والله انه راح مني نصف عمري في غيابك..
واعرف إني شلت همي تاركن حبي على الله..

كني أبعد من نجوم الليل وأقرب من ثيابك..
ياعساك وياعساني وياعسانا وياعسا الله..

ياعسى الدنيا تموت وما يعيش إلا ترابك..
يا أحبك واعشقك واهواك وإلا يفتح الله..

ماتعودت افتخر باحساسي إلا تحت بابك..
ايه أحبك والقضية واضحة والشاهد الله..

يطرد المظلوم خصمة وأنت خصمي ياهلا بك..
ياهلا بك يوم تجرح خافقي ويسامح الله..

ياهلا بك يوم تلحق غيمتي والحق سرابك..
جابك الله في حياتي ياحياتي جابك الله..

ليش مدري وين مدري كيف مدري بس جابك..
كل ماقلت ابتدينا في المحبة قلت يالله ..

مادريت ان النهاية بين بعدك واقترابك..
إنظلمت ولا شكيت ولاتركت الأمر لله..

كان همي انتظر باقي عذابك في عذابك..
الله الله انتبه واحذر وفكر والله الله..

مثل ما أحسب حسابي في هواك أحسب حسابك..
ماطلبت المستحيل ولا رجيتك شي لله..

ما طلبتك ارتفع من حجرتي واسكن سحابك..
يصرخ القلب المعذب يالمعذب وكل الله..

شاب حبك في عيوني وانت توك في شبابك..
رحت شي وجيت شي مختلف ياحسبك الله..

صدق إني مابغيت اجلس مع حضرت جنابك..
غيرك ذاك الزمان ويازماني منك لله..

ليش ماغيرت فيني شي يوم إني أهابك..
ليش ماعلمتهم عن قصتي وتوحد الله..

يعرفون انك سؤال ويعرفون اني جوابك..
ويعرفون اني حلفت ولا أعرف أغلى من الله..

>>>>>>>>>>>>>>>>>>>>>>>>>>>>>>>>>>>>>>>

منقوول

>>>>>>>>>>>>>>>>>>>>>>>>>>>>>>>>>>>>>>>

تحياتي .. ريشه فنانه ..

من هالحلا قلبي وقف... سميت بسم الله عليك..

ما أروح القصيدة .. لو كانت فتاة لتباهت بما تحمله من ملامح الجمال و المعاني الجميلة..
ريشة فنانة..
أعانك الله على المشاركة بالمزيد من ابداعك المميز..
تقبلي شكري و تقدير قلبي..

قلتها لك من زمان
انتي فنانه مانتي ريشة فنانه
ذوقك مدهش رائع
اختيارك مميز مبدع
تسلمين على هذه المقطوعه الفريده
تقبلي ودددددددددددي

_________________

ريشة فنانة..

نقلك .. قادنا الى قلبك .. الي حسك .. الي

مشاعرك .. نقل .. جميل .. عذب

فيه من الجمال ما يوصف

بالخيال .. صح قلبك ..

و لا هنتي .
تقبلي مروري

_________________





عذراً لكم لقلة تواجدي وردودي, لاكن إن شالله راح أرجع لكم عن قريــب [IMG]http://www.********/vb/images/smilies/starblink.gif[/IMG]

جنااااااااااااااااان


يسلمووووووووووووووو