قصه وقصيده محزنه ادخل وشوف السبب الله يكفينا

بســــــم الله الرحمن الرحيم

السلام عليكــــــــــم,,,

رجل يبلغ من العــــــمر ما يقارب الستين أو السبعين سنه,,,

رزقه الله الأولاد ... !!

تحمل مسئوليتهم ... وما زال يتحملــــــــــها,,,

أصغرهم يبلغ من العمر 25سنه

لم يتركهم بل الى الآن وهو متحمــــــــل تلك المسئوليه,,,

قصته,,,

كان في ليله بارده في أشد برودة ليالي الجنوب

الساعه 3 صباحا ,,, يرن جواله

الوووو ..

وعليكم السلام...

لا اله الا الله..

فيه شي..

طيب وين أبوه ...

خلاص بجيكم..

مع السلامه ...

يخرج من بيته ولا أحد يعلم الى أين سيذهب,,,

ذهب الى أحد أبنائه... في مدينه أخرى على بعد 80 كيلو متر

وكانت طلعت شمس الصباح

أخذه وراحو الى مكان الخبــــــــر...

وش السالفه طيب...

ولد ولده صار له حادث مروري للمره الثالثه في نفس الأسبوع!!!

والمره الأخيره توفى فيها...

وولده دخل أغماءه شديده (اللي هو أبو الولد)

ولا صحي منها الا اليوم الثانـــــــــي...

وما زال هذا الرجــــــــل يتحمل المسئوليه

أخذو اللي صاير عليه الحادث ...

ودوروا أحد يغسله ما لقيوا أبدا مع أنهم في مدينه معروفه

تحمل مسئولية التغسيل والتكفين الجــــــــد,,,

غسّله وكفنه ودفنوه ,,,

لم تراه أمه ولا أخوه ولا أخته

أخته لم تنم الا بعد مسكن ثمان أبر ,,,

أخوه الكبير ... راح ولا يدرون عنه الا رابع العزا!!!

أمه لا يعلم بحالها الا الله!!

فهو كان حبيبها وصديقها وأبنها..

كان من أجمل الشباب ...

مطيع لأمه وأبوه ...

القلب الحنون لأخته ...

وما زال هذا الرجل يتـــــــــــحمل المسئوليه,,,

الي اليوم وغدا وبعده ,,,

هذه كانت مرثية ذلك الرجــــــــــل في أبن أبنه ,,,

(عبدالواحد)







أنـا وحبيبـي فرقتنـا الليـالـي *من صابته ما ينثنـي مـن غيابـه
مافكري أن الموت حول القرايـب *الموت ما يرحم ويـا كـم غدابـه
هبت هبوب حول ذيـك السحايـب *أخذ الحبيب من بين أهلنا وسرابـه
أملي طويل فـي حيـاة العجايـب *والموت خذ محبوب قلبي غصابـه
وأنا أدري أن الموت حق وصايب *كم واحـد فـي غفلتـه دق بابـه
الموت ما فـرق شبـاب وشايـب *من حان موته جا اليـه وسرابـه
حفرت قبر تحت ذيـك السحايـب* في ديـرة مالـي بأهلهـا قرابـه
صورتك في عيني وأنا ثوب ثايب *منساك لو ينسى المسافـر شرابـه
ليتك تراني يوم هبـت النصايـب *وأكثرة في قبـرك زيـادة ترابـه
واللي يجي بالطين غمـر وشايـب *خوف عليكم من ذيـاب الشعابـه
الله أكبـر كيـف تلـك النوايـب *بعد الفرج والطيب مـر وصابـه
أمسيت مسرور مع أهل وقرايـب *وأصبحت ودمعي فوق خدي سرابه
لو شفتني وأنـا أثنـي النصايـب *كـل يقـول يالله تيسـر حسابـه
لوشفتني وأنا أسري الليل شايـب *وأقـول ياليـل تـعـدد عـذابـه
رحنا وخليناك فـي القبـر غايـب *ماكن لـك فينـا مسمـى قرابـه
عسى جنان الخلـد دايـم نصيبـك *ويعوضك مالحور ربـع ونسابـه
والخاتـمـه يالله تقـبـل دعـانـا*واللي مصاب فيك تجبـر مصابـه




كانت وفاته بتاريخ 16/1/1427هـ
ونظم هذه القصيده بتاريخ اليوم 11/10/1428هـ
كان عمر عبدالواحد 19 عاما عند وفاته

ينقل للقسم المناسب يعطيك العافيه