منتديات مدرسة المشاغبين - منتديات الفسحة العامة

الله مير يسلمك وراك ما تقول ذا الكلام الزين مسن ^_^

وانقلب السحر على الساحر ^_^

انا متأكد ان في اثنين اللحين بالعنايه المركزه

اسمي محمد من مواليد القرن التاسع عشر على اخره سنة 86

<<<< حاس كني اتكلم عن قائد ثوره

خل اتكلم عن الاسره شوي

طبعاً انا اكبر اخواني يعني ((القدوه))

عندي اثنين اخو اثنين اخت <<< كفالتك على مين

الكبير هذا سلمكم الله بالجامعه يكره شي اسمه منتدى

مجنون شعر بشكل موب طبيعي ويكتب ساعات موب حق شعر رومنسي

بس شعر هجائي خذ ولد (( قلب على عمي ))

والصغير معانا بالمنتدى توه ثاني متوسط بس

ردوده اكبر منه <<<<<< على اخوه طالع

فيه مشكله مهايطي شوي ((ما طلع علي بذي ))

يعني لو يشوف واحد ينتحر قال انا

اعرف انتحر احسن منه وممكن يثبت لك عملي بعد

وعندي اخت صغيره بثاني ابتدائي تحب ترسم عقبال ما تصير

رسامه وابيع لوحاتها ونسوي بزنزس علشان مصلحتها طبعاً

اتكلم عن الماضي شوي ويازينه ويا زين ايامه

اول يوم دخلت فـيه مدرسه والله العظيم للحين ما نسيته ^_^

طبعاً دخلت تمهيدي وكانت الدعوه مختلطه بس اطفال ولا لو اللحين

يخلون الجامعه مختلطه كان علوم

كان اللي يدرسونا حريم ابتسامه وتعاملن زين

طبعاً نظام الدراسه كان ملاهي اول ما تجي تفطر وكان ذا الشي
يسبب لي رعب

لان كان معنا بنت ما تدخل مع الباب وكانت تاكل

بشراهه وما تفطر الا ((همبرغر)) وكنت اقول لامي اخاف تاكلني

<<<<<<<<< طبعاً اللحين اذكرها واضحك اول ركبي ما يفارقن بعض

لا ومن زين الطبايع اسمها عذاري لو مسمينها دبابه اصرف

وفي نفس الفصل كان معاي ولد خالتي وكنا قالبين الفصل بيت شعر

اللي يجي متأخر الثاني يفز له لو بنص الحصه ويسلم عليه

والمدرسه تشرح حياه سعيده

قرروا يقضون على هذه الظاهره ((اجانب شيعرفهم بسلوم العرب ))

فقلعوا كل واحد منا لفصل وجاه اكتئاب ولد خالتي علشاني

<<<<<< اشوا اني ما دريت عنه ^_^

خلصت سنين التمهيدي وولت ايامها

ودخلت اولى ابتدائي وكانت الصدمه

المدرسه ما فـيها نواعم ابد

واذكر اول يوم عمي جاي من القصيم ((كان طالب بجامعة الملك سعود))

ففاتني الباص وصحيته من النوم وبنفسن شينه ((قايم من النوم وابيه يبتسم خير ان شا الله ))

واقرب باص انطلني فـيه وارجع كمل نومتك ومن حسن حظي انه طلع الباص الصحيح

مشت الامور بشكل طبيعي الى ان دخلت ثالث ابتدائي وسجل معاي

اخوي ((المتنبي)) وبدت المشاكل كان يضارب بمعدل مرتين يومياً

وكلها علشان ليش تناظر

حتى اذكر مره من قو الهياط رايح بيجلد ثلاثه كبري وهو باولى

ليش تأشر علي فتعودت من اشوف لمه اعرف ان له علاقه فـيها

والحمد لله كنت ادافع عنه

الى ان مره تجاوز جميع طقوس الهياط

بيضرب واحد بسادس

المهم جا يصيح طبعاً كالعاده رايح باخذ بالثار وانا ماشي

اشوف واحد اقول يارب مو هو والا يطلع هو والله ما قصر فـيني

مسح بي الارض وفكني الله جا مدرس واشتغل الهياط والتفلت فكوني عليه

جينا رابع ابتدائي بدت المواهب فاختاروني لمسرح المدرسه

القاء وكانت اول قصيده عن فلسطين ((فلسطين جرح ينزف))

وفي خامس ابتدائي نفس الشي وكانت اخر سنه لي بالمدرسه

وطبعاً ما عدت على خير مضاربه من اخوي وداعيه على طريقته الخاصه

وكالعاده لازم اكل كم بقس معاه

دخلت سادس ابتدائي بمدرسه جديده وعدت هالسنه دون اي مشاكل

وطبعاً طنشت المسرح وبدت موهيه ثانيه تبرز ((الكوره ))


~*¤ô§ô¤*~*¤ô§ô¤*~لي عوده~*¤ô§ô¤*~*¤ô§ô¤*~