|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
10-29-2007, 05:40 PM
| |||
| |||
| (((تعبت أشقى))) ... ولا أروووووع !!!!!!! هلااا بكم .. صراحة انا جبت لكم قصة أعجبتنييي حيييل و كاتبتها صديقتي و أخذت الأذن منها أحطها لكم لأنها بصرااحة جووناااان ياا ليت تتحفوونا بالردوود اللي نشوف الف مشاهدة و متعيجزين يكتبون رد ؟؟!!! و حقوق النشر محفوظة و ما دام الكاتبة طلبتني ماا تنشرونها اوكي ؟؟ لازم ترسلون لي ع الخاص اول .. هاكم ((تعبت أشقى)) بقلم : جواهر بنت محمد ... .............................. الجزء الأول **************** حمد كان توه واصل المطار و مو مصدق انه وصل اخيراً بعد كم سنة بالغربة.. قام يمشي لحد ما شاف أعز أصدقائه واقف و مشى لعنده و هو مستانس.. حمد:هلا والله بو وليد خالد:هلاااااا بحمدااان سلموا على بعض حمد:شلونك من زمان عنك انت ووجهك؟؟ خالد:اكيد رايح لندن و تاركني هنا حمد يضحك: قلت لك تعال معي ما وافقت خالد:بس حتى ولو دار بو متعب ما اتركها ياخي حمد يتنهد:ايه والله ما في شي مثل الوطن مثل ما يقولون خالد:امش بس خلنا نتكلم بالسيارة ركبوا السيارة... حمد:آآآآه تدري احس بفرحة مو طبيعية خالد:يلا عاد الحين ما في سفر (ضحك) كلش اذا بتسافر روح الرياض (ضحك) حمد يضحك: لا شدعوه انت بس ودك بس انا اعرف شلون اعدلك (ضحك) خالد ضحك وصله خالد بيته و راح وقف حمد قدام البيت.. و توه بيدخل البواب بلهجة مصرية:أستاز حمد التفت حمد على البواب:اهليــن فتحي أزيك؟ البواب و هو يبوس يده:نشكر ربنا أزيك يا أستاز حمد؟ حمد:تمام الله يسلمك..مين داخل البيت؟؟ البواب:الست الكبيرة و الأستاز تركي و الست الصغيرة حمد:طيب اشوفك على خير البواب:الله معاك دخل حمد الحديقة و قعد يطالع فيها تغيرت كثير بعدين دخل البيت و شاف تركي بوجهه حمد:هلااااااااااااااااااااااااااااااااااا بتركي تركي حظن حمد مو مصدق حمد :شلونك؟؟ تركي يهز راسه حمد و هو ماسك اخوه:الاهل داخل؟؟ تركي هز راسه حمد ابتسم و هو يطالعه بعدين دخل نورة:ايه يمه يعني شدعوه اكذ....(ما كملت شافت حمد و صرخت) و راحت تركض ام تركي التفت تبي تشوف نورة صرخت لمن و يوم شافت حمد قامت من مكانها و راحت عنده و قعدت تصيح حمد و هو يضحك:ياربي يمه شفيك كل ما شفتيني تصحين (ضحك) نورة تضحك: يعني انك بتسوي سوبريز مالت عليك حمد يضحك: لا ابي امي تصيح عدل ام تركي ضربت حمد على يده بخفيف:مين جابك من المطار؟؟ حمد:ربيعي خالد تركي أشر لهم انه بيروح الكل:مع السلامة نورة سحبت حمد و جلسته على الكنبة ام تركي:تركيه توه جاي لا تعبينه نورة:موب تعبان يلا حمداني قول لي شسويت شما سويت؟؟ حمد ضحك ام تركي :نورة وخري عن اخوك تراه تعبان نورة:يمه لا مو تعبان بس يتدلع يلا قول حمد:يا ربي نورة ما سويت شي رحت ادرس و بس (ضحك) ام تركي: انثبري بس مااااري مااااااري ماري:يس مام ام تركي:حطي غدا لحمد!! حمد:لا يمه ما ابي شبعان بروح انام ..( وقف) وقف ام تركي:ليه يمه شماكل؟؟ حمد: كليت من المطار يلا اشوفكم بخير.. و يركض نورة تضحك: كل هذا عشان يفتك مننا ام تركي ضربت نورة على كتفها بخفيف.. ........ في الجامعة نورة:اقولك فجأة دخل علينا سارة:يعني بيسوي سوبريز! نورة:يفترض سارة تضحك: اكيد صرختي و سويتي حفلة نورة: بالعكس انا الوحيدة الي ما تفاجأت أمي قعدت تصيح سارة:يعني يحق لها تصيح ولدها ما شافته من سنتين نورة: من جد اشتقت له سارة: هو الحين بالبيت صح؟؟ نورة:ايه شفيك من يوم الاربعاء سارة:آآه يا حماره و توك تقولين لي انه جا نورة: كنت مشغولة و بعدين انتي ما تتصلين و اذا اتصلت تسوين نفسك زعلانه سارة تضحك: هذا فيصل معلمني هالحركات يقول الي ما يبينه ما نباه نورة تضربها:انا ما ابيك و لا انتي ما تبيني سارة تضحك نورة:الله يقطع ابليس هالفيصل هو الي يعلمك هالحركات سارة تضحك: حرام عليك بالعكس هو الي يضحكني بالبيت نورة:طيب ما قلنا شي ههه المهم ذا سواقنا بذبحه كل يوم يسوي فيني حركة سارة تضحك: اما سواقكم هذا تحفة! نورة: تخيلي قبل اسبوع تقريباً كنت مع خالتي و عيالها الصغار و امي ماخذين راحتهم و انواع الصجة مع انهم بس ثلاثه هع امي صرخت و قالت سكتوا بس لا الحين يركب ع الرصيف الا يركب ع الرصيف و امي تقعد تهاوشه طول الطريق بس ما يفهم المشكله بس شكلنا بنجيب واحد غيره سارة تضحك: ذكرني بوحده تدرين مين؟؟!! نورة متحمسة :مين؟؟ سارة تضحك: انتي! نورة ضربتها:انتي وجه احد يكلمك يلا باي..و وقفت سارة تضحك: وين بتروحين ؟؟ نورة:أي صح انتي الي روحي ..و تجلس سارة لصقت جمب نورة: اهون عليك نورة تلف راسها الجهة الثانية :اقول طيري سارة:حبيبتي نورة والله رن جوال نورة سارة لفت راسها على ملف نورة:نورة ملفك يتحرك نورة تضحك: هذا جوالي فتحت الملف و طلعت الجوال نورة:رقم غريب سارة:ردي يمكن يطلع فزاع نورة تضحك: يالواثقة.. و ردت...ألووووو حمد:ألوووو نورة:مين معي؟ حمد:الشيخ حمد نورة تضحك: بس عشانك راجع من كم يوم بمشيها لك حمد يضحك: والله انك نكتة نورة تضحك: انت فزورة حمد:اقوول لا تخففين دمك يا شينة نورة: خلاص بشرب فيمتو عشان اصير حلوة حمد: قسم بالله ثقالة دم مو طبيعية نورة: انت داق تتهاوش؟؟!! حمد: لا يا حلوو داق اقولك ان امي تقول خلي سارة توصلك للبيت نورة:ليه السواق ما راح يجي ؟؟ حمد:لا نورة:طيب ليه انت ما تجيني؟؟ حمد:اول شي مالي خلق ثقالة دمك ثاني شي ما اعرف وين جامعتك!! نورة:ثالث شي ان انا ابي تركي يجيني حمد:ليه حضرة الشيخة؟؟ نورة:لانه تركي احلى منك..و سكرت بوجهه..بعدين سكرت جوالها طالعت سارة الي تطالعها نورة:يمه شفيك كذا تطالعيني سارة:مين؟؟ نورة:حمد سارة تتنهد:و شيبي؟؟ نورة:يقول قولي لسارة ان حظها مرة حلو لان نورة بتجي معها اليوم سارة:يا نحس هاليوم نورة ضربت سارة..و قعدوا يضحكون سارة: طيب يلا نروح اكيد السواق جا نورة:بس على شرط سارة تتأفف:ياربي ما سوت علينا وصلناك ها نورة تضحك: ترا ازعل ..و تلف وجهها سارة تضحك: اقول بس امشي تم نورة:خلينا نمر على ماكدونالز مشتهيه ذاك الماك تشيكن سارة تضحك: طيب طيب بس ما لاحظتي انك هالايام صايرة مثل الدرام نورة ضحكت و سحبت سارة و طلعوا.. وقفوا برا الجامعة يدورون السواق و ما لقوه نورة:لا تلفين في واحد على يسارك يأشر الله يقطعه يغازل ع الظهر والله فاضي.. سارة على طول التفتت و قعدت تضحك.. سارة تضحك: هذا .......هذا فيصل ........ نورة احترق وجهها و تمنت الأرض تنشق و تبلعها.. فيصل حرك سيارته و وقف قدامهم.. نورة:سويرة وين سواقكم شكلي باخذ تكسي!! سارة تضحك: لا تكسي و لا شي انا بقعد ورا نورة على طول مسكت الباب الخلفي و فتحته بس ما دخلت لحد ما سارة دخلت معاها.. سارة:هلا هلا فيصل و هو يطالع نورة (يلعن ابليسها شحلاتها) سارة:هاذي نورة بنت عمك بنوصلها.. فيصل و توه ينتبه على اخته:ايه ايه اممم طيب و توه بيحرك السيارة لكن وقف نورة غمضت عيونها:بسم الله الرحمن الرحيم فيصل ابتسم لكن راحت الابتسامة بعد ما شاف وجه اخته:سارة تراني مو سواق ابوك احترمي نفسك و تعالي قعدي قدام سارة تضحك: توك تلاحظ؟؟!! طلعت سارة من السيارة و ركبت بالمقعد الأمامي .. فيصل ما رفع عيونه من على نورة لكن هي ما لاحظت و لبست نظارتها الشمسية.. سارة لاحظت نظرات اخوها و ابتسمت.. سارة و هي تطالع نورة:فيصل نورة تقول ياليت نمر على ماكدونالز فيصل و هو يطالع نورة من المرايا .. نورة كانت ساكتة لكن حدها معصبة .. فيصل:نورة تبين نمر على ماكدونالز؟؟ نورة:اممم(وهي تطالع سارة و تبتسم) لا مو لازم (و ترفع عيونها لفيصل) فيصل و هو يطالع نورة من المرايا: عاد تصدقون اليوم خاطري بماكدونالز سارة شافت فيصل بعدين ضحكت فيصل ابتسم :شفيك تضحكين؟؟ سارة تضحك:... حالة.......... نفسية نورة عصبت من سارة و خذت جوالها و رمته عليها سارة غمضت عيونها:اي ..التفتت على نورة.. و هي تضحك ..طالعت فيصل..فيصل لا تسوق بسرعة في اشياء بدت تطير علي فيصل شاف نورة بعدين ضحك نورة تأففت و طالعت الطريق فيصل سكت و قعد يطالعها بهدوء و سارة مبتسمة لأن فيصل دائماً يقول من عرفت إنك اختي عفت كل البنات و يضحك.. وصلوا ماكدونالز و طلبوا و قعدوا نورة و سارة بطاولة و فيصل بطاولة جمبهم نورة:يلعن شكلك و انا شدراني ان اخوك بيجيبنا سارة تضحك: انتي ما قلتي اذا فيصل بيجيبنا لا تقولين كذا! نورة:بس حتى لو احس وجهي لين الحين حار سارة تضحك: الحمدالله انك لبستي نظارة قبل ما اقولك! سمعوا فيصل يضحك نورة بصوت واطي:يلعن ابليسك فشلتيني مرة ثانية سارة تضحك: عادي عادي في ميانة نورة: والله شكلك بتستهلكينها كلها سارة: توني ادري انها تستهلك نورة:هي ما تستهلك بس انتي غيرتي المفاهيم ماشالله عليك سارة تتنهد:أي وت ايفر! فيصل جاب الأكل و عيونه على نورة لكن نورة حتى ما طالعته جلسوا يأكلون فيصل شاف واحد يروح و يجي على طاولة نورة و سارة بعد ما مر فيصل وقف قدامه:خير في شي اخوي؟؟ فهد و هو يطالع بفيصل: لا ما في شي اخوي! كان بيروح لكن فيصل وقف قدامه مرة ثانية:ليه تجي و تروح على طاولة خواتي؟ فهد مبتسم :وانت شدخلــ ..سكت لأن عيون فيصل ما تبشر..آسف اخوي..و مشى فيصل التفت على نورة و سارة:يلا بسرعة بنطلع.. و راح نورة:اخوك يخوف سارة: هو ما يحب سوالف المغازل و هالسوالف يلا نروح..وقفت نورة وقفت و طلعوا طول الطريق فيصل معصب و محد قال شيء ........... اتصلت سارة بنورة على الجوال محد رد اتصلت بالتليفون طووووط طووووووط طوووووط حمد:ألووووه سارة:السلام عليكم حمد:مين؟ سارة مستغربة:الناس يقولون و عليكم السلام حمد مستغرب:والله انا غير سارة:هه ليه انشالله من المريخ و انا مدري حمد ضحك بسخرية: لا من لندن سارة(اكيد هذا حمد) سارة:ممكن تعطيني نورة! حمد:مين انتي؟؟ سارة:صديقتها حمد بتحدي: و صديقتها مالها اسم وأنا مدري سارة بتحدي اكبر:مثل ما في ناس ما يردون السلام في ناس في ناس ما عندهم أسماء حمديضحك: و عليكم السلام سارة:سارة و الحين يا حمد ممكن تعطيني نورة حمد:ماشالله تعرفين اسمي!! سارة:والله اذا ولد عمي ما يعرف اسمي فهاذي مشكلته حمد: أي والله هاذي مشكلته ..(ضحك).. دقيقة اناديها نورة مسكت التليفون من يده حمد:بسم الله شوي شوي كسرتي يدي نورة:هلا والله بسويرة حمد يطالع نورة و هي تتكلم بالتليفون نورة:أي أي .. وهي تطالع حمد نورة تضحك: تحبين تسوين هالحركات .. أي اعرفك انا تربية يدي .. تضحك...بس مدري اليوم شفيه معصب معقوله عصب على هالسالفة الصغيرة..آهآآ..لا والله حضرته ما يبي يشتغل .. أي والله قاهرني .. لا بوكرة هو بيجيبني أي افا عليك .. تضحك.. طيب ..سوير اكلمك بعدين..في فيلم بعد شوي بيبدا اسمه أ واك تو ريميمبر ..أي شفته مرتين و صحت مرتين عادي انا بالنسبة لي احب اشوف الافلام الي اصيح فيها اكثر من مرة .. تضحك.. أي انت تعرفيني .. تضحك.. طيب يلا بااي .. و سكرت نورة تطالع حمد الي يطالعها نورة:عطني الريموت حمد:لا يكون بتحطين الفيلم الي كنتي تتكلمين عنه نورة تضحك: أي حمد: روحي شوفيه بغرفتك نورة تأففت حمد:اممم ذي سارة كم عمرها؟؟ نورة طالعته بفضول: وانت شدخلك؟؟ حمد مبتسم: هه حلوة ذي شدخلني ذي بنت عمي نورة: كبري حمد:اممم و انتي كم عمرك؟؟ .. رفع حواجبه نورة:تعطيني الريموت هه حمد:اقول بس انثبري بسأل امي نورة راحت الطابق الثاني ام تركي دخلت الصالة و حمد قام و سلم عليها حمد: امم يمه نورة كم عمرها؟؟ ام تركي: اصغر منك بسنة شفيك حمداني مصخن حمد يضحك: لا يمه بس نسيت ام تركي: توك صغير و تنسى كم عمر اختك! حمد يضحك: عادي يمه مرات الانسان ينسى اسخف الاشياء تعدل حمد بجلسته بيقوم.. ام تركي:وين رايح ؟؟ حمد: يمه تعبان بروح انام ام تركي:من ركبت ذيك الطيارة و لين الحين انت تعبان حمد:يمه ترى سفرة طويلة و توه هذا رابع يوم لين الحين جسمي تعبان يبيله شوي على الاقل أسبوع ام تركي:الله يحفظك يا ولدي لا تنسى بوكرة بنروح عند خوالك حمد تنهد:انشالله يمه! دخل بو تركي حمد سلم على ابوه و راح غرفته بو تركي جلس... ام تركي:اجهز لك العشا ! بو تركي وهو رافع يده :لا لا مالي خلق ام تركي :شفيك سعود؟ بو تركي تنهد تنهيدة حزينة و قال بصوت واطي:أخوي..(أخذ نفس.).أخوي صفقات شركته بدت تكثر و تغطي علينا..سكت ام تركي تطالع فيه:الله يرزق الكل يا سعود! بو تركي:مو هذا الي قصدي بالعكس انا مستانس ان اخوي الصغير بدا ينجح باعماله بس ..(أخذ نفس)..الشركة بدونه ولا شي ام تركي:الله ياخذ عيال الحرام الي فرقوكم من بعض بو تركي تنهد و وقف ام تركي وقفت :وين؟؟ بو تركي:بروح انام ام تركي قعدت لحد ما جا تركي و سلم عليها بعدين راحت نامت ............... في الجامعة سارة مبتسمة بهدوء:بنوصلك اليوم؟؟ نورة تنهدت براحة:لا السواق بيجيني الحمدالله سارة ولين الحين الابتسامة بوجهها:و ليه هاذي الحمدالله اخر الجملة نورة:عشان ما يوصلني فيصل اخوك سارة راحت الابتسامة من وجهها ( هذي شكلها لا حاسة باخوي و لا حتى تحس بشي اتجاهه لكن انشالله تكون مشاعر فيصل مجرد اعجاب ولا شيء مثل كذا يا رب ما يكون الي في بالي) ........... خلصتوا الجزء الأول الحين سوي اللي اقوله .. 1- سوي استعداد ليدك 2- مرن اصابعك 3- اكتب وراي 4-ي 5-س 6-ل 7-م 8-و صعبة؟؟   |
|
10-30-2007, 10:12 AM
| |||
| |||
| رد: (((تعبت أشقى))) ... ولا أروووووع !!!!!!! الجزء الثاني ...................... في غرفة نورة نورة:ايه اعرف (ضحكت) قهر صح سارة و هي تنسدح على سريرنورة :انتي بس غبية هه مفروض تعطينها ذاك الكلام الي يسكتها نورة: يا وت يفر !! حمد فتح الباب و على طول قال:نورة ترا الشغ....و سكت لانه ما استوعب في بنتين و قعد يطالع فيها لحد ما نورة استوعبت و رمت حمد بجوالها الي على طول طالع الارض بعدين طلع نورة:نعن ابوهم ذولي الشباب ما يصدقون يشوفون بنت الا يفهون فيها ههه سارة مو مستوعبة نورة و هي تدفع سارة: سويييرة سارة و صوتها عالي:اخوووك شاافني و انا منسدحة لا و بعد بدون عباة و لا حجاب .. شافت نورة بعدين ضحكت..يا ويلي من فيصل ههه نورة ضحكت: اول شي ماله داعي تخافين من فيصل لانه بالغلط دخل ثاني شي حمد مستحيل يقول له ثالث شي هههه تضحكين و توك ما استوعبتي شلون اذا استوعبتي سارة طالعت نورة و ضحكت: آآآآآآآه اممم على قولتك و انا شدخلني هو الي دخل صح (ضحكت) .. عيونها بدت تدمع و هي تضحك نورة و هي تطالع سارة و مو مصدقة:سووويرة شفيك حياتي ..مسكت وجهها سارة تضحك: مدري متفشلة شلون بشوفه مرة ثانية نورة تضحك:الا شلون هو بيشوفك هو الي داخل بدون ما يستأذن ولا يحترم احد سارة ابتسمت و الدموع بعيونها:هو متعود نسيتي كان بلندن نورة ضحكت: ما دامه متعود اكيد بينسى انه شافك سارة:الا اتحدى ان نسى هذا اول لقاء بينا عقب ما سافر نورة تضحك:تكفين يا أول لقاء بس ما دام جبتيها بهالاطار أي اتوقع انه يتذكر بس لا تخافين من فيصل ان عرف انا بنفسي بقوله ان بالغلط سارة رمت عليها ملفها... نورة بدت تضحك نورة و هي تقوم و تمسك جوالها:يؤؤؤ ذكرتيني بجوالي كل شوي رميته على احد (ضحكت) سارة:تستاهلين بس على الاقل هذا الجوال الخايس هو الي ترمينه مو جوالك الثاني نورة:أي والله سارة:تعالي ليه ما تقطينه نورة و هي تبتسم:ما اقدر فيه قيمة معنوية سارة ضحكت: قيمة معنوية و كل شوي رميتيه على احد نورة طالعتها و ضحكت: شسوي عاد هو الي دايم اشوفه قدامي..سكتت..بعدين هذا الجوال الي تركي عطاني اياه عشان يراضيني سارة ضحكت: اعرف كم مرة تقولين لي نورة:من جزاتي اقولك ولا انتي وجه احد يقولك شي سارة:انتي مدري شفيك الصراحة تحبين تجمعين الاشياء الي تذكرك باشياء نورة و هي تطالعها بنص عين:والله يا عمري هاذي يسمونها الذكريات و انا من النوع الي احب اتذكر كل شي ......................... حمد طلع من غرفة نورة مو مستوعب (ياربي عليها مين هاذي آآخ بس آآخ وينها و وين بنات لندن صدق خالد يوم قال ما في غير بنات الديرة نعن ابوها شحلاتها بس انا مفروض استأذن قبل ما ادخل و نورة ما قالت لي ان احد بيجيها) نزل حمد لعند امه الي كانت بالصالة.. حمد و هو يبوس راس امه:هلا يمه ام تركي:هلا فيك حمد:اممم يمه مين الي عند نورة اختي ام تركي و هي تطالع حمد:لا يكون دخلت عليهم حمد مرتبك:لالا شدعوه يمه هي قالت لي ان وحده بتجي عندها بس ما قالت لي مين ام تركي تطالع التلفيزيون:سارة بنت عمك حمد مبتسم:آهآآآ ام تركي:شفيك تسأل حمد:لا يعني فضول ام تركي:طيب يمه بتتعشى معانا اليوم حمد:لا يمه الربع عازميني ....................... سارة:اوووووووف المهم انا بروح نورة مسكت يد سارة:على وين انشالله سارة: يلا عاد تصدقين فيصل بيجي ياخذني نورة بعدم اهتمام للي قالته:يلا عاد لا تروحين سارة بخيبة امل:لا لازم اروح بس كلميني ها ..وقفت طلعوا من الغرفة للطابق الاول شافوا حمد قاعد مع ام تركي.. سارة و هي تطالع ام تركي و مستحية:يلا خالتي لازم اروح انا استأذن ام تركي:وين يا بنتي ما راح تتعشين معانا حمد قام يطالع سارة سارة:لا خالتي انشالله مرة ثانية حمد مبتسم:لا ما يصير امي قالت لك ما يصير تردينها سارة تطالع خالتها و متغصبة الابتسامة:لا خالتي فيصل ينتظرني برا حمد صفق بيدينه و هو مبتسم ابتسامة كبيرة:احسن بعد هو اكيد ما كل قولي له ان كلنا بنتعشى مع بعض و خليه يدخل سارة فتحت عيونها لانها متأكده ان فيصل بيقبل الدعوه و طالعت حمد باستسلام الي ابتسم ابتسامة نصره.. اتصلت سارة بفيصل فيصل:ها خلصتي سارة:أي خلصت بس اممم ام تركي تقول تعال اتعشى معانا فيصل مستانس:معانا حددي بالضبط سارة ابتسمت ابتسامة خبث: انا و ام تركي و حمد فيصل منصدم:بسسس سارة ضحكت: وايه نسيت نورة بعد معانا فيصل:الحين انا عندكم سارة ضحكت: طي...سكر بوجهها نورة:يمه تركي وابوي ما راح يتعشون معانا ام تركي:لا اليوم بيتأخرون عندهم شغل سارة راحت و جلست عند نورة حمد قعد يطالع سارة بدون ما يلفت انتباهها دخل فيصل:السلام عليكم الكل:وعليكم السلام سلم على ام تركي و حمد و راحوا كلهم و قعدوا على طاولة الطعام حمد و هو يطالع سارة: فيصل شخبار الشغل فيصل:امم بخير الحمدالله حمد:نورة حطي لي سلطة شوي ام تركي:سارة حطي لولد عمك سلطة انتي اقرب قامت سارة و مسكت الصحن و مدته لحمد الي قام يحط من الصحن و هو يطالع فيها لحد ما كب شوي على الطاولة ام تركي: يؤؤؤؤ حمد شفيك سارة ضحكت:..و حمد يطالع فيها لحد ما سكتت راحت مسكت ملعقته و حطت له شوي و قعدت حمد طالع بصحنه: بسس!! سارة قامت تطالع فيه بس ما قامت حمد ضحك طبعاً فيصل مو مصدق مستغل الفرصة ع الاخر كل شوي ياخذ نظرة على نورة الي قاعد تاكل و مو معطته أي اهتمام.. ..................................... بـــ ستار بكس عبدالله: شوف شوف عاد هذي غزال فيصل :ياخي اقولك شفيك انت ما تفهم كل هالبنات ..يتنهد..ما يسوون ظفر من اظافرها عبدالله ضحك: ياخي من جدك انت شوف هاذي بس و استانس فيصل:ما تفهم انت حشى دبشة اقولك من شفتها و انا عايف هالبنات كلهم عبدالله مو مصدق: فيصل بو الدشرة كل ابوهم يعتزل فيصل:أي آه عبدالله ضحك باستهزاء: وانت من متى تقول آآه خبري كل بنت طلعت معاها تقَولها الــآآآآآآه مو انت الي تقولها فيصل:مدري شفيني من يوم شفتها و انا متغربل مع انها يعني مو يعني احلى وحدة شفتها بس فيها شي يشد مررة عبدالله ضحك: والله ان الزمن دوار تذكر اول يوم كنت اقولك اني احب وحده و تضحك علي فيصل ابتسم: لازم بعد اضحك عليك اجل في واحد يحب وحده قطت رقمها عليه ههه شلون ذي تصير بعد عبدالله: وانت شدراك ما سمعت ان الحب ما يدق باب قلبك فيصل ضحك: حط بواب طيب عبدالله يتمصخر:هـهـهـأي ما تضحك فيصل:هذا هي تزوجت و ما سألت عنك عبدالله يضحك بحزن: دايم كانت تقول لي انتظر انتظر و المشكلة مو انا الي كنت انتظر كانت تنتظر واحد احسن مني يتقدم لها فيصل مسك كتف صديقه:ياخي هي ما تستاهلك و بعدين هي الوحيدة الي بتتحسف مو انت لان انت الحين بتعرف ان هي ولا امثالها يستاهلونك عبدالله يبتسم:يلا على الاقل احد فينا عنده امل فيصل ضحك: مدري شلون احس ان..يتنهد..مدري عبدالله و هو يرفع يده وهو مبتسم:واقسم لك بالله ان انت تحبها فيصل:صباح الخير (ضحك) عبدالله :لأا من جد انا اول ما شفتك قلت يمكن نزوة و لا شي يعني مثل الباقيات بس الحين متأكد انك تحبها فيصل يضربه على كتفه:شنزوة الله ياخذك بنت عمي ذي عبدالله ضحك: انا اقول الحقيقية يا..سكت يوم شاف هيفاء تمشي باتجاههم فيصل:شفيــ..قطعه صوت هيفاء هيفاء بدلع :هلااا فصولتي فيصل منصدم: هلا فيك هيفاء قعدت جمبه و مسكت يده بس هو شال يده:يؤؤ شفيك عمري فيصل بقلة صبر:يوووووه انا مشغول ممكن تنقلعين أي مكان ثاني هيفاء:شالالفاظ عمري فيصل:طيب انا اسف..يوطي صوته..ممكن تروحين بكلم ربيعي بشيء مهم هيفاء وقفت:طيب بتجي الشقة اليوم فيصل:قسمن بالله ان ما انقلعتي من وجهي الحين والله اطبع النعال بوجهك هيفاء معصبة:طيب باي بعد ما راحت عبدالله ضحك: حرام عليك ليه سويت فيها كذا فيصل: اقولك مدري شفيني ما صرت اواطن البنات عبدالله يطقه بخفيف:الا الحبيبة هاا فيصل: مثل ما قلت ..يسكت شوي..اكلمها بالتليفون ولا شسوي عبدالله:والله مدري عنك الصراحة انا ولا مرة سويتها بوحدة من بنات العائلة فيصل:ليه تتوقع عبدالله يتنهد:انا ما اتوقع الا متأكد نخرب سمعة بنات الناس و بنات عائلاتنا ما نقرب منهم بس انا متأكد انه كله بيرجع يوم من الايام فيصل طالع بعبدالله |
|
10-30-2007, 10:18 AM
| |||
| |||
| رد: (((تعبت أشقى))) ... ولا أروووووع !!!!!!! الجزء الثالث .................................... خالد و هو يسلم على حمد:هلا حمدان توه نور بيتي المتواضع حمد:شسوي بعد قلت واحد ما عنده كهربا حرام ما اجي و انور الحارة خالد ضحك: تكفى يالواثق شخبارك بس؟؟ حمد:بخير من شوفتك يالغالي خالد:ها بديت تشتغل ؟ حمد:ايه افا عليك بديت الشغل مع الوالد و كل شي ماشي تمام خالد:الحمدالله حمد:ها ما راح تضبطني خالد:هههه شتبي بعد..؟؟ حمد:يعني شبي خلنا نطلع نروح كوفي الكورنيش نروح نعسل و نشوف المعسلات..غمز لخالد.. خالد ضحك: الحين انا عازمك ببيتي عشان اطلع انا وياك حمد:شدعوه بتكون المرة الأخيرة خالد يتنهد:يلا على قولتك مو المرة الأخيرة يالله مشينا....وقف ............................... ابو فيصل كان جالس لحاله بالصالة و كل شوي بيمسك التليفون لكن ما قدر.. دخلت ام فيصل:شتسوي بالصالة لحالك؟؟ ابو فيصل تنهد : مدري شفيني ابي اتصل باخوي الكبير ام فيصل جلست: وليه انشالله ابو فيصل صرخ : شلون يعني ليه ؟؟ ام فيصل خافت:لا اممم قصدي يعني انتوا متهاوشين امم ابو فيصل لف وجهه:و انا يعني ليه متردد؟؟ ام فيصل:شوف يا عبدالرحمن مو انت الي بديت بالمشكلة مفروض هو الي يعتذر لانه شك فيك بو فيصل بعصبية:قسمن بالله كلمة زيادة و اطلقك فاهمة مهما كان ذا اخوي الكبير و بحسبة ابوي الله يرحمه..و قام بيطلع للغرفة ام فيصل كانت بتلحقه بو فيصل لف و صرخ:ولا تجين الا لما انام بو فيصل راح الدور الثاني و ام فيصل قعدت تتذمر.. ....................................... نورة تصارخ:يوووووووووووه ما اصدق باقي كم اسبوع بعدين اجازة سارة تهديها و هي تضحك:شفيك باقي شهر بعدييين الإجاز يا حلوووة.. نورة:المهم إن العيد جاي سارة:أبي أفهم ليه تحبين اجازة العيد نورة ضحكت: مدري بس استانس فيها سارة:آآآآآه لا يفوتك اليوم خلود شلابسة الفس.. نورة و هي تكلمها و هي تصرخ:فووووري و ضحكوا الثنتين سارة:استغفر الله مدري شلون كنا صديقاتها يعني ساحرتنا ولا منومتنا مغناطيسياً نورة تتنهد:والله مدري عنك انت كنتي مرة معاها سارة:أي و انا شقولك مالت عليك جاووا من وراهم مها و العنود:بوووووووووووووو سارة ما خافت بس نورة نقزت من الروعة نورة:بسم الله الرحمن الرحيم الله ياخذكم من صديقات يلا باي..جات بتروح لكن العنود سحبتها العنود:تعالي يالزرافة وين رايحة تعالي اشتأنا إلك مها:تعالوا مو عشان انتوا بقسم ثاني ما تجون ولا تسلمون سارة:حرام عليك تونا ذاك اليوم جيناكم نورة تسوي نفسها زعلانه:احنا الي دايم نجي.. طلعت لسانها و ضحكت مها:اقول وربي بالكعب الحين العنود: كل شوي قالت الكعب مستانسة انها شرته مها ضربت العنود على كتفها:اقووول يلا عاد طيري العنود:بس والله الكعب اهون من السالفة الي كل شوي تعيدها زهقتني البنات ضحكوا سارة:أي سالفه انتي و وجهك مها استحت العنود:أي الحين استحيتي قبل اشوي عايدتها للمرة العاشرة مها ضحكت: لا بس كان في واحد بنفس المحل الي شريت منه هالكعب العنود ضحكت: أي بس كملي مها تطالع العنود: ما دامك زهقتي منها ليه ما قلتي لي سكتي العنود ضحكت: هذا يسمونه ذووق البنات ضحكوا نورة: من متى انتي عندك ذوق العنود ضحكت: اقول يالزرافة و الي يرحم والديك سكتي (ضحكت) سارة ابتسمت:أي مها كملي مها:و بس العنود:خلاص انا بقول السالفة نورة تطالع مها و تأشر على العنود:هذا يسمونه الذوق البنات ضحكوا سارة:لا من جد مها تكلمي عااد يلا ترانا نمزح تعرفينا دمنا مثل الشيره هع مها ابتسمت:طيب المهم كنت قاعده ادور لي على كعب المهم و لقيته جيت باخذه الا وقفت بنفس الوقت الي واحد وقف فيها المهم تعرفون ذيك الحركة الي يوقف واحد و توقفين بنفس و الوقت و تتكرر لين ما يخليك الشنب تمرين..قطعتها سارة سارة:انا ما يخليني الشنب امر يمر قبلي ضحكوا البنات نورة دفعت سارة بخفيف على كتفها:انتي حالة استثنائية يا عزيزتي ما تشوفين نفسك عانس مها ضحكت: المهم احم خذيت الكعب و رحت احاسب و هو كان واقف يطالعني و اظاهر اخته مدري بنت اخوه..قطعتها العنود العنود:تراها مو راضية تتقبل ان يمكن تكون زوجته مها :لانه لانه مو معقولة لو كانت زوجته كان ما طالعني..( سكتت) سارة:اصلا اغلب الشباب و خصوصاً المتزوجين هم الي عندهم هالحركات نورة ما تبي تكسر خاطر مها:بس يمكن مو زوجته كملي مها مها طالعتهم لفترة: المهم حاسبت و هو حاسب بعدين مدري و ين رحت اخته مدري زوجته.. (طالعت العنود الي كانت تضحك).. (ثم ضحكت مها) المهم قعد يلحقني بعدين قعدت بستار بكس و انا الوحيدة الي كنت بنت بين شباب لين ما جات وحدة ثانية مع صديقتها و انا جوالي انواع البلوتوثات و ذاك يطالع فيني المهم اتصلت بخالد و قلت له يجي ياخذني..قطعتها العنود العنود:اول شي تبيه يغير ثاني شيء نسيتي مقطع النظارة البنات ضحكوا مها: ايوه صح كنت لابسة النظارة بعدين شلتها المهم و قعد يطالعني لين ما جا خالد و خذني و طبعاً هو ارسل رقمه و واثق اني بكلمه البنات و سكتوا و قعدوا يطالعون بمها بعدين تكلمت سارة سارة:يعني..... مها مو فاهمه:يعني؟؟؟ نورة بقلة صبر:كلمتيه؟؟!!! العنود:لألأ (التفتت على مها) مها:شرايكم يعني؟؟ البنات سكتوا مها:اكيد لألأ نورة: بس شكلك يقول انك تبين تكلمينه مها مرتبكة:امم ايوه بس لين الحين ما اتهورت البنات ضحكوا نورة:تعالوا وين رهف العنود:تكلم بندر نورة تتذكر: مو كان اسمه فهد العنود:لأ هذا ولد عمها الثاني هذا ما اذكر شيقرب لها المهم انه يقرب لجدة امها البنات ضحكوا سارة:صح شخبار دحومي الصغيروني العنود:هه يسلم عليك مها:يا قلبوس نورة تغمز للعنود: و شخبار ابو دحوومي الصغيروني العنود ابتسمت: مو راضي يجيب خدامه ثانية مها:ليه خدامه ثانية العنود: وحدة لدحوم و وحدة للطبخ و هالاشياء مها:آآهآآآ و قعدوا يأخذون أخبار بعض.. |
|
11-01-2007, 09:54 AM
| |||
| |||
| رد: (((تعبت أشقى))) ... ولا أروووووع !!!!!!! الجزء الرابع ..................................... رهف اتصلت على نورة الي كانت تحوس بغرفتها.. نورة:هلااااااااااااا برهوف رهف:هلااا نورة نورة:شخبارك؟؟ رهف:تمام وانتي شلونك؟؟ نورة:تمام يا عمري شفيك اليوم ما جيتي معنا الظهران رهف: سوري بس كنت طالعه مع احمد نورة:يؤؤؤ انتي وذا الاحمد و ذي الطلعات معا خوياك والله حاسه ان اخوك بيصيدك يوم رهف ضحكت: كأنوو ما يدري و بعدين ذا ولد عمي عادي يعني نورة:مدري بس انتي قبل امس كنتي مع فهد و الحين مع احمد رهف ضحكت: ياختي انتي مرة قديمة وين فهد من قبل شهوور نورة:يعني انتي من زمان مع ذا فهد رهف:لا يعني شهر تقريباً نورة تنهدت: لا يكون هذا الي بيربطك رهف:ليه شتشوفيني هايته عادي يعني نورة ضحكت: لامو قصدي كذا يا عمري بس قصدي انه بيصير شي رسمي رهف تفكر:والله مدري يعني لين الحين ما اعرفه مره نورة:عادي ههه كل واحد مثله الا كم عمره؟؟ رهف:22 نورة:رهف من جدك!! رهف مستغربة :شفيك؟؟ نورة:تطلعين مع واحد كبرك رهف:طيب و شفيها؟؟؟؟ نورة:الحين الشباب عقولهم صغيرة تروحين تطلعين مع واحد كبرك رهف:طيب عادي نورة:تدرين انا مستحييييل و حطي خطين تحتها مستحيل اتزوج واحد كبري او اكبر من بسنة مستحيل هذا اذا تزوجت هع رهف:طيب مين قالك اني بتزوجه؟؟ نورة رافعه حواجبها:اجل ليه تطلعين معاه و تكلمينه بالتليفون رهف:اونس نفسي نورة:تونسين نفسك على حساب واحد ثاني مثلاً حبك و قرر يتزوجك شبتقولين له كنت اونس نفسي رهف:بقوله اني مو موافقة و بس بدون اسباب نورة:طيب و اذا حبك يعني شبتسوين بتجرحينه ببساطة رهف:اممم طيب خلاص بقطع علاقتي فيه عشان ترتاحين نورة:مو عشان راحتي اقطعي العلاقة اقطعيها على شان راحتك و راحة ضميرك و هذا انا اقولك يا رهف اذا واحد مو عاجبك و مو شايفه علاقتك معاه تتطور اقطعي علاقتك فيه رهف تتنهد:طيب انشالله يا ماما نورة ضحكت: الله يوفقتس يا بنيتي رهف:هيه امي ما تتكلم كذا نورة ضحكت: أي اعرف حجازي بحت رهف:هه بعديها هالمرة المهم شسويتوا بالظهران نورة ضحكت: شسوينا يعني رحنا الكوفي و قعدنا بعدين قمنا نحوس بالمجمع بعدين تخبلنا هع هع رهف:يؤؤؤؤؤ شسويتوا لا يكون قمتوا تجمعون الأرقام نورة ضحكت: لا لا الشباب عطيناهم اكبر طاف مثل ما يقولون كل الهم من الشباب المهم يعني بغيناه قرلز نايت أوت رهف:خسارة ياليت جيت معاكم نورة ضحكت: لو جيتي معانا كانت ما صارت قرلز نايت رهف: حرام عليكي المهم شصار نورة:هه رحنا الحمام و كل وحدة تلثمت بعدين رحنا الألعاب شهقت رهف:خياااااااااااااااااااااااااااانة نورة ضحكت: لا والله انتي الي بديتي مع فهد رهف صرخت:احمد نورة: وت ايفر!! و بعدين دخلنا ذيك اللعبة الي تفتر و الله مذكر شسمها المهم و ربطنا اللثمة عدل عشان ما تطيح هع تعلمنا من التجربة السابقة هع و دخلوا كل الشباب ورانا طبعاً طول اللعبة الي يقول رقمه و الي يغني و الي يغازل يعني و من حركات السلق بس احنا ما عطيناهم وجه قعدنا نسولف و نغني و سارة كل شوي يرن جوالها و الي ورانا يصارخون هع.. رهف:وناسة ابي نورة ضحكت: حلاوة و انا مدري رهف:المهم نورة:هه دخلنا كم لعبة بعدين دخلت لعبة اثنين اثنين و مها قعدت لحالها جا واحد و على طول قعد مها ما عجبها الوضع و قامت و احنا كلنا قمنا تعرفين الواحد للجماعة و الجماعة للواحد هع .. رهف:قمتوا عشان الجماعه و الا خايفين (ضحكت) نورة:اقووول كلي هوا هاااه دخلنا لعبة ذي الي تناقز المهم طبعاً ولا واحد من الشباب ركب رهف شهقت نورة:اعرفهم شبابنا حركاتهم حركات و انا ما استوعبت الا بعدين بس احنا ما خليناهم مسكنا عبينا و بعدين و لا وحدة لابسة تنورة رهف:و برمودا نورة :انا المهم بس مسكت عبايتي و العنود جايبة ماي و فتحته بالغلط و انكب الماي و احنا فوق قسم بالله اسمع السب و الشتم من فوق رهف ضحكت: تستاهلون نورة ضحكت: سمعت واحد يقول الي لابسة البرمودا هي الي كبته رهف ضحكت: مبين مبين ماسكه العباية هاا نورة:المهم بعدين العنود قطت الغرشة و الشباب قعدووا يتهاوشون عليها يفكرون ملصقين عليها رقم ولا شي رهف:لصقتوا رقم ؟؟ نورة:لألألألألألأ اكيد لأ رهف:متاكده؟؟؟ نورة:شرايك يعني انا و سارة مو راعيات هالسوالف و العنود متزوجة و مها ملتهية مع ذاك الي يمكن متزوج رهف:قالت لكم ع السالفة نورة ضحكت: افا عليك رهف:اوووف حفظتها تصدقين نورة:عادي عمري رهف:هلا نورة: قلبي رهف:اهلين نورة:طفولتي الضائعة رهف:قووة نورة:مراهقتي المتأخرة رهف:الله يقويك ضحكوا رهف:اعرف شبتقولين باي بس هاذي يعني انك مؤدبة نورة:يؤؤؤؤؤؤؤؤؤؤؤؤؤؤؤؤؤؤ انا بقولك باي رهف:لا والله اجل شتبين نورة: ماا ابي شي بس وحده تقول لصديقتها الفاظ حسنة رهف:من متى و هالالفاظ الحسنة (ضحكت) نورة بجدية اكثر:من زمان رهف اشوفك بالجامعة اوكي بروح اصلي رهف:طيب اكيد يلا فمان الله نورة:الله معك .................................. طلع فيصل من الغرفة و جا بيطلع من الشقة.. هيفاء:حبيبي وين رايح؟؟ فيصل بدون ما يلتفت: مالك شغل.. قعدت هيفاء الليلة كلها تتصل بفيصل الي ما يرد.. ................................................ |
|
11-01-2007, 09:56 AM
| |||
| |||
| رد: (((تعبت أشقى))) ... ولا أروووووع !!!!!!! الجز الخامس ....................................... بعد انتهاء الإمتحانات نورة:يمه تكفين ام تركي:نويرة وخري عني لانك من جد رفعتي ضغطي اذا جا ابوك كلميه و اذا وافق فانا موافقه نورة ابتسمت لانها الحين تأكدت انها بتروح مع سارة البحرين اول ما دخل ابوها راحت باست راسه و قعدت عنده بو تركي مستانس: شفيك اليوم كل هذا عشان الإجازة؟ نورة:اكيد انا مستانسة لاني بقضي وقت اكثر معاك بو تركي ضحك: نورة اخلصي شتبين؟ نورة و هي تمسك يده و تبتسم: يبه قول تم بو تركي ابتسم: اخلصي شتبين تكلمي!!؟؟ نورة:يبه سارة مع فيصل بيروحون البحرين خلني اروح معاهم بو تركي قعد يطالعها:معاهم لحالك و وين بتقعدين؟ نورة مبتسمة ابتسامة كبيرة:و حمد ليه بيروح؟؟!! بو تركي: ليه حمد بيروح معكم؟ نورة: لا لكن بقنعه بو تركي ضحك: يصير خير اذا اقنعتيه يصير خير..جا بيقوم نورة:يبببببببببببببه بو تركي التفت عليها:هاااه تعبتي هاليبه من كثر ما تقولين يبه نورة: وهي تبوس راسه مرة ثانية :يعني عادي نروح معهم؟ بو تركي:متى بتروحون و متى بترجعون؟ نورة:ثالث يوم العيد و بنرجع خامس يوم بو تركي قعد يطالعها للحظة بعدين:طيب! نورة على طول رمت نفسها عليه و هو قام يضحك على خبالها.. .................................. بأول يوم لعيد الأضحـــى رهف اتصلت بنورة رهف:هلااااااااااااااااااا والله نورة:هلاااااوين رهف:ايش اخبارك يا بت نورة:هه تمام وانتي اخبارك أيــٌه رهف ضحكت: تمام يا عمري نورة:عيدك مبارك رهف:الله يبارك فيك كل عام وانتي بخير انشالله نورة:وانتي بصحة و سلامة شفيك توك تذكريني رهف ضحكت: لا شدعوه بس انشغلت بالرياض شوي نورة:أي اكيد شخبار الأهل رهف:تمام الحمدالله نورة مستغربة:شالصجة الي عندكم هه تعور الراس رهف تضحك:ايوه هذولي الشباب قاعدين يولعون الطراطيع نورة ضحكت: أي اكيد انا ودي بس تعرفيني اخاف هع رهف ابتسمت: خبله نورة:يجي منك اكثر يا عمري رهف: كلمتي البنات؟؟ نورة:سارة كل يوم و العنود كلمتها بس مها ما ترد مدري شفيها .. وانتي كلمتيهم؟؟؟؟ رهف:ايوه كلهم الا سارة ارسلي لي رقمها بعد شوي نورة:انشالله يا طويلة العمر محمد:رهف نايف يناديك نورة فتحت عيونها: مين نايف ذا بعد!! رهف بتردد: نورة عمري اكلمك بعدين يلا باي!!!!!.. و سكرت........ كانت نورة و هي تكلم رهف ذاهبة لبيت سارة.... اول ما طلعت من السيارة الا شافت واحد متسند على مرسيدس اول مرة تشوفها.. ما اهتمت و قامت تمشي لين الباب الأمامي.. عبدالله من جهة ثانية يطالع و هو ساكت مو مصدق عيونه انه فيه غزال مثل كذا لكن ما قدر يشوف وجهها.. طلعت الخدامة:مس نورة مس سارة إز وايتنق فور يو نورةهزت راسها و دخلت داخل البيت.. دخلت و شافت سارة و فيصل بالصالة.. سارة كانت تنتظر نورة بس فيصل بعد ما درى ان نورة بتجي نسى عبدالله و قعد ينتظر نورة و بالنسبة لسارة انه ينتظر عبدالله صديقه الي كل ما ذكرته سارة بالموضوع قام يحاول انه يسبه عشان ما يبين السبب.. نورة:السلام عليكم الكل:و عليكم السلام نورة سلمت على سارة نورة:شخبارك فيصل؟ فيصل مبتسم:الحمدالله و انتي شلونك؟ نورة:تمام ..و قعدت و هي تشوف سارة و سارة تشوف فيصل و تأشر له (قوم قووم فشلتنا ) فيصل يعطي اخته طاف:الا صحيح بتجون معنا البحرين(يسوي نفسه ما يدري).. نورة :أي بس حمد يقول نجي بسيارتين فيصل:ليه طيب ليه ما نروح بسيارة وحدة احسن نورة:مدري حمد يقول كذا احسن فيصل:احنا اصلا رايحين عشان الجمعة ما يصلح كذا خلاص انا بكلمه و بقنعه..و ابتسم.. قعدوا ساكتين شوي و سارة كل شوي تدعي على فيصل بداخلها.. دخلت الخدامة:مستر فيصل ذير إز أ مان اوت أسكنق أبوت يو اند هي سايد ذات هي هاف بين وايتنق فور يو فور أ لونق تايم اند ..لكن فيصل قطعها قبل ما تفضحه زيادة فيصل :يوه نسيت الرجال برا طيب يلا انتي روحي الحين طلعت الخدامة فيصل:طيب يلا انا استأذن تأمرون على شي؟ نورة: لا سلامتك سارة ترد كأنها متعوده انه دايم يسألها:لا سلامتك اخويا الحبيب و حبست ضحكتها.......... طلع فيصل و جلسوا يسولفون البنات.........لحد ما دخلت عليهم ام فيصل.. ام فيصل:السلام عليكم الكل:و عليكم السلام نورة: هلا خالتي شلونك..و هي تسلم عليها ام فيصل بدون نفس:الحمدالله انتي شلونك؟؟ نورة:تمام الحمدالله ام فيصل:ايه شخبار الوالدة ... و .. الوالد؟؟ نورة و هي مستغربة من اسلوبها معاها:طيبين الحمدالله ام فيصل: أيــه الطيبين..و تطالع نورة من طرف عينها...طيبين نورة نزلت راسها مو عارفة شتقول.. سارة معصبة من امها فحبت تلطف الأجواء سارة:يمه نورة و حمد بيروحون معنا البحرين ام فيصل سكتت نورة قالت بعد فترة:سارة يلا نروح غرفتك ام فيصل:يعني مو عاجبينك سارة عصبت:لا يمه مو قصدها كذا و بعدين احنا كنا قبل ما تجين كنا بنروح الغرفة ام فيصل قامت و طلعت من الصالة.. ................................... سارة:نوييير مدري شفيها امي هالايام فــ... مدري يعني حاولي تاخذين و تخلين من كلامها.. نورة ابتسمت:عادي كلنا اهل و كأنها امي سارة ابتسمت على صديقتها الي دايم فاهمتها تنهدت:طيب جهزتي للبحرين تدرين من زمان ما سافرنا مع بعض نورة ابتسمت:اكييد جهزت و اقنعت حمد ان نروح فندق الخليج بدال الشيراتون الي فيصل يبيه.. سارة معصبة:اصلا ذا ما يروح الا بفندق الخليج بس هالمرة عشان...سكتت قبل ما تكمل نورة ضحكت: عشانك جايه معاه ما يبيك تروحين ذاك الفندق الي كله شباب و حفلات و ديسكوات صح ولا لأ..و ابتسمت سارة قامت تطالع نورة مستغربة من تحليلها الي ما كانت بتقوله بس قالت الحمدالله انها انقذتها سارة ابتسمت ابتسامة كبيرة:ايه صح نورة:ذولي الشباب يحللون كل شي عليهم بس احنا كل شي حرام.. سارة ابتسمت شالت لاب توبها و فتحته و هي تطالع الاب توب:خلني اشوف الحفلات الي بالخليج... قعدوا يسولفون |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
