تابعوني في قصتي الجديده واللى مايتابعني خسرااااان

...:::][ الجزء السادس عشر ][:::...


___________
المدرسه ..الساعه00 صباحاً
___________


** الريم **


كنت جالسه ادور على رهف .. بين البنات بالطابور .. ماشفتها .. ليكون بتغيب .. العاده رهف ما تتاخر .. مسكت يدي صديقتي هند .. وقالت : وش جالسه تدورين

قلت لها : ولا شي

قالت : وش عندنا الحصه الاولى

لفيت ورا .. اناظر جات رهف اولا.. قالت : ريوم اكلمك انا

قلت : هاه .. ايه سمعتك .. عندنا رياضيات

قالت : اووف رياضيات من الصبح

قلت وانا اضحك : قولي الحمد الله مو فيزياء

ضربت كتفي .. وقالت : عاد في هذي صدقتي

شفت رهف حاطه شنطتها على الارض .. وتعدل شعرها ..على طول قلت لهند : لحظه هنوده بروح وبجي

رحت ودفيت رهف من ورا .. قلت لها : صباح الخير

ابتسمت .. وقالت لي : صباح الشين .. خرعتيني مالت عليك

سحبتها .. وقلت : يللا رهوف نروح نصف بالطابور

رحنا صفينا طابور ..انا اتكلم ورهف ساكته .. كنت اقول : تخيلي امس ساروه فشلتني ..طيحت وجهي قدام محمد .. فضحتني ماخلت شي عني الا وقالته ..اخر مره اخذها معنا مكان .. مع اني احس محمد حبها مره

هزيت رهف .. وقلت : رهوفه اكلمك

ناظرتني وقالت : ايه اسمعك

قلت لها : تخيلي مانمت شي .. نعسانه ودي ارجع البيت وانام

ساكته ماترد علي .. شكلها هي بعد نعسانه ..ناظرت قدام ..وشفت مدرستنا الفيزياء واقفه بجنب طابورنا

لفيت لرهف وقلت : شوفي شوفي .. وش تبي ذي واقفه بجنب طابورنا

اوف وش فيها رهوف ماترد علي ابد .. ولا كاني اكلمها .. كانت هند صافه قدامي .. مسكت كتفها وقربت منها

قلت : هنوده تشوفين مدرستنا الفيزياء

رفعت راسها .. وجلست تناظر هنا وهناك ..رجعت راسها على ورا .. وقالت : ايه ايه اشوفها .. ليكون بتاخذنا الحصه الاولى النشبه ذي

قلت : مانبيها .. قسم بالله غاثتنا .. حنا نبي رياضيات

قالت هند : على الاقل احياء

قلت لها : لا حصة الاحياء حلوه انا احبها

قالت : لا انتي اصلاً تحبين كل الحصص .. يادكتورة المستقبل .. انتي ورهف

قلت وانا ابتسم واحرك رموشي : طبعاً .. بكره ما بتسمعين الا اسامينا انا ورهوف .. الدكتوره الريم .. والدكتوره رهف ..على مستوى العالم .. نبي نصير بنفس المستشفى .. صح رهف

ناظرت في رهف ..ساكته .. قلت لها مره ثانيه : صح

قالت : ايه صح

قالت هند : يــــــاي

قلت : هنوده تعالي وين راحت مدرسة الفيزياء .. مو كانت واقفه هناك

قالت هند : ايه والله .. يمكن حست انها نشبه بزياده عن اللزوم .. واستحت وراحت

قلت : تهقين كذا

سمعت صوت صراخها بجنبي ..تقول : الريم وهند من بداية الطابور وانتوا تسولفون .. استمعوا للاذاعه

قالت هند بصوت خفيف : وليه نستمع للاذاعه .. ثقافه بالغصب هي

ضحكت انا .. بس ماتكلمت .. خفت تصارخ علينا مدرسة الفيزياء مره ثانيه .. وتفشلنا قدام البنات

.
.
.

رحنا فصلنا .. اول مادخلنا ..جلست رهف وحطت راسها على الطاوله

جلست .. وحطيت يدي على راسها .. قربت منها .. وقلت : رهوفه حبيبتي وش فيك اليوم

قالت بدون ماترفع راسها : مافيني شي

مستحيل مافيها شي .. من الصبح وهي مو طبيعيه .. انا اعرفها رهف .. اكثر من نفسها

قلت لها : الا فيك شي .. قولي لي رهف

رفعت راسها .. وقالت : تعبانه شوي

ادري فيها تكذب علي ..حسيتها يوم تقول تعبانه شوي .. قريب تبكي .. بس ان شاء الله خير


........................

_____________
بيت العمه .. الساعه:30 صباحاً
_____________


** حنان **


كنت جالسه بالصاله افكر بموضوع رهف .. وش صار عليها هالشينه .. اموت واعرف ..الحين اكيد مشعل طلقها .. وطاحت من عيون نايف ونجود .. وطبعاً دام انه طلقها بترجع بيت اهلها .. يعني هي تطلع وانا ادخل .. وبيحلى لي الجو انا ونايف .. ما اطلع انا حنان ان ماتزوجته .. سمعت صوت امي .. وهي تقول : وين سرحانه ..جالسه اكلمك ماتردين علي

قلت لها : من متى انتي هنا .. ماشفتك

جلست على الكنبه .. وقالت : في مين تفكرين

قلت لها وانا ابتسم : وبفكر في مين يعني غير نيوف

قالت : وش فيك مبسوطه كذا

حطيت رجل على رجل .. وقلت لها وانا العب بخصله من شعري : لان خلاص .. قربت اتزوج نايف

حضنتني وقالت : مبروك يابنتي

قلت لها : الله يبارك فيك

بعدت عني وقالت : وش اول شي بتسوينه .. اذا تزوجتي نايف

قلت لها على طول : طبعاً بخليه يكتب البيت بأسمي

قالت : وبعد

قلت : وشلة مشعل وامه ونجود ورغد .. هذيلا بخليه يشوف لهم صرفه .. ماابي اجلس معهم في بيت واحد .. ابي البيت لي لحالي .. وانتي معي طبعاً

قالت امي : عادي اكيد مشعل بيتزوج وبياخذ بنته وامه معه .. ونجود في هذاك الوقت بتكون متزوجه

حطيت يدي على صدري بقوه .. وقلت : فال الله ولا فالك ..تخيلي نجودوه تتزوج قبلي وانا اكبر منها .... وبعدين اي وقت اللي تتكلمين عنه .. نايف بيتزوجني قريب

قالت : ان شاء الله

جا ابوي وقال لامي تقوم تجهز الفطور ..قامت امي .. ورجعت انا افكر ..ناظرت للتلفون شوي ..ايه صح .. بدق على بيت خالي .. وبشوف اذا رهف في البيت اولا

دقيت .. وردت الخدامه .. قلت لها : وين نجود

قالت : مو موجود

ايه صح .. نجود في الدوام .. قلت لها : مدام رهف موجوده ؟

قالت : لا مو موجود

قفلت السماعه في وجهها ..وركبت غرفتي ..دخلت وجلست على كرسي الكمبيوتر ..ايه الحين الواحد يقدر يخش نت مرتاح .. دام ان رهف مو في البيت .. يعني اكيد مشعل طلقها ورجعها بيت اهلها


...............................


_____________
السياره..الساعه30 مساءً
_____________

** نجود **

كنت مع نايف في السياره .. رايحين لرهف المدرسه ..ومن النعس كل شوي اغمض عيوني وانام .. سمعت صوت نايف يقول لي : جودي .. جودي .. وينك نمتي

فتحت عيوني .. وعدلت جلستي .. قلت : هلا .. لا

قال : جودي تهقين تأخرنا على رهف

قلت : لا .. وقتنا حلو

قال بتفكير : بس وشلون بيشوفونها البنات تركب معي .. بيقولون من هذا ؟؟

قلت بأبتسامه : لا مابيقولون ..بيشوفوني معكم .. بيدرون ان حنا اهلها

هز راسه .. وسكت .. احس نايف يعتبر رهف مثل اخته .. ويخاف عليها مثل مايخاف علي .. وهالشي حبيته .. لاني ما ابي رهف تحس نفسها غريبه بيننا

وقف السياره بجنب المدرسه .. وقال : يللا انزلي نادي عليها

سندت ظهري .. وقلت : هي تعرف السياره .. بتشوفها وبتجي اكيد

قال : ونخليها تدور السياره في هالشمس

تكتفت وقلت : اجل انا انزل ادورها بين البنات .. في هالشمس

عطاني نظره جاده وقال : نـجـود

فتحت الباب وقلت : زين زين .. وش نسوي بعد ..حكم القوي على الضعيف

قال : اي ضعيف الا دبه ..ياتسوين رجيم ياماتركبين سيارتي

لفيت عليه وكنت بتكلم .. بس قال على طول : انزلي بس لاتتاخرين عليها

نزلت من السياره .. ودخلت المدرسه .. كانت زحمه مره .. وقفت وجلست اناظر هنا وهناك ..الحين وين اشوف رهف بهالزحمه ..دفتني وحده بقوه ..وقالت لي بصوت عالي : عميه انتي .. ماتعرفين تمشين

راحت على طول .. مامداني اقول لها شي ..غبيه تقول لي ما اعرف امشي وانا اصلاً كنت واقفه .. اعوذ بالله من بنات هالعالم .. مشيت شوي ..وانا ادور على رهف بعيون .. ايه شفتها .. بروح لها .. الزحمه مو مخليتني اروح .. وانا بموت من الحر .. قلت بصوت عالي : رهـــــــــف

لفت وناظرتني : قالت نجود

قربت شوي .. ومدت يدها سحبتني .. قلت لها : ياربي وش هالزحمه

ضحكت وقالت :لان كل البنات طالعين على بيوتهم .. اكيد بيصير زحمه

لفت رهف للريم .. وقالت : ريوم هذي نجود .. اخت زوجي مشعل

سلمت علي .. وقالت وهي مبتسمه :انتي جيتي ملكتي صح

قلت لها : ايه وكنتي مره حلوه

قالت : رهف قالت لي انك جيتي .. قلت لها وشلون جات وانا ماشفتها

قلت لها : غريبه مع اني سلمت عليك وباركت لك

قالت : ماركزت في الناس

ضحكت وقلت لها : ما الومك

لبست رهف العبايه .. وجات بتحمل الشنطه .. اخذتها من عندها وقلت : هاتي احملها عنك .. حاملتها طول اليوم اكيد انكسر ظهرك

اخذتها من عندي وقالت : لا عادي اصلاً ماحملتها اليوم كثير .. تسلمين حبيبتي

قلت بمرح : والله انتي الخسرانه

ضحكت رهف وضحكنا انا والريم معاها .. جات لهم البنت اللي دفتني .. وقالت وهي مستعجله : رهوف ريوم .. اشوفكم بكرا .. وانتي رهوف لا تتاخرين مثل اليوم

على طول قلت لرهف : تعرفينها

قالت : هذي هند صديقتي

قلت بسرعه : هذي دفتني وقالت عني عميه

ابتسمت رهف وقالت : انا اوريك فيها

هذيك كانت ماشيه .. سحبتها رهف من شنطتها ..وقالت : هيه انتي ..ماتستحين تقولين عن نجود عميه

عدلت شنطتها وقالت : وشو اي نجود

ضربتها رهف ضربه خفيفه .. قالت : نجود هذي حبيبتي ما ارضى عليها

حسيت البنت تفشلت .. قالت : مادري انا ما انتبهت

قالت الريم : الا انتبهتي ومبين من عيونك

قالت البنت : يللا عاد هالثنتين يبون الزله مني عشان يهاوشوني ..قلنا لكم ماندري وموقصدنا

ضحكت انا .. وقلت : لاعادي .. ماصار شي .. بس مره ثانيه مو تدفين بنت واقفه .. ومن فشلته تقولين عنها ماتعرف تمشي

ضحكنا كلنا مع بعض .. بعدين قالت رهف : يللا نجود خلينا نروح .. الحين اكيد اخوك احترق في هالشمس .. اشوفكم بكرا بنات

.
.
.


طلعنا انا ورهف من المدرسه .. وركبنا السياره .. اول ماركبنا قلت لنايف : تأخرنا

حرك السياره .. وقال : لا اصلاً بسرعه طلعتوا

بعد مامشينا ..جلست اناظر بالدريشه ..مرينا على باسكن روبنز .. لفيت على نايف وقلت له برجاء : نيوف عاد خذ لنا من باسكن .. اشتهيت

قال : من عيوني

قلت : تسلم عيونك الغاليه

وقف السياره بجنب باسكن .. وقال : وش تبون

قلت : اناابي توفي

قال : طيب ورهف وش تبي

قالت بصوت ماينسمع .. قصدي ينسمع بس مو مره : ماابي شي .. مشكور

دفني نايف بيده .. واشر لي بعيونه على ورا .. قلت : يللا عاد رهوف .. ماابي اكل لحالي

قالت : والله ما ابي

قلت : ترا بزعل عليك ان ما اكلتي معي ايس كريم

قال نايف : لا تستحين ترا مو انا اللي بدفع .. نجود هي اللي بتدفع

قلت بسرعه .. وبصوت عالي : نعم نعم ..ليه عازمنا اذا كنا حنا اللي بندفع

قال بدهشه : انا عزمت احد ؟ .. ماجبتكم هنا ..الا يوم قلتي انتي تبين

قلت : عادي قول ماراح اجيبكم .. مو تجيبنا وتخلينا ندفع

قال : اجل خلاص بدال هالهوشه كلها .. نخلي رهف تدفع

قالت رهف بنفس الصوت اللي قبل شوي : ولا يهمكم

ضحك نايف وقال : اما عاد انتوا تدفعون وانا موجود

ضحكت انا وقلت : ايه على بالي بعد

نزل من السياره .. وقفل الباب

قالت لي رهف : جودي كيف دوامك

قلت : حلو .. وانتي كيف الدراسه

قالت : قربت الامتحانات

قلت لها : الله يوفقك

قالت : الجميع يارب

قلت لها وانا اضحك : صديقتكم هذيك مرجوجه

قالت : من ؟ هنوده

قلت : ايه

قالت : مره مرجوجه .. بس ان شاء الله اذا تزوجت تركد

لفيت عليها وقلت : لا تقولين انها مخطوبه ؟

قالت : ايه مو من زمان .. يللا عقبالك

مدري ليه يوم قالت عقبالك جا على بالي فيصل .. نزلت راسي مستحيه من اللي في بالي

رفعته بشويش وناظرت في الدريشه .. لمحت نايف جاي جهتنا .. وكان عاقد حواجبه واضح انه متضايق من الشمس


فتح باب السياره .. ودخل .. قال : قسم بالله هالجو ماعرفنا له .. يوم برد ويوم حر

شفتوا قلت لكم ....!!

قلت له : ايه متعود على جو امريكا

ناظرني وقال : لاجو امريكا خلاص باي باي .. نسيته

عطاني اثنين ايس كريم .. اشر لي على ورا .. يعني عطيه رهف .. عطيته رهف واحد وخليت عندي واحد

فتحت وجهي .. عشان ابي اكل.. قال نايف بهدوء : مو قلت لك الف مره .. لا تفتحين وجهك بالشارع

قلت بقهر : بس حنا مو بالشارع .. حنا بالسياره ومافيه احد .. والبيت قريب

قال : هذا انتي قلتيها البيت قريب .. لا وصلنا كليه .. يللا غطي وجهك

غطيت وجهي .. وانا اناظر في الايس كريم .. اوف بيذوب

.............................




____________
بيت ابو يوسف ..الساعه 30 مساءً
____________


** محمد **

كنت منسدح على السرير والعب بالهديه اللي شاريها للريم
ابي اوديها لها الحين

بدق عليها بشوفها صاحيه او نايمه

دقيت عليها وجوالها كان مقفل .. مت قهر .. عندي انها ماترد علي ولا انها تقفل جوالها .. ماتدري اني اخاف عليها .. صبرت ربع ساعه بعدين دقيت عليها

ردت علي بصوتها الناعم : هلا محمد

قلت بسرعه : ليه مقفله جوالك ؟

قالت : اخبارك

قلت وانا ماسك اعصابي : الريم .. انا سألتك جاوبيني

اخذت نفس وقالت : ساره لعبت في جوالي وقفلته

تنهدت براحه

وقلت بهدوء : زين حبيبي مره ثانيه تأكدي من جوالك اذا مقفل اولا .. توقعي اتصالي في أي دقيقه

قالت بهمس : ان شاء الله

قلت : فديتها عمري اللي تسمع الكلام

كانت ساكته ناديت عليها

قالت : لبيه

قلت : لبى قلبك .. مشتاق لك

قالت وواضح من صوتها انها استحت : وانا بعد

قلت بأستهبال : انتي وشو

قالت : اشتقت لك

ياربي شكثر احب هالبنت .. قلت : طيب ليه ماقلتي لي .. ليه ماتقولين انك مشتاقه لي .. لازم اطر عندك

قالت : لا فديتك

قلت : حبيبي ابي اشوفك .. بجيك الحين اوكي

قالت : حياك .. انتظرك

ابتسمت لها كانها تشوفني وقلت : 5 دقايق وانا عندك .. باي حبي

قالت : بايات

ناديت على سعد بصوت عالي .. لازم اقنعه انه يجي معي .. لاني مستحيل اجلس مع ساروه مره ثانيه .. خلاص توبه

جاني وفي يده كاتب .. وقال : نعم

قلت : حبيبي سعودي

نزلت لعنده وبسته

ناظرتي مستغرب وقال : وش تبي

قلت : تعال معي بيت ابو فارس

قال بصدمه مخلوطه بدهشه مع اشوية قرف : بيت ســــــــــــــــــــاروووووووه

قلت : وش فيها يعني

عطاني ظهره وقال : لالا ماابي اروح معك

مسكت يده وقلت : يللا عاد سعوودي

رفع حاجب وقال : ماتشوفني اذاكر

سحبت الكتاب من عنده ورميته على السرير

وقلت : لا تحطها على المذاكره

قال : امي مابترضى

قلت : انا بقنعها ’’ برجاء ’’ بس انت الله يخليك تعال معي

قال وهي يتأفأف : ما ابي .. ساروه الدبه ماتخليني اسوق السيكل

قلت : هي تحب تلعب معك

قال وهو يحرك صبعه : نو .. نو .. نو

قلت بأصرار : بتجي معي يعني بتجي

قال : وش تعطيني اذا رحت معك

قلت : بعطيك كف .. امش معي يللا

انسدح على الارض .. وقال : ماراح اجي

قومته من الارض .. وقلت : بشتريلك اللعبه اللي تبيها .. بس تعال معي

ضحك بصوت عالي وقال : ايه كذا الشغل ولا بلاش

طلعنا انا وسعد من البيت .. ومشينا لبيت الريم .. دقيت الباب .. فتحت ساره .. وقالت : واخيراً جا محمد حبيبي .. من زمان انتظرك

مسكت وجه سعد .. وقربته لها : سعد جا يلعب معك

صفقت بيدينها وقالت : الله وسعد بعد

سمعت صوت الريم .. تقول : ساره مين اللي عند الباب

قالت ساره بصوت عالي : محمد واخوه سعد

لمحت طيف الريم وهي جايه عندنا .. بمشيتها الهاديه .. وابتسامتها الرقيقه

على طول دق قلبي من شفتها .. وحشتني مره .. مع انها كانت معي امس .. بس هي غير عن كل الناس .. الريم توحشني كل دقيقه وكل ثانيه وحتى وهي معي توحشني

سلمت علي .. رديت عليها السلام

مسكت خد سعد وسحبته بشويش ابتسمت له وقالت : هلا سعودي .. كيفك

ابتسم لها وقال : زين

ناظرتني وقالت : ادخل محمد

مشت ومشيت وراها .. ورحنا المجلس ..جلست وانا مرتاح .. لان ساره النشبه مو معنا ..جلست هي بجنبي

قلت لها : اخبارك قلبي ..واخبار المدرسه

قالت بملل : ماشي الحال

قلت : وش فيك تقولينها كذا

قالت : خايفه من الامتحانات ’’ وملامحها كانت من جد تدل على انها خايفه ’’

سحبت يدها وضميتها بيديني الثنتين

قلت : وليه عاد الخوف.. انتي شاطره

ناظرت في يدها اللي بيدي يديني وقالت : بس هذا ثالث

قلت : طيب حياتي وش رايك اذاكر لك

ضحكت .. وقالت : اصلاً حنا مراح نشوف بعض في الامتحانات

فتحت عيوني وقلت : وليه مانشوف بعض

قالت : لان لا جلسنا مع بعض ..بنضيع الوقت .. وماراح اذاكر زين

قلت بأعتراض : بس انا ما اصبر عنك

سحبت يدها اللي كنت ماسكها .. قرصت خدي بشويش وقالت : في الامتحانات غصب عنك تصبر

قلت وانا لاوي فمي : وفي كل امتحانات ماراح نشوف بعض

هزت راسها بأيه .. قلت : ريمي ..اجل وش رايك نتزوج الحين في هالفتره

قالت : لا مستحيل نتزوج قبل ما اخلص ثالث

قالت هالكلام .. ووقفت .. قلت لها : وين بتروحين

قالت : ماتقهويت

مسكت يدها .. وخليتها تجلس .. عطيتها الكيس اللي فيه الهديه .. اخذته .. وقالت : وش هذا

ابتسمت .. وقلت لها : افتحيه

فتحت الكيس .. واخذت العلبه اللي فيها الساعه ..فتحتها وقالت : الله تجنن ..تسلم حبيبي .. الله يخليك لي

قلت لها : ويخليك لي حبيبي ولا يحرمني منك

مسكت الساعه .. ولبستها الريم .. رفعت يدها بستها وقلت : صارت احلى عليك

نزلت راسها بحيا .. وبعدت عني شوي

تركت يدها .. ومسكت الكيس الي كانت فيه الساعه فتحت.. وطلعت منه ورده رفعت حاجب وقلت : وش فيك بعدتي .. قربي

قربت بخجل .. مسكت شعرها .. وحطيت فيه الورده ..وقلت لها : شكلك كذا ذكرني بيوم الملكه .. لانك كنتي مره حلوه

قالت بدلع : كنت حلوه بيوم الملكه بس ..؟

قلت : لا فديتك في كل يوم تصيرين احلى واحلى ..بس تصدقين .. احلى مره شفتك فيها .. يوم كنتي في بيتنا

عقدت حواجبها .. وقالت : متى ؟

قلت : يوم تلعبين انتي ورهف بالمويه

لفت وجهها عني .. وقالت : محمد عاد لا تحرجني

ضحكت .. وقلت : امزح معك .. يللا انا الحين بروح

وقفت .. ووقفت هي بعد .. قالت : وين بتروح بدري .. توك جاي

قلت لها : ميخالف ياقلبي بكرا بجيكم

قالت : ماراح تجي الليله

قلت : لا الليله بطلع مع اخوياي

حركت شفايفها بقهر وقالت : طيب

حطيت ايدي .. على شعرها رجعته ورا اذنها وقلت : يعني تبيني اجي الليله

هزت راسها بأيه

قلت : بس انا ما اقدر اجي هههههههه

ضربت كتفي بشويش وقالت : خلاص بشوفك بكرا

وصلتني للباب .. ناظرت في سعد وهو يلعب بالسيكل مع ساره .. وقلت له : سعد .. يللا بنروح

جا يركض .. مسكت يده .. وقلت : يللا الريم خلي بالك من نفسك فديتك

قالت : ان شاء الله .. وانت بعد


......................


___________
بيت مشعل .. الساعه 00 مساءً
___________


** مشعل **

رجعت من الدوام .. معصب ..وين ايام اول .. ارجع وقت اللي يعجبني .. اكيد الحين الكل تغدا .. ركبت فوق على طول .. دخلت الغرفه .. شفت رهف فاتحه الدولاب .. وجالسه تطوي الملابس .. قفلت الباب . وقلت : ايه كذا شكلك حلو .. جالسه في بيت زوجك تطوين الملابس تشوفين لك شغله .. مو تروحين من الصبح هالمدارس

رمت القميص اللي بيدها .. وقالت : مشعل خلاص لا تكلمني .. انا بنسى وجودك .. وانت انسى وجودي

اخذت القميص اللي رمته .. وقلت : نونو .. كذا موصح ..خليني اعلمك الطريقه الصحيحه في طي الملابس

قفلت الدولاب .. وراحت جلست على السرير .. وتكتفت وهي تهز رجلها ..رحت جلست بجنبها .. وتكتفت وهزيت رجلي

لفت علي .. ناظرتني بستحقار وقالت : انت كم عمرك ؟

حطيت يدي على ذقني وقلت : 18 سنه

قالت : والله لو انا مكانك استحيت

انسدحت على السرير وقلت : طيب انا ما استحي

قامت من السرير .. وراحت عند الباب .. رفعت راسي ..قلت : وين بتروحين

قالت بملل : بطلع

قلت : من سمح لك تطلعين .. الحين انا اتكلم .. تقاطعيني وتطلعين .. هذا احترام الزوجه لزوجها

رجعت .. وجلست على الكرسي .. حطت يدها على خدها .. وقالت : جلسنا .. وش تبي تقول .. امر

تغطيت وغمضت عيوني قلت : طفي النور ابي انام

سمعت صوت باب الغرفه يتقفل بقوه

رفعت راسي وناظرت في الباب .. مجنونه هذي .. تبي تكسر لنا باب الغرفه !!.. حطيت راسي على المخده مره ثانيه ونمت

............................................

_______________
بيت العمه .. الساعه 00 مساءً
_______________

** فيصل **

كنت جالس بالصاله .. ارتب اوراق تخص الشغل .. الاوراق كانت متناثره بكل مكان .. لانها كثيره .. هنوفه اختي جالسه ترتبها معي .. واختي حنونه منسدحه على الكنبه تقرا مجله .. وامي تسولف بالتلفون

الهنوف : كم ورقه في يدك ..؟

قلت لها : 47 .. لا 48 .. ,, مسحت على شعري بقهر ,, مو مشكله بعد الاوراق مره ثانيه

قالت لي : فيصل انت مو مركز ابد

سمعت صوت حنا تقول ببرود : بدال ماتذاكرين

قهرتني .. صرخت بدون ما اناظرها : حنان عن اللقافه وانقلعي غرفتك .. ترا مره معصب

قالت بزعل : هذي جزاتي لاني ابي مصلحتها .. وابيها تجيب مجموع حلو

قلت بأستهزاء : تكفين عاد يللي جبتي مجموع حلو

وقفت وقالت : بسم الله علي اكلتوني ’’ وركبت غرفتها ’’

قلت وانا الم الاوراق : هنوفه خلاص .. ازعاج بالصاله ومو قادر اركز .. بروح غرفتي

مسكت يدي وقالت : لا فيصل بساعدك

ابتسمت لها ووقفت والاوراق بيدي .. وقلت : اذا توهقت فيها بنادي عليك

حركت راسها وقالت : ان شاء الله

من حطيت رجلي على الدرج .. سمعت صوت امي تقول : فـيـصل

لفيت عليها وقلت : نعم يمه

اشرت لي بيدها يعني انتظر .. وقالت للحرمه اللي تكلمها في التلفون : ماشاء الله خلصتي 10 في اسبوعين .. ايه اعرفه شغل ايدك حلو .. وحنان طالعه عليك .. شاطره في التفصيل مره .. تحب تخيط وتتفنن .. عندنا اشياء كثير في البيت شغل ايدها .. ايه والله.. ههههههه لا انا القماش حلو بس للحين مابديت اشتغل عليه .. ان شاء الله .. بخلي فيصل يجيبهم .. لا ربع ساعه .. يللا مع السـلامه

ناظرتني وقالت : فيصل ابيك تروح .. بيت خالك بتعطيك ام مشعل كيس .. جيبه لي

ضحكت بصوت عالي وقلت : يمه مااشوف شي في البيت من شغل ايد حنان ههههههههه

قالت امي : الا حنان تحب تشتغل وتخيط .. بس وقتها مايسمح لها

وش عندها ياحسره .. قلت : ان شاء الله يمه بخلص شغلي وبروح

تكتفت وقالت : يووه ماسمعتني اقول لها ربع ساعه وانت عندها .. تبيها تقول عني كذابه

ابتسمت وقلت : حاشاك يمه .. خلاص بروح الحين

.
.
.

وصلت بيت خالي .. وفتحت لي ام مشعل .. سلمت علي وقالت : تفظل يمه .. وش فيك واقف عند الباب

ابتسمت وقلت : تسلمين خالتي .. بس انا مستعجل

قالت وهي تدخل : ثواني .. بجيب لك الكيس

جلست انتظر كثير .. خالتي طولت

سمعت صوت خالتي ام مشعل تقول بصوت عالي : بنتي رهف ودي هالكيس لفيصل

شوي ولمحت زوجة مشعل جايه وعندها الكيس .. قالت : السلام عليكم

رديت السلام وانا اخذ الكيس .. رفعت شي داخل الكيس وقلت بسرعه وبعفويه : وش هذي مفارش ؟

ابتسمت وقالت : هذا شغل ايد خالتي .. ماتشوف الزخارف كيف مرتبه

قلت : وش عرفني انا

اخذت الكيس من عندي وقالت : لحظه فيصل .. خالتي حطتهم في الكيس بدون ماتطويهم .. بطويهم وبحطهم

قلت : مشكوره ماتقصرين

حطت الكيس على الارض .. وجلست تطوي اول مفرش

لو ام مشعل خلت الخدامه تجيب لي الكيس .. كان سألتها عن نجود

لاني كنت اتمنى اشوفها اليوم

فجأه فتح الباب نايف .. وقال بجديه : رهف ادخلي داخل الجو بارد

على طول رهف سمعت كلامه .. وطوتهم طوي سريع وحطتهم في الاكيس .. ودخلت

قلت بضحكه : أي برد نايف قول الا حر

ابتسم نايف وقال : كيف حالك فياصل

قلت : تمام الحمد الله

قال : ادخل تعشى معنا

قلت : ما احب عشاكم

سوى لي نايف حركه يعني مالت وقال : انت اصلاً صدقت اعزمك .. عشان تخلص عشانا

ضحكت بصوت عالي وقلت : احسك الحين تبي تبوس ايدي عشان ارضى واجلس اتعشى عندكم

دخل وكان بيسكر الباب وقال : اقول طس

مسكت الباب وانا مو قادر اوقف ضحك على شكل نايف .. قلت : امزح وش فيك انت ههههههههههههههه اللي يسمعك يقول انت اللي طابخه

لوى فمه وقال : يارجال مزحك شين

وقفت ضحك وقلت : مره ثانيه بجي اتعشى عندكم .. يللا فمان الله


ضرب كتفي وقال : الله معك

...................................

________________
بيت مشعل .. الساعه : 5:30 صباحاً
________________

** رهف **

صحيت على صوت المنبه .. لفيت وناظرت في مشعل وهو نايم

كانت ملامحه قمه في البراءه .. ماتدل على الشر اللي بداخله

حطيت يدي على كتفه وهزيته : مشــعل .. مشــعل قوم ..... مابتروح الدوام

طبعاً انا ما اصحيه عشان سواد عيونه .. اصحيه عشان يروح الدوام وانا اروح المدرسه

فتح عيونه بكسل .. وقال : كم الساعه

قلت وانا اقوم من السرير : خمس ونص

مد يده لجهتي وقال : تعبان .. قوميني

فتحت عيوني بدهشه .. قسم بالله سخيف .. اكسر ظهري عشانه .. والله لو الموت ماقومته

عطيته ظهري وكنت بدخل الحمام ’’ الله يكرمكم ’’ .. سمعته يضحك ويقول : انا اول .. انا اول

بعدت عن الحمام على طول .. وجلست على السرير يحسبني بضحك معه .. شفت جواله تحت المخده

على طول مديت يدي واخذته .. حطيت عيوني في عيونه .. وناظرته بخوف

غريبه .. ساكت توقعته يقول خلي الجوال .. قلت بصعوبه : أأأ بــ ... أبي اكــ.....لـــــم اهلي

قال ببرود : كلميهم

قلت : عادي ؟

هز راسه بأيه .. بصراحه خفت من بروده .. وخفت اكثر يوم جلس على السرير بجني

اشر على الجوال بيده وقال : دقي الرقم ؟

دقيت على الرقم بصعوبه .. ردت علي امي

...: هلا حبيبتي رهف .. شخبارك

ماقدرت اتكلم من نظرات مشعل .. قلت بتوتر : انا بـ..خــ..يــ.. ــر

سمعتها تقول : وش فيك يمه .. وش فيه صوتك كذا ؟؟ خوفتيني

دمعت عيوني .. وقلت : يمــه انــا

سحب مشعل الجوال من يدي .. حطه عند اذنه وقال : هلا عمتي شخبارك .. ادري ازعجناك .. لا تخافين مو صاير شي .. هههههه مدري عنها .. يمكن .. تقول مشتاقه لكم .. بجيبها هالاسبوع .. والله مو مني من الشغل .. السواق ؟ لالا مايحتاج انا بحاول اجيبها هالاسبوع .. ان شاء الله .. يللا فمان الله

قفل الجوال ورماه على السرير .. عطاني نظره مدري وش يقصد فيها .. ودخل الحمام ’’ الله يكرمكم ’’

اكرهه .. اكرهه .. اكرهه

.
.
.

بعد ماراح مشعل الدوام .. لبست بسرعه وخذت شنطتي .. وطلعت من الغرفه .. مريت على غرفة نجود .. طقيت الباب

سمعت صوتها تقول : تفظل

فتحت الباب شوي ودخلت راسي .. شفتها جالسه على الكرسي عند التسريحه تفك الشباصه اللي في شعرها المحتاس

قلت : صباح الخير

قالت وهي عاقده حواجبها : صباح النور .. آآآآآآي

قلت بخوف : وش فيك ؟

تركت الشباصه في شعرها .. وقالت بملل : مو قادره افكها .. افففف متشابكه مع شعري

ابتسمت على شكلها الطفولي .. حطيت شنطتي عند الباب ودخلت بسرعه

رحت لعندها .. ومسكت الشباصه .. كيف كذا متشابكه بطريقه معقده .. اشك انها بتقدر تفكها

طبعاً ماقلت لها .. يمكن تخاف .. قلت : انتي اللي ربطتيها

قالت وهي شوي وتبكي : أيــه

حاولت افكها بدون ما اعورها .. مع انها كانت تتعور .. وتقول لي شوي شوي

...: صـــــبـــــــــاح الخــــــــيـــــــــــر

لفينا انا ونجود مع بعض جهة نايف اللي واقف عند الباب وقلنا : صباح النور

فطس نايف ضحك وقال : من هذي الجنيه اللي قاعده ههههههههههههههههههه .. جودي شوفي كشتك في المرايا

حطيت يدي على فمي اكتم ضحكتي

ناظرتني من المرايه وقالت بقهر : حتى انتي رهوفه

شالت يدي من شعرها وسحبت الشباصه بقوه وصرخت من الالم .. مسكت شعرها وقلت : شوي شوي .. خليني افكها

قالت بزعل : ما ابي .. شوفي شكلي كيف صاير

تقدم نايف وقال : يعني الحين الشباصه مو راضيه تنفك ؟

قلت : ايه

قال : خلوني اشوف شغلي

تركت شعرها ووقفت بعيد شوي

ناظر في شعرها وقال : هاتي مقص

وقفت نجود بسرعه وقالت : نايف وش بتسوي

ابتسم وقال : بحلق شعرك

ضحكت وقلت : بيقص الشباصه

ناظرني وقال وهو يبتسم : ايه هذي الناس اللي تفهم مو انتي

وضرب راسها بشويش

يوم شفته يناظرني نزلت راسي بحيا

اشرت نجود على الدرج وقالت : طلعي منه مقص

فتحت الدرج .. وطلعت منه المقص .. عطيته نايف

اخذه نايف ورفع شعرها .. قال : بسم الله

غمضت نجود عيونها وقالت : نايف الله يخليك لا تقص شعري

قال نايف : الحمد الله على السلامه انفكت الشباصه

ضحكنا كلنا .. وضحكت اكثر يوم قال نايف : الحين من بيمشط هالشوشه

ضربت نجود نايف وقالت : يللا اسكت عن شعري .. ترا ما ارضى عليه

اخذت نفسي عشان اطلع .. وقبل ما اطلع قلت : انا تحت انتظركم اوكي

قال نايف : حتى انا .. بنزل اشغل السياره .. جودي لك 10 دقايق تخلصين فيها .. عشان ماتتأخر رهف على المدرسه

ماسمعت نجود وش قالت لاني نزلت تحت .. جلست شوي بالصاله .. ونزل نايف طلع برا على طول .. بعد ربع ساعه نزلت نجود تركض مع الدرج .. وقالت : يللا يللا رهوفه لانتأخر

وقفت وقلت : عجيب .. تتأخرين وتقولين لي يللا لا نتأخر

مسكت يدي وقالت : يللا نمشي

..........................................

** نايف **

السياره مو عاجبتني ابد .. ماكانها على طول تتغسل

رد علي سامي : بس انا في غسل سياره على طول

قلت بعصبيه : شوفها كيف مغبره

قال : خلاص انا غسل سياره الحين

هزيت راسي بالنفي .. فتحت باب السياره وقلت : خلاص سيارتي لا تغسلها .. انا بغسلها كل يوم

سمعت صوت نجود تضحك : معقوله الاستاذ نايف مدير شركة عبد العزيز اخو المكرمه نجود والسيد مشعل .. يغسل سيارات ؟

ركبت السياره وقلت : تكفين عاد يا المكرمه .. وش فيها يعني .. بعدين انا بغسل سيارتي بس .. سيارات هذي من وين جبتيها

قالت وهي تعدل نفسها بعد ماركبت : ياربيه .. وش اقول لصديقاتي بعدين .. من جد واخزياه

حركت السياره وقلت: نجودوه بلا حركات ماصخه .. نسيتي انك كنتي في بيتنا خدامه ولوما ابوي الله يرحمه عطف عليك ورقاك الى طباخه .. وضمك الى العائله

شهقت نجود وقالت : تتبرا مني يا السباك .. رهف شوفيه

قالت رهف : انا مالي شغل .. اخاف تطلعوني الحين خياطه

ضحكت على كلامها بصوت عالي

وقفت السياره وانا مازلت اضحك

قالت نجود : ليه وقفت هنا .. قرب شوي لبوابة المدرسه

ناظرتها وقلت : ماتشوفين زحمة السيارات

فجأه فتحت الباب رهف نزلت من السياره وراحت تركض لجهه.. غير جهة بوابة المدرسه

فتحت الباب بسرعه .. وركضت وراها ماناديت بأسمها عشان ما اسوي فضيحه

مسكت يدها بقوه وقلت وانا اتنفس بصعوبه من الركض : رهــــف وش فيك

نزلت راسها وماردت علي

تركت يدها وقلت بهدوء : يللا نرجع السياره عشان تاخذين شنطتك

هزت راسها بالرضا

خليتها تمشي قدامي عشان اتأكد انها مابتروح مكان

يوم وصلنا للسياره قلت : رهف

لفت علي بدون ماتتكلم

قلت بحنان : ليه سويتي كذا .. انتي ماتدرين انك امانه .. وطول ما انتي معي لازم اخاف عليك

قالت بصوت متكسر : مـح .. محــ .. مــد

نزلت راسي شوي لاني مو سامعها زين من صوت السيارات وقلت : وش فيه محمد

رفعت راسي بسرعه اناظر حواليني .. وكاني تذكرت ان حنا بجنب المدرسه .. واخاف احد يتكلم على رهف .. صحيح ان محد فاضي لاحد من الزحمه .. بس الاحتياط واجب

اشرت على السياره وقلت : اركبي

ركبت انا وركبت هي بعد .. قالت نجود بخوف : وش صاير

طنشتها ولفيت على رهف : شفتي محمد ؟

هزت راسها وقالت : ايه .. جايب خطيبته المدرسه

واضح من صوتها انها شوي وتبكي .. عورت قلبي بصراحه .. حسيتها ضايعه وحيده .. ومحتاجه احد من اهلها .. شكلها كسر خاطري

طلعت الجوال من جيبي .. مديته لها وقلت : تبين تكلمين محمد

هزت راسها بـ لا

قلت بعطف : امك ؟

هزت راسها بـ لا

اموت واعرف وش فيها بالضبط .. قلت: اوكي خلاص لا تروحين المدرسه انا بوديك الـ...

قاطعتني وقالت بأنفعال : لااا لااا .. بنزل خلاص

قربت السياره شوي من المدرسه .. ووقفت فتحت الباب .. كانت بتنزل

ابتسمت وقلت : شنطتك ماتبينها ؟

مدت يدها واخذت الشنطه وهي ساكته

قبل ماتقفل الباب قلت وانا اعدل شماغي: رهف خلي بالك من نفسك

قالت بهمس : ان شاء الله

انتظرتها تدخل المدرسه .. بعدين حركت السياره


.....................................
_______________
بيت ابو يوسف .. الساعه : 1:30 مساءً
________________

** نجود **


دخلنا البيت .. رهف على طول ركبت فوق .. وانا فصخت العبايه .. وجلست بالصاله .. اكل الايس كريم اللي اخذه لنا نايف .. وناسه شكله نايف كل يوم بياخذ لنا من باسكن

قال لي نايف وهو راكب الدرج : جودي انا في غرفتي ..لاصار الغدا جاهز .. تعالي ناديني

قلت : اوكي

وانا اكل الايس كريم .. سمعت صوت التلفون يرن .. كنت بطنشه وبكمل اكل

بس بعدين يوم شفته مو راضي يسكت .. قررت ارحم المتصل وارد : الووو

.... : هلا نجود .. اخبارك

قلت : هلا وغلا بك زود حنونه .. تمام .. انتي اخبارك

قالت : تمام .. وينكم امس دقيت عليكم محد في البيت

قلت : انا ونايف بالدوام .. بس رهف كانت بالبيت

قالت مستغربه : وشلون بالبيت والخدامه قالت لي انها مو فيه

قلت بدون ما احس : هالغبيه ..اللي ماتفهم ..ولا كاني موصيتها

قالت : غبيه ليه .. قولي لي نجود

قلت : ولا شي .. تعالي بسألك

بصراحه ماكان عندي سؤال ولا شي .. بس جالسه اصرف

سمعتها تقول : لا قولي وش صاير .. وليه عصبتي يوم قلت ان الخدامه قالت لي انها مو هنا

اقول لها اولا .. اقول لها اولا .. خلاص بقول لها : اسمعي ..مشعل اخوي .. مايبي رهف تكمل دراسه .. وانا ونايف .. اخذناها معنا اليوم .. وكل يوم بنسوي كذا.. بدون مايدري مشعل .. لان هي بصراحه ودها تكمل دراسه .. ووصيت الخدامه الغبيه مية مره .. ماتقول لاي احد يتصل ان رهف مو موجوده

قالت بتأثر : حرام مايخليها تكمل دراستها .. زين سويتي انتي ونايف

قلت : ايه .. وينها هنوفه حبيبتي من زمان ماكلمتها

قالت : الهنوف مارجعت من المدرسه

قلت : اها

قالت : اوكي نجود .. بخليك الحين .. بروح بتغدا

قلت : وشلون تتغدون والهنوف مارجعت من المدرسه .. لا تتغدون عنها .. انتظروها

قالت : خلاص ولا يهمك

قفلت من عندها .. وركبت غرفتي


...........................

** مشعل **

رجعت من الدوام .. وركبت فوق على طول .. فتحت باب غرفة رغد بهدوء

شفتها جالسه تمشط شعر لعبتها ( باربي ) اللي بيدها .. وكانت عاطيتني ظهرها


رحت غمضت عيونها .. وقلت وانا اغير صوتي : انا مين .. ياحلوه ؟

ضحكت وسوت نفسها تتوقع : اممم نايف ؟

قلت : لا

قالت : اجل نجود

قلت : لالا

صفقت بيدينها وقالت : بــــا بـــــا

فكيت يديني وحضنتها : جبت لك هديه حلوه مثلك

باستني وقالت : وش الهديه ؟

قلت : صديقة اللي كنتي ماسكتها

مديتها لها وانا ابتسم.. فرحت و قالت : واااو باربي .. فستانها حلو .. بابا ابي فستان مثلها

سحبت خشمها وقلت : من عيوني

قمت عنها ورحت الغرفه .. رهف مو هنا .. شكلها تحت مع امي

فتحت الدولاب اطلع لي ملابس عشان بتروش حطيت يدي بجيبي .. واخذت الجوال

.. بس سمعت صوت المسج من جوالي .. حطيت يدي بجيبي .. واخذت الجوال.. فتحت المسج كان


^*^
/
\
/
\
/
\
/
\
/
^*^


ماتوقعتك بهالغباء يامشعل

تروح الدوام ولا تدري زوجتك

وش تسوي من وراك


^*^
/
\
/
\
/
\
/
\
/
^*^


قمت من السرير بعصبيه .. ودقيت على الرقم

رد وقال : توقعت التصالك

قلت له بصوت عالي : وش تبي انت

قال : اقول ..انت تدري ..ان زوجتك راحت المدرسه اليوم ؟

قلت : كذاب .. زوجتي ماراحت المدرسه اليوم .. وثاني شي مايخصك فينا

قال : والله وهذا انا احلف لك بالله انها راحت .. ولا .. اللي موديها المدرسه نايف .. اخوك

وش يقول هذا .. مستحيل هالشي يصير .. قلت : على العموم روح اضحك على غيري

قال : يوم قلت لك عن عبد الرحمن .. كنت اضحك عليك ؟

قلت بصراخ : اقلب وجهك .. ولا عاد ترسل لي شي

قفلت بوجهه .. وجلست على السرير ..حطيك يدي على راسي .. بتجنني رهف هذي


...................
________
بيت مشعل .. الساعه00 مساءً
___________


** رهف **

ركبت الغرفه عشان انام .. فتحت الباب .. شفت مشعل منسدح على السرير .. الحمد الله انه نايم .. دخلت الحمام (( الله يكرمكم )) بدلت ملابسي وطلعت .. رحت عند السرير .. قبل ما اجلس لف علي مشعل .. وقال : بتنامين ؟

خاب ظني وماكان نايم .. جلست وقلت : ايه بنام

قال : وليه تنامين بدري ؟ .. ماعندك مدرسه.. ماوراك جلسه الصبح ولا شي

بيجيب لي حاله نفسيه .. وش دخله انام ولا اصحى .. دام هو مايدانيني ولا يحبني .. اجل ليه يتدخل في الشي اللي بسويه .. ماكانت حياتنا كذا .. صحيح ماكانت حلوه .. بس اهون من الحاله اللي نعيشها الحين

فكيت شعري .. وانسدحت

هز كتفي بقوه وقال : ردي علي ليه بتنامين من الحين

احسن .. خلك كذا تكلم الجدار .. ماراح ارد عليك

سحبني من يدي وقال : مافيه نوم من الحين .. قومي

صرخت عليه : مشعل ترا قسم بالله بطلع انام برا

قال ببرود : كيفك انتي اللي كل البيت بيتكلمون عليك

طنشته .. وغمضت عيوني .. هزني مره ثانيه .. وقال : قلت لك مافيه نوم

مارديت عليه .. ولا حتى ناظرته .. يوم طنشته سكت عني

.
.
.

فتحت عيوني .. وناظرت الساعه اللي بيدي .. معقوله الساعه 6 ونص ..ماحسيت لنفسي اني نمت

ناظرت بجني .. مالقيت مشعل .. اكيد راح الدوام

احد يطق الباب .. سمعت صوت نجود تقول : ادخل

قلت : ادخلي نجود

دخلت وقالت : صباح الخير

قلت : صباح النور

قالت : يللا البسي .. انا ونايف لبسنا وخلصنا

قلت : ومشعل راح الدوام

قالت : ايه .. حنا تحت طيب ..انزلي لنا لا خلصتي


................

____________
الشركه .. الساعه :30 صباحاً
____________


** مشعل **

كنت جالس في مكتبي .. وبالي مشغول .. راسي وجعني من كثر ما افكر .. معقوله الكلام اللي قاله صحيح .. اكيد صحيح لانه ماكذب يوم قال عن عبد الرحمن .. وانا افكر قال لي زميل معي بالشغل : وش فيك مشعل .. مو على بعضك اليوم

ناظرته وانا ساكت .. اصلاً ليه نايف يودي رهف المدرسه .. ما اتوقع يسويها

الا يسويها .. لالا مايسويها وش غرضه من هالسالفه

مستحيل اجلس بالشغل اكثر من كذا .. لان راسي بينفجر .. قمت بسرعه وطلعت .. حتى ما اخذت اذن من احد

.
.
.

وصلت البيت .. نزلت من السياره .. من العجله ما قفلت الباب ولا طفيت السياره ..دخلت بسرعه .. شفت الشغاله

قلت لها : وين مدام رهف

قالت بخوف: ماادري

تركتها وركبت فوق .. فتحت باب الغرفه .. ماشفت احد .. صرخت بصوت عالي : رهـــــــــــــــــــــــــــف
^*^
/
\
/
\
/
\
/
\
/
^*^

***** نهاية الجزء السادس عشر ****

القصة روووووعة يسلمو بس بليززززززززز نبا التكملة لا طولووووووووووووووون علينا

نورتيني بمرورك وهذا جزء لعيونك

...:::][ الجزء السابع عشر][:::...


___________
بيت العمه..الساعه:30 صباحاً
___________


** حنان **


كنت بالصاله ماسكه الجوال .. وجالسه على اعصابي .. ابيه بس يدق

؛×أمير المحبين ؛× يتصل بك

~~)(~~انت بحري وانا اليم يقولون اللي يقولون انا بحبك متيم
خلي الحساد يموتون انت في قلبي غالي لو عنك يسالون ~~)(~~

اغنية يوسف العماني ( احلى اثنين ) كانت نغمة جوالي

فزيت من مكاني

ورديت على طول : الوو..هلا عبودي

قال : هلا قلبي

قلت : وينك انت

قال : انا مو جود

قلت : اجل ليه مادقيت علي .. وقلت لي وش سويت

قال : لا ابشرك .. قلت اللي وصيتيني عليه للي اسمه مشعل

يوم قال لي كذا ..نطيت فوق الكنبه .. وقلت بصوت عالي : يــــــــس .. يعني دخلنا البيت

قال مستغرب : اي بيت ؟

حسيت لنفسي .. وقلت : لا لا .. ولاشي بس مستانسه

قال: اقول وعد

قلت وانا ابتسم : عيون وعد

قال : انتي وش مصلحتك من السالفه اللي انا سويتها

اف فاضي هذا .. ناقصه انا يسويلي تحقيقات ..قلت له : بس وحده اكرهها وعايشه عيشه مفروض انا اللي اعيشها

قال : مافهمت ..؟؟

قلت : ومو مهم تفهم

قال : طيب وعد ..اليوم العصر نتقابل

اقول لكم فاضي .. وش اسوي فيه الحين . .ايه : شوف عبود ..انا ما اقدر اتقابل معك

قال بأنفعال : ولـــــــيه

قلت بقهر : بــس .. آآآف

قال : انتي وعدتيني

قلت : طيب وما اوفيت بوعدي .. باي

قال بعصبيه : هي انتي انا عبد الله ما ينضحك علي .. ولو ماشفتك اليوم العصر .. بدق على مشعل وبقول له ان وعد هي اللي خلتني اقول اللي قلته .. والسالفه كلها كذب في كذب

ضحكت .. الا مت ضحك على هالغبي

قال بتهديد : والله يا وعد اسويها

وانا اضحك .. قلت : لحظه موقادره اوقف ضحك

ماتكلم .. كملت كلامي .. وقلت : ولو اقول لك اسمي مو وعد .. يعني بأختصار ياعبد الله يللي ماينضحك عليك .. انا ضحكت عليك هههههههههههههه .. بايووو

قفلت في وجهه .. وقفلت الجوال مره وحده وفتحت التلفزيون ..فرفرت بسرعه .. شفت اغنية شفت موتي لراشد الماجد .. خليتها ورفعت على الصوت .. وجلست ارقص


شفت موتي وأنـا حي والسبب هم فرقـاك
إرفق بحالي شوي قلبي ماطاع يسـلاك

أطلبك دامني حي تحفظه لي ويفـداك
خلني ألمح الضي..ضي طلت محيـاك

شوقي لك ماهو شوي ياحبيبي ولا أنسـاك
شوفتك عندي الفي عمري ألقاه ويـاك

والعذر مابقى شي غير قولة تمنـاك
حبكم طني طي والسبب هم فرقـاك


طلعت امي من المطبخ .. حطت يدها على صدرها .. وقالت : وش صاير .. وش فيك

كملت رقص ومارديت عليها .. جات لعندي مسكتني .. وقالت : ردي علي

مسكت يدينها الثنتين .. وقلت لها : دخلـنـــا البـــــــيــت

ضغطت على يديني .. وقالت : دخلــنــاه خــلاص

قلت بصوت عالي : ايـــه خـــلاص

تركت يديني ..وقالت وهي رايحه : خلاص يعني اخذ اثاث غرفتي

سحبتها وقلت : وععع يمه .. تخيلي تاخذين هالاثاث الخايس .. نايف بياخذ لك غيره

قالت : والله .. عسى الله يخلي لنا نايف .. قولي آآآآمين

قلت : قول آمين عساك تحبني وتموت فيني .. قول آمين عسى يدينك يانايف ماتفارق يديني

حطيت يديني على كتفها من ورا .. وقلت : خلينا نرقص بس

جلسنا انا وامي ندور بالصاله .. ونغني مع راشد الماجد

فجأه وقفت الاغنيه .. وقفنا رقص. .لفيت و لقيت اخوي فيصل .... ساند نفسه على التلفزيون .. ويهز راسه .. يقول : الحمد الله والشكر

قالت امي : تحمد الله على حالك انت .. ليه مارحت الدوام

قال : انا الحين بروح .. بس خايف اروح .. نايف بيفشني لاني كل يوم تقريباً اتأخر .. يقول لي ماراح يعطيني راتب

ناظرت فيني امي .. وقالت : بكرا يافيصل بتستلم حتى الاداره

قلت انا : ايه والله

ضحك .. وقال وهو رايح : يالله لا تبلاانا

طلع فيصل من البيت ..ناظرت في امي وانا ابتسم من وناستي ..ردت لي لي امي الابتسامه وراحت المطبخ .. وركبت انا فوق

.
.

فتحت باب الغرفه .. شفت الهنوف جالسه على كرسي الكمبيوتر .. ولاصقه وجهها بالشاشه .. تخصرت وقلت : هيه انتي مارحتي المدرسه اليوم

لفت علي .. وهي تبكي الا ذابحه عمرها من البكي .. قالت : رهام ماتت

عقدت حواجبي .. وقلت : ان لله وان اليه راجعون .. اي رهام ؟

قالت وهي تمسح دموعها : بطلة قصتي .. اللي جالسه اقراها الحين

دفيت كتفها بقوه وقلت : ياشينك خرعتيني .. قومي بس قومي وبلا كلام فاضي

قالت : ماراح اقوم .. بكمل القصه

سحبت يدها .. وصرخت عليها : قومي بخش النت

قالت : حرام عليك حنانوه .. تكفين خليني ..انا غايبه عشان اكمل القصه

شفتوا بحياتكم وحده بهالغباء

سحبت يدها بقوه .. وقومتها .. جلست على طول .. وقلت : وه دبه كسرتي ظهري .. سوي ريجيم

ماردت علي .. وطلعت من الغرفه .. مالت عليها .. بدال ماتروح المدرسه .. جالسه تقرا لي قصه

خشيت النت .. وفتحت ايميلي ..اول مافتحته .. جاني مسج من احمد على طول

{1+4=8 وجهة نظر } : ولكم باك .. منوره وعد


.......................


___________
الشركه .. الساعه 00 صباحاً
___________



** نايف **


كنت طالع من مكتبي .. ابي اشوف اخرتها مع فيصلوه .. يحسب الدوام لعبه ..اول ماطلعت .. شفته يناظر في المرايا اللي عند الباب .. ويعدل الشماغ .. تقربت منه وقلت : ياسلام

قال : هلا وغلا .. حي الله المدير

قلت : الله لا يحيك .. فيصلوه .. ماتستحي على وجهك انت .. هذا دوام مو لعبه .. والله ان تأخرت مره ثـ....

مسك يدي .. وقال وهو يناظر هنا وهناك : نايف مو قدام الناس

شلت يدي من يده وقلت : روح زين

مشى ومشيت معه .. قال :اجل رقيني وما بتاخر

مسكت اذني وحركتها وقلت : نعم .. عيد اللي قلته لاني ما اسمع

قال : على الاقل عطني مكتب .. مع اخوك مشعل

ضحكت وقلت :انت قلتها ( اخوي )

قال : لا وانا مو مثل اخوك

قلت : انت مالك الا نحطك مع الحارس

قال بصوت عالي : تحطني انا مع الحارس ؟ .. حط خشمك

حطيت يدي على خشمي وضحكت

كملت مشي معه ..وحنا نمشي .. شفت مكتب مشعل فاضي .. ويــــــــن راح مـــــــــــشــــــــعـــــل ؟؟؟؟ تركت فيصل ودخلت بسرعه .. مسكت الباب وقلت : وين مشعل

وقف .. اللي معه بمكتب.. وقال : والله مدري طال عمرك

رحت لعنده .. وقلت بعصبيه : وشلون ماتدري .. متى طلع

بلع ريقه وقال بخوف : مـــ..ــو .. م م من زمان

اشرت له عشان يجلس .. وقلت : كمل شغلك

طلعت من المكتب .. شفت فيصل بعده واقف .. قال لي : وش فيك

ضربته على كتفه .. وقلت : لا ولا شي .. روح مكتبك

رجعت مكتبي .. دخلت وقفلت الباب.. كانت يدي على خصري ويدي الثانيه على راسي .. كنت اروح واجي في المكت افكر .. وش اللي يخلي مشعل يطلع من الشغل الحين ..لا وبدون اذن .. تتوقعون شك بالموضوع .. لا ما اتوقع وش اللي يخليه يشك .. يووه وش بيسوي اذا رجع وماشاف رهف .. بصراحه انا مو خايف من مشعل ابد .. لاني ما اخاف من احد بس خايف مره على رهف .. آآآه منك يارهف (( غمضت عيوني اتذكر شكلها وهي في غرفة نجود تضحك معي .. شكلها يصير احلى وهي تضحك .. ضحكتها حلوه .. هزيت راسي بقوه كاني اطرد هالافكار وارجع للموضوع الاساسي اللي كنت افكر فيه )) احسن حل ناخذها انا ونجود من المدرسه .. ونرجعها بيت اهلها (( جلست على كرسي المكتب وسندت راسي )) لا مالنا حق نرجعها بيت اهلها ..اجل وش اسوي ..ارجع البيت واتفاهم مع مشعل ؟ .. مابيرتاح لي بال وانا جالس هنا
.
.
.


جلست افكر للظهر .. وماكنت ابي الظهر يجي .. كنت اتمنى الزمن يوقف عشان رهف ماترجع البيت

اخذت نفسي وطلعت من المكتب .. مريت على نجود واخذتها

اول ماركبت نجود السياره .. قفلت الباب .. وقالت : اليوم مره حلو

حركت السياره .. بدون ما ارد عليها

قالت : نيوف قول لي .. ليه ؟

قلت بملل وانا اناظر الطريق : ليه ؟

قالت : جاتنا اخصائيه اجتماعيه مصريه مره تجنن .. صحيح هي كبيره في السن مره بس حبيتها .. احسها ذكيه مره .. حاولت استفيد من خبرتها قد ما اقدر .. تدري يوم شافتني وش قالت ؟

وقفت السياره على جنب .. وحطيت راسي على الدركسون

مسكت نجود كتفي وقربت مني .. قالت بخوف : وش فيك نيوف .. شي يعورك ؟

رفعت راسي .. اخذت نفس وقلت : مشعل عرف

فتحت عيونها وقالت : لاتمزح

قلت : قسم بالله ما امزح

حطت يدها على صدرها وقالت : يمه .. ياربي خايفه .. وش بنسوي

هزيت راسي .. يعني ما ادري

قالت : بيذبحنا مشعل

عقدت حواجبي .. وقلت : لا انتي مالك شغل في الموضوع ..انا بس المسؤول .. لو صار شي ياويلك ان تدخلتي .. طيب

قالت : بس حنا اللي سويناه صح .. والحق معانا

قلت لها : طبعاً صح .. ماعليك جودي .. ان شاء الله مابيصير الا الخير

قالت : الله يسمع منك يااخوي


...........................


__________
المدرسه ..الساعه30 مساءً
__________

** رهـف **

كنت جالسه البس العبايه ..عشان اطلع قبل ماتجي نجود ..ماابيها تنزل لي كل يوم

قبل ما امشي مسكتني الريم .. قالت لي : وين

قلت : بطلع

نفخت خدودها وقالت : رهوفه .. قولي لاخوك محمد ..اني ما ابي نروح شهر العسل ابها

ناظرتها وضحك بصوت عالي

ضربت برجلها الارض وقالت : ما ابي .. ما ابي .. ما ابي

مسكتها وقالت : اركدي يا الخبله .. وش فيها ابها .. تجنن .. وانتي احسن من غيرك اللي ماراحوا مكان

ناظرت فوق بتفكير وقالت : ايه والله

قلت : وتقول ايه بعد .. من جدك تروحين ابها انتي .. بس ماعليك من هنا لذاك الوقت يمكن محمد يغير رايه .. ويوديك روما

رفعت يدينها .. وقالت : يــــــــــارب

.
.
.

طلعت من المدرسه .. وجلست ادور سيارة نايف .. ماشفتها .. الظاهر للحين ماجا .. وانا انتظر وقفت قريب مني سياره تشبه سيارته .. بس مو متأكده .. هذي هي اولا .. اخاف اروح وتطلع موهي واتفشل .. وقفت شوي .. شفت وحده تطلع من السياره .. ايه هذي نجود ..رحت لعند السياره .. لفت نجود لنايف .. قالت : هذي هي جات

ركبت السياره .. وتحرك نايف .. اليوم ساكتين .. مايتكلمون .. على غير العاده

مر نايف على باسكن روبنز ..قال : تبون شي اليوم من باسكن

لفت نجود تناظر للدريشه .. وقالت بقهر : والواحد له نفس ياكل

وش صاير ..شكلها نجود زعلانه من نايف .. ومالها نفس تاكل ..بس نجود ونايف مايتزاعلون !!!

يوم قربنا للبيت ..سمعت نايف يقول بصوت خفيف : جودي قولي لها ان زوجها بالبيت .. عشان على الاقل ماتتفاجأ

حطيت يدي على قلبي ..وقلت : مشعل بالبيت

لفت علي نجود .. وقالت بتوتر : بس لا تخافين انا ونايف معك

مااهتميت لدموع الخوف اللي طاحت من عيوني ..اللي يهمني وش اسوي الحين بهالمصيبه .. ياربي بيذبحني مشعل .. بخلي نايف يرجعني البيت

قلت : نايف رجعني البيت

قالت نجود بسرعه : لا نايف .. مالنا شغل

ولفت علي وقالت : وش بيسوي يعني مشعل ..ليه خايفه لهذي الدرجه

قلت ودموعي تطيح : الله يخليك نايف رجعني .. الموت اهون من اني اقابل مشعل الحين

كان نايف يحرك يده على الدركسون .. كانه يفكر

قالت نجود : خلونا نروح البيت .. يمكن مشعل موهناك اصلاً

قال نايف : متأكد انه هناك .. انتي نجود مثل ماقلت لك .. مالك شغل بالسالفه خير شر

وصلنا البيت .. وقف نايف السياره بالحديقه .. بس محد نزل

قال : وش فيكم جالسين

قالت نجود : ما ابي انزل اول وحده

قال : يعني وشلون بتجلسون بالسياره لليل

فتح الباب بينزل .. وفتحت الباب انا بعد .. حسيت ان نايف هو اللي بيوقف معي هالوقت .. عشان كذا قلت له : نايف خليك معاي

ناظر فيني .. ابتسم وهز راسه بأيه

نزلنا من السياره .. ودخلنا الصاله .. شفنت مشعل جالس على الكنبه .. اول ماشفته دقات قلبي زادت .. نزلت راسي .. ماابي حتى اناظر فيه .. رفعته مره ثانيه ..شفته يوقف ويناظر بالساعه .. ويقول : تأخرتوا..من زمان انتظركم

قال نايف بثقه : ابد الطريق كان زحمه

ابتسم مشعل .. وقرب مني .. مسك يدي وقال بهدوء : تعالي رهف بكلمك

مسكتني نجود من يدي الثانيه .. وقالت : لا رهف بتجلس معانا الحين

قال مشعل : نجود .. شيلي يدك عن زوجتي

مستحيل اروح مع مشعل .. ادري عنه بيذبحني .. قلت وصوتي كان يرجف : مشعل بجلس معاهم

عطاني نظره حاده .. قالت نجود : اتركها مشعل .. حنا ماسوينا جريمه

ناظر فينا كلنا وقال : بالنسبه لي اللي سويتوه اكبر جريمه

جلس نايف على الكنبه .. واشر على مشعل بصبعه .. وقال : بالنسبه لك انت بس

قال مشعل وشكله بدا يعصب : اصلاً انت وهذي اللي بجنبك .. وش دخلكم بزوجتي

قال نايف بهدوء : مشعل .. كلمنا زين لان حنا نكلمك زين .. اللي بجنبي .. اسمها اختك نجود

قال بصوت عالي : ادري انها اختي

سند نايف راسه على الكنبه وقال : زين انك تدري

حط يده بجيبه .. ورما الجوال على مشعل ..وقال بثقه : دق على اهل رهف .. وقول لهم بكل السالفه .. شوف مع من بيوقفون

انا مستغربه شي واحد .. ثقة نايف وبروده !!

مسك مشعل الجوال .. وصوته بدا يعلى اكثر : طبعاً معي انا .. لاني زوجها

ابتسم نايف وقال : انت الحين ليه تصارخ .. شايف احد غيرك هنا يصارخ ؟

ناظرفينا انا ونجود وحرك كتوفه وقال : والله مستغرب منه انا !!

كانت نجود كل شوي تضغط على يدي .. احسها تقول لي لا تخافين دام نايف معنا

ومشعل يناظر في الجوال بعصبيه

قال نايف : اقولك دق وش فيك واقف ..،،، اشر لنا ،،، تعالوا اجلسوا .. خلونا نسمع اهل رهف وش بيقولون .. يللا مشعل تعال سمعنا

المصيبه لو دق ورد اخوي يوسف .. ناظرت في مشعل .. ماكان يسوي شي .. فجأه رمى جوال نايف على الكنبه

رفع نايف حاجبه .. وقال : شفت ماتقدر .. يللا مو مشكله .. تصدق انا بموت جوع ،،،، صرخ ،،،، خــــــــالـــــــتي فـــاطـــــــمــه...خــــــــالـــــــتي فـــاطـــــــمــه

شوي و طلعت من المطبخ خالتي ام مشعل .. وقالت : نايف ناديتني ؟ .. ماسمعتك لاني برا عند باب المطبخ الخارجي

قال نايف : وش الغدا اليوم

قالت : كبسة لحم

تنهد وقال : الله من زمان خاطري فيها.. بروح بشوف

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

انا مره مستغربه من برود نايف .. لفيت على مشعل ..شفته يعض شفايفه .. اكيد من القهر

اشر لي اروح وراه المجلس.. شلت يدي من يد نجود .. قالت : بتروحين

هزيت راسي لها .. كاني اقول عادي .. اصلاً مشعل مايقدر يسوي شي ..نايف طيح وجهه قدامنا كلنا .. لو الحق معه كان دق على اهلي ماخاف


..........................................________ __
بيت الريم ..الساعه30 مساءً
__________


** الريم **

جالسه اكلم محمد .. في التلفون .. نتكلم عن العرس وتجهيزاته

محمد : اتخيلك بتطلعين مره حلوه في العرس

حتى انا اتخيل نفسي بطلع مره حلوه.. قلت له : وانت احلى

قال : الا تعالي ريمي .. وش لونه فستانك في عرسنا

قلت له بتفكير : امممم للحين مدري وش اللون

سمعته يضحك .. ليه يضحك ؟؟؟؟.. يووه تو استوعب انه يسأل عن لون فستان العرس .. ياربي انا دلخه .. اكيد ابيض .. اجل وشو .. بقول له كنت احسبك تتكلم عن عرس ثاني .. لا بيدري اني ارقع لانه قال في عرسنا .. للحين يضحك : محمد فستان العرس له الوان مو بس ابيض .. يعني سكري .. او

قاطعني وقال : وش فيك ؟ لايكون تحسبيني اضحك عليك .. انا اضحك على اخوي سعد .. جالس يدغدغني

قلت بزعل : اووف حمودي لا تفشلني

ضحك بصوت عالي .. وقال : امزح معك .. يللا عاد .. مو لاني احبك تتدلعين علي

قلت وانا العب بشعري : الدلع مطلوب

قال : فديت الدلع .. وصاحب الدلع .. وفديتك ريومتي

قلت : فداك اللاش

قال : ريمي

قلت : عيونها

قال : تحبيني

قلت على طول : اكيد

قال : اكيد وشو

قلت بخجل : احبك

قال : وانا احبك واموت فيك و... لحظه

شكله حاط يده على السماعه .. ما اسمع شي .... تأخر

رجع وقال : الوو .. اووف روح عني .. اتركني .. شيل يدك عن السماعه .. ترا بطقك

قلت : محمد وش صاير .. مين اللي بجنبك

قال : هذا .. اووووووف انقلع اقولك اترك السماعه ماتفهم انت .. ايه قلبي هذا سعد الغبي .. يبي يكلمك .. خرب علي الجو الشاعري اللي كنت فيه

ضحكت وقلت : خليه يكلمني

قال : طيب .. بس لا تعطينه وجه .. ترا اشكال سعد .. ماتنعطى وجه

عطى سعد السماعه .. قال سعد بصوته الطفولي : الوو .. السلام عليكم

قلت : وعليكم السلام ورحمة الله وبركاته .. اخبارك سعودي

قال : زين

سمعت محمد يقول : خلاص هات السماعه

قلت لسعد : قول له يطلع من الغرفه .. عندنا مواضيع مهمه

قال له سعد : تقول لك الريم .. اطلع من الغرفه .. مانبيك .. عندنا اسرار ومواضيع مهمه

اخذ محمد السماعه وقال : حلوه ذي

جلست اضحك .. قال : لا تضحكين .. اليوم انا بصير مجرم .. بذبحك .. وبذبح هالكمخه اللي معي

شهقت وقلت : تذبح خطيبتك

قال : اذا خطيبتي تخوني مع اخوي .. اذبحها واذبح ابوها

قلت له : بص ياحماده دنا حقرقرك ( اجرجرك ) في المحاكم

قال بضحكه : ماتقرقريني ياختي

قلت : اه واللهي

قال بسرعه : ايه صح .. ريوم بنطلع اليوم

قلت : لا انا من اليوم ببدا اذاكر

شهق وقال : من اليوم بتحكمين علي بالاعدام

قلت : وش اعدامه هههههههههههه .. ماتبيني اجيب نسبه حلوه ؟

قال : الا ياعمري طبعاً ابيك

ابتسمت وقلت : اجل خلاص

قال بزعل : بس اليوم بنطلع

قلت : لا

قال : يللا عاد قلبي

قلت : لالا

قال : والله بس اليوم

قلت : محمد قلت لك ماراح اطلع

قال وشكله عصب : 5 دقايق وانا عندك

قلت : محمـــ..........

قاطعني وقال : يللا باي اشوفك بعد شوي

قلت : زين باي

قفت الجوال ورميته على طاولة الكمبيوتر وكتفت يديني .. يااربي محمد عنيد .. لكن انا اوريه
مابعطيه وجه لا جا

فتحت الدولاب وطلعت لي برمودا وردي مع سير ابيض وبلوزه بيضا وطلعت عقد وحلق لونهم وردي

والا عندي فكره احسن .. ماراح انزل له اذا جا

رميت الملابس اللي طلعتهم على السرير

واخذت كتاب الرياضيات وحطيته على الطاوله .. قربت الكرسي وجلست

فتحته على الصفحه الاولى .. وجلست اذاكر

نص ساعه .. وسمعت طق على الباب .. قلت : ادخل

فتح الباب اخوي خالد وقال : ريوم محمد تحت ينتظرك اوكي

قلت : اوكي الحين بنزل

راح اخوي خالد وانا كملت مذاكره

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

ناظرت في شاشة الجوال .. وطنشت محمد

بعانده مثل ماهو يعاندني

مثل ماتوقعت وصلني مسج من محمد

^*^
/
\
/
\
/
^*^

ريوم حياتي انا تحت اوكي

^*^
/
\
/
\
/
^*^

خلاص بنزل شكله بيعصب علي الحين

وصلني مسج ثاني

^*^
/
\
/
\
/
^*^

انا تحت يعني انزلي
يعني مليت وانا انتظر
يعني طفشت
يعني بتجين والا ارجع البيت

^*^
/
\
/
\
/
^*^

يعني يعني يعني .. بنزل الحين .. قلت لكم انه بيعصب

اخذت كتابي الرياضيات .. وطلعت من الغرفه ونزلت الدرج بسرعه

يوم وصلت الى نص الدرج لمحت محمد جالس على الكنب بالصاله ويناظر فوق

قبل ما انزل اكثر .. تذكرت اني بالبــــــيـــــــجــــــــامــــــــــه ( كانت بيجامه حرير لونها احمر ) .. وكشتي قايمه .. وحالتي حاله .. يافظيحتي .. والله لو يشوفني محمد مايفرق بيني وبين الشغاله

لفيت بهدوء ورفعت رجلي بشويش .. عشان ارجع فوق

غمضت عيوني بقوه يوم سمعت محمد يقول : ريــوم

والله في ذيك اللحظه عشت صراع بيني وبين نفسي .. هي ثلاث احتملات

اركب بسرعه ابدل وانزل ... او اني اطنشه واركب غرفتي وما انزل الى ان يروح
او انزل له بكشتي وبيجامتي

والله كله منك ياريموه .. وكله من عنادك .. وراسك اليابس .. لو اني لابسه الملابس اللي طلعتهم .. ومزينه شعري مو احسن

انا طلعتهم وش اللي خلاني اغير رايي .. من الدلاخه والله

اخر شي قررت امشي على الاحتمال الثالث .. وانزل لمحمد بكشتي وبيجامتي .. لان هو الاحتمال الصائب .. ان ركبت وطنشته بيزعل .. وان بدلت بسرعه ونزلت ماراح استفيد شي لانه شافني

لفيت ونزلت الدرج بشويش .. يوم طاحت عيوني بعيون محمد اللي كان واقف ابتسمت له ابتسامه بارده

رد لي محمد الابتسامه .. ناظرني شوي وقال : اخبارك

هزيت راسي .. وجلست على الكنبه وحطيت كتاب الرياضيات بجنبي

جلس معي وقال : وش فيك تأخرتي

ناظرت للجهه الثانيه ومارديت عليه لاني كنت متوتره مره .. طول ما حنا جالسين انا اعدل شعري .. ادخله ورا اثني .. وافكه والمه مرا ثانيه .. وامسح عليه بيدي .. بصراحه منحرجه منه مره .. احس اني شوي وابكي .. ماكنت ابي محمد يشوفني كذا

وانا امسح على شعري .. مسك يدي محمد وقال : زين خلي شعرك

يعني محمد ملاحظ اني كل شوي اعدله .. اكيد يضحك على شكلي

شوي وجات امي تقهوي محمد

ومحمد يقول لها : مايحتاج .. ليه تعبتي نفسك خالتي اصلاً انا والريم بنطلع الحين

قالت له امي : لا ياولدي لازم اقهويك .. ريوم صبي لمحــ .. ’’ وقفت عن الكلام شوي وقالت ’’

بتطلعون الحين والريم جالسه بالبيجامه

احرجتني امي مره .. واحرجني محمد اكثر يوم قال : مدري عنها .. مع اني كلمتها في التلفون وقلت لها ان حنا بنطلع

ماتكلمت لاني ان تكلمت ببكي

محمد : وين وصلتي

فتحت عيوني وقلت : هاه

وين راحت امي .. مو تو قبل شوي كانت هنا .. الظاهر سرحت

قال لي محمد : متى بنطلع

فتحت كتاب الرياضيات اللي كان بجنبي واخذت قلم من الطاوله

وكتب عليه : ماابي اطلع

رفع حاجب وقال : على كيفك

كتبت : طبعاً

قال : وش السالفه محرمه الكلام معي اليوم

كتبت له : ايه ماراح اتكلم

قال : طيب

وقام من مكانه .. من شفته وقف .. على طول وقفت وقلت له بخوف : وش بتسوي

ضحك بصوت عالي وقال : والله ماكنت بسوي شي

قلت بشك : اجل وشوله قايم

قال : كنت باخذ من يدك القلم بس هههههههههه

ضربته على صدره وقلت : لا تضحك زين

قال : اوكي مابضحك بس روحي بدلي ملابسك عشان نطلع

قلت له وانا رايحه : دقايق وراجعه


.......................................