تعال ياسكر نبات العشق ياملح القصــيد=غيبتك لي مده وانا اغني على طاروقها
قصيدة(ن) موالها تهتز له خظر الجريـد=ترخي هماليل المزون اللي تلوح بروقها
ماهي دراما اومسلسل تكتبه فجر السعيد=مشاعر(ن) تليق بي وانت وغلاك تلوقهــا
ناديت لك وانت القريب من المحاني والبعيد=وسقت القدم والا لغيرك مستحيل اسوقهــا
ومديت لك كف الرضا والعشق والعمر الزهيد=ومدلـــلك مثل الرجـال اللـي تدلـل نوقهــا
واصبحت تسري وسط شرياني وترجع فاالوريد=تقفي وتقبل وانت لي طعـــم الحيـاه وذوقهـا
ياراس مالي يوم مالي لاحساب ولارصـد=فالبنك والاسهم نموت ولادخلنـا سوقها
تعال قربك عيد والبعد ضربه من حديـد=يامن تشب النار بغيابي وانا اطى فوقها
اشعلت بردي في دفاك وذابت امواج الجليد=اللي شواطيها تحرا فيّتك وشــروقها
وكتبت فيك اغلى القصيد يفيد والا مايفيد=ابيات لاغنيتها تـروق لي واروقـهــا
ارجع والاابغى لك عذر من دون شرط ودون قيد=يااول هوا نفسي وتاليهـم وغاــية شــوقها
احايل رفقتك والعمر ينقـص مايــزيد=سنين ادوّر رفقة اللي رفقته مابوقـها
تعال وافعل ماتبي والله يفعل مايـريد=اترك كلام اللي على السيره تبل حلوقها