 اشكرك على الصميل واشكرك على الموضوع |
|
#3
10-22-2007
| ||||
| ||||
| رد: قنبلة موقوته ,,,, طنطون صباح الخير ولكل الاعضاء والمشرفين والاداريين ............... اشكرك على صراااحتك وهذي وجهة نظرك واحترمها وقال الله تعالى ( لتسكنوا اليها ) وقال تعالى ( وجعل بينكم مودة ورحمه) .............. الزوااااااج استقراار مابعده استقرااار لكن وضعنا متكركب .............. والعفو لي عودة انشاءالله
_________________ \ \ \ \ ايه الموت لاتحاول الإقترآب مني فلم تكتمل على وجهي بعد تفاصيل ابتسامتي هناك خطوات تنتظر أقدامي وفي الأعلى احلآم تشتاق لأيامي . . \ بقلم خالد الحبشان |
|
#4
10-22-2007
| |||
| |||
| رد: قنبلة موقوته ,,,, اخي خالد ما اعرف وش اقول لكن هذه مو الحقيقه بعض الحقيقه ترى اصابع يدك ماهي سوا معك ان السكن غالي لكن من هناك لا يطلب المهر الكثير وما عندي شي اقوله الا ان الله يوفقك وتلقى الي تتمناها ويهديك الىطريقالخير والصلاح
_________________  |
|
#5
10-22-2007
| ||||
| ||||
| رد: قنبلة موقوته ,,,, أنا من الشباب اللي يتمنون الزواج ولو فيدي شي من بكرة متزوج الزواج من الأهداف اللي أسعى لها بس مثل ماقلت الوقت الحاضر أختلف أختلاف جذري عن السابق إنت حطيت أسباب , والمصيبة هذي الأسباب من عهد جدي وحنا نتكلم فيها , ما أدري ليش مايوضع لها نظم وأهداف لحلها ألحين العنوسة ضاربه في البلد والشباب والبنات "وخاصة البنات" لأن أعداد البنات أكثر من الشباب , والمهووور أقصد النيران هي ساس البلى يجيلك واحد يقولك بنتي ما تأخذ أقل من بنت فلان , والله تفكير طفولي والله ثم والله لو أنا أب وتقدم واحد لبنتي وهو رجال يعجبك بأقوله أدفع اللي تقدر عليه (بس مو بأقل من ثلاثين) كمهر , من اللي ذاقوه هالشباب وهالموضوع سبب يخلي الشباب يدورون على الحرام (طبعاً المتخلف) لا وبعد أنتظر لين ماتلقالك وظيفة وزبط شقة وأشتر سيارة وبعدين دبر المهر ورح أخطب والا عاد مالك إلا بيت أهلك وخل كلمة " أعزب " هي تعريفك الدايم أخوي أبحر يعطيك الصحة والعافية
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
