يا شباب والله العظيم الي نسوووووويه غلط * غلط

اقسم بالله مثل ما تبحث ورا عورات الناس ان يجي واحد ويبحث ورا عورات اهلك

قصتي هذي اقولها والله يشهد علي للعضه والعبره فقط

والله على ما اقول شهيد

كنت اعرف واحد في احد الاسواق التجاريه في مدينة جده يشتغل سيكورتي و ولد عمه يشتغل معه في نفس السوق

والله يا شباب هالادمي انه كل ما يشوفني يبتسم ويهلي فيني
ويرحب فيني بشكل مو طبيعي
وان غبت عن السوق يتصل فلان تعال بس خلني اسلم عليك

بصراحه انسان طيب ولكن سلوكياته الله يتوب عليه بس

كنت يوم اوقف معه بالسوق نسولف .. ثم تمر وحده من جنبنا يقولي رقمها رقمهاوماعليك

انت محد يقدر يكلمك .. ولا يقعد يوصف لي وحده يقولي لا توفتك تراها شي

المهم ومن هالكلام المعروف

وفي احد المرات كنت الف مع واحد من اخوياي ( وكلنا تبنا لله عز وجل اسأل الله الثبات )

كنا نلف انا وياه عند سوق شعبي في جده الا وبالصدفه اشوف وحده
مع امها كانت تناظر

قلت لخويي وقف وقف خلني انزل ارقمها .. وفعلا اول ما نزلت من السياره شغلت البلوتوث الا اشوف البنت تأشر تبي الرقم

طبعا انا ما صدقت على طول ارسلت الرقم

وقتها كان عندي استلام في عملي

طبعا خويي نزلني عند سيارتي ورحت العمل بثوبي اداوم الا اشوف رقم غريب يتصل

رديت .. الا والبنت الي رقمتها

كلمه مني وكلمه منها شبكتها ( الله يتوب علي )

اقسم بالله العظيم يا شبــــــاب اني ندماااااااااااااان وربي ندمااااااان ( اسال الله الثبات )

المهم ما جت يومين الا وانا مطلعها وكنا في غفله ( الله يتوب علينا )

وصرنا نطلع من بعد المغرب الين الساعه 1 بالليل يوميا

البنت كان عمرها 23 سنه تقريبا وكان زوجها مدرس في قريه خارج جده ولا يجي الا يوم الخميس ( الله يرفع قدره دنيا واخره )

واهل البنت محد داري عنها ( الله يتوب علينا وعليهم )

المهم الشله اكبرت وصرنا لا نبي نجلس نحجز اربع طاولات

من كبر الشله ( اسال الله يتوب علينا )

المهم خويي الي معي شاف وحده من الجالسات قال ابي اشبكها ومدري شلون

المهم اخذ رقم جوالها والبنت هذي الي مع خويي تصير بنت خالتك خويتي

( لا حول ولا قوة الا بالله .. الله يتوب علي )

فـ صرنا نطلع انا وخويي والبنتين

وصار الي صار

والله ندمااااااان يا شبااااااب والله ندمااااان

اقسم بالله انه امر عظيم

اسال الله ان يثبتني على طاعته

المهم

مره طلعنا شارع التحليه ( اقسم بالله منظر ما انساه طول حياتي )

كنت انا اسوق وخويي جنبي طبعا والبنتين ورا جالسات

الا و شوي شفنا واحد محشش في الشارع وادق خويي اقوله شف شف هالمحشش

يذكرني بفـلان

يقولي منهو فـلان .. اقوله يا شيخ فـــــــلان الي بسوق .....

يدخل الحمامات يحشش قالي والله ماهو غريب علي هالاسمي

قلت يا شيخ الي فيه .......... ( فيه صفه ينعرف فيها )

قالي اوووووووووووه ويضحك بصوت عالي

مع ضحكته اسمه صياااااااااااح مو طبيعي

اناظر يا ولد الا البنت تصيح

اقوووول فلاااااااااانه وش فيك

قالت وقف نزلني خلاااااااص

وانا اقول فلااااااانه وش فيك وهي تكرر وقف خلاص نزلني

عاد وقفت وسط حاره

قلت وش فيك والله ما تنزلين الا تقولين وش فيك

قالت فــــــــــلان الي تقول عليـــــــه تراه اخووي

وتراااااه خطيب هذي ( تأشر على البنت الي معنى بنت خالتها )



( يـا ربي انت غفور رحيم تووب علي يارب )

والله يا شباب وقتها كان ودي ان الارض تنشق وتبلعني

وقتها تجمدت خــــــلاص معاد اعرف وش اسوي

قطعت البنت وقطعت كل علاقاتي المحرمه

شــــــبـــــــاب /// خذوها قاعده

كما تدين تـــــــــــــدان

كما تـــــــــــــديـــــــــــــــن تـــــــــدان

اتقوا الله

خافوا الله

تبوا الى الله

ارحموا انفسكم

يكفي خلاص يكفي تووووووووب الى الله

ادعوا لي بالثبات وان الله يغفر ذنوبي