قصة مررره حلوه ((نهاية حبك اعدامي))

هنادي مبتسمه: خالي .. شو هاي " كوفي لاتيه " اللي طلبته ؟
سلمان: حليب مع نسكافيه عجيب ... طلبيه وبتدمنين عليه
هنادي متردده: هاا .. لا مابي اجازف
يوسف: خالي هنادي ماتحب تجرب اي شي
سلمان يضحك: هههههههه سمعي كلام خالج فديتج
هنادي: اوكي اللي تشوفه خالي
سلمان طلب لها كوفي لاتيه مع فادج كيك .. وكلن طلب له شي .. وهنادي على اعصابها .. وصل الطلب وسلمان يطالع هنادي ومبتسم ..
هنادي: خالي .. شو هالكيكه السوده بعد ؟؟
الجوهره: هندوووه ... يالوسواسيه اكلي وانتي ساكته
سلمان: هههههه ليكون على بالج مسوي فيج مقلب؟
هنادي منحرجه: لا خالي بس....
سلمان: لا بس ولا غيره .. انتي جربي ومثل ماقلت لج بتدمنين ..
هنادي بتردد: اوكي .. كلت شوي من الكيكه وذاقت القهوه والكل يطالعها ينتظر النتيجه ..
الجوهره مبتسمه وتكلم يوسف: خلاص يوسف هانت .. قريب وتتخرج
يوسف مبتسم: اي الحمدلله .. اي والله هانت .. هالدراسه احسها هم على صدري وقريب بينزاح هالهم
سلمان: الله يوفقك يا يوسف طالع على ابوك .. طموح ..
يوسف: الحمدلله على كل حال .. هندووه وين وصلتي ؟؟
هنادي والابتسامه شاقه فمها: وااااااو .. بصراحه خالي .. ذوقك ولا احلى
سلمان: بالعافيه حبيبتي .. بس قلت لج جربي وانا خالج
هنادي: والله ذوقك يا خالي شي شي شي
الكل ضحك على هنادي .. وفي نفس الوقت على الطاوله الثانيه نواف يطالع هنادي ويتفكر فيها .. شافها امووره وبيبي فيس حيويه وتدخل القلب .. طلعوا بوفهد ونواف من الكوفي شوب ونواف من طلعوا ونسى هنادي ولا جات على باله من بعدها .. اما هنادي واهلها تموا في الكوفي شوب سوالف وضحك ورجعوا البيت حزة الغدا .. كانت الجوهره في غرفتها تصلي وتلبس عشان تنزل تتغدى ويرن تلفونها ..
ابراهيم: هلا والله يالقاطعه
الجوهره مستحيه: اهلين
ابراهيم: شدعوه يالغلا وينج ؟
الجوهره: تدري مشغولين مع خالي .. امس راجع من السفر .. وريح شوي واليوم طلعنا نتمشى وياه
ابراهيم: عسى استانستوا ..
الجوهره: اي وايد .. خالي يونس وحليله
ابراهيم: الحمدلله .. وبعد اخبار حياتي ؟
الجوهره مبتسمه: حياتك بخير .. وتسأل عن حياتها
ابراهيم: انا بخير يا قلبي .. وعندي لج مفاجأه ؟
الجوهره بتحمس: ها وش هي المفاجأه ؟
ابراهيم: باركي لي ... استلمت مفاتيح البيت اليوم ..
الجوهره: مبروووووك .. جعله بيت عامر يا ابراهيم
ابراهيم: الله يبارك فيج يا قلبي .. بس ناقصه وجودج يا قلبي
الجوهره بصدمه: هااا
ابراهيم: شوفي يا جوهرتي .. انا وعدتج ببقى لج للابد لين اخر نفس فيني .. ومحد بيدخل هالبيت الا انتي لانج انشالله بتكونين راعيته .. ومحد بيأثث البيت غيرج .. اعتقد مالج عذر الحين خالج ورجع من السفر وبطلبج منه
الجوهره انصدمت من كلام ابراهيم: ابراهيم .. انت وش تخربط ؟
ابراهيم بعصبيه: يا جوهره .. مالج عذر قلت لج مالج عذر .. خلاص كل شي بيتحدد انشالله قريب ابيج بالحلال .. خافي ربج فيني يالجوهره .. يالغاليه انا اسوي هاي كله عشانج انتي وبس والله ماتزوج غيرج انتي الغلا والله انتي وبس
الجوهره سكتت وبينها وبين نفسها قالت " معاك حق يا ابراهيم مالي عذر الحين "
الجوهره: زين ابراهيم حياتي .. اصبر علي شوي عشان خالي يشوف اموره اوكي
ابراهيم بيطير من الفرحه: قلت لج انتظرج العمر كله .. حاضرين لج يا جوهرتي
الجوهره تدلع عليه: زين يلا بسك سوالف .. باروح اتغدى ..
ابراهيم: فديت اللي يتدلعون .. بالعافيه حياتي ولاتنسين تقعديني للصلاه
الجوهره: انشالله فديتك .. الله يرعاك
ابراهيم: مع السلامه
سكرت الجوهره من ابراهيم وحضنت مخدتها .. آآه يا خالي سلمان انت مبروك من رجعت وسطنا وامورنا تحسنت ونفسيتنا تغيرت .. الحمدلله الحظ ابتسم لنا الله يطرح فيك البركه ويوفقك يا خالي ونزلت تتغدى معاهم وكعادتها مبتسمه وفرحانه بس هالمره هنادي ويوسف حسوا بفرحة الجوهره غير .. طبعا رجعت خالهم وسطهم فرحتهم كلهم بس الجوهره اللي فرحها الخطوه اللي بيقوم بها ابراهيم و اللي قريب بتحقق كل امالها واحلامها ..
يوسف: خالي سلمان ..
سلمان: هلا بوي .. آمرني
يوسف: ما يامر عليك عدو .. ما كملت لنا سالفة سميث
الجوهره: يوسف خل خالي يتغدى
سلمان: لا عادي .. بكمل السالفه ليش ماكملها
يوسف: نتغدى وبعد الغدى تكمل لنا السالفه ,, وش قولك؟
سلمان: حلو .. نخلص الغدا ونختم الغدا بحلو من يد هنوووده شو رايكم ؟
الكل: اوكي
وقعد سلمان مع عيال اخته اللي حسوا بالامان من رجعته وسطهم
سلمان: يا يوسف هاذي سميث غير عنهم .. تمنيته مسلم بس .. الله يهديه انشالله .. هناك فالسجن كان خشن والكل يهابه حتى مدير السجن نفسه كان يخاف منه ويسوي له حساب .. طبعا من بعد ماتعرفنا على بعض اكثر عبدالهادي كان يميل قلبه للدين لانه كان يقارن حياتهم بالدين وايد وحاول يسايسه باسلوب بس انا قلت لعبدالهادي اصبر عليه شوي .. لازم يثق فينا ونضبط امورنا معاه اول
عبدالهادي: شلون نضبط معاه بعد ... يالفالح ؟؟
سلمان: لازم نعرف نفسيته شلون يتقبل او لأ .. لازم يتأثر فينا دام الريال حبنا .. لازم ندخل له من هالمدخل
عبدالهادي: والله انك مخ يا سلمان .. مب هين
سلمان: ها شلون عيل .. اعجبك
عبدالهادي: لاتصدق بس
سلمان: هههههههههههه الله يقطع سوالفك
ويكمل سلمان لعيال اخته: سألنا سميث عن سبب دخوله السجن؟ قال انه ذبح ولد احد العصابات اللي كانوا يتعاملون معاهم في تهريب الاسلحه .. وابوه يبي ينتقم مني وما راح يرتاح الا لما يذبحني .. ولو طلعت من السجن بيذيحني .. والا انا اقدر اطلع اليوم قبل بكره .. بس ابوي قالي اقعد هني بالسجن بيحاول يقنعه يتراجع عن فكرته او ينهي حياته هو الثاني .. ترا حياة العصابات في امريكا تفس اللي تشوفونه فالافلام .. لان ماعندهم وازع ديني مثلنا .. الحمدلله على نعمة الاسلام .. تخيلوا ان الذبح عندهم عادي مثل شربة الماي ...
ويرد علي سميث: يا سلمان انا عشت حياتي في الشوارع .. صج اني املك قصور مو بيوت قصور وسياير ومحلات ولو اشر بيدي على اللي ابيه اخذه بالقوه او بالطيب .. بس تعلمت من حياة الشوارع القتل والعنف وابوي له سوابق قبلي يعني من شابه اباه فما ظلم .. وراثه هههههههه ..
سلمان: لاحظت ان الكل يهابك هني .. بس من متى انت مسجون ؟
سميث: انا جيت قبلكم بسنه .. يعني الحين لي 7 سنوات
عبدالهادي: بس شلون طول هالفتره وابوك وعصابتك ماقدروا ينفذون اي من الامرين اللي قلت عنهم؟
سميت: كنت متأكد من هالسؤال؟ بس انتوا ما لاحظتوا اني ماكون موجود الا فترة الغدا بس ؟
عبدالهادي + سلمان باستغراب: اي صح ..
سميث: لاني اطلع بالليل ..
عبدالهادي: هااا .. شلون .. ومع من .. و وين ؟؟!!!؟
سميث يضحك: هههه شوي شوي ... بقولك
عبدالهادي: اوكي .. اسمعك
سميث: انا حتى مانام هني .. اروح انام في قصري .. مرتاح في سريري وعايش حياتي .. بس الصبح ارجع واقعد معاكم عشان محد محد يشك فيني من المساجين
سلمان: روووح يا واسطه .. ماقلت لك خل نضبط معاااه
عبدالهادي: اي والله .. وهني سميث ضاع من بينهم لما تكلموا عربي ..
يكمل سلمان: وعلمناه عربي .. وعبدالهادي وايد متدين ميل قلبه للدين بالتدريج .. بس احلى شي لما قال لنا ....
سميث: شو رايكم تجون معاي الليله ؟
عبدالهادي + سلمان مبطلين عيونهم: هااااا
سلمان: اكيد تمزح
سميث: لا ما امزح ... تعالوا اليوم بعد الساعه 5 عند البوابه الخلفيه .. انتظركم اوكي
سلمان مو مصدق: اوكي
كان سميث بيروح عنا بس رجع وسألنا
سميث: بالمناسبه .. شو سبب سجنكم ؟
سلمان نزل راسه ومارد ..
عبدالهادي: بدون سبب ..لفقوا لنا تهمة تهريب مخدرات في بلادكم
سميث: اها ... دونت وووري ... وابتسم وراح عنهم ..
سلمان: وش قصده بأبتسامته وكلامه ؟؟
عبدالهادي: مادري والله !!!
جات الساعه 5 وانا وعبدالهادي وقفنا ننتظر سميث عند البوابه .. وشفنا الشرطي يمشي صوبنا
الشرطي: تعالوا معاي لو سمحتوا
عبدالهادي: على وين؟
الشرطي: انتوا ضيوف ماستر سميث صح ؟
عبدالهادي: اهااا
سلمان: يس احنا
الشرطي: تعالوا .. فتح لنا الشرطي الباب وانا وعبدالهادي حسينا بشعور الحريه .. يالله شلون كنت شوي وبصيح .. المهم كانت في سياره سوده كلها مخفي تنتظرنا .. فتح لنا الشرطي الباب وركبنا الفندق او منتجع .. ما كانت سياره ماعرف كيف اوصفها شي عجيب ..
ركبنا وجانا الشرطي مره ثانيه وجاب لنا كيس فيه ملابس لكل واحد فينا وطلب منا نبدل ملابس السجن ونتركها في السياره .. مشينا درب ماعرفناه اول مره نشوفه .. 30 دقيقه واحنا في السياره بدا علينا التوتر والخوف لما وقفت هالسياره وطلب منا السايق ننزل .. وركبنا سياره ثانيه بس كانت بدون مخفي وشفنا سميث بنتظرنا فيها هني الفرحه ملت قلوبنا وتطمنا .. تمشينا وتعشينا وعشنا حياتنا ذيك الليله .. شفنا قصر من القصور اللي يعيش فيها سميث .. الله واكبر شو بيته تقول عالم مختلف .. مسبح وملاعب تنس ونوافير وحديقه كبيره تقول جنه جنه .. يعني بيت محترم بمعنى الكلمه .. وهاي بس احد قصوره .. المهم في ذيك الليله نمنا في اسره مريحه وتغطينا بالفرو والحرير ونمنا نوم عميق .. طلعت الشمس وقعدنا على الساعه 9 تريقنا وبعدين رجعنا للشقى مره ثانيه ... والليله اللي قبلها كانت مثل الحلم .. وتكررت طلعاتنا مع سميث والحمدلله قدر عبدالهادي يميل قلبه اكثر واكثر للدين عن قبل .. وبدى يفهم عربي ويتكلم معانا بالعربي .. لين ما اتقنها ماشالله عليه .. تمينا على هالحال يمكن سنه كامله .. النفسيه تغيرت والكل لاحظ بعدها قال لنا سميث .. وقطع كلام سلمان الاذان .. سكت سلمان.. ولما خلص الاذان قام ومعاه يوسف للمسيد والبنات راحوا يصلون فوق ... قالهم خالهم المره الجايه بيكمل لهم شو صار ..
الجوهره اتصلت تقعد ابراهيم لصلاة العصر
الجوهره: صح النوم ..
ابراهيم: يا حي الله هالصوت
الجوهره: يلا فديتك .. قوم اذن العصر
ابراهيم: انشالله . .. لما اطلع من المسيد باتصل فيج
الجوهره: اوكي .. مع السلامه
ابراهيم: مع السلامه

" اسكن في عيني وشوف وش كبرها دنياك .. الصمت لك والبوح ولشوفتك اشتاق .. عمري فدى عيونك يا ساحر بلونك .. وياك مهما يصير .. من بين كل الناس .. من بين الناس حبيتك ...... "

سلطان: عاشوا الشباب ايوه ايوه .. يا سلام يا سلام
سلطان طالع مع الربع اللي هم جاسم ولد عمه وصديقه احمد رايحين البحر ومرتبشين على الاخر
جاسم: ايوه .. عاشوووو .. وقوم سلطان وعشت سلطان .. اووووب يلا يلا
احمد: صفقه شباب .. وكلهم يصفقون ... وقام سلطان يرقص الدريول
سطان: عاش دريولنا .. عااااش .. والشباب ضحك عليه .. والكيمره دايره .. الدريول ماخذهم على قد عقولهم ...
قعدوا الشباب من بعد هالهيصه .. والدريول يفنيلهم .. صب لهم الشاي والقهوه .. والحبايب عايشين الجو .. وبعدين دشوا البحر يسبحون
سلطان: تحدي يا جماعه ..؟
احمد: سرينا
جاسم: شالو
نزلوا هم الثلاثه تحت الماي واول من طلع فيهم سلطان واخرهم جاسم مع انه الاصغر من بينهم
سلطان: ماشالله عليك ولد العم
جاسم: احم .. احم .. اعجبك
احمد: ماشالله عليك يا جاسم
جاسم: اقول شباب .. شو رايكم نروح صوب البنات .. نطفرهم خخخخ
احمد يطالع جاسم بنظره: وراك الجسمي
سلطان: وانا قبلكم .. وسبحوا الشباب لين ما قربوا من البنات .. وتموا يتضحكون ويسون لهم حركات
مها: شو فيهم هالمهابيل
سلمى: ما عليج منهم يهال
سمع سلطان هالكلمه: اقول ياليهال وخروا
جاسم يستعبط: انشالله يالياهل العود خخخخخخخ وضحكوا بصوت عالي
عصبت مها: هي انتوا ياللي ماتستحون
احمد: تسمعون صوت شباب ؟؟
جاسم + سلطان: لا ... هههههههههههههههههههههههههههههههههههههههههه
عصبوا الشباب على خبال الشباب وهبالتهم
مها بعصبيه: لو ما رحتوا بنادي لكم الشرطه
جاسم: يا ماماي .. البوليس لا لا لا .. الا البوليس .. وضحكوا الشباب
سلطان: الجسمي الله يغربلك ..
جاسم: تطلع مني ترا
احمد ويسوي صوت صفارة الشرطه: الحقوا يا جماعه البوليس .. ههههههههههه
وتموا الثلاثه يطفشون البنات لين قريب تغيب الشمس .. طلعوا من البحر و كملوا هيلتهم لين بعد ما غابت الشمس بساعتين .. عبط واغاني واستهبال .. الدريول زهق يبي يروح البيت
الدريول: بابا سلطان
سلطان: شو بابا سلطان .. يالعوي .. قول مستر سلطان ..
الدريول بملل وخضوع لسلطان: مستر سلطان
سلطان: ايوه جي تمام .. خير شو بغيت ؟
الدريول: مستر سلطان.. تايم .. تايم
سلطان: شو فيه تايم .. بدري الغالي الساعه 8 توه مابدى السهر .. انثبر مكانك
الدريول وشوي يسطر سلطان: لا بابا .. سوري مستر سلطان .. انا يبي يسوي اكل
سلطان: واحنا ما منعناك .. كل الخير وايد .. عجيب والله
.........................

الدريول: اففففف .. تنكيو مستر سلطان ...
تموا الشباب يلعبون ورقه لين تمللوا .. قام جاسم: يالربع زهقت من الورقه شو نسوي؟
احمد: نطفر بدريولكم سلطوووون
سلطان: هات ماعندك الحمدي ..
احمد: شوف طال عمرك .. عندي صندوق بالشنطه .. نحط فيه فلوس .. ونتمشى بعيد عن الدريول وندفن الصندوق بالفلوس ... وعقب نخلي فانيلة واحد فينا حول الصندوق ونقول للدريول يجيبها .. ولما يوصل لها بيوضح جدامه الصندوق وشي اكيد بيفتحه .. هندي بيفكر انه لقى كنز والجسمي صوره عشان نضحك عليه بعدين .. وش قولكم ؟
جاسم: جاهز طال عمرك
سلطان: جاهز طال عمرك
احمد: الجسمي جهز الكيمره
جاسم: جاهزه
احمد: سرينا
راحوا الشباب ودفنوا الصندوق وخلوا فانيلة سلطان حولها .. رجعوا عند السياره .. سلطان يلا بابو حمل سمان داخل السياره
الدريول بيطير من الوناسه: انشالله
ركبوا الشباب السياره
سلطان: اوه فانيلتي وين ؟؟
جاسم: دور تحت السيت او في الصندوق ورا ..
احمد: شوف سلطون فانيلتك ورا عند السيف
سلطان: اوووه صج والله .. بابووو
الدريول: يس مستر سلطان
سلطان: روح جيب فانيلتي مناك
الدريول يقول في خاطره " والله فاضي .. عيزان يجيبها ": اوكي مستر سلطان
احمد: الجسمي جهز الكام
جاسم: جاهر .. اكشن
مشى الدريول مسافه .. خذ الفانيله وكان بيمشي صوب السياره بس رجع مره ثانيه يطالع تحت وشاف الصندوق .. قام يتلفت حواليه ويطالع السياره .. والشباب او انهم ما يشوفونه .. وجاسم منخش يصور واحمد وسلطان ميتين من الضحك .. فتح الدريول الصندوق .. شاف الفلوس وطلعت عيونه .. الشباب ماسكين بطونهم من الضحك .. رجع الدريول وابتسامه شاقه حلجه من كبرها وجاسم يصوره ركب السياره ولا تكلم .. وعطى سلطان الفانيله وحركوا .. خذ سلطان الكام من جاسم او انه بيصورهم ومركز على الدريول والشباب ميتين من الضحك .. وصلوا البيت ونزل الدريول وحاط الصندوق في قميصه والقميص منتفخ بشكل يضحك ..
خذ جاسم الكيمره يكمل تصور لان الحين احلى جزء بيصوره .. العبط بعينه
سلطان: بابوووووووووووووو ... سلطان دوم يمدها خخخخخخخخ
الدريول بارتباك: يس مستر سلطان
سلطان: شو اللي في قميصك ؟؟
الدريول: مافي شي .. مستر سلطان
احمد وينط على الدريول: هااا .. شو هالصندوق
الدريول يدز احمد: الله يجيب حق انا فلوس .. انته شنو يبي ؟؟
طاح احمد على الارض ميت من الضحك: آآآه بطني .. الله يغربلك يا بابو
خاف الدريول على باله احمد تعور: لا بابا احمد .. انا ما يبي فلوس .. بس مافي تكليف بطن مال انته وحذف الصندوق على الارض وتم يعابل احمد .. الجسمي يصور وسلطان ناقع من الضحك
سلطان: انت شو سويت باحمد ؟؟.. هاي كله عشان فلوس .. حرام عليك
الدريول شوي وبيصيح: لا بابا احمد .. سوري انا مايبي فلوس
على حشرتهم طلعوا فاضل ومحمد ...
فاضل: شو فيكم ؟
الدريول بخوف: لا .. انا مايبي فلوس
فاضل: شو السالفه .. ؟ اي فلوس انت بعد ؟
محمد ضحك: سلطون .. شو مسوين بالدريول .. ؟؟
سلطان مو قادر يتكلم من الضحك: بهدلناه .. ههههههههه
فاضل: الجسمي .. شو تصور ؟
جاسم: عبط اخوك .. بعد شو اصور ..
فاضل + محمد: هههههههههههههههههههه
فاضل: الله يغربلكم ... احمدوه .. قم من الارض .. قم
احمد: واااااي .. والله دريولكم عبيط .. ههاااااااي
فاضل: زين بابو روح نزل سمان من سياره
الدريول: انشالله .. بس بابا احمد مافي تكليف الحين؟
احمد: لا بابو انت وايد زين ... شهم شهم .. فيك عرج عربي ... يبين عليك
الكل: هههههههههههههههههه
الدريول: مستر سلطان .. انا ما يبي فلوس .. وعطاه الصندوق
محمد: بعد مستر سلطان .. والله حاله هههههههههه
فجأه عم المكان سكون ... مشى متجه لهم بخطوات ثقيله ويناظرهم .. ابتسم لهم ابتسامه كلها حزن .. حسوا فيها ..
محمد: هلا خالد ..
خالد: السلام عليكم ...
الكل: عليكم السلام
فاضل: شو اخبارك خالد؟
خالد: الحمدلله .. متى السفر ؟
فاضل توتر: انشالله ما ارح تسافر ..
خالد : ...................
سلطان: خالد تعال نشوف الفلم اللي صورنا الحين .. بتيود بطنك من الضك
خالد ابتسم لاخوه: اوكي
استأذن احمد وراح بيتهم .. ودخلوا هم داخل عشان يشوفون الفلم ... اما فاضل راح عند الريم
فاضل: اريامي .. كلمي بنات عمي يجونا الحين بسرعه
الريم: ليش؟
فاضل: خالد تحت مع الشباب وكلمنا ..
الريم متفاجأه: احلف فضوووووول واااو .. الحين اتصل لهم .. الحمدلله يا ربي
فاضل: بسرعه الله يخليج ..
الريم: اوكي
اتصلت الريم .. ومريم وفاطمه كانوا في طريقهم لبيت عمهم .. ومريم كانت قلقه ومتوتره لانها اول مره بتكلم خالد بعد ما عرفت مشاعره ناحيتها
مريم: فطووم .. متوتره .. افففففف
فاطمه: استهدي بالله .. ريلاكس يا حبيبتي هههههههه
مريم: اه منج امنتي بعد .. شو ريلاكس اي ما نحطيتي في مكاني مع هالويه
فاطمه تضحك: ههههههههههههههه
وصلوا بيت عمهم ومريم تحس ان ريولها ثقيله .. ماتقدر تحركها ... دشوا الصاله ونط جاسم على مريم
جاسم: مريامي
مريم: هلا حبيبي .. فديت طولك
جاسم: هههههههه عاد مو جدام الشباب
سلطان: شحالكم بنات عمي ..
مريم: الحمدلله .. وانت ؟
فاطمه: طيبين الله يسلمك .. وانت ؟
سلطان: الحمدلله .. الله يسلمكم .. فاطمه تستانس على سلطان لما يثقل جدامهم
الريم: هلا والله تو ما نور البيت ..
فاطمه: هلا ريومه .. شو اخبارج ؟
الريم: الحمدلله وانتوا شو مسوين .. شو اخبار عمي ومرت عمي ؟؟
فاطمه: تمام التمام ...
مريم: شخبارج ريموه
الريم: الحمدلله
فاطمه: خالد .. شو اخبارك ؟
خالد مبتسم: الحمدلله .. شحالج مريم ؟
مريم و ويها احمر: الحمدلله .. بخير يا ولد عمي
خالد: شو اخبار الدراسه ؟
مريم: تمام
فاطمه: احم احم .. خالد نحن هنا ... ترا بعد انا ادرس
خالد يضحك بصوت: ههههههه اي انتي عاد ما بسألج عن دراستج ..
فاطمه: وليش يعني ؟
خالد: لانج تاكلين الكتب ...
فاطمه بدلع عفوي: لا والله ... اذكر ربك علي ..
خالد: لا اله الا الله .. انتي اصلا شيختهم ..
هني مريم حست بالغيره .. نزلت راسها وتمت ساكته .. قام خالد وراح غرفته فاضل راح وراه .. والريم مع محمد والبنات تموا يسولفون وجاسم وسلطان كانوا يجهزون الفلم .. دخلت عليهم ساره زوجة محمد
ساره: السلام عليكم
الكل: عليكم السلام
ساره وقعدت جنب محمد: شو اخباركم يالحوريات؟
فاطمه: الحمدلله وانتي ؟
ساره: نسأل عنكم فديتكم
مريم: سوير .. شو فيج مصفره .. ؟ تعبانه من شي
ساره: مادري شو فيني هالكم يوم مب صويحيه ..
محمد: اكيد حامل
ساره منحرجه: محمد ... لا لا لا
مريم: ليش لأ؟ عيالج ريايل الحين
محمد: عاشت بنت عمي .. قولي لها
ساره: بدري عليهم ..
فاطمه: تو الناس يا ساره .. لاتسمعين كلامهم
مريم: لا حبيبتي .. شو تو الناس .. يا ساره انتي بعدج صغيره .. والعمر يركض ولا نحس به ..
جيبيهم ورا بعض وعقب ارتاحي وتفرغي لفنسج
ساره: والله تفكيرج سليم يا مريم
خالد: وانا متى بشوف عيالي .. يا مريم
الكل سكت من الصدمه ...
مريم بطلت عيونها .. محمد قام من مكانه مستغرب.. فاطمه ومريم والريم تيبسوا مكانهم .. اما سلطان وجاسم اللي كانوا مندمجين مع وايرات الكيمره .. تركوا اللي بيدهم وصدوا صوب خالد
خالد: شو فيكم .. قلت شي غلط ؟
محمد بعصبيه: خالد .. شو صار لمخك ..
خالد مسك راسه ورمى جسمه على الكرسي بتعب .. وعيونه دمعت .. حس بحرقه في عيونه وحراره في جسمه ..
قرب محمد من خالد: شو فيك ؟
خالد مسك محمد من كتفه: تعال ابيك ...
طلعوا خالد ومحمد ... وخالد ترك الكل بحيره من تصرفه ... "ما ينلام الولد"

ساره بخبث: يلا مريم شدي حيلج .. خالد يحب اليهال .. وهي ما تدري ان الجو متكهرب
الريم تهمس في اذن ساره: سوير مو وقته ..
ساره: احم .. اسفه
فاطمه: مريامي .. الجسمي .. يلا بنروح البيت
ساره: اسفه مريامي
فاطمه بعصبيه: يلا بسرعه .. قامت مريم و وراها الجسمي وراحوا بيتهم .. وهم في السياره ولا حد منهم نطق بكلمه ..
في نفس الوقت في بيت بومحمد ..
ساره: الريم .. انا قلت شي غلط .. ليش فاطمه عصبت وطلعت
الريم: لا لاتشيلين هم .. ما زعلت بس ماحبت اللي صار بوجود جاسم وسلطان
ساره: باتصل استسمح منها
الريم: سوير لاتكبرين الموضوع .. عادي ما صار شي صدقيني
نرجع لخالد ومحمد اللي راحوا غرفة خالد .. خالد لمح لمحمد انه يبي مريم بنت عمه بس ما اعترف له بحبه لها .. وقاله عن البنت اللي تطلع له .. اللي شافها في البر
خالد: والله يا محمد حتى وانا اكلمك .. اشوفها في زوايا الغرفه .. بس الحمدلله ايماني بالله قوي .. اول الايام حسيت لساني مربوط .. وماحب اوقف جدام المرايه اخاف من شكلي .. .
محمد: بالعكس اشوف ان جروحك خفت والحمدلله ... بس الخياطه اللي في حاجبك علمت وصار خط فارغ في حاجبك .. بس مغيره بشكلك ياخي .. صاير سكبه ما عليك زود بو وليد .. ههههههههه
خالد مبتسم: الله يقطع سوالف .. يا محمد ههههه
محمد: زين الحين شلون تحس نفسك ؟؟
خالد: الحمدلله .. من قرى علي المطوع واحس نفسي احسن .. وقالي لازم اتحصن اول ماقعد من النوم وقبل ما نام .. بس فيني خوف منها .. اخاف اشوفها على غير هيئتها .. واخاف تلازمني طول عمري ..
محمد: اذكر ربك يا ريال .. تحصن على طول .. ورطب لسانك بذكر الواحد الاحد ...
خالد: الحمدلله على كل حال..
محمد: زين خلود .. حلوه ؟
خالد: هااا ... من ؟
محمد: اللي شفتها ..
خالد: الله يغربلك حمود .. خل عنك السوالف ..
محمد: يا ريال
خالد: ما شفت بجمالها .. كامله والكامل الله ..
محمد بعبط: ما تطلع لي هههههههه
خالد ويضرب محمد على كتفه: ماتدري عنك سويره .. ام الزين على قولتك
محمد: هاي ساره محد يسواها .. الله يسخرها لي انشالله
خالد: الله يتمم على خير ويوفقك ياخوي .. والحين انا ابي اشوف نفسي بعد ..
محمد: مبروك الغالي .. تستاهل .. الا تعال بقولك شو هالكلام اللي قلته لمريم .. تراك عصبت بي
خالد منحرج: السموحه انك معصب علي .. وادري اني احرجت بنت عمي بس غصبن عني
محمد: شو اللي غصبن عنك يا خالد ؟
خالد: انا ابي اتزوج بنت عمي وهي اشوفها في احلامي .. تقولي باخذ مريم عندي .. بحرق قلبك عليها ..
محمد: لا حول ولا قوة الا بالله .. كل شي بيد رب العالمين .. انت انسان مؤمن ياخالد .. خل ايمانك بالله اقوى واقوى ..
خالد: والنعم بالله .. بس يا محمد انا من زمان حاط مريم في بالي واخاف تكون لغيري ..
محمد: افهم من كلامك انك تحبها ياخالد
قعد خالد على الارض وحضن ريوله لصدره: احبها ... ومريم لي انا ..
محمد: والله بنت العم ماتنعاف .. والله يكتبكم من نصيب بعض انشالله .. الليله باكلم الوالد ..
خالد بخوف: لا لا لا لا ارجوك يا محمد .. لالالا
محمد مستغرب: ليش لأ ؟
خالد: مو وقته .. اصبر كل شي بوقته حلو
محمد: ومخطط بعد .. سلامي عليك يا بو وليد
خالد اكتفى بابتسامه وقام من الارض وانسدح على السرير ..
طلع عنه محمد ونزل تحت عند البنات
محمد: وين بنات عمي ؟
ساره: راحوا البيت
محمد: ليش؟
الريم: قالت فاطمه ان الوقت تأخر ..
دخل عليهم فاضل: السلام عليكم
الكل: عليكم السلام
فاضل: وين بنات العم ؟
الريم بحزن: راحوا البيت ..
فاضل: وخالد ؟
محمد: في غرفته
فاضل طالع الريم وطلعوا فوق مع بعض .. وتم محمد وزوجته ساره في الصاله
محمد: سويرتي حبيبتي ..
ساره: عيون ساره .. هات من الاخر
محمد متفشل: افاااا ... شلون بعد هات من الاخر ؟؟
ساره تضحك: فديت روحك يالغالي .. انت تامر امر
محمد: ماقدر على الغزل انا
ساره منحرجه: ...........................
محمد مسك ايد ساره وباسها .. شو رايج تفكرين .. انا قلت تفكرين .. في اخت او اخو لنايف وناصر؟
ساره: بدري توهم صغار
محمد: زين انتي ماعندج شي .. وبدل الخدامه بجيب لج عشره .. .
ساره: هي مو مسألة خدم .. انا مو عيزانه عن عيالي .. بس خل يكبرون شوي ..
محمد متحطم وخاضع لكلام ساره: اللي تشوفينه ..
ساره بأبتسامه ذبحت محمد: شو رايك نطلع نتمشى شوي ؟
محمد: فالج طيب .. بس وين خاطرج تروحين ؟
ساره: المكان اللي يعجبك ..
محمد: بخليها مفاجأه و ...... توه بيكمل كلامه ودخل عليهم فهد ..
محمد: لا حول الله ... محد معقدني في حياتي الا هالفهد ..
ساره ميته من الضحك: وحليله .. حرام هههههههه
فهد: خير اخ محمد .. اقدر اخدمك بشي .. ؟
محمد: يالله ... روح غرفتك ارتاح اخ فهد .. باين عليك التعب
فهد: تبي تصرفني ... ههههه ... احلم
ساره: انا بروح البس .. اوكي
محمد: تعالي خذيني معاج .. بدل ما جابل ويه الاخ
فهد: شو فيه ويهي .. احمد ربك انك تشبهني .. والله حاله
ساره + محمد: هههههههههههه وراحوا عنه .. تم فهد بروحه في الصاله .. يطالع التلفزيون ودخل عليه فاضل
فاضل: هلا فهودي
فهد: هلا فضولي
فاضل: ما اعبطك
فهد: خخخخخخخخخخخ
فاضل: ليش مارحت مع سلطون والجسمي اليوم ؟
فهد: رحت مع ابوي بيت رفيجه بوشهاب .. يملل افففففففف
فاضل: هههههههه ... ليش ؟
فهد: يسولف مع ابوي .. وانا ضايع في الطوشه .. اشرت على ابوي كم مره يطالعني ويرد يكمل سوالفه وكل شوي يقول بوشهاب ان عنده ولد قدي اسمه عبدالرحمن قدي ويمدح فيه .. بس ما شفته تقول بيض الصعو مو عبدالرحمن ..
فاضل: ههههههههههه .. زين ابوي وينه ؟
فهد: نزلني وراح .. عنده مشوار
فاضل: اما اليوم فاتك يالفهدي ..
فهد بفضول: شو صار؟
قال فاضل لفهد عن اللي صار .. فهد استانس وقال لفاضل
فهد: عندي احساس ان قريب بنفرح فيهم
فاضل: الله يسمع منك .. وفي احلى من هالاخبار
في مجلس بوفارس الشباب قاعدين يسولفون مستانسين ...
احمد: ها فارس .. ما رديت على موضوعي ..
فارس باحراج: اسمحلي احمد بس انت ادرى بالظروف اللي مرينا فيها ..
احمد: انا مقدر هالشي .. بس كنت ابغي اقولك .. من فتره شقت وحده جايه بيتكم واظنها مو من اهلكم بس طلبتك تسأل هلك عنها .. ابغي اعرف من بنته.. عشان اسأل عنها
فارس ارتاح من كلام احمد .. لانه كان خايف انه يقصد وحده من خواته: خلاص صار يا بو راشد
استانس احمد من خاطره .. قال بينه وبين نفسه " اخبرا بكمل نص ديني " الله يوفقني ويعطيني على قد نيتي ..
دخل عليهم خالد والكل التفت عليه .. وخالد طاحت عينه في عيون احمد بن راشد .. تضايق وكان بيطلع بس كبر عقله ورجع سلم على الشباب ..
خالد: السلام عليكم
الكل: عليكم السلام
قعد خالد جنب فارس: هلا ولد العم ... شحالك ؟
فارس: هلا والله .. طيب الله يسلمك وانت ؟
خالد: الحمدلله
احمد: خويلد .. حيالله ذا الولد النشمي .. صدق اللي سمعته .. انك مركب مخفي
خالد ما كان طايق احمد بس غصبن عنه ضحك: هههههههههه اي مركب مخفي
احمد: وش بلاك تعصر عمرك
خالد: شو شايفني برتقاله .. اعصر عمري
احمد قام ويقلد بنات البرتقاله: يالبرتقاله .. عذبتي حاله
خالد حذف المخده على احمد: اقعد الله يرجك ..
والشباب ميتين من الضحك
قعد احمد جنب خالد: الا بنشدك بو وليد .. غديت ريال ونبي نشوف عيالك ؟
خالد: ليش طايح بجبدك .. ولا تصرف علي ؟
احمد: الله يرجك ... اقصد غديت شيبه
خالد: وليش انت ماتعرس يالياهل ؟
احمد: قريب انشالله لو الله كتب لي بكمل نص ديني .. وهذا هو فارس عندك اسأله
انصدم خالد: هاا .. فارس .. شو دخل فارس ؟
احمد: ساله وهو يقولك .. ادعي لي عاد .. يلا انا استأذن .. تشااااو
الشباب: الله وياك
خالد ماقدر يقعد مكانه .. كلام احمد بن راشد يرن في اذنه ..
خالد: فارس تعال شوي عندي
راح فارس عند خالد: خير شو فيك مصفر ..
خالد: شو سالفة الشيخ احمد؟؟
فارس مستغرب من اسلوب خالد: اي سالفه .. وليش تتكلم جي ..؟
خالد: يقولك يبي يعرس .. وانت متفق معاه على شو ؟؟
فارس: زين ليش تصرخ .. شوي شوي بافهمك .. اذكر ربك ياخالد
خالد تنفس بعمق: اعوذ بالله من الشيطان الرجيم
فارس: زين اسمع .. احمد بن راشد يبغي يعرس .. ومره شاف وحده من صديقات خواتي عندنا فالبيت .. وطلب مني اسأل خواتي عنها عشان يسأل عنها .. ويكمل نص دينه
خالد تنفس: آآآآه .. اسأل خواتك يا فارس ..
فارس مستغرب: خالد شو فيك ...؟!!!؟
خالد مبتسم: ولاشي .. احمد يستاهل .. اسأل خواتك ولا تطول عليه ..
فارس: انشالله .. احمد يستاهل .. صح صح .. وفارس يقول هالكلام كان متعجب من ولد عمه .. ويقول في خاطره اكيد هاي اللي تطلع له مسويه فيه جي .. بسم الله لا وانا ابيها تطلع لي بعد " يا ويلي " ...

من بين الناس حبيتك .. من بين الناس .. وبكل احساس اغليتك .. حبك جرى بدمي نساني كل همي وخلا حياتي غير .. من بين كل الناس "

طق .. طق .. طق ..
بوفارس: ادخل ..
عبدالعزيز: السلام عليكم يبه .. وباسه على راسه
بوفارس: هلا والله .. اهلين بوليدي ..
عبدالعزيز متوتر: شحالك الغالي؟ بغيتك بسالفه ..
بوفارس يعتدل في قعدته: يسرك الحال يبه ... امرني ..
عبدالعزيزويمسح العرق من جبهته: احم .. يبه .. انا .. ممممممم تشجع وقالها .. ابي اتزوج
بوفارس استغرب: تتزوج ؟؟!؟
عبدالعزيز بخوف: اي يبه ..
بوفارس: زين .. انت حاط حد في بالك ؟
عبدالعزيز: اي يبه .. .
بوفارس بنظره ربشت عبدالعزيز: من طال عمرك ؟
عبدالعزيز: صديقة مريامي اختي .. شفتها كم مره وانا اخذها من الجامعه .. وعجبتني
بوفارس: وحليك يا بوالزوز .. والله كبرت هههههه
عبدالعزيز ارتاح من ردة فعل ابوه
بوفاس: خلاص يبه .. خل موضوعك علي باكلم امك ونشوف البنت واهلها
عبدالعزيز باس ابوه على راسه من الفرحه: مشكور الغالي .. بس بس لاتعلم حد الحين ارجوك يبه
بوفارس يضحك على عبدالعزيز: ههههههههه انشالله يبه بس فكني من حنتك
عبدالعزيز طلع من الغرفه مستانس وبوفارس يضحك على خباله ...
بوفارس: والله وكبرت ياعبدالعزيز ... عقبال فارس اللي راسه ناشف .. طلع بوفارس من الغرفه نازل تحت وسمع ايمان تتكلم فالتلفون ...
ايمان: يه من صجج انتي ... شوفي شو تلبس .. الحمدلله والشكر
مها: لا تعيبين ايمانوه
ايمان: ما عيب بس ملابسها خرابيط ... يعني شدخل البني في الاصفر .. مووووول مايركب الله يخلي الذوق ياختي
مها: ههههههههههههههه ايمانوه الله يغربلج
ايمان: خخخخخخخخخخخ
مها: لا وشفتي مدرسة العلوم شو لابسه اليوم ... لا يفوتج
ايمان: لا ما شفتها .. اففف بكره هي علينا الحصه الرابعه
مها: لا عيل فاتتج الكشخه
ايمان: لاتخافين ما راح تفوتني ... اذا ماتحلل اللبسه وتخلل عليها وووووووووووع
مها: ايمانوه يا ام لسان ... محد يسلم من لسانج انتي
ايمان: ههههه لا محد
بوفارس: كح كح
ايمان: هلا بابا
بوفارس يطالعها: الحمدلله والشكر .. الله يساعدج يا بنتي
ايمان: هههههههه
مها: شو فيج ؟ على شو تضحكين
ايمان: ابوي .. يتحمد ويتشكر علي .. خخخخ الظاهر سمعني
مها: على قولة ابوج الحمدلله والشكر
ايمان: زين يلا بسكر باروح عند ابوي
مها: اوكي حبيبتي .. نشوفج بكره انشالله
ايمان: باي فديتج
كمل بوفارس دربه تحت ولحقه ايمان
بوفارس: انتي ليش ملسونه ؟
ايمان: مادري بابا .. خلقت ربك
بوفارس مسكها من رقبتها: يالملسونه
ايمان + بوفارس: ههههههههههههههههه دخلوا الصاله وشافوا ام فارس قاعده مع فاطمه وجاسم
ايمان + بوفارس: السلام عليكم
الكل: عليكم السلام ..
بوفارس: ها الجسمي شو اخبارك فديت طولك ؟
جاسم: الحمدلله ابوي ..
بوفارس: وانتي فطامي شو اخبارج مع الجامعه ؟
فاطمه بملل: الجامعه يا بوفارس .. ملل ملل ملل
بوفارس يضحك: ههههههه بل طلعت من قلب
ام فارس: شدي حيلج .. شو اللي ملل بعد
فاطمه: ماما انتي تعالي معاي يوم واحد بس .. يتموتين من الملل
بوفارس: زين مايصير انا احضر ؟
ايمان وتغمز لفاطمه: ها فطامي ما يصير ؟
فاطمه بابتسامة خبث: اي اكيد يصير ليش مايصير
ام فارس اطالع بوفارس بغضب ..
بوفارس يغايضها: حلو عيل متى اجهز ؟
فاطمه: بكره بابا
بوفارس: حلو حلو .. ترتيب.. بس الساعه كم اول محاضره .. ابي احضر معاج من اول الصبح احلى
ام فارس: احم احم ... شو الشالفه ؟
بوفارس: انتي الكل بالكل طال عمرج
ايمان: عاشت امي .. عاشت
فاطمه + الجسمي: ههههههههههههههههه
ايمان: محد قدج يمه .. بعد الكل بالكل يه يه يه
ام فارس منحرجه: انتي يا ام لسانين سكتي ... وتحذف عليها المخده
ايمان: هههههههه ... ماما ويهج صار طماطه
فاطمه ماسكه بطنها من الضحك: ههههههه ... ماما عندج اياها نتفيها من الضرب
بوفارس ميت من الضحك: ايمانو صج محد يسلم من لسانج
في هاللحظه دخلت عليهم مريم: السلام عليكم .. ومحد رد عليها .. كانوا يضحكون
مريم: هيييييييي ... نحن هنا
بوفارس: تعالي مريامي .. تعالي لايفوتج .. ويقول لها السالفه .. مريم كملت عليهم الضحك
ايمان: شوفوا امي صارت طمامه خخخخخخخخخخخخخخ
وتموا يضحكون ويسولفون لين غروب الشمس ..
.......................

يتبع

في هالاثناء كان سلمان و ولد اخته يوسف قاعدين عند عتبة باب الحوش يشربون شاي ويسولفون
سلمان: لازم اروح لاخواني .. وعمامكم هالاسبوع
يوسف بقهر: ليش خالي ؟
سلمان: لازم اسأل عنهم لو ما سالوا عني .. هاي واجب يا يوسف
يوسف: الله يعينك يا خالي عيل
سلمان بحده: يوسف ما سمح لك .. ذول اخواني وخوالك في نفس الوقت وعمامك اخوان ابوك بعد .. عيب
يوسف منحرج: اسف خالي .. بس اللي شفته مهنم شال المعزه اللي كانت في قلبي لهم ..
سلمان بحنان: دوم خل قلبك ابيض .. قابل السيئه بالحسنه
الجوهره: يوسف .. خالي .. تعالوا داخل الحوش عشان انا وهنادي نحش معاكم ...
يوسف + سلمان: هههههههههههههههههه
سلمان: جاين بس فاتج نص الحش
الجوهره: لا خالي عيدوا السالفه
يوسف: لا وين نعيد السالفه وايد طويله
هنادي: عيل خلكم عند الباب .. دامكم ماتبون تعيدون السالفه
يوسف: ههههههههههههه تصدق خالي ... الجوهره تموت فالسوالف .. عكس هنادي
سلمان: ما راحت بعيد ..
يوسف: من تقصد ؟
سلمان: انا ... هههههه عاد غرامي السوالف .. ما تطوف علي سالفه
يوسف: هههههههههههههههههههه وحليلك خالي
ومشوا عند البنات وهم يضحكون
الجوهره: ليش تضحكون .. فاتني شي ..؟ عيدوا السالفه
يوسف: يالله على الفضول
الجوهره: خالي ..شوف يوسف
سلمان او انه معصب: يوسف ... حدك عن الجوهره عاد
يوسف: لا والله .. اللي يقول انت احسن منها .. الا الفضول ورثته منك
الكل: ههههههههههه
هنادي: خالي .. كمل لنا سالفة سميث
سلمان: انشالله من عيوني ..
سلمان يعتدل في قعدته ويكمل السالفه: بعد سنه في العز والرفاهيه مع سميث .. قرر سميث انه يهربنا من السجن .. وادري انكم مستغربين ليش يهربنا ومايهرب نفسه صح ؟؟
يوسف: صح خالي .. غريب هالانسان
سلمان: الحمدلله .. الله سخره لنا .. واحنا ندعي له الله بالهدايه ....
يكمل سلمان: الله يسلمكم .. يعني عاشرناه تقريبا سنه مثل ما قلت لكم نقعد معاه وعلمناه عربي وغيره من امور الحياة اللي كان هو غافل عنها .. المهم عاد الولد حبنا .. تدرون خالكم ينحب ههههههه
الكل: ههههههههه
سلمان: المهم .. قرر انه يهربنا ويزور لنا جوازات واسامي وهاي كانت الخطه ...
سميث: اسمعوا .. انا بهربكم من هني لبلادكم سالمين
سلمان: هاااا .. شلون؟
سميث: شوفوا .. انتوا عقوبتكم 8 سنوات وانتوا ضيعتوا من اعماركم 6 سنوات .. اقصد قضيتوا منها 6 سنوات
سلمان + عبدالهادي:ههههههههه ضحكنا عليه انا وعبدالهادي .. ينكت الاخ .. يكمل ..
بسوي لكل واحد فيكم جواز مغربي واسم غير معروف لان جوازاتكم طبعا محجوزه عندهم ... بس ولا يهمكم هاذي سهله .. نرجعها من عندهم وبطرشها لكم على عناوينكم .. في بلادكم وترجعون البلاد بالجوازات والاسامي المغربيه .. على انكم زوار وبعدين تتخلصون من هالجوازات والاصليه بتوصلكم اوكي وبنكون على اتصال عشان اتطمن عليكم ..
عبدالهادي: انا متخوف يا سميث
سميث: يا عبدالهادي .. انت علمتني ان اخلي ايماني بالله قوي .. هني عبدالهادي حس الدم وقف في عروقه ودمعت عينه ..
سلمان: انا موافق .. بس سميث انت ليش تسوي جي لنا ؟
سميث: لاني ماشفت منكم مضره .. لانكم ما صادقتوني عشان فلوسي او نفوذي انتوا نصحتوني وعلمتوني ونورتوا دربي .. فتحتوا عيوني على اشياء انا كنت غافل عنها .. اثبتوا لي كلامكم لما قلتوا لي انكم حبيتوني فالله وصج اثبتوا لي كلامكم ..
سلمان يكلم عيال اخته: طبعا انا وعبدالهادي تأثرنا بكلامه .. ومن بعدها عبدالهادي كثر له الدعاء في صلاته ان الله يهديه وينور قلبه للايمان .. الخطه مشت حسب ما تخطط لها الجوازات جهزت والاسامي تغيرت بس الله لا يوريكم الصور .. اما جوازاتنا الاصليه تجددت في السفاره وطرشوها بالبريد .. هالكلام كله صار في 6 شهور عشان محد يشك .. في خلال هالفتره تم اعادة فتح الملف واعادة محاكمتنا واللي ضحكني انهم عطونا مؤبد .. هههههههههه انا وعبدالهادي بينا في المحكمه ان احنا حزنانين على الحكم .. بس من داخلنا كنا بنطير من الفرح .. بعد المحاكمه على طول تنفذت المهمه .. سافر عبدالهادي معاي في نفس اليوم بس هو رحلته في وقت وانا في وقت مختلف عنه كان لازم ينزل ترانزيت في احد المطارات عشان نتوهم اما انا فرحلتي كانت مباشره .. امس كلمت عبدالهادي وتطمنت عليه .. وكلمت سميث ويقولي الدنيا مقلوبه عليكم ههههههههههه ..
تنهد سلمان وقال: الحمدلله على كل حال .. دمعت عيون سلمان ونزل راسه
هنادي حضنت خالها: خالي الحمدلله على سلامتك ورجعتك بينا
سلمان يمسح دموعه: هنوده حبيبتي والله .. حنونه مثل المرحومه .. الله يرحمها
الجوهره وهنادي ويوسف تأثروا وايد بقصة خالهم .. و قطعوا وعد على نفسهم انهم ينسون خالهم اللي عاشه في امريكا ..
فاطمه: بصراحه حركة خالد مو حلوه كلش ..
مريم: ...........................
فاطمه: ما اتصلت لج الريم ؟
مريم سرحانه: .....................
فاطمه: هيييي .... اوعي انا اتكلم
مريم باحراج: شو تقولين؟
فاطمه: من الصبح اتكلم بروحي ..
مريم: سوري .. عيدي كلامج
فاطمه طالعه من الغرفه: لا مو عايده كلامي .. عيشي احلامج يالشيخه
مريم تضايقت من اختها .. وسكتت مانادتها خلتها على راحتها تطلع من الغرفه ..
مريم تفكر " معقوله بديت احب خالد .. عمري مافكرت فيه بهالطريقه .. يالله .. خالد .. خالد .. وغطت ويها بايدينها وتمت تصيح .. من هم خالد الله دخل حياتها وهم اختها اللي موحاسها بنار اختها
نزلت فاطمه الصاله وهي معصبه على مريم .. شافت عبدالعزيز
فاطمه: السلام عليكم
عبدالعزيز: عليكم السلام ... ليش معصبه ؟
فاطمه: منو يقول اني معصبه ..
عبدالعزيز: فطوم .. مو علي انا هالكلام .. انا وانتي طينه وحده .. قولي لي من عصب بج ؟
فاطمه: اختلفت شوي مع مريوم
عبدالعزيز ويقلب في قنوات التفزيون: اهااا ... الله يهديكم ... طبعا ما صدقها ..
سكتت فاطمه .. وتمت اطالع التلفزيون مع اخوها بصمت ... فجأه شهقوا هم الاثنين في وقت واحد
فاطمه حطت ايدها على قلبها .. وعبدالعزيز التفت عليها
عبدالعزيز: بسم الله الرحمن الرحيم .. شو صاير ؟
فاطمه وخانقتها العبره: واااي يا قلبي
قامت فاطمه من مكانها وادور حولها .. وعيدالعزيز كان ويهه احمر ومعرق ....
في هاي الاثناء كان جاسم وسلطان واحمد صديقهم رايحين محل ادوات بحريه يشترون لهم بدلات غوص وعدة صيد من خيوط وفرود اللي بالرماح وغيره ..
جاسم ماسك الفرد ويكلم احمد: حمادوه .. شو رايك فيه .. صناعه يابانيه ؟
احمد: لا ياخي يمدحون الصيني .. اجود ويعمر .. مافي احسن منه
جاسم: تعال ... شوكت
الهندي يطالعه بغضب: بابا انا مافي نيم شوكت .. انا نيم محي الدين
جاسم: اي بارك الله فيك سمير .. بس تعال .. واحمد ميت من الضحك
الهندي و موعاجبه: شنو يبي بابا ؟
جاسم: جيب لي صيني
احمد: بس ما يبي كبير .. جيب صغير
الهندي: اوكي ..
سلطان: ها يالربع .. لقيتوا الفرد ؟
احمد: راح يجيب لنا الصيني .. شوف الياباني تعبان
جاسم ماسك الفرد وملتفت يكلم سلطان الا ضغط على زناد الفرد ودش الرمح في فخذه ..
جاسم: آآآآآآي ... ريولي سلطان الحق علي آآآآي
سلطان وقف الدم في ويهه من الخوف: جسوم شو فيك ؟
ركض احمد برا المحل .. وقال للدريول يشغل السياره .. شغل الدريول السياره وقدمها عند باب المحل .. وجاسم المسكين غرقان بدمه وهو يصارخ لان الرمح محتشر في ريله .. الدريول نزل من السياره متخرع .. شال جاسم من يد سلطان وقعده في حضن احمد اللي كان قاعد ورا في السياره .. وخذ غترة سلطان وربط فيها ريل جاسم وطاروا فيه على المستشفى .. سلطان واحمد كانوا خايفين على جاسم لانه فقد دم وايد وبدى يفقد وعيه يالتدريج .. والدريول محتشر في الشارع يهرن للسياير عشان يعطونه درب للمستشفى ..
احمد: جسوم .. خلك معاي .. كلمني .. جسوم فديتك .. جسووووم ويمسح دموعه
جاسم وصوته يتغير: آآآه قولوا لابوي اني احبه .. وقولوا لعميمه هيا ...
يقاطعه سلطان بعصبيه: لالالالا .. انت اللي بتقول لهم مو احنا .. وكان يصيح .. انت انشالله بتقولهم .. انت .. انت
وصلوا المستشفى والدريول فتح بابا السياره وشل جاسم وركض لباب الطوارئ .. اما سلطان واحمد سبقوه على الاستقبال يبلغون عن جاسم ..
سلطان: لو سمحت اخووي الحقنا ... اخوي دش الرمح في ريوله وبدى يفقد وعيه .. ارجوك ساعدنا
احمد ويمسح دموعه بيده: ارجووووك .. بسرعه .. ارجوكم
ركضوا المسعفين بالسرير لين الدريول . وخذوا جاسم من الدريول .. وكان جاسم قد فقد وعيه اول ما وصلوا المستشفى .. دخلوه العمليات وطلبوا من سلطان يتصل بالاهل
محمد: ابوي انته .. فديت نيوفي
ساره: محمد .. يا محمد
محمد: يا عيونه انتي ..
ساره: شو رايك تعزمني على العشا اليوم
محمد: مممممممم ... مابغي اردج الغاليه .. بس تخلينها يوم الخميس .. قلبي قابضني مادري ليش؟
ساره: محمد حياتي ... سمالله على قلبك شو مضايقك ..
محمد: مادري .. من العصروانا احس نفسي متوتر وضايق
ساره: سمالله عليك .. خير انشالله
يرن تلفون محمد: السلام عليكم
سلطان منهار: الحقني يا محمد .. جاسم راح .. جاسم .. الحقوا عليه
محمد وقام من مكانه: هاااا .. شو تقول سلطان .. اهدى الله يرضى عليك .. فهمني شو صاير ؟
سلطان: جاسم .. الحقونا .. ياربي مصيبه ياربي
احمد كان متماسك اكثر من سلطان خذ السماعه: مرحبا محمد .. انا احمد
محمد بخوف: هلا احمد .. طمني الله يخليك شو صاير عليكم ؟
احمد: احنا في المستشفى تعالوا بسرعه .. جاسم في الطواري
محمد حس الدنيا دارت فيه: خلاص جايكم .. ساره يبه اتصلي في فاضل خل يبلغ الاهل بسرعه الله يخليج
ساره: انشالله .. وتحمل بنفسك حياتي
طلع محمد من البيت وماعرف كيف وصل المستشفى .. دخل من الباب وشاف سلطان منهار على الاخر واحمد يهدي سلطان والدريول كان يصيح وقميصه كله دم ..
محمد: شصاير؟
سلطان وارتمى في احضان اخوه: جاسم يا محمد .. راح
حضنه محمد بحنان: الله يهديك .. كلمني ابي افهم السالفه ..
احمد راح لمحمد وقاله اللي صار .. وقاله انه فقد الوعي اول ماوصلوا المستشفى
محمد: وين الدكتور ؟
احمد: مادري صار له الحين يمكن نص ساعه داخل
الدريول: بابا محمد .. مسكين جاسم في دم وايد يجي برا بعدين هو في سكر عيون ... اكيد عشان دم كولش يجي برا .. وهاذي وايد صغير مسكين
بعد فتره طلع الدكتور مسكه محمد: ها دكتور بشرنا عن ولدنا ؟
الدكتور متضايق: الولد يحتاج نقل دم واحتمال يدخل في غيبوبه لانه صغير.. ولان الرمح قطع شراينه ونزف وايد
وهني وصل فارس ومعاه فاضل .. وقالهم محمد كلام الدكتور
فارس: لا لا لا لا لا جاسم .. خذوني بداله ارجوكم .. الا جاسم
الدكتور: ارجوكم تحكموا في مشاعركم .. الولد يحتاج نقل دم بسرعه
اتصل فاضل في عبدالعزيز من المستشفى ..
عبدالعزيز: فاضل قولي شو صاير ؟
فاضل: تعال المستشفى بسرعه
عبدالعزيز حضن فاطمه بقوه .. وفاطمه ميته من الصياح .. طلع عبدالعزيز من البيت وراحت فاطمه تبلغ امها وخواتها ..
بوفارس لما سمع الخبر حس الدنيا ادور من حوله
بوفارس: جااااااااااااااااسم ..
راح المستشفى مع اخوه واول ما وصلوا دخل عليهم مثل المينون يصارخ يبي جاسم ..
بوفارس: الجسمي ... يبه .. وينك تعال انا ابوك هني ..
مسكه بومحمد: استهدي بالله يا بوفارس .. انشالله ماعليه شر
بوفارس: ولدي الجسمي .. وينه ابيه طمنوني عليه ارجوكم
تجمعوا كلهم في غرفة الانتظار وبعد الفحص تبين ان عبدالعزيز وبوفارس اللي يقدرون يتبرعون له لانه محتاج دم
ام فارس طاحت على الارض تصيح ولدها وتناديه: جاسم .. يا ولدي تعال انا امك هني ماخليك بروحك .. تعالي يا جاسم
فاطمه وموعها على خدودها: اذكري ربج ماما .. ارجوج
ام فارس: طمنوني على ضناي .. وينه ابي اشوفه
فاطمه وتحضن امها: انشالله فارس بيمر علينا الحين يودينا له .. اذكري ربج الغاليه
ايمان قعدت على الارض وحضنت نفسها وتمت تصيح بهدوء ومريم واقفه عند الباب اطالعم ودموعها على خدها ومو مستوعبه اللي يصير لهم .. خالد وبعدين جاسم اخوها ..
سلطان انهار على الاخر .. وحس بالذنب ومن كثر خوفه على جاسم .. لام نفسه .. وتمنى انه يكون مكان جاسم الحين .. راح عند فارس
سلطان: فارس .. انا السبب .. اخذوني بدل جاسم
فارس يهدي سلطان: يا سلطان .. اذكر ربك اللي صار قضاء وقدر وحتى لو انت ما كنت معاه .. الله كاتب هالشي يصير لجاسم .. الحمدلله على كل حال .. هاي كتبة ربك
سلطان وسط دموعه: انا السبب.. انا
مسكه بومحمد: سلطان يبه .. هاي قضاء وقدر مثل ما قالك فارس .. وجاسم بأذن الله ما عليه شر
رن تلفون فارس: هلا امي ..
ام فارس: ولدي يا فارس .. ضناي .. الغالي طمنوني عليه . ...
فارس: استهدي بالله الحين ينقلون له دم ابوي وعبدالعزيز .. وانشالله ماعليه شر
ام فارس باصرار: ابي اشوفه يا فارس .. تعال خذني
فارس: زين يا امي بس صبري خل يطلعون ابوي وعبدالعزيز اول
ام فارس: لا لا الحين يا يبه .. قلبي تعبان ابي اشوف ولدي
فارس شاف مافي مجال يقنع امه: انشالله بس الحين بتطمن عليه وبامركم .. سكر فارس من امه .. وهو طالع من باب المستشفى شاف خالد ولد حمد في ويهه .. وكان خالد معصب
خالد: السلام عليكم ولد العم
فارس: هلا خالد .. وعليكم السلام
خالد بعصبيه: وليش محد خبرني ؟ .. ليش ؟
فارس منحرج: السموحه .. والله ارتبكنا وحالتنا حاله
خالد بهدوء: زين شو اخباره جاسم .. شو قالوا عنه ؟
فارس: فقد دم واحتمال يدش غيبوبه .. ابوي وعبدالعزيز يتبرعون له
خالد بحزن: لا حول الله .. وين رايح انت الحين ؟
فارس: بجيب امي من البيت .. تبغي تطمن على جاسم
خالد: تبغي اوصلك انا ؟
فارس: لا ولد العم ارتاح معاهم ماتقصر الغالي
خالد: الله يحفظك
فارس: مع السلامه
مشى خالد في ممرات المستشفى اللي ذكرته بالليله السوده اللي عاشها من شهر تقريبا .. وصل لغرفة الانتظار وشاف كل الاهل متجمعين
خالد: السلام عليكم
بومحمد: وعليكم السلام .. هلا خالد يبه
خالد: شحال جاسم يبه ؟
بومحمد: الله يشفيه .. ما بيدنا غير الدعاء .. وعمك داخل يتبرع له
خالد: الله يشفيه .. زين وين سلطان اخون ؟
بومحمد: راح يغسل ويهه
خالد: بروح اشوفه
بومحمد: بارك الله فيك .. وكان مستانس ان خالد تحسنت حالته
دخل خالد الحمام وشاف سلطان ينشف ويهه
خالد: سلطان .. اخبارك يبه ؟
سلطان من شاف خالد نسى همه: هلا والله باخوي .. شفت شصار على جاسم .. وخنقته العبره
خالد: تعال فديتك .. وانشالله جاسم ما عليه شر .. كلهم طمنوني عليه
سلطان: احتمال يتم في غيبوبه وانا السبب .. يا خالد .. المفروض اني اداريه مو اغفل عنه ..
خالد: هو مو ياهل يا سلطان .. واللي الله كاتبه بيصير
سلطان: آآآه بس ياليت هالرمح داش بريولي ولا فيه
خالد بعفويه: وانت الصاج .. ياليته ذابح اللي في بالي .. اففففف
سلطان يطالع اخوه ببراءه: هاا .. منو خالد ؟
خالد انتبه للي قاله: هاا ... لا يا سلطان لا تفاول على نفسك .. سمالله عليك
طلعوا من الحمام وراحوا غرفتة الانتظار وكان بوفارس توه طالع من غرفة التبرع بالدم .. سلم خالد على عمه وقعد عنده يسأل عن حال جاسم .. بوفارس كان مستانس انه شاف خالد .. واللي ريحه انه بدى يتحسن عن قبل .. في هالاثناء وصل فارس وكانوا معاه امه واخته مريم .. الحظ ابتسم لخالد
بوفارس قام من مكانه وراح عندها: هلا ام فارس
ام فارس والموع ماليه عيونها: ولدي فديت عمره طمنوني عليه
بوفارس: استهدي بالله .. انشالله ماعليه شر .. مريامي يمه اخذي امج انتظار النساء الحين بتجيكم مرت عمج .. عفيه يمه
مريم بصوت واطي: انشالله بابا
خالد من سمع اسم مريم تغير لونه وحسها تغلغل في مسامعه دقات قلبه تسارعت وعيونه صادت زولها من بعيد حس برعشه في جسمه .. ولاحظ عليه فاضل
ام محمد: عمري يا ام فارس ...
ام فارس: آآه يا ام محمد .. شو هالبلاوي اللي اتحذف علينا من كل صوب ..
ام محمد: الحمدلله على كل حال .. اذكري ربج الغاليه .. وانشالله ماعليه شر جاسم بيقوم لكم بالسلامه بأذن الله
وتمت ام محمد تواسي ام فارس
ام محمد: يمه مرايم .. جيبي لامج ماي اسقيها الله يرضى عليج
مريم: انشالله مرت عمي
راحت مريم تجيب الماي .. ومرت على استراحة الرجال .. شافها فاضل واستغل الفرصه
فاضل بصوت مسموع: هاي كأنها مرايم بنت عمي .. بروح اشوفها وين بتروح ؟
خالد: من تكلم انت ؟
فاضل او انه بيقوم من مكانه: بروح اشوف بنت العم وين رايحه
خالد وقف قبله: انا بروح اشوفها وين رايحه
فاضل ابتسم بخبث: انت ارتاح .. خالد تعال .. وخالد راح ورا مريم من غير ما يسمع فاضل
خالد: مريم .. مريم
مريم وقلبها يدق بقوه: نعم ..
خالد: شو اخبارج بنت عمي ؟
مريم منحرجه: الحمدلله بخير .. وانت شو اخبارك؟
خالد سرح بعيون مريم من تحت الغشوه: .............................
مريم ارتبكت ونزلت راسها: .................
خالد انتبه لنفسه: هااا .. شو تقولين .؟
مريم: وين الماي .. ابي اودي لامي الماي ..
خالد" ليتني الماي ": تعالي معاي .. مشت وراه و وصلوا عند الماي .. صب لها الماي وعطاها الكوب مدت ايدها وتلامست اطرافهم ببعض .. من ربكة مريم و وناسة خالد طاح الكوب على الارض .. وانحرجت مريم من اللي صار ..
خالد: خليه عنج .. رفع الكوب من الارض وصب لها في كوب جديد .. بس حط الكوب على ثلاجة الماي عشان ما يحرج مريم
مريم استانست من حركة خالد وكبر في عينها: مشكور ولد عمي
خالد: حاضرين وقال الغاليه بس بصوت واطي .. حتى مريم حاولت تعرف شو قال بس ما سمعته
مشوا جنب بعض وكان خالد طاير من الفرحه .. لان شكله هو ومريم ثنائي روووعه .. فجأه وقف خالد مكانه .. شاااااااافها
مريم باستغراب: خالد شو فيك ؟ ليش وقفت ؟
خالد تعوذ من الشيطان .. وتشجع ومشى من غير مايرد على مريم .. وابتسم لانه حس انه اول مره يتغلب على خوفه .. مريم كانت مستغربه حركة خالد .. بس ماحطت في بالها
خالد وهو يمشي قرب من مريم: مرايم .. دخلي الممر اللي على يمينج
مريم باستغراب: ليش ؟
خالد: ابي اقولج شي ضروري ..
مريم: وليش ماتقوله في الممر هني؟
خالد: سمعي الكلام .. قلت لج موضوع ..
مريم بخوف: انشالله .. وراحت الممر و وقفت وخالد مقابلها
خالد: لا تخافين ما راح اكلج ..
مريم منحرجه: ............................
خالد: مرايم مو عارف من وين ابدي ..
مريم: خالد .. شو فيك .. ؟ تعبان شي يعورك ؟
خالد: والله يا بنت عمي .. تعبان تعبان .. قالها وغمض عيونه ونزل راسه .. مريم خافت عليه
مريم: خالد سمالله عليك ..
خالد: حسي فيني يا بنت عمي .. انا احــــ ..... سكت وما كمل
مريم: خالد فهمني .. شو اللي تبي تقول ؟
خالد: قعدي عشان نتكلم على راحتنا
مريم جسمها يرتعش وخالد حاس برعشتها: انشالله ..
قرب خالد من مريم: انا هالايام مو صاحي .. ومن فتره شفت اللي ما يخطر على بال احد ... وقالها خالد اللي صار له فالبر .. وقالها عن يدهم سلطان لانه سمعهم وهم يتكلمون في غرفته ..
مريم انصدمت وحست بخوف: خالد .. هاي كله صار لك .. شلون تحملت ؟
خالد: يعني هي كانت تسعى ليدي سلطان .. وانتي تشوفين الشبه اللي بيني وبينه صح
مريم: صح
خالد: يا مرايم اشوفها كل يوم في المنام .. صرت اخاف اطلع من البيت معيشتني رعب .. ماقدر اشوف نفسي في المرايه .. عيوني تخوف .. وانا جاي هني منزل راسي مابي حد يسألني عن عيوني
مريم: بس عيونك تحسنت عن قبل يا خالد .. الحمدلله
خالد: فديت عيوني اللي اطالعني يا مرايم
مريم نزلت راسها من الاحراج: خالد .. لازم اودي الماي لامي .. امك موصيتني
خالد ابتسم: انشالله .. يلا قومي اوصلج عندهم
مريم ذبحتها ابتسامة خالد: يلا انا وراك
وصلوا عند استراحة الحريم وقبل ماتدخل مريم
خالد: مرايم
مريم: هلا ..
خالد: الكلام اللي دار بينا يتم بينا .. ولا مخلوق يدري عنه
مريم بحنان: انشالله ولد عمي ..
خالد" اموت فالنعومه ": لو بغيتي شي ناديني ..
مريم: ولا يهمك ..
مشى الدكتور متوجهه لغرفة الانتظار بخطوات صغيره وبطيئه .. وقلبه معوره على المريض .. والخبر اللي بيوصله لاهله .. والمريض كان جاسم .. قام بوفارس ومشى بسرعه عند الدكتور

ياترى جاسم وش صار له واهله وش بيسوون ؟؟؟

بوفارس: ها دكتور شو اخبار ولدي ؟
بومحمد: بشرنا يا دكتور عن ولدنا ..
فارس: يا جماعه اهدوا خل نفهم من الدكتور
الدكتور ومنزل راسه: استهدوا بالله يا جماعه .. انتوا ناس مؤمنين .. الولد بعد ما فقد كميه كبيره من الدم ويقاطعه بوفارس ...
بوفارس: يعني ولدي رااااااااااااااح
الدكتور: لا يا بوفارس .. اذكر ربك .. الولد دخل في غيبوبه ..
الكل انصدم من الخبر .. محد مصدق الدكتور
بوفارس: هااا .. غيبوبه شو تقول يادكتور ..
الدكتور: اذكر ربك .. الحين الولد يحتاج دعائكم له .. احنا نقلنا له الدم وبيتحسن جرحه .. بس الغيبوبه بيد رب العالمين
بومحمد: لا حول ولا قوة الا بالله العلي العظيم .. زين يادكتور مايصير نوديه برا ..
الدكتور: نفس العلاج اللي بياخذه برا احنا وفرناه له هني .. احنا خيطنا الجرح ونقلنا له الدم .. والحمدلله ان الرمح بس اخترق الشراين وبس ولا لو وصل للعظم كانت المصيبه بتكبر .. بس الحمدلله قدرنا نسوي اللي علينا . وانتوا عليكم بالصبر والدعاء له
بومحمد: وليش دخل الولد في غيبوبه؟
الدكتور: لسببين .. الاول انه فقد دم وايد .. والثاني انه طفل جسمه ما يتحمل ..
هالخبر مثل الرعد لي ضرب بالارض وشقها نصيين .. سلطان اغمي عليه ونقلوه غرفه يرتاح فيها احمد من الصدمه ما نطق بكلمه .. فارس حظن عبدالعزيز .. خالد وفاضل مو مصدقين اللي سمعوه بومحمد كان مع بوفارس .. يواسيه ويصبره .. اما محمد كان اكثر واحد متماسك من بينهم .. مسح بوفارس دموعه وراح عند ام فارس وحضنها هي وبنته مريم وتموا يصيحون على جاسم .. طلع بوفارس وطلب من فارس يرجع امه واخته البيت ..
بوفارس: فارس يبه .. قوم وصل امك واختك ومرت عمك البيت .. الله يرضى عليك
فارس بحزن: انشالله الغالي ..
مشى عبدالعزيز بخطوات تايهه في ممرات المستشفى .. يسأل عن اخوه
عبدالعزيز: السلام عليكم اختي
الممرضه: عليكم السلام .. شلون اقدر اساعدك ؟
عبدالعزيز: ابغي اشوف جاسم محمد
الممرضه وادور في سجلاتها: جاسم محمد .. عمره 8 سنوات
عبدالعزيز: اي .. هاي اخوي
الممرضه: بس اسمحلي اخوي هالمريض الدكتور مانع عنه الزيارات 24 ساعه .. بكره المغرب تقدر تشوفه ..
عبدالعزيز بتوسل وعيون حزينه: تكفين خليني اشوف اخوي .. بدخل بروحي محد معاي ..
الممرضه: اسفه اخوي .. هاي اوامر الدكتور .. بس اللي اقدر اسويه اني بفتح لك ستارة الغرفه وشوفه من الجامه .. هاي اللي اقدر اسويه لك ..
عبدالعزيز استسلم: امري لله .. جزاج الله خير .. بس اكحل عيوني بشوفة اخوي .. مشى ورا الممرضه لين الغرفه وشاف اخوه بس حس المسافه اللي بينهم بعيده بالرغم من انها قريبه ما تتعدى المترين .. بس حالة جاسم ماتسر دمعت عيون عبدالعزيز وهو يتأمل جاسم المرح اللي مسوي لهم جو بالبيت ..
عبدالعزيز وحاط ايده على زجاج الجامه: جسوووم ... الجسمي قولي من بيقعدني للصلاة كل يوم .. من بيقعدني للدوام ,, منو اللي بنقوله فديت طولك .. جسوم الغالي احس الكون كله كبير عليك .. فديت قلبك يا جاسم الله يقومك لنا بالسلامه .. يالله السرير كبير ولا هو صغيرون .. الله يعين امي وخواتي .. شلون برجع البيت من دونك .. سكت وتم يتأمل جسم اخوه الممد على السرير والوايرات في جسمه الصغير .. طالع ريوله المغطيه باللحاف .. وايده الصغيره اللي بوفارس دوم يبوسها .. يا قلبك يا يبه .. جاسم هو المفضل عندك .. يا رب تكتب لاخوي جاسم عمر ثاني .. يا رب العالمين امين .. مسح دموعه ورجع ادراجه لغرفة الانتظار وقف عند الباب يناظرهم .. راح عند ابوه بدون ما يحس بنفسه وهو يصيح مثل الطفل وتم في حضن ابوه .. وبوفارس حضنه وتم يصيح معاه
وصل فارس البيت ونزل امه واخته ونزل معاهم عشان ياخذ له شور سريع ويرجع المستشفى .. وكان في استقبالهم ايمان وفاطمه بدموعهم .. ارتمت ايمان في احضان امها واختها مريم وتموا يصيحون .. دخلوا داخل وفاطمه كانت واقفه عند باب الصاله تنتظر فارس يقولها عكس الكلام اللي سمعته .. شافها فارس وحضنها لصدره بقوه ..
فاطمه: فارس قولي جاسم يبجي مع ابوي وعبدالعزيز .. قولي
فارس: اذكري ربج يا فاطمه ..
فاطمه بصراخ: لالالالالا .. اخوي راح .. جاسم راح .. شمعة البيت انطفت ..
فارس: فطومه حبيبتي .. ادعي له الله يشفيه ... انتي اقوى من هالدموع .. فطوم حبيبتي انت اقوى ..
قامت فاطمه ادز فارس وتضربه لا شعوريا: اكرهك .. اكرهك .. ليش تقول جي عن اخوي .. ابي اخوي .. ابي جاااااااااااااااسم .. لا لا لا لا
فارس مسكها من كتوفها بقوه: حياتي انتي فطوم .. ارجوج اهدي .. انتي الكبيره لازم تكونين اقوى وحده بين خواتج .. قعد على الارض واخته في حضنه حضنها وتم يمسح دموعها ويمسح على شعرها ويهديها .. غمضت عيونها وهي ماسكه اخوها بكل قوتها .. لما هدت فاطمه شلها فارس وخذها لغرفتها .. حطها على السرير ولحفها وتطمن عليها وطلع من الغرفه .. راح يتطمن على باقي خواته وامه .. وشاف ان مريم متماسكه اكثر من فاطمه كانت قاعده مع امها تواسيها وتصبرها .. اما ايمان وايد تأثرت بس ماتبين مشاعرها للغير كانت وايد هاديه .. وصاحت في غرفتها عشان محد يشوف دموعها .. تذكرت انها كانت دوم تهاوش جاسم وهو يموت فيها ويسامحها وكان يدور رضاها ويدافع عنها لو كانت بعد غلطانه .. تمنت لو الزمن يرجع ورا وتغير اللي صار .. تمنت لو ماكانت تهاوشه تمنت لو ما شافت دموعه لما تهاوشه ..
ايمان: ليتني ما هاوشتك يا جسووم .. انت اكبر قلبي فالبيت .. ياليت الزمن يرجع ورا بس عشان اصحح غلطاتي .. فديت قلبك يا جاسم .. وقامت تصلي ركعتين وتدعي لاخوها ... و وعدت نفسها انها ما نزعل جاسم ولا تخلي اي حد يزعله .. فتح فارس باب غرفتها وشافها رافعه ايدينا للسما وتدعي .. سكر الباب بهدوء وراح خذ له شور سريع وطلع الصاله وشاف ايمان قاعده
ايمان: هلا فارس
فارس: اهلين .. زين حبيبتي ما وصيج على فطوم لانها منهاره .. ديري بالج عليها
ايمان: انشالله .. وارجوك فارس طمنا اول ماتوصل
فارس قام ومسح على راح اخته: انشالله حبيبتي
وصل المستشفى ولقى الكل على نفس الحال .. مثل ما تركهم لقاهم .. سلطان دخلوه غرفه عشان يرتاح عطوه مهدء وخالد قاعد عنده .. فاضل مغطي ويهه بيدينه ... وعبدالعزيز في حضن ابوه ..
محمد يمشي في غرفة الانتظار مو قادر يقعد من التفكير .. وبومحمد كان يصلي ..
......................

كان يركض بحريه في جنه خضراء والنهر يجري من حوله .. والاشجار المثمره والخير والجو الحلو .. قعد على العشب الاخضر يتأمل الطبيعه ويتفكر في هالجمال الرباني .. استلقى على الارض وحط ايدينه ورا راسه يطالع السماء الزرقاء والغيوم البيضه .. وفجأه شاف واحد واقف على راسه يطالعه ويبتسم .. اعتدل في قعدته وقعد الشخص جنبه ..
جاسم: انت مين؟
الشخص: شو رايك بالجنه ؟
جاسم: ما احلاها .. روعه
الشخص: شفت هالمراعي والجبال والانهار والجو الحلو ..
جاسم: اي ماشالله ... شي ماعرف كيف اوصفه
الشخص: شو اسمك؟
جاسم: اسمي جاسم .. وانت ؟
الشخص: والنعم يا جاسم .. وانا اسمي عبدالرحمن
جاسم: والنعم ..
عبدالرحمن: جاسم .. تدري انا من متى هني ؟
جاسم: من متى ؟
عبدالرحمن: من 9 سنين ..
جاسم: زين و اهلك وين؟
عبدالرحمن: هلي هناك .. واشر له بعيد في الافق .. بس جاسم مافهم قصده
جاسم: زين ليش ما تروح لهم ..؟
عبدالرحمن: هني مرتاح
جاسم: ما تشتاق لهم .. وتم يفكر شوي وبعدين رد عليه .. انا اذا ما شوف هلي وخصوصا ابوي ازعل واتضايق .. شلون عيل انت من 9 سنين ما شفتهم ؟
عبدالرحمن اكتفى بابتسامه .. وجاسم احتار من كلامه .. بعد فترة صمت
عبدالرحمن: جاسم شو فيها ريولك ؟
جاسم: بالغلط دش فيها الرمح
عبدالرحمن: سلامات .. الحين تعورك ..
جاسم: الحين ماحس بألم .. ماتشوفني امشي عادي .. بس اول مادش الرمح تعورت ونزل مني دم وايد ..
عبدالرحمن ميبتسم: ما تشوف شر يا جاسم .. زين الحين انت روح عند هلك وانا بروح في دربي
جاسم: انشالله .. بس انت طيب يا عبدالرحمن .. ليش ماتجي معاي اهلي وايد طيبين ..
عبدالرحمن حط يده على كتف جاسم وابتسم: انت اللي طيب يا جاسم .. واعرف ان اهلك طيبين مثلك بس لازم تروح عند اهلك انت .. الله يحفظك
جاسم: مع السلامه ..

فتح عيونه بتثاقل .. حس ببروده في جسمه .. وكان يشوف ضباب قدام عيونه .. ما قدر يميز الاشكال شاف ضلال وحاول يركز عليه .. بس ماقدر يميزه .. فجأه حس بقطرات دافيه على خدوده .. سمع شخص يهمس قريب من اذنه .. فديت عيونك اللي فتحتها .. الحمدلله رب العالمين .. يا نظر عيني يا بعد كلي فديتك يا جاسم .. جاسم من سمع حس ابوه ابتسم له و وضحت الرؤيا جدامه وكحل عينه بشوفة ابوه .. اللي يحبه واللي دموعه دفت خدوده ..
جاسم بتعب: ابوي .. حبيبي يا ابوي ..
بهدوء حط بوفارس صبعه على فم جاسم عشان ما يتكلم .. وباسه على جبهته ..
بوفارس: يا عيون وحياة ابوك انت .. لا تقول شي ارتاح يبه .. دخل عليه فارس وماصدق اللي يشوفه .. قرب من السرير ومسح على راس اخوه بعدين سجد وتم يصيح ويحمد ربه على سلامة اخوه
فارس وهو ساجد ويصيح: الحمدلله رب العالمين .. احمدك واشكرك يا رب على سلامة اخوي جاسم .. ورفع راسه وتم يصيح من الفرحه
اتصل بوفارس البيت: السلام عليكم
ايمان: هلا بابا
بوفارس: حياة بابا انتي .. يلا تعالوا المستشفى .. اخوج قعد بلغي امج والباقي .. وتم يصيح
ايمان تصيح: وااااو بابا جاسم قعد فديته .. الحين بطير فوق .. وسكرت من ابوها اللي معور قلبها لان لها 5 ايام ما شافته دومه مع جاسم بالمستشفى ..
ايمان: هييييييييييييي ... ماما .. فطوم ... عزوز .. مريامي ... الحقوا
عبدالعزيز طلع من الغرفه متخرع: هاا شو صاير ؟ ومسك ايمان وهي تركض صوب غرفة امها .. تعالي شو صاير ؟؟
ايمان: الجسمي وتاخذ نفس .. قام الجسمي قااااام .. بابا توه متصلي يقول تعالوا .. وركض عبدالعزيز قبلها لغرفة امه يبشرها ويطمن قلبها ... كانت ام فارس قاعده تقرى قرآن
عبدالعزيز: امي .. الغاليه حطي عباتج على راسج .. تعالي اوديج تكحلين عيونج بشوفة جاسم الغالي وارتمى في احضانها يصيح من الفرحه ..
اما فاطمه ومريم وايمان انضموا لعبدالعزيز في حضن امهم .. وام فارس تصيح معاهم من الفرحه .. راحوا المستشفى وام فارس بخطوات سريعه تمشي تبي توصل بسرعه..
عبدالعزيز: الغاليه شوي شوي لاطيرين ...
فاطمه تضحك: عزوز .. اسكت عن امي ...
مريم: واااي فديته جسوم .. الحمدلله على سلامته
ايمان وتمسح دموعها: اي والله الحمدلله على سلامته .. ماما انا لو منج اركض مو امشي بسرعه بس
ضحكت عبدالعزيز: ايمانو لسانج يبيله قص
ام فارس تضحك: الله يقطع سوالفج يا ايمان
وصلوا الغرفه .. وام فارس ترددت فالبدايه انها ادش .. بس عبدالعزيز فتح لها الباب ولما دشت شافت جاسم في حضن ابوه والدكتور يفحصه ويسولف معاه .. تلاقت عيونها بعيون جاسم وغصبن عنها نزلت دموعها ..
ام فارس: السلام عليكم
بوفارس+ الدكتور+ فارس: عليكم السلام .. وقام باس امه على راسها
فارس: تستاهلين سلامة الغالي ..
ام فارس تحضن ولدها: الله يسلمك .. كلكم غالين عندي .. فديتكم الله لايحرمني منكم .. مشت عند السرير وشافت الجسمي يطالعها ومبتسم .. وعلى طول فتح ذراعينه لها .. قربت منه وحضنته بدفى وحنان وتمت تبوس جاسم وتقرى عليه ..
ام فارس: مو مصدقه عيوني .. فديتك يا جاسم الحمدلله على سلامتك .. يا عمري والله .. وتمت تصيح وحاضنته
ام فارس: ها يبه شو يعورك ؟ اشوه ريولك .. ما تتألم منها ؟
جاسم وخانقته العبره: امي ... سكت وحضنها .. وهمس في اذنها .. وحشتيني يمه لا تخليني .. ابيج ابيكم كلكم .. والله احبكم وماستغنى عنكم
ام فارس: عيون يمه انت .. انا هني ماخليك بروحك .. ابوك وخوانك وخواتك هني مانخليك يبه .. وكانت ام فارس مستغربه من كلامه ..!!
فاطمه حضنت جاسم: حبيبي جسوم ... الحمدلله على السلامه ..
جاسم مبتسم وحاضنها: الله يسلمج فطومه وحشتوني .. آآآآه
مريم: فطوم بسج ابي ابوس اخوي ..

بوفارس يضحك: ههههههه وحليلكم يا بناتي .. وكان مستانس على لمة عياله وسلامة جاسم
مريم: جسوم .. فديتك يالنتفه .. الحمدلله على سلامتك
جاسم: الله يسلمج مريامي .. والله احبكم اموت فيكم .. وام فارس متعجبه من كلام ولدها ..
اما ايمان اللي كانت متوتره: جاسم .. وتمسح دموعها .. فديتك
جاسم يصيح: ايماني .. حبيبتي .. وحضنها وتموا يصيحون ... فارس ماتوقع حب جاسم لايمان مع انها دوم تهاوشه ..
ايمان: سامحني يا جاسم والله ما رفع صوتي عليك .. سامحني ياخوي .. الكل استغرب من كلام ايمان
جاسم يصيح: والله مازعل منج .. وبهمس يكمل .. انتي اكثر وحده احبها ..
ايمان: فديت اخوي والله .. وانا اموت فيك يا جسوم
مسحوا دموعهم وجى دور عبدالعزيز: الحمدلله على السلامه بوالشباب ..
جاسم: الله يسلمك عبدالعزيز ..
عبدالعزيز: طالع لي فيها مأدب .. او انك
جاسم: فديتني انا الادب كله ... وانتوا وارثين هالادب عني ..
عبدالعزيز والكل: هههههههههههههههههه
دخل الدكتور وطلب يشوف بوفارس برا الغرفه ..
في هالاثناء .. فاطمه التفت لفارس وتلاقت عيونهم .. وعلى طول نزلت عيونها ... فارس استغرب من اخته ..
فارس: فطامي .. شو فيج ؟
فاطمه ومنزله راسها: تعال فارس ابيك برا شوي ...
ايمان بغلاسه: اوه فارس او مره بتعرف شي احنا منعرفه هههههه
الكل: ههههههههههههههه
فارس: صج والله ... تستخفين دمج يعني ..
ايمان: روح فطامي تنتظرك عند الباب .. ولاتفوتك السالفه
فارس ويدز راسها: حسابج معاي بعدين
ايمان: ههههههههههههه
برا الغرفة فاطمه تنتظر فارس ...
فارس: هلا فطامي .. شو فيج ؟
فاطمه منزله راسها: فارس .. انا ... وسكتت ..
فارس: فطوم .. شو فيج ؟
فاطمه وتمسح دموعها: فارس انا اسفه ..
فارس مستغرب: اسفه .. على شو تتأسفين ؟
فاطمه: لاني قلت اكرهك .. وهاوشتك .. وعصبت عليك بشي مالك ذنب فيه ..
فارس ويطالع اخته بحنان: فطوم انتي تدرين شكثر انا اموت فيكم .. يعني مستحيل ازعل منج .. وكنتي في حالة غضب وانا مقدر هالشي .. فديتج مازعل يا اختي .. مسحي هالدموع .. تراها غاليه
فاطمه مبتسمه: فديتك يا فارس .. والله كنت وايد متضايقه من نفسي .. شلون سمحت لنفسي اني امد ايدي عليك .. واصرخ ... آآه يا فارس
فارس: عيون فارس .. ولا يهمج .. بس بسألج فطوم ..
فاطمه: هلا ..
فارس: انتي تشيلين حديد ؟
فاطمه باستغراب: ها ؟ ليش ؟
فارس بعبط: كسرتي ضلوعي وانتي تضربيني ههههههههههه
فاطمه بدلع: فاررررس ...
فارس: فديت الدلع انا ..
فاطمه منحرجه: ما اتدلع انا ..
فارس: اللي بياخذج بيموت على دلعج فطوم
فاطمه بتموت من الحيا: ........................
فارس: فديت اللي يستحون .. يلا نروح داخل لا تنبط اذن اختي وهي تتسمع عند الباب
فاطمه: من؟
فارس: ايمانو تتصوخ الكلام .. وتعيب علي تقولي اموت لو ماعرفت السوالف ..
وكانت ايمان وافقه وحاطه اذنها عند الباب .. واول ماحست انهم بيدخلون ... ركضت عند امها او انه السالفه مو لها كلش
فارس: شو لقطتي من السالفه ايمانو
الكل: ههههههههههههههههههههههههههههههههههه
نرجع لبوفارس مع الدكتور ..
الدكتور: الحمدلله على سلامة غاليك يا بوفارس
بوفارس: الله يسلمك الفضل يرجع لرب العالمين ولكم يادكتور ..
الدكتور: والنعم بالله ..
بوفارس: متى بترخصون الولد ؟
الدكتور: بنخلي جاسم عندنا كم يوم يرتاح .. ونكمل له نقل الدم ..
بوفارس: انشالله .. احسنت يادكتور .. وجزاك الله خير
الدكتور: الله يسلمك ..
بوفارس: من رخصتك ..
الدكتور: مع السلامه
رجع بوفارس غرفة الجسمي .. ولقى الكل تجمع عنده .. اخوانه وعيال عمه .. استانس بوفارس على لمتهم .. وحمد ربه على سلامة الجسمي .. راح يصلي ركعتين شكر لربه على سلامة ولد .. وهو طالع من المصلى .. شاف امه وابوه واخته هيا
بوفارس: هلا والله بالغالين
الجد سلطان: هلا والله بوفارس .. تستاهل سلامة الصغير
بوفارس ويحب ابوه على راسه: الله يسلمك .. الفضل لرب العالمين .. وباس امه على راسها ويده ..
الغاليه ليش متعبه عمرج .. الله يهديج
الجده: لا تعب ولا غيره ... هاذي الغالي ولد الغالي ..
بوفارس: لا هنتي .. الغاليه على راسي والله
هيا وتسلم على بوفارس: الحمدلله على سلامة الغالي يا خوي ..
بوفارس: الله يسلمج
دخلوا بوفارس وامه واخته وابوه الغرفه .. وشافوا الحشره اللي فيها ..
الجد: حيالله ذا الولد النشمي .. القرموش .. وباس جاسم على جبهته .. وسلمت عليه جدته ..
اما هيا استقبلته بدموعها .. لان جاسم المفضل عندها .. وتموت فيه
هيا: واي فديت هالشوف .. وفديت هالعيون .. الجسمي ويهك منور يا فديت ويهك ...
جاسم بفرح: عميمه حبيبتي .. وحضنها وتم في حضنها مو راضي يبتعد عنها .. ومغمض عيونه جاه احساس غريب ... تذكر عبدالرحمن اللي شافه في منامه وقعد معاه .. بس مو عرف ليش عميمه هيا ذكرته فيه .. ؟
هيا: حيببي .. اخبار ريولك تعورك ؟
جاسم: اي شوي ... بس الحمدلله
هيا وتبوس ريوله اللي تعوره: مووح .. سمالله عليك
جاسم: الحين ماتعورني ...
فارس: جسوووم لوتي بعد
الكل: هههههههههههههههههههههه
هيا: فديته خلوه ..
جاسم يتدلع: عميمه .. هاوشي فارس
فارس: يالله عليك .. دلوع
هيا: فارس .. تعال اهاوشك .. لاتقول عنه دلوع .. وبعدين وش لك فيه .. خله يدلع ..
فارس: ياختي عليك الجسمي ... دلوع انته ..
هيا وتضرب فارس على كتفه: لا تعيب على ولدي فديته ..
فارس: اي عميمه .. هاي كله عشان هالنتفه ..
جاسم وبابتسامة نصر: هههههههههه عميمه ضربتك .. تستاهل
وهني نقزت ايمان: اوعى يا فارس .. لا تهاوش الجسمي وتغربله .. ترا تعرفني ..
الكل: ههههههههههههههههههههه
فارس او انه زعلان: محد يدافع عني .. شعليك الجسمي .. الحريم كلهم صوبك ..
فاطمه: عاد كل شي ولا فارس .. ترا ماعرفتوني ..
مريم: اي الا فارس عاد ...
ايمان: خفوا علينا عاد ..
بوفارس مسك ايمان من رقبتها: ملسونه ...
جاسم: لا ابوي لاتعورها عاد ..
ام فارس: فديت اللي قلبه على اخته
وتموا يسولفون ويضحكون .. والتفت فارس على اخته فاطمه وطاحت عينه على الريم بنت عمه .. لقاها سرحانه فيه .. استغرب وصد عنها .. وهي حست ان فارس انتبه لها .. وانحرجت .. هي ماعرفت ليش سرحت فيه .. ودخل عليهم سلطان
سلطان: الريم .. بنات عمي .. مرت عمي .. ايديده .. لو سمحتوا روحوا استراخة الحريم .. احمد بيدش يسلم على جاسم ..
فاطمه والبنات ضحكوا عليه: انشالله .. وفاطمه تموت على سلطان لما يسوي جي
.....................