مجموعة من قصائد الشاعرة المتميزة عابرة سبيل..

أمومتي..

قال الوداع، وقلت له بالسلامه
هذي ظروفي دايماً جابراتي

مسحت عبراتي بكف الندامه
وتلّيت من كفه حوايف عباتي

قفى يداري عضةٍ في ابهامه
وقفّيت أداري عضةٍ في شفاتي

وكلٍ رحل يحمل بقايا غرامه
وراحت حياته يوم راحت حياتي

فرقاه ضامتني وفرقاي ضامه
وعلى الله الوالي خلف ذكرياتي

وعقب البطا أرسل عليّهّ سلامه
يطلب و يرجيني يبي تضحياتي

مقدر أضحي بالشرف للملامه
وأمومتي ترفض أيتم بناتي

ان ما حصل لقياك يوم القيامه
ماظن تحصل شوفتي يا غناتي!!


خوية الذات..


أنا آسفة يا قصيدة و ابعدي عني
الوقت كله عطيته لامتحاناتي
حتى حبيبي بطيفه لا دنى مني
للغرفة الثانية لملمت حاجاتي
الوقت ضيق وانا دروسي يهمنّي
خليني اختمها مسك آخر محطاتي
ما انكر جميلك عليّ يا مخففه عني
قصة شقاي وعناي وكل ضيقاتي
أدري أنا منك وانتي قطعةٍ مني
لكن صراحة ثقيلة بعض الأوقاتي
خوية الذات لا لا تزعلي مني
العمر قدّام وانتي مرصد آهاتي


يا دنياي..


جيت بكتب عن شقا عمري قصيده
مير عيّا القول لا ياقف معي
شاف همي والمعاناة الشديده
أكبر من القول وحروف النعي
هاك يا دنياي عمري ما أريده
إضربيني واقسميني واجمعي
أي نعم ماني بهالدنيا سعيده
من نهار ولادتي وهمي معي
عشت محزونه وملتاعه وشريده
ويا كبر شيٍ تخبّيه اضلعي
مابي بين الناس تبكين و وحيده
وان هجع طرف البشر ماتهجعي
إما موتة حق أو إيدي بأيده
هيه.. يارحمة إلهي.. أسرعي

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

ابيات رائعه نالت الاعجاب
شكرا لك