(الشيب)

هذه قصيدة نبطيه معبره وصلتني عبر بلوتوث الجوال بالصوت المعبر الشجي وقد أثرت في لدرجة الرورقه فيال قائلها من مبدع ولوعرفته لنسبتها له
ولكن أسأل الله إن لا يحرمه أجرها فهي أيضآ قصيدة
واعضه ومذكره للمقصر والمتمادي مثلي ويقول فيها:

الشيب شفته في المرايـه وصديـت=ماكنت أصـدق إن ذا الشيـب فيـه
أثر الزمن يطـوي رحالـه ووليـت=وراحت سنين العمـر وش هالبقيـه
من بعد شفت الشيب في الرأس حنيت=حنيـت لسنينـا" تـوالـت علـيـه
سنيـن ذقنـا الـمـر فيهاتجنـيـت=وياكـم تكبدنـا صنـوف البلـيـه
وذقت الحلا في بعض منها وتهنيـت=مرت علي مـر الصبـح والعشيـه
وسنين ياكم تهـت فيهـا وتماديـت=مـا بيـن سـب وظلـم وإلاّ قفيـه
ويآكم تحملـت المعاصـي وجريـت=جريتهاومـثـيـل جرالـمـطـيـه
وسعيت في الدنيا وكم صبت وأخطيت=والّي مضى عالناس يمضـي عليـه
ودارت بي الدنيـا ولا يـوم ونيـت=وقضّيتهـا مابيـن شمسـا" وفـيـه
يامرحبآ يالشيب مـن يـوم حليـت=تظهر علـى نفسـي أمـورا" غبيـه
يالشيب ما خوفت قلبـي ولا أحديـت=إلا مـواريـد بتـقـبـل جـلـيـه
أنت النذير الي على البـاب طليـت=ووصلت حدّ البـاب وش عـاد ليـه
ماعاد لي إلا التوبه إن كان أزكيـت=وسألت أنـا المولـى ورب البريـه
وقلت توبـي يانفـس قبـل ياليـت=ماعـاد ينفـع ليـت وقـت المنيـه
صومي وصلي ثم حجي إلى البيـت=وروحي إلى طيبـه ومسجـد نبيـه
وتزودي بالخير مـن بعـد ماأشقيـت=نفسا"تعـانـدنـي ونفسا"عـطـيـه
وإن عشت يانفسي من الخير جّنيـت=جّنيت لـي مجنـى الثمـار الهنيـه
يـا رب تغفر زلتـي يـوم زلـيـت=وإنـك تجنبنـي الزلـل والخطيـه
وعلى الرسول أزكى سلام وصليـت=إعـداد مـا هلـت مـزون النشيـه

وسلامتكم