تابعوني في قصتي الجديده واللى مايتابعني خسرااااان

ويييييييييين الجزء الثالث يله اعرضيه

تراني تحمست بالمره يله بكرا اعرضيه

اول مارجع من المدرسه بالقاه معروض اوك

ونسيت اقولك مشكوووووووووره على الموضوع

تسلمي حبيبه قلبي (اتعبني غروري)
وتامري امر بدري عليك تنساني

...:::][ الجزء الثالث ][:::...
__________
غرفة رهف .. الساعه 8:00 مساءً
__________

** رهف **


صحيت وجلست اناظر شوي .. عرفت اني في غرفتي .. شفت اخوي محمد .. جالس بجني .. كنت منسدحه .. قمت على طول ..

قال لي وهو يناظرني بنظرات ماعرفت تفسيرها : صحيتي

لا نمت مايشوفني صاحيه قدامه .. هزيت راسي .. بمعنى ايه

قال لي وهو رافع حاجب : زين ماقلتي لي .. من وين تعرفين مشعل

فتحت عيوني بقووه .. وش جالس يقول محمد .. لا هذي عائله مو صاحيه .. صدقوني مجانين

قلت له وانا احط يدي على راسي .. لان كان يعورني : ما اعرفه .. ولا عمري شفته .. اصلاً من هذا

سحب يدي بقووووه : العبي على غيري .. مستحيل واحد مثل مشعل .. يخطبك وهو لا يعرفنا ولا نعرفه

حاولت اسحب يدي منه بس ماقدرت .. قلت له وانا ابكي : والله العظيم ما اعرفه .. اصلاً ما ادري من وين طالع لي هالمشعل

قال لي : كذابه .. ايه كذابه .. سمعته وهو يقول لابوي .. لو تبي مهرها مليون بعطيها.. وبعيشها في احسن فله ..بعيشها ملكه في بيتي .. بس انت عطني اياها .. معقوله واحد مايعرفك ولا تعرفينه بيقول كذا .. العبي غيرها

ماقدرت ارد عليه وانا ابكي .. شد على يدي اكثر وهو يقولي .. تكلمي .. بس انا ماتكلمت .. مسك شعري بقوه وهو يصارخ : بتتكلمي ولا اذبحك .. موقلت لكم احسبوا كم مره بنطق اليوم .. عشان هالمشعل ..

مسكت يده وقلت له :محمد الله يخليك .. لا تعذبني اكثر .. قلت لك ما اعرفه .. ما اعرفه

توقعته يطقني اكثر .. بس لا .. تركني وطلع من الغرفه .. جلست ابكي على حظي .. وعلى حالي اللي انا فيه الحين

دخل علي اخوي سعد .. وجاني يسرع يقولي لي : رهوفه حبيبتي لا تصيحين .. قومي بجيب لك حلاوه

ضميته بقوووه وانا ابكي .. اكثر واحد يحس فيني اخوي سعد .. لو كان اخوي سعد كبير .. اكيد ما بيخليهم يطقوني

قال لي سعد : سمعت انك بتتزوجين.. وااو يعني بتجيبين لي عيال العب معاهم

من سمعت سيرة الزواج .. جلست ابكي اكثر ..وقلت له : سعد حبيبي اطلع الحين ابي انام ..

طلع سعد و دخلت علي امي .. وجلست على السرير مسكت يدي وقالت لي : رهووفه حبيبتي هذا نصيبك .. ولازم ترضين فيه .. وابوك اكثر واحد يحب مصلحتك .. وهذا مشعل رجال ولا كل الرجاجيل .. بيحافظ عليك

قلت لها :ايه هين ابوي يحب مصلحتي .. لو يحب مصلحتي مارماني على هالشايب

قالت لي وهي مبتسمه : من اللي ضحك عليك وقال لك شايب .. انا شفته بعيوني شباب .. كانه اخوك يوسف .. عاد الا عمره 30

جلست احللها بمخي .. 30 يا يمه حرام عليك ومعتبرته صغير .. خلونا نشوف الحين انا عمري 17 وهو عمره 30 .. اكبر منك يا رهوف بـ 13 سنه تقريباً وين اصرفها هذي .. الظاهر هو يبيني عشان يربيني .. مدري ليه جا على بالي .. ان يوسف قال لي انه متزوج وعنده بنت .. عشان يقهرني بس

سالت امي : زين هو متزوج .. وعنده بنت

سكتت امي شوي وبعدين ردت وهي مرتبكه : لا مو متزوج متزوج .. هو كان متزوج .. بس زوجته توفت قبل سنتين ..وماعنده الا بنت صغيره اصغر من اخوك سعد بسنه .. عمرها 6 سنوات

حطيت يدي على راسي .. والله ما اصدق .. وش رايكم انتو باللي يصير لي .. مو حرام .. والله حرااااااااااااام ..

باست راسي امي .. وطلعت .. حطيت راسي على المخده ونمت

شفت خالد جايني .. يقولي تعالي بيتنا نروح هناك .. اشر لي على بيت صغير .. وقال لي بنتنا تنتظرنا ..

تبينا نروح نلعب معاها .. مسكته ورحت معاه .. وانا لابسه فستان ابيض .. وهو لابس ملابس بيضا ..

وراكب فوق حصان ابيض .. ركبني معاه .. ركبت وانا مستانسه مع زوجي خالد .. فجأه جاني شايب يقول انا مشعل .. ضرب خالد

بالعصا وقتله .. واخذني عطاني فستان اسود .. وقال لي البسيه .. واخذني الى قصر كبير .. ورماني فيه .. وجاب بنت صغيره .. وقال لي يللا ربيها .. انا جايبك هنا مربيه لبنتي .. وجلس يضحك

صحيت من النوم .. وانا متخرعه .. اتعوذ من الشيطان .. وانا اتنفس بسرعه .. معقوله هذي حياتي مع مشعل .. ماااااا ابي .. ماااااااااابي .. مااااااااااااااابي

.
.

مرت ثلاث ايام وانا على هذا الحال .. لا اروح المدرسه .. ولا اكلم احد ..بالي منشغل .. ملكتي يوم الخميس .. واليوم الثلاثاء .. يعني ما باقي شي .. تذكرت جوالي .. وينه .. وين رميته انا .. شفته تحت سريري ..اخذته كان فيه 6 مسجات و 23 مكالمه لم يرد عليها

كان 4 مسجات من رفيقة دربي .. الريم ..و 2 من صديقاتي ديمه وعبير

^المسج الاول كان ^


^*^
/
\
/
\
/
\
/
\
/
^*^


هلا رهوف ردي على جوالك .. ابي اكلمك

^ثاني مسج^


^*^
/
\
/
\
/
\
/
\
/
^*^

سلامات رهوف وش فيك غايبه من المدرسه اليوم ماخبرتيني انك راح تغيبين يا الخاينه
لايكون مريضه او فيك شي طمنيني عليك اوكي

^المسج الثالث^


^*^
/
\
/
\
/
\
/
\
/
^*^

زودتيها انتي عاد يومين غايبه مو معقوله الله يخليك رهوفه
ردي علي لا تخليني في حيره كذا

^المسج الرابع^


^*^
/
\
/
\
/
\
/
\
/
^*^

مايصير 3 ايام غايبه بدون سبب ماتعودت عليك تغيبين كذا لا ومن بداية الدراسه
انتي ثالث يارهف لا تنسين وردي على اتصالاتي بموت من الخوف حرام عليك

والمسجين الثانيين ..كانوا يسالوني عبير وديمه ..ليه غايبه .. والله مالي نفس اروح المدرسه واشوف احد
.. الله يكون بعوني .. اقوم اصلي ..احسن لي


..........................

________
بيت الريم .. الساعه 1:30مساءً
________

** الريم **


رجعت من المدرسه .. رميت شنطتي على الارض .. ورحت اركض لجوالي .. اكيد رهوفه .. ارسلت لي شي .. مسكته ادور مافيه شي .. لا دقت .. ولا ارسلت .. جلست في الصاله بيأس .. ابي اعرف بس وش فيه رهف ..بموت من الخوف .. قلبي يقول لي ان فيها شي كبير .. جلست على الارض و سندت راسي على الجدار .. بدون ما احس طاحت دمعه من عيوني .. وينك يا رهف .. ماتدرين ان الدنيا بلاك ماتسوي .. والمدرسه مالها طعم من دونك ..لا تخليني لحالي .. مسحت دمعتي .. ومسكت التلفون .. قلت بدق على بيتهم .. مع اني دقيت مليون مره وامها تقولي لي نايمه .. رهف اعرفها اكثر منهم ماتنام لا بالظهر .. ولا العصر .. ليه يكذبون علي ليه .. دقيت الرقم ******* وانا ادعي ربي انهم مايقولون لي نايمه .. رد علي صوت رجولي قال لي : الو

قلت له : الوو .. السلام عليكم

رد علي : وعليكم السلام يا هلا

عرفت صوته .. هذا محمد .. قلت له : كيف حالك محمد

قال لي بسرعه : بخير دام الغاليين بخيرر .. وانتي

استحيت شوي يوم قال .. الغاليين .. جد محمد يعتبرني من الغاليين .. مافكرت كثير بكالمه .. لان اللي شاغل بالي .. في الوقت الحال .. رهف وبس

قلت له : انا بخير الحمد الله

قال لي بحماس وبصوت عالي : عسى دووووووووم يارب مو يووووووووم

قلت له : رهف موجوده

قال لي : ايه .. ايه ... لحظه

كنت ادعي ربي يارب .. يارب .. يارب .. تكلمني وتكون بخير يارب

......................


_________
غرفه رهف .. الساعه 2:00 مساءً
_________


** محمد **

فتحت باب غرفة رهف .. وانا مستانس .. يااربي.. سمعت صوت غلاتي الريم .. فديتها .. الله يخليها لي يارب

شفت رهف منسدحه على السرير .. قلت لها رهف رهف .. قومي كنت بقول لها تلفون بس من قلت .. تعالي تلفـ....

قاطعتني وقالت : نايمه نايمه

طلعت من الغرفه .. قفلت الباب ..ونزلت طيران للريم .. مسكت سماعة التلفون .. وقلت لها :الريم ..

قالت لي بسرعه ونبرتها فيها الخوف : نعم .. وين رهف .. وينها

قلت لها : نايمه ..

بس اللي استغربت منه .. انها ساكته ماقالت لي شي .. قلت لها الوو اكثر من مره بس هي ساكته ..


فجأه سمعت صوت بكي .. قلت لها وانا خايف عليها : الريم .. يا الغاليه .. تبكين

قالت لي وصوتها كله بحه : محمد ..لو صدق انا غاليه على قلبك .. بتخليني اكلم رهف .. تكفى محمد .. الله يخليك ..( وزادت في البكي ) .. ابي اكلمها .. لو ماكلمتها اليوم .. بمووت .. وربي خايفه عليها .. تكفى ..

بصراحه كسرت خاطري .. بيني وبينكم .. اصير مجنون .. وغبي .. لو ماخليت رهف تكلمها الحين ... لو اجيبها من شعرها عشان تكلمها .. ما اتحمل اسمع الريم تبكي ..

قلت لها : والله الحين اجيبها لك يا الريم .. بس انتي لا تبكين عشان خاطري

وش عشان خاطرك انت .. يا الثور .. يا الدرج .. يا الحطبه .. مسوي تمون على البنت انت ووجهك

قالت لي بصوتها الناعم : تسلم محمد .. يللا انا انتظرك

قلت لها ولأول مره احس نفسي حنون : انتي الحين روحي غسلي وجهك .. وارتاحي .. وانا بخليها تكلمك .. بعد شوي

ردت علي بسرعه : لا انا ابي اكلمها الحين

قلت لها : يللا عاد ريوم بلا عناد وروحي غسلي وجهك وارتاحي

عضيت على شفايفي ..لا بالله هالثور صدق نفسه ..وش فيني انا ..زودتها ..وطيحت ابو الميانه ..قالت لي كلام ماسمعته .. لاني ما كنت معاها

قلت لها : هااه .. نعم وش قلتي ضحكت علي وقالت : ولا شي .. ,, وكانها قالت بهمس اللي ماخذ عقلك يتهنابه .. اذا ماكنت غلطان عاد ,,

قلت لها الله معاك وقفلت وهي ماتدري .. انها هي اللي ماخذه عقلي .. بس حسيت الريم مرتاحه لي وهي تكلمني .. ان شاء الله اللي احسه صح .. والحين .. انطــــــــــــــــــلاق الى غرفة رهف .. اللي لو ماطاعت تجي بجيبها بالقووه .. تفدا الريم مية رهف

.....................................
__________________

كرمااااااااااااااال عيونك بنزل جزء ثاني

...:::
][ الجزء الرابع ][:::...__________
سيارة مشعل ..الساعه 9:00 مساءً
__________


** رهف **


كنت بسيارته .. ودعت بيت اهلي .. مدري ليه احس اني مودعته لمده طويله ..ماكنت ابي اجلس معاه قدام .. عشان كذا حمدت ربي .. ان ولد عمته كان معانا وجلس قدام .. حسيت برتياح اكثر وانا جالسه ورا .. المهم وصلنا ما اقدر اوصف لكم .. شكثر الفله كبيرررره .. كبيره بشكل مو طبيعي .. ما اتخيل نفسي عايشه هنا .. معقوله بعيش فيه بس هو وبنته
فتح لي الباب وقال لي تفضلي .. نزلت .. حديقته كبيره وتجنن .. دخلنا البيت .. جلست اناظر .. كان شكله فخم ويجنن .. سالني : وش رايك في البيت

قلت له : عادي

مدري ليه قلت له عادي .. مع انه مو عادي .. ماحبيت يقول اني احب هالاشياء .. وانا فعلاً .. هالاشياء ماتهمني

جات بنته تركض .. وحضنت ابوها .. البنت بصراحه تهبل ..بس غريبه .. الظاهر امها ماكنت سعوديه .. عيونها لونها زرق .. شعرها اشقر .. وبيضا مره .. بنفس درجة بياضي تقريباً .. بس حلوه البنت .. ناظرتني بنظرات حقد

وقالت : الحين هذي العروس الجديده .. وعععع .. امي احلا

قال لها بسرعه : رغد .. عيب .. روحي غرفتك

اسمها رغد يعني .. لسانها يبي له قص .. صدق قليلة ادب مثل ابوها

لف علي وكان منحرج : اسف رهف .. بس تعرفين بنت صغيــ.. قاطعته وقلت له : لا لا عادي .. ماتهموني

يووه كاني قلت شي غلط .. (( ماتهموني )) .. عدلتها وقلت له وانا مبتسمه : أأأ قصدي ماتهمني ..

لاني عارفه انها صغير وكذا

هز لي راسه وقال للشغاله تدلني غرفتي .. رحت الغرفه اللي دلتني عليها .. كانت حلوه وفخمه .. لونها تقريباً بني وبيج ..قلت للشغاله ترتب اغراضي في الدولاب .. اخذت جوالي ودقيت على الريم

ردت علي الريم وهي مقهووره : انا ما اكلمك وشوله داقه علي

قلت لها وانا اضحك : هههههههه ليه عاد

قالت لي : وش فيك على الغياب انتي .. كل يوم والثاني غايبت لنا .. ماكنتي كذا السنه اللي فاتت

قلت لها وانا ابلع ريقي : غبت اليوم لاني لاني تزوجت

........................

___________
بيت ريم .. الساعه 9:45 مساءً
___________


** خالد **


كنت جايب كتب للريم من المكتبه .. وانا راكب الدرج كنت ااتذكر رهف .. اللي وحشتني موووووووت

ماتدرون شكثر واحشتني هالبنت .. وادندن ..

علمني وشلون أنساك وأنام

وأنا اللي لك صاحي أيام وأيام

شاغلني في بالي شوقك ولا يروح

صاحي أنا ونايم ما يروح ما يروح

وصلت لغرفة الريم ..الا وهي تقول ..طيب رهف .. لا تقطعين .. مو عاد تنشغلين بحياتك الجديده .. وتهملين الدراسه

هههههههههه طيب .. اوكي ولا يهمك .. على خير ان شاء الله .. مع السلامه

لفت علي وهي تقول : والله هالدنيا غريبه .. من جد غريبه .. اجل رهف .. تتزوج زواج سريع وانا اخر من يعلم

لا مستحيل .. هذي وش جالسه تقول .. تبي تموتني .. تقدمت منها ومسكتها وانا اصرخ في وجهها : كذااااااااااااااااااابه .. انتي كذااااااااابه

قالت لي وهي مستغربه : خالد .. جنيت وش كذابته اتركني .. وليه عاد كل هالانفعال .. وش فيك

قلت لها : الريم .. ( واخذت نفس ) .. رحم الله والديك .. قولي لي وش السالفه .. لاني مو فاهم شي

ناظرتني شوي وقالت لي : زين اتركني .. وبقولك

ايه صح نسيت اني كنت ماسكها .. تركتها وقلت لها .. وانا امسح بشعري على ورا : طيب يللا قولي

قالت لي وهي تبتسم ابتسامة خوف : رهف صديقتي .. بنت جيرانا ابو يوسف .. تزوجت امس

حسيت اني ابي ابكي .. بس مابكيت .. كيف تتزوج وانا احبها وهي تحبني ومن هذا اللي ماخذها ... اخذت نفس طويل .. وقلت لها : لا .. اها .. ايه .. ومن هذا اللي تزوجته

قالت لي : صديق اخوها يوسف .. كل شي صار بسرعه .. وابوه متوفي .. وماسوت عرس .. وما مداها تقول لي .. مو مصدقه .. الظاهر انا بحلم .. معقوله رهف تزوجت ..

اذا انتي مو مصدقه .. اجل وشلون انا اصدق .. قولولي بس وشلون

كانت هي تتكلم .. مشيت وقفلت الباب .. الظاهر كانت تناديني .. بس مالفيت عليها .. رحت غرفتي .. دخلت وقفلت الباب بالمفتاح .. وانسدحت على سريري .. راحت مني رهف بهذي السهوله .. راحت ملكة القلب والاحساس كله .. وانا وين اروح .. وش اسوي .. احبها من يوم كان عمرها 15 .. كله منك يا خالد .. تنتظرها تخلص ثانويه عشان تخطبها .. كان خطبتها الحين .. طاحت دمعه من عيوني .. دمعه كلها حسره وقهر والم .. حطيت يدي تحت المخده .. طلعت البطاقه .. تذكرونها .. البطاقه اللي اعطتني اياها رهف ..في السياره .. وفتحتها .. جلست اقراها .. قفلتها .. وطلعت من غرفتي .. وطلعت من البيت مره وحده .. مدري وين اروح بصراحه .. بس اهم شي اطلع


...................................

_____________
بيت مشعل .. الساعه 7:30 صباحاً
_____________


** رهف **

صحيت من النوم .. ناظرت بجني .. كان مشعل مو موجود.. قمت من السرير .. دخلت الحمام ( اكرمكم الله ) .. شوي وطلعت .. لقيت مشعل مو موجود بالغرفه .. شفت الفطور على الطاوله .. وفيه مع الفطور ورقه .. اخذتها .. وفتحتها .. كان مكتوب فيه :

^*^
/
\
/
\
/
\
/
\
/
^*^

رهف .. انا عندي شغل .. ما راح افطر معك اليوم .. ان شاء الله اجي على الغدا

^*^

فتحت عيوني بقوه .... وحطيت يدي على خصري ... ياسلام .. يقول قسم .. اصلاً هو من متى يفطر معي .. من اول ماتزوجت للحين صار لي اسبوعين .. مافطر معي .. الا 3 مرات .. تركت الورقه .. ورحت صليت .. قريت قرآن شوي .. وبعدين قمت .. جلست على السرير .. وش اسوي ماعندي شي .. طفشانه .. البيت كبير وفاضي .. واليوم خميس .. مافيه مدرسه .. ولو طلعت اشوف التلفزيون .. بشوف رغد بنته .. وهي ماتدانيني .. الاحسن ما احتك فيها .. خليها بقلعتها .... الا وش اخبار خالد .. للحين يتذكرني .. مانساني ..وبعدين انا متزوجه وش يهمني فيه .. بدق بيت ريم يمكن هو اللي يرد على الاقل بسمع صوته .. مسكت التلفون .. ودقيت الرقم .. ******** .. وجلست انتظر احد يرد .. ردت علي اختها نوره : الوووو .. الووووو .. قفلت بسرعه .. صح اليوم الخميس .. تجيهم نوره من الصبح .. رحت فتحت الدريشه .. الهوا طير شعري على طول .. فكرت بحياتي مع مشعل .. حياة عاديه جداً ..ما اشوفه الا قليل .. دوم بشغله .. وكانه ماخذني غصب .. صدقوني ما يبيني .. مايواطني في عيشة الله .. قليل اذا سولف معي .. وماوداني بيت اهلي الا مرتين .. واذا رحت بيت اهلي اطفش بعد لان ابوي يلح فوق راسي .. خلي مشعل يكتب البيت بأسمك خليه يعطيك مزرعته هديه وخليه وخليه .. واخاف يروح يقول لمشعل هالكلام ويحرجني معه .. لان بيقول اني احب الفلوس وطمعانه فيه .. ان شاء الله .. يارب .. ماتستمر حياتي على هالحال .. ويطير الا انا فيه .. مثل مايطير الهوا شعري الحين .. الله .. الجو حلو .. بطلع بره الحديقه ..,, قفلت الدريشه .. وطلعت من غرفتي .. نزلت الحديقه .. الله الجو مره حلو اليوم .. تمشيت شوي

شفت رغد بنته .. تلعب كوره .. جلست اناظرها وهي تلعب وابتسم ..,, ..فجأه جات الكوره بالغط بجنبي .. نزلت لها ابي اخذها ..

صرخت علي : لاااااااااااا تمسكين كووووورتي

بسم الله الرحمن الرحيم .. وش فيها ذي .. ضليت على وضعيتي كذا .. وانا اناظرها .. تقدمت مني .. وهي عاقده حواجبها .. وقالت لي : اسمعي انتي .. اشياء تخصني ما ابيك تلمسيها .. وحتى الاشياء اللي ماتخصني .. لا تحسبين عمرك ملكة هالبيت .. تره هالبيت بيتي .. انا وابوي .. وانتي موقعك غلط هنا

اقول لكم وش فيها ذي .. بزارين اخر زمن من جد .. والله لو وحده غيري .. اخذت الكوره .. ورمتها فوق راسها .. بس انا مكبره عقلي ..وقفت و قلت لها : حبيبتي كنت بجيب لك الكوره

قالت لي : انتي اقوووول .. خذي نفسك .. وارجعي بيتكم .. بيت المنتفين .. احسن لك

قهرتني .. عصبتني .. من وين جايبه هالكلمه .. بيت المنتفين .. اصلاً هي بزره .. ماتدري انا بنت من .. ولا وين عايشه .. هذا اكيد مشعلوه قايل لها هالكلام .. لكن انا اوريك انتي وابوك ,, تقربت منها .. مسكت وجهها بيدي .. ورفعته بقووه ..صرخت عليها : اسمعي بلا قلة ادب ..هذي اخر مره .. اسمح لك تتكلمين معي بهذي الطريقه انا اكبر منك احترميني .. فااااااهمه


.......................

___________
بيت مشعل .. الساعه : 8:15 صباحاً
___________


** مشعل **


كنت جاي من الشغل .. اوووه سووري .. قصدي ماكان عندي شغل اصلاً .. كنت عند صديق لي .. صدق لا قالوا كذب وصدق كذبته .. كنت اتهرب من القعده معاها .. مدري ليه ما احب اجلس معاها .. اساساً ليه اجلس معاها .. انا مو مجبور على هالشي .. دخلت البيت ... سمعت صوت رهف تصارخ ... يا الله صباح الخير .. تقدمت اكثر .. لقيتها تصارخ على بنتي .. وماسكه وجهها بقوه .. من تحسب عمرها ذي .. الا بنتي محد يلمسها .. تقدمت منها .. سحبت يدها بقوه عن وجه بنتي . وقلت لها وانا معصب : ما يحق لك .. ولا شوي .. انك تصارخين على بنتي .. واعتقد .. دام انك عايشه في هالبيت .. احترمي اهله

..,, ناظرتني انا وبنتي نظرات غضب .. وجات تبي تمشي ..,, مسكتها وقلت لها : فيه كلام ثاني بالغرفه

لفيت لرغد وقلت لها : روحي حبيبتي داخل .. قالت لي :ان شاء الله .. ودخلت

سحبت رهف الى الغرفه .. وكانت تقول لي : اتركني .. اتركني .. ماتفهم انت .. اقول لك اتركني

كنت معصب مره .. اخر ما اتوقعه ان هالرهف تصارخ على بنتي .. دخلتها الغرفه .. وقفلت الباب

قلت لها وانا متكتف : ممكن افهم .. يارهف .. وش عندك تصارخين على بنتي .. او وشهو السبب اللي يخليك تصارخين عليها

سكتت .. ماتكلمت .. انتظرتها تتكلم .. بس مافيه رد

قلت لها وانا ابتسم بسخريه : ردي .. يللا ردي .. مو لسانك وش طوله مع بنتي .. يللا وريني طوالت لسانك

كان واضح على وجهها .. انها معصبه .. شوفوا عاد .. غلطانه وهي اللي تعصب .. مشكلة بنات هالزمن

قالت لي وهي مرتبكه : لانها .. ما تحترم الــ.. ,, قاطعتها : وش قصدك بنتي مو محترمه .. لا قولي كذا .. قولي بعد

قالت لي وهي منفعله : ايه مثل ماانت .. يا استاذ مشعل .. قايل للبنت .. ان بيتنا بيت منتفين

من جدها ذي .. صدق بزره .. ما الومها .. عمرها 17سنه .. بس من جدها بقول لبنتي هالكلام .. البايخ جلست اضحك .. ههههههههههههه .. ضحكتني بصراحه

قالت لي : اعتقد ماقلت نكته .. عشان تضحك

وقفت عن الضحك وقلت لها : كلامك يضحك .. اجل معقوله .. انا اقول لرغد هالكلام .. مايفكر بكذا الا الخبل


..........................

** رهف **


وش قصده يعني انا خبله .. مو بعيد ابدا.. ان البنت كذا قليلة ادب لان ابوها .. مثلها . قليل ادب .. وما يستحي .. ووقح .. و .. و.. مدري وش اقول .. بموت قهر .. اجل عشان بزره ماتستحي .. يسوي لي كل هالقصه .. على باله بجلس ابكي او شي .. لكن هيهات .. اطيح دمعه من عيوني .. عشان ناس وقحه وماتستحي .. للحظه تذكرت كلام امي .. يوم اقول لها اني ما ابي مشعل .. ولا ابي اعيش هالحياة .. قالت لي عسى ان تكرهو شيء وهو خير لكم .. بس ما اتوقع وجه الفقر هذا خير .. الصبر يارهف .. الصبر

قال لي : اشوف سكتي .. المهم انا تعبان .. وابي انام .. ومو فاضي لهالخرابيط

دام ان اللي يصير الحين خرابيط .. اجل ليه مسوي سالفه .. وماخذني الغرفه تكلمني .. حمار .. من جد حماار

كمل كلامه وهو يقول بتهديد : بس لو اشوفك مره ثانيه .. تصارخين على رغد .. بتشوفين شي عمرك ماشفتيه ,, وطلع

قطيعه .. روحه بلا رده .. ان شاء الله ,, اخذت .. تحفه من التحف الموجوده على الطاوله .. ورميتها بقوه .. على الباب ..,, انفتح الباب .. طل مشعل مع الباب وقال لي : لا تكسرين لنا اثاث الغرفه .. موناقصين .. تشااوو .. ,,.. وقفله مره ثانيه ..

وش رايكم .. قهر او مو قهر .. ياااربي .. بموت من القهر .. هذي حركات واحد .. عمره 30
سنه .. اشك والله .. لفيت اناظر في الغرفه وانا مقهوره .. رحت للباب .. اللي بغرفتنا .. فتحته
لقيته مفتوح .. غريبه .. ايه .. هالباب ماقلت لكم عنه .. اشوفه بغرفتنا .. بس ما ادري وش بداخل هالغرفه ..او وش ورا هالباب .. دوم اجرب افتحه .. بس القاه مقفل .. هالمره كان مفتوح .. دخلت كانت غرفه صغيره .. فيها مكتب ..جلست على كرسي المكتب .. غرفه عاديه .. مافيها شي .. تعبثت بالكتب .. والاوراق الموجوده على المكتب .. ورجعتها مكانها .. فتحت درج المكتب .. كانت فيه صوره .. اخذتها وناظرتها .. اكيد هذي زوجته الله يرحمها .. ماتشبه بنتها ابد ابد .. ,,,
رغد شعرها اشقر . هذي اسود .. رغد بيضا .. هذي سمرا .. رغد عيونها زرق .. هذي بني تقريباً .. اجل تشبه لمين هالبنت .. هذي عاديه .. مافيها مواصفات جمال .. مو مهم .. رجعت الصوره مكانها .. وطلعت من المكتب .. اخذت لي من الدولاب ملابس .. ورحت اتروش

.
.
.

............................


______________
بيت ابو يوسف .. الساعه 9:30 صباحاً
______________


** محمد **


كنت جالس بالصاله .. اشوف التلفزيون .. اشوف فيلم بـ mbc2 .. بس ماقدرت اشوفه مثل العالم والناس .. اخوي سعد .. اذاني .. طلع روحي .. ساعه يقولي ابي اروح المدرسه .. ليه تخلوني كل خميس اغيب غصب .. كل مافهمناه .. مافيه فايده .. وساعه يقول لي .. ابي رهف .. بس زين الحمد الله .. هذا هو جايب له دفاتر .. يرسم ويشخبط فيهم .. جاب لي دفتر صغير .. فتحه

وقال لي: أي واحد رقم تلفون بيتنا

ناظرت الدفتر .. تصفحته .. كله ارقام بنات .. الظاهر هالدفتر .. لرهف .. ركزت زين .. شفت رقم مكتوب بجنبه .. جوال الريم .. هذا رقم حبيبتي الريم فديتها .. مدري ليه طلعت جوالي .. وكتبت رقمها وحفظته .. حفظت رقمها بأسم & غلا روحي &

قلت لسعد : سعوود .. من وين جبت هالدفتر

قال لي : من غرفت رهف

قلت له : اوكي .. رقم تلفون بيتنا مو موجود .. بس ليه تبيه

قال لي : لاني بخلي هالدفتر عندي .. لو ضعت او شي .. ادق على بيتنا

هههههههههه صدق تفكير الصغار يضحك .. طلعت له ورقه .. وكتبت رقم بيتنا .. وعطيتها اياه .. شقيت الورقه .. اللي مكتوب فيها رقم جوال الريم .. ورميت الدفتر في الزباله .. واضح ان رهوف ماكانت تبيه .. لو كانت تبيه كان اخذته معها .. رحت غرفتي .. جلست على سريري .. وانا ماسك الجوال .. وش اسوي .. وش اسوي .. بكتب لها مسج .. عادي .. ماراح تعرف انا مين .. كتبت لها ..


^*^
/
\
/
\
/
\
/
\
/
^*^


تصدق اشتقت لك ..

أنااعترف بعدك حياتي تختلف

تايـــه وحـــيــد


أصيح باسمك وارتجف

في كل شي أتخيلــك..

ومهمــاتغيـب

عنــدي أمــل

بكــرة تــجي

وبكــل شـــوق

*اّّّ~س~ت~ق~ب~ل~ك*

,,M,,

___________
بيت الريم .. الساعه 10:00 صباحاً
___________


** الريم **


كنت جالسه مع اختي نوره .. نسولف عن رهف .. كانت هي اللي تتكلم .. جاني مسج .. اخذت جوالي شفته .. قريت المسج .. الرقم غريب .. طنشته

سالتني اختي : من مين المسج

قلت لها بدون اهتمام : الظاهر هذي وحده .. او واحد .. غلطان بالرقم .. المهم وش كنتي تقولين

كملنا سوالف .. لحد ما اذن الظهر .. رحت اصلي .. صليت .. ورجعت .. لقيت اختي نوره تسولف مع اخواني .. خالد وفارس .. رحت غرفتي .. قلت بدق على رهف .. الا ويجيني مسج .. من نفس الرقم .. فتحتها كان المسج ...


^*^
/
\
/
\
/
\
/
\
/
^*^

للزين عرش
صاحبته تلبس التاج
ومافيه غير
**الريم **
تستحقه
واللي لها بالفن خطه ومنهاج
واذا مشت تمشي على المسك والعاج
ومن هيبتها
تترك على الارض
عزه
,,M,,

^*^

ومافيه غير ....الــــــــــــريـــــم ؟؟؟

^*^
/
\
/
\
/
\
/
\
/
^*^

**** نهاية الجزء الرابع ****
__________________