قصة مررره حلوه ((نهاية حبك اعدامي))

عبدالعزيز طلع من الصاله وترك يوسف وفاطمه في احضانه تصيح وهو يهدي فيها .. فاطمه حضنت يوسف بقوه وتمت تصيح .. يوسف تركها تصيح واطلع الحزن اللي فيها وهو حاضنها .. تمت فاطمه تتكلم ويوسف يسمعها ويمسح على راسها .. عبدالعزيز كان ضايع ويفكر باللي يصير حوله .. دخل على امه وكانت حالتها مو احسن من حالة فاطمه اخته .. كانت ام فارس في احضان مريم تصيح وبوفارس ماسك يدها ويهديها .. ومريم حاضنه امها وتصيح ..
عبدالعزيز: شو صاير ؟
محد رد على عبدالعزيز .. عاد كلامه مره ثانيه وبعد محد رد عليه .. تنرفز من هدوء اللي كانوا بالغرفه ..
عبدالعزيز بقسوه: يعني كسرتي بخاطر اخوي .. عشان مستواج وكبريائج ..
بوفارس قام من مكانه وطالع عبدالعزيز باستغراب ..
عبدالعزيز: كلامي عدل صح ..
بوفارس: بوسعود مو وقته هالكلام ..
عبدالعزيز: متى وقته عيل .. ؟ لامي ولا عمتي هيا قصروا في فارس المسكين .. عميمه هيا سمعته كلام يجرح وامي تكابر وتهزئ فيه ..
مريم تركت امها وخذت عبدالعزيز برا الغرفه ..
مريم: شو فيك انت بعد ..
عبدالعزيز: امج سوت اللي براسها .. ليش تصيح ؟
مريم بحزن: احس امي متحسفه ..
عبدالعزيز: شو! متحسفه ؟ ههههههه .. ضحكتيني والله .. يتهيء لج .. عطيها الليله وبكره وبتشوفينها عاديه ولا فيها شي ..
مريم بعصبيه: شو هالكلام اللي تقوله يا عزيز .. هاي امي ..
عبدالعزي: استغفرالله .. بس يا مريم اللي سوته امي مب شوي .. حرمت فارس من فرحته .. وتصيح عليه .. امي تقص على نفسها مو علينا .. الله يسامحها بس .. ولا عمتج هيا اللي صدمتني .. لو ما ستوا الموقف جدامي بقول مستحيل عمتنا الغاليه تقول هالكلام .. لكن ما قول غير حسبي الله ونعم الوكيل ..
عبدالعزيز نزل راسه ومشى عن مريم .. مريم كانت تفكر في كلامه وتفكر في دموع امها وفي فارس ..
مريم " يالله معقوله تكون امي مو مهتمه .. معقوله امي تسوي جي ؟ .. آآه شو بتحمل انا .. هم خالد ولا فارس ولا امي .. لا والحين عزيز يقول ان عميمه هيا جرحت فارس بعد .. يالله " .. تمت مريم تفكر باللي يصير حولها .. حذفت نفسها على الكرسي وغطت ويها بيدينها ..
بيت بوفارس ساده الحزن .. ام فارس تصيح وبوفارس يواسيها .. فاطمه الحزينه عبدالعزيز ويوسف معاها .. مريم تفكر باللي يصير حولها وتعد همومها .. ايمان وجاسم ما كانوا فالبيت .. اتصلت مريم بخالد ..
مريم بحزن: هلا خالد ..
خالد: شو فيج حياتي ؟
مريم: مشاكل هني فالبيت ..
خالد عقد حواجبه: شو صاير ؟
مريم: امي وفارس مختلفين ..
خالد: فارس!
مريم: اي .. عشان موضوع الزواج ..
خالد: شسالفه ؟
مريم: خالد قال لامي انه يبغي يتزوج .. وفي باله وحده ..
خالد: زين ؟
مريم: امي مب راضيه وقالت له من قبل وتهاوش معاها من قبل وطلع من البيت .. واليوم جى مره ثانيه يكلمها والظاهر كبر الموضوع .. آآه حالتنا حاله والله ..
خالد انصدم من كلام مريم ..
خالد: زين سكري خليني اتصله اشوفه ..
مريم: طمني عليه فديتك ..
خالد: ان شاءالله حياتي ..
سكرت مريم من خالد وقلبها على اخوها .. خالد اتصل بمحمد اخوه على طول ..
محمد: هلا خالد ..
خالد: هلا اخوي .. اخبار فارس ؟
محمد تنهد: آآآه .. حالته ما تسر ..
خالد: انت وين ؟
محمد: في شقة فارس ..
خالد باستغراب: شقة فارس!
محمد: اي ..
خالد: من متى فارس عنده شقه ؟
محمد: من زمان ..
خالد: اها .. زين وينها بامركم ..
محمد وصف الشقه لاخوه .. خالد طلع من الشركه ومر عليهم .. وصل عند الشقه وطق الباب .. فتح له محمد الباب واستقبله بحزن .. خالد سلم على اخوه ودخل ..
محمد: تفضل ..
خالد: دام فضلك اخوي .. وين فارس؟
محمد: تعال فارس فالصاله ..
دخل خالد وشاف فارس منسدح على الكرسي ونايم بهدوء ..
خالد: نايم فارس ؟
محمد: اي ..
خالد: شو صاير ؟
محمد وخالد راحوا المطبخ ومحمد قال لاخوه المواجه اللي صارت بين فارس وامه .. وقاله موقف ام فارس الغريب خالد استغرب من كلام اخوه ..
خالد: متأكد من هالكلام ؟
محمد: اقولك مره كلمتني بروحي .. واليوم صار اللي صار جدام عيني ..
خالد: غريبه مرت عمي .. شلون تفكر بهالطريقه ..
محمد: انا منصدم منها ..
خالد: بسألك ..
محمد كان متوقع سؤال اخوه ..
محمد: تفضل ..
خالد: فارس يعرف البنت ؟
محمد: لا مايعرفها ..
خالد: عيل ليش هالحزن والاصرار ؟
محمد: لان مرت عمي كانت قاسيه معاه .. وانت تعرف شلون فارس متواضع وطيب ..
خالد: عدل كلامك .. ان شاءالله مرحله وتعدي ..
محمد " ماعتقد " ..
محمد: ان شاءالله ..
خالد: زين شو هالشقه الزينه .. اكيد انت مأثثها ؟
محمد مبتسم: احم احم .. اي طبعا ..
خالد: ماشاءالله عليك بونايف .. ذوقك وايد حلو ..
محمد: يسلم راسك بوالوليد .. بس يا خالد تحمل بمريم ..
خالد: ليش ؟
محمد: توها حامل بتتعب عليك .. لا تزعل نفسها وايد حاول انك تبعدها عن هالجو المشحون شوي ..
خالد: انشاءالله ما عليها شر .. بحاول اني اشغلها ..
محمد: ان شاءالله ..
خالد: وانت ادرى باللي صاير مؤخرا .. وايد خايف عليها ..
محمد: الله يعينك يا خوي ..
خالد: الحمدلله على كل حال .. زين الحين شو بتسون مع فارس ؟
محمد: خله يقوم من نومته .. ترا هالنومه مخوفتني ..
خالد: مسكين فارس .. ما يستاهل والله .. وبعدين لو انه يعرفها شو المشكله يعني ؟
محمد: ليتهم كلهم يفكرون مثلك .. لا وعميمه هيا ختمتها صح ..
خالد رفع حاجب: شلون ؟
محمد: مب عاجبها الموضوع .. وسمعت فارس كلام ما يسر ..
خالد: افااا ..
محمد: والله شو بيتحمل هالفقير ..
خالد: المشكله تفكير مرت عمي ماله اي منطق .. شلون تقول ان البنت طمعانه بفلوسه ..
محمد: شوف خالد .. فارس عنده خير بس على قده ..
خالد: بالضبط .. والدليل انه داش شراكه معاي في الشركه ..
محمد: يعني اي فلوس اللي تتكلم عنها مرت عمي ..
خالد: تفكيرها غريب ..
محمد: وسالفة المستوى اللي طالعة لنا فيها ..
خالد: هههههه .. والله انها غريبه مرت عمي .. ليكون كانت حاطه عينها على الريم ..
محمد: الريم وايد صغيره على فارس .. ومن بيرضى اصلا .. انا واحد ما راح اوافق ..
خالد: ليش ؟
محمد: من صجك .. يبه البنت توها 16 سنه .. فارس ما ينعاف وتمنيته لها بس لو انها اكبر شوي .. البنت وراها مستقبل وحياه ..
خالد: عدل كلامك ..
محمد: خلها على ربك ..
خالد: زين انا بروح بيت عمي بشوف المدام .. كلمتني وهي متضايقه .. والوضع عندهم هناك مب احسن من الوضع هني ..
محمد: والله لو مرت عمي ما عاندت كان كل هاي ما صار ..
خالد: الله كاتب ان يستوي كل اللي صار واللي يصير بعدين ..
محمد: الحمدلله على كل حال ..
خالد: المهم خل اروح الحين اشوف المدام .. وطمني على فارس لي قعد من النوم ..
محمد بتوتر: ان شاءالله ..
طلعوا من المطبخ طلوا على فارس اللي كان نايم بهدوء .. خالد سلم على محمد وراح بيت عمه .. وصل هناك وشاف سيارة ابوه موجوده .. دخل وراح على طول غرفة مريم .. شافها قاعده على السرير وتصيح بصمت .. قرب منها وحضنها بحنان ..
خالد: ليش هالدموع حبيبتي ؟
مريم: فارس اخوي ..
خالد مسح دموعها: اخوج ما عليه شر .. توني شايفه ..
مريم: والله .. شو اخباره ؟
خالد: زعلان شوي بس متماسك .. " استغفر الله "
مريم: الحمدلله ..
خالد: تطمني فديتج .. وان شاءالله بتنحل ..
مريم: ان شاءالله ..
خالد: عاد حبيبتي لا تزعلين نفسج .. انتي حامل ولازم نفسيتج تكون مرتاحه ..
مريم: شاسوي يا خالد .. لو تشوف حالة امي المسكينه .. وفارس اللي معور قلبي فديته ..
خالد مبتسم: ان شاءالله فارس يتزوج اللي يبيها وامج اللي بتخطبها له بعد ..
مريم: ان شاءالله ..
فاطمه كانت مع يوسف فالميلس وحالتها حاله .. عبدالعزيز طلع عنهم وراح بيت جده ..
يوسف: قومي نروح البيت حبيبتي ..
فاطمه: ماقدر اترك البيت جي ..
يوسف: ماعليهم شر .. عمج موجود وابوج ..
فاطمه: لا مابي اروح ..
يوسف: زين على راحتج .. بس طليتج ..
فاطمه: تم حبيبي ..
يوسف رفع شعرها عن ويها: لا تصيحين .. مابي اشوف دموعج يالغلا ..
فاطمه مبتسمه: ان شاءالله ..
يوسف ابتسم لها: زين تسوين لي عصير من ايدينج الحلوات ؟
فاطمه: من عيوني حبيبي ..
يوسف: بارك الله فيج ..
طلعت فاطمه من الميلس رايحه المطبخ تسوي لزوجها العصير .. يوسف كان وايد متضايق من اللي صاير عندهم وزعلان على حزن فاطمه حبيبته .. رن جواله وكان سلمان متصل له ..
يوسف: السلام عليكم ..
سلمان: عليكم السلام هلا والله .. شحالك ؟
يوسف: الحمدلله .. اخبارك خالي ؟
سلمان: طيب الله يسلمك .. انت وين ؟
يوسف: بيت اهلى المدام ..
سلمان: بتتغدون هناك ؟
يوسف: يمكن .. ليش في شي ؟
سلمان: لا مابي اشغلك الحين .. بس لي فضيت اتصلي ابيك بموضوع ..
يوسف باستغراب: ان شاءالله .. " اكيد موضوع السفر " ..
سلمان: زين عيل اخليك الحين ..
يوسف: الله وياك ..
سلمان سكر من يوسف وكان يطالع ريما بنته اللي نامت في حضنه ودموعها على خدها ..
سلمان " والله مو بيدي اللي يصير .. ان شاءالله هالقرار يريح الكل وما يزعل حد مني " ..
شل ريما وحطها على السرير وغطاها عدل .. اتصل بالجوهره ..
الجوهره: هلا خالي ..
سلمان: شلونج فديتج ؟
الجوهره: الحمدلله .. اخبارك انت ؟
سلمان: طيب .. شخبار ابراهيم ولولو فديتها ؟
الجوهره مبتسمه: طيبين الحمدلله ..
سلمان: مب طالعه مكان اليوم ؟
الجوهره: ماعتقد ..
سلمان: زين بلغي اختج اني بجيكم اليوم .. ويوسف بعد بيجي ابيكم بموضوع ..
الجوهره بحزن: موضوع السفر خالي ؟
سلمان تنهد: آآآه .. والله يا جوجو محتار ..
الجوهره: خالي انت شاللي خلاك تفكر فالسفر ؟
سلمان: لقيت لي فرصة عمل هناك .. وبعدين ريما بتكون قريبه من خالتها ..
الجوهره: واحنا وين رحنا يا خالي ..
سلمان " نفس كلام يوسف ": انتوا فيكم الخير والبركه ..
الجوهره: عيل ليش تبي تهاجر يا خالي .. حد مضايقك ؟
سلمان " آآه لو تدرين باللي في قلبي بس " ..
سلمان: محد مضايقني .. بس من تجي له فرصة عمل حلوه ويرفضها ..
الجوهره: خالي والله هاي مب عذر .. وانت فاهم قصدي .. اعتقد اللي مريت فيه من قبل كفايه .. شوف شكثر انحرمت من بنتك يا خالي ..
سلمان: لاتعورين قلبي زود ..
الجوهره: يا خالي فكر عدل .. زين انت استخرت قبل ما تتخذ هالقرار ؟
سلمان: لا والله ..
الجوهره: عط نفسك فرصه واستخير وفكر زود ..
سلمان: ان شاءالله ..
الجوهره: زين تعالوا اليوم عندي ..
سلمان مبتسم: ان شاءالله .. يلا يبه ما طول عليج ..
الجوهره: الله وياك خالي ..
سكر سلمان من الجوهره وتم يفكر في كلامها ..
سلمان " انا ليش ما استخرت " ..
قام توضى وصلى صلاة استخاره ونام جنب بنته ..
طبعا نرجع لفارس ومشكلته مع امه بخصوص مناف .. عبدالعزيز اول ما بلغ جدته الجده راحت على طول بيت بوفارس .. دخلت وهي معصبه وتصرخ ..
الجده: وينها امك روح نادها لي بسرعه ..
عبدالعزيز: زين بناديها يدتي .. بس هدي انتي ..
الجده: وش اهدي .. الولد بيروح من يدنا والسبب امك ..
الجد: روح ناد امك وابوك بعد ..
عبدالعزيز: ان شاءالله ..
دخلت ايمان وكانت توها راجعه من المدرسه .. استغربت وجود الجد والجده فالصاله .. سلمت عليهم ..
ايمان: بتغدون هني ؟
الجده: بنتغدى قهر .. حسبي الله على امج ..
ايمان: ابيه شو صاير ؟
الجده: سألي امج العاقله ..
الجد: يبه روحي غرفتج ..
ايمان: ان شاءالله ..
وهي طالعه غرفتها شافت امها تمسح دموعها وهي نازله الدري مع ابوها .. خافت على امها وركضت صوبها ..
ايمان: ماما شو فيج ؟
بوفارس: مافيها شي .. روحي غرفتج فديتج ..
ايما بخوف: لا ابي ماما ..
بوفارس: الله يرضى عليج روحي غرفتج ..
ايمان حضنت امها: لا ..
عبدالعزيز: سمعي الكلام وفكينا ..
سحبها عبدالعزيز ودخلها الغرفه وطلع عنها .. ايمان كانت خايفه على امها .. بدلت ملابسها وطلعت من الغرفه رايحه تحت عندهم .. شافها ابوها
ايمان: بابا شو فيكم ؟
بوفارس حضنها: مافينا شي ان شاءالله .. تعالي تغدي فديتج ..
ايمان: مابي ..
صاحت ايمان وحضنت ابوها ..
بوفارس: فديتج روحج لا تصيحين ..
ايمان: ليش ماما تصيح .. من هاوشها ؟
بوفارس: امج اختلفت مع فارس اخوج شوي ..
ايمان بعصبيه: كله عشان اللي يكلمها .. انا اكره فارس اكرهه ..
بوفارس: عيب هالكلام يبه .. هاي اخوج ..
ايمان: ليش يزعل امي ويصيحها ..
بوفارس: ما زعلها .. امج متضايقه شوي ..
ايمان: والله لو فارس خذ هالبنت باكرهه ولا بكلمه طول عمري ..
ركضت ايمان وراحت غرفتها .. بوفارس كان متنرفز من كلامها بس مسك نفسه لانه في وضع ما يسمح له يتنرفز زياده .. تركها تروح غرفتها وراح الصاله عندهم .. وقف عند البا متكتف ويسمع بكل هدوء .. دخلت هيا اللي طلعت من الشغل وعلى طول راحت بيت بوفارس ..
هيا: السلام عليكم .. شو صاير خوفتوني ..
الجده: تعالي شوفي مرت اخوج ..
بومحمد: يا جماعه هدوا الموضوع شوي ..
هيا: شو فيج يا مزنه ؟
مزنه وسط دموعها: فارس ولدي راح ..
هيا حطت يدها على صدرها: شو صار فيه ؟
الجده: تعافس مع امه اليوم وترك لها البيت ..
مزنه بعصبيه: كله عشان هاللي ما تستحي على ويها .. اللي ما تربت عدل ..
هيا: حسبي الله عليها .. الله لا يوفقها ..
بوفارس بصراخ: بس ولا كلمه .. لا تدعون على بنت الناس ..
هيا: وليش ادافع ؟
بوفارس بغضب: فارس بيتزوج مناف سعتوا .. نهاية هالاسبوع امي بتروح تخطبها .. واللي حلف ما يسلم على فارس ولا يكلمه ترا مب مجبور ..
طلع من الصاله بكل هدوء وراح غرفته .. اتصل بمحمد ولد اخوه ..
محمد" هاي عمي .. خير ان شاءالله "
محمد: هلا عمي ..
بوفارس : شلونك يبه ؟
محمد: الحمدلله .. شلون الوضع فالبيت ؟
بوفارس: يدتك هني حاشرتنا .. وعمتك وابوك .. ما ناقص الا الجيران يجون بعد ..
محمد: الله يصلحهم ان شاءالله ..
بوفارس: ان شاءالله .. شو اخبار اخوك ؟
محمد: والله من طلعنا من بيتكم حط راسه ونام ..
بوفارس بخوف: حركه شوفه يتنفس ولا لأ ..
محمد بخوف: لا تخوفني عمي .. بروحي على اعصابي وخايف عليه ..
بوفارس: روح شوفه .. قعده ..
محمد: ان شاءالله ..
محمد راح صوب فارس وحركه ..
محمد: فارس .. فروس ..
بوفارس: ها قعد ؟
محمد: لأ ..
محمد قعد فارس مره ثانيه وهزه ..
محمد: فروس قوم ..
فارس بتعب: ابي انام ..
محمد وبفارس تنفسوا براحه ..
محمد: زين قوم جوالك يرن ..
فارس: لاتكذب ما سمعه ..
محمد: هههههه .. زين قوم تمللت بروحي ..
فارس: روح جيب لي اكل جوعان ..
محمد مبتسم بطمأنينه: ان شاءالله ..
طلع من الصاله وكلم عمه ..
محمد: سمعته بأذنك ..
بوفارس: الحمدلله .. زين قوله اليوم الساعه 10 فالليل بتقابل معاه فالشركه ..
محمد بعبط: ما يصير آجي ..
بوفارس: خلك مكانك انت ..
محمد: هههههه قطعتني عمي ..
بوفارس: يلا سلام ..
محمد: الله وياك ..
سكر محمد وراح الصاله عند فارس .. نط عليه وشد شعره .. فارس دزه وضحك ..
محمد: اعرف انك مب نايم ..
فارس: ههاااااااي ..
محمد: شو فيك ميت من الضحك ؟
فارس: ردة فعل ..
محمد: زين قوم نروح نتغدى برا ؟
فارس: مالي خلق اطلع مطعم .. خل نجيب غدانا هني ..
محمد: تحت امرك احنا ..
فارس: محد قدي ..
طلعوا من الشقه راحواجابوا لهم غدا ورجعوا الشقه تغدوا .. تموا يسولفون وهم يغسلون الصحون..
محمد: فروس ..
فارس وهو ينشف الصحن: هلا حمودي ..
محمد: ردة فعلك غريبه ..
فارس: احس صادني تبلد من ردود فعل امي ..
محمد: ههههه .. حلوه ذي صادك تبلد ..
فارس: هههه. شو اسوي يعني .. يبه البنت باخذها ان شاءالله ..
محمد: ان شاءالله ..
بعد ما خلصوا غسيلهم كل واحد فيهم حذف نفسه على كرسي وناموا طبعا فارس نام من التعب .. اما محمد فكان يفكر في فارس وايد .. شغل التلفزيون وتم يقلب القنوات .. فجأه التفت على فارس بخوف .. سمعه يون بحزن وهو نايم .. تم يطالعه بحزن ويتفكر فيه .. فارس كل شوي كان يون وهو نايم محمد ماقدر يستحمل الحزن بونته .. طلع من الصاله وراح المطبخ تم قاعد بروحه .. اول ما أذن العصر راح قعد فارس ونزلوا يصلون .. طبعا محمد ما قال لفارس انه سمعه يون .. كتم هالموضوع بينه وبين نفسه .. بس كان وايد حزين على فارس ..
في بيت الجوهره .. سلمان ويوسف وهنادي كانوا متجمعين يناقشون موضوع سلمان ..
هنادي: والله حرام عليك يا خالي .. ماصدقنا رجعت لنا .. وبنتك مرتاحه هني وماراح ترتاح باي مكان ثاني ..
الجوهره: خالي شو اللي مضايقك ؟
سلمان: مو متضايق من شي .. بس قلت لكم لقيت فرصة عمل احسن ..
يوسف: اسمحلي يا خالي .. بس انا مو مقتنع ..
الجوهره: خالي استخرت ؟
سلمان: اي ..
الجوهره: زين شو اللي حسيت فيه ؟
سلمان: والله ماكذب عليكم .. بس مارتحت ..
هنادي ابتسمت .. الجوهره حست بالراحه .. اما يوسف صفق من الوناسه ..
سلمان: هههههه .. والله بستخير مره ثانيه .. بس في حالة اني بعد ما حسيت براحه عندي قرار ثاني ..
الكل: شنو ؟
سلمان: احتمال اطلع بيت بروحي ..
الكل طالعه باستغراب ..
........................
يتبع

هنادي: ليش خالي ؟
يوسف: مضايقك وجود زوجتي فالبيت ؟
سلمان: لا مو مضايقني .. شهالكلام يا يوسف .. بس تقدر تقول مقيدني ومقيدها هي بعد .. هي توها عروس واحسها مو ماخذه راحتها فالبيت .. دوم لافه هالشيله ..
يوسف: لا غلطان يا خالي .. هي من كثر ما تنزل تحت .. كل قعدتنا فوق .. وحتى ريما تجي تقعد معانا .. الا ماخذه راحتها بالعكس ..
سلمان: لا انا بشوف لي بيت صغيرون على قدي انا وبنوتي .. لين اشتري لي ارض وابني عليها ..
يوسف: لا ماله داعي هالكلام يا خالي ..
الجوهره: انا عندي اقتراح حلو وبيعجبكم ..
هنادي: قولي ..
الجوهره: شرايكم نشتري 4 اراضي جنب بعض .. ونبني عليها 4 فلل .. ونكون كلنا في مكان واحد ..
يوسف: فكره معقوله ..
هنادي: انا بكلم نواف واكيد مب قايل لأ ..
الجوهره: وانا بعد لي كلمت ابراهيم بيوافق ..
يوسف: ما بقى الا نسمع رايك يا خالي ..
هنادي: عاد مالك عذر ..
سلمان مبتسم: زين وانا موافق ..
هنادي: ياااااي ..
الكل ضحك على عفوية هنادي ..
يوسف حس ان سلمان خاله بيغير رايه .. وحل جوجو كان حلو .. تعشوا كلهم مع بعض .. يوسف استأذن عشان يمر على زوجته في بيت اهلها .. طلع من بيت اخته وكله شوق لحب حياته فطومته .. وصل بيت بوفارس ونزل .. دخل الميلس ولقى خالد وعبدالعزيز قاعدين يسولفون .. التفتوا عليه وابتسموا .. سلموا على بعض وقعدوا يسولفون شوي .. يوسف طلب من عبدالعزيز انه ينادي فاطمه عشلن يروحون البيت .. فاطمه لبست عبايتها وطلعت فالحوش صوب الميلس .. يوسف طلع لما انتبها لوجودها برا .. مشى ناحيتها ومسك يدها .. أشر لها صوب الصيص اللي عند باب الميلس ..
يوسف: تذكرين هالمكان ؟
فاطمه طالعته بخجل وابتسمت: وشلون انسى هالمكان .. ولو
يوسف: لازم نسوي نصب تذكاري هني ..
فاطمه حطت يدها على حلجها وضحكت بنعومه ..
يوسف يتغزل فيها: اموت في ضحتج ..
فاطمه: فديت قلبك ..
يوسف: يلا حبيبتي مشينا ؟
فاطمه: يلا حبيبي ..
اتجهوا لبيتهم ويوسف يحاول قد ما يقدر انه يخفف على فاطمه حزنها وهمها .. فاطمه تهدى نفسها لما يكون يوسف حولها ويكلمها ..
الساعه 10 بالضبط .. محمد وصل فارس عند الشركه وراح يتمشى لين يتصل له فارس بعد ما يخلص كلامه مع ابوه .. تم فالمكتب ينتظر ابوه .. دخل بوفارس الياعه 10 و خمس دقايق ..
بوفارس: شلونك يبه ؟
فارس مبتسم: الحمدلله .. اعلومك انت ؟
بوفارس: طيب ..
فارس: شو تشرب ؟
بوفارس: شاي احمر ..
فارس اتصل بالفراش وطلب له ولابوه شاي احمر .. بوفارس اعتدل في قعدته ودخل بالموضوع ..
بوفارس: فارس يبه نهاية هالاسبوع تلكم فاطمه وتقولها الاهل جاين بيتكم .. يدتك وفاطمه اختك بيمرون عليهم ..
فارس طالع ابوه وابتسم: والله يبه ..
بوفارس مبتسم: اي يبه ..
فارس بوتاسه: جزاك الله خير يبه .. بس امي ؟
بوفارس رفع حاجب: شو فيها ؟
فارس: تعرف هي شو قالت لي اليوم ؟
بوفارس باهتمام: شو ؟
فارس: احلفت اني لو خذت هالبنت بتتبرى مني ..
بوفارس: هههههه .. ما عليك منها .. امك قلبها طيب ترا .. وانت تعرف معزتك عندها .. بتزعل بس مردها بترضى
فارس: بس خايف تجرح في بنت الناس ..
بوفارس: انت ابتعد لين تهدى الامور ..
فارس: ان شاءالله ..
بوفارس: خلك في شقتك ..
فارس انحرج: شدراك عنها ؟
بوفارس: انا اعرف كل شي ..
فارس نزل راسه: احم ..
بوفارس: هههههه ..
فارس: زين يبه بسألك ؟
بوفارس: قول يبه ..
فارس: انت مسمي فاطمه اختي عليها ؟
بوفارس: ههههه .. ليكون على بالك كنت واقع في غرامها ..
فارس وبوفارس: هههههه
فارس: شكلك جي ..
بوفارس: ههههه .. ما سميت فاطمه عليها .. بس انا حاب الاسم ..
فارس: اها ..
بوفارس: زين لا تنسى تبلغهم عن يدتك واختك ..
فارس: بس اي يوم بالضبط يبه ؟
بوفارس: خلها يوم الاربعاء ..
فارس مبتسم: ان شاءالله ..
بوفارس: ما قصرت على الشاي يبه .. انا اترخص الحين .. وانت شد حيلك ..
فارس مبتسم: ان شاءالله ..
طلعوا مع بعض عند باب الشركه .. بوفارس ركب سيارته وفارس انتظر محمد يمر ياخذه .. مر محمد على فارس وشاف الفرحه بعيون فارس ..
محمد: بشر ؟
فارس: خلاص بنتقدم لهم رسمي ..
محمد بوناسه: احلى خبر ..
فارس: فديت ابوي والله ..
محمد: اي والله فديت عمي .. صج مثله هالابو ينشد فيه الظهر ..
فارس: الحمدلله على كل حال ..
محمد: اكيد بتعزمني على شيشه على ذوقك ..
فارس: ماسمعك مافي ارسال و صوتك يقطع ..
محمد: ههههه .. يالعبيط .. زين خلاص انا بعزمك ..
فارس: خلاص كسرت خاطري بعزمك ..
محمد: غصبن عنك بتعزمني ..
فارس ومحمد: هههههه ..
احتفلوا الشباب فالشيشه مع سلمان .. وكانوا مبسوطين ..
بوفارس رجع البيت وهو مرهق وتعبان .. دخل الغرفه ولقى ام فارس قاعده اطالع التلفزيون .. اول ما شافته دخلت غرفتهم وسكرت الباب .. بوفارس وقف مكانه ورفع حاجب .. تم يفكر شوي .. وبعدين دخل الغرفه فتح الكبت وخذ له جلابية النوم وطلع .. راح غرفة الجسمي ونام عنده .. ام فارس عصبت على حركة بوفارس .. قام بوفارس قبل أذان الفجر وكعادته قعد كل اللي فالبيت للصلاة .. راحوا الشباب المسيد والحريم صلوا فالبيت .. رجعوا الشباب من المسيد وكملوا نومهم الا بوفارس اللي تم قاعد فالصاله ويفكر .. الساعه 5 ونص ام فارس نزلت المطبخ تجهز الريوق .. شافت بوفارس قاعد فالصاله وكان سرحان .. حست بالغيره بس صدت عنه وكملت شغلها ..
الساعه 9 ونص بوفارس متصل لبنته الغاليه فاطمه ..
فاطمه: صباح الخير بابا ..
بوفارس مبتسم: صباحج نور ياغاليه .. شحالج ؟
فاطمه: طيبه .. اخبارك انت ؟
بوفارس: طيب والحمدلله ..
فاطمه: شو سر هالاتصال الحلو من الصبح ؟
بوفارس: ههههه .. فديتج رقيقه .. تبين تقولين شتبي بس جبتيها بطريقه انثويه حلوه ..
فاطمه: لا بابا ..
بوفارس تم يضحك على بنته ويلعوزها ..
بوفارس: زين سمعي يا بنتي ..
فاطمه باهتمام: هلا بابا ..
بوفارس: يوم الاربعاء يدتج بتروح تخطب حق فارس اخوج ..
فاطمه بوناسه: والله ..
بوفارس: ان شاءالله ..
فاطمه: يستاهل فديته ..
بوفارس: ابيج تروحين معاها ..
فاطمه: ان شاءالله فديت قلبك ..
بوفارس: عفيه على بنتي والله ..
فاطمه: الساعه كم بنزورهم ؟
بوفارس: بعد المغربيات ان شاءالله ..
فاطمه: زين من بيتصل يبلغهم ان احنا بنزورهم ؟
بوفارس: والله انج سنعه يا فطيم ..
فاطمه استانست على مدح ابوها لها ..
بوفارس: يدتج بتبلغهم ..
فاطمه: خلاص يوم الاربعاء بخلي يوسف يوديني بيت يدي العصر .. بصلي المغرب عندهم وبطلع من يدتي ..
بوفارس: ترا عمج هو اللي بيوصلكم ..
فاطمه: مب فارس؟
بوفارس: فارس بيركب معاه يوصف له البيت ..
فاطمه: زين ..
بوفارس: بارك الله فيج يا فطيم .. عسى الله يوفقج وين ما تروحين .. ويرزقج الذريه الصاله قولي آمين ..
فاطمه خنقتها العبره: آمين ..
بوفارس: فديت روحج .. يلا يبه اخلج مع اشغالج وديري بالج على نفسج ..
فاطمه: ان شاءالله ..
سكرت فاطمه من ابوها وراحت الكفتريا وشافت مناف .. أشرت لها من بعيد وسلموا على بعض بحراره ..
فاطمه حضنت مناف: الحمدلله على السلامه حبيبتي ..
مناف: الله يسلمج فديتج ..
فاطمه: ليش جي ضعفانه مناف ؟
مناف تضحك: اسوي رجيم ..
فاطمه ومناف: ههههههه ..
فاطمه: تعالي نقعد نسولف .. والله لج وحشه يالدبه .. آخر مره شفتج فيها يوم عرسي ..
مناف: بس شهالحلاه .. العرس يسوي جي ..
فاطمه بخجل: هههههه .. عيونج الحلوات ..
مناف: اخبارج يا فطومه ..
فاطمه: الحمدلله ..
مناف: ها مافي شي بالطريق ..؟
فاطمه بدلع: لا تو الناس ..
مناف: عيني بعينج ..
فاطمه ضحكت: ههههه .. لا والله مافي شي ..
مناف: هههههه ..
فاطمه: مريم اختي حامل ..
مناف بوناسه: والله .. الف الف مبروك .. تستاهل والله يهون عليها .. وعقبال عروسنا ..
فاطمه: الله يبارك فيج حبيبتي .. وعقبال ما نشوفج انتي عروس يا مناف .. وان شاءالله نفرح فيج ..
مناف: الله يسلمج حبيبتي ..
فاطمه: تصدقين مناف .. عندي احساس قوي ان بنفرح فيج قريب ..
مناف تسارعت دقات قلبها " فديت قلبك يا فارس "
فاطمه: واحس قريب قريب بنفرح فيج ..
مناف بخجل: شاللي خلاج تقولين هالكلام ؟
فاطمه: مادري .. من اول ما طاحت عيني عليج اليوم وقلبي يقولي هالكلام ..
مناف: فديت قلبج يا فطومه ..
تموا يسولفون وجاتهم مريم بعد ما خلصت محاضرتها .. انضمت لهم وسلمت على مناف ومناف بارك لها بحملها
في نفس اليوم الساعه 5 فارس رايح صوب بيت مناف .. اتصل بفيصل ..


فارس: السلام عليكم ..
فيصل: عليكم السلام .. هلا فارس ..
فارس: شلونك يبه ؟
فيصل: طيب والحمدلله .. اخبارك انت يا فارس ؟
فارس: تمام .. عبود شو اخباره ؟
فيصل: طيب .. قاعد يجهز للمسابقه ..
فارس: والله ..
فيصل: اي كل يوم امي تحفظه ..
فارس: ما شاءالله عليه .. متى المسابقه ؟
فيصل: بعد 3 شهور ..
فارس: عيني عليه بارده .. الله يوفقه ان شاءالله ..
فيصل: ان شاءالله ..
فارس: بقولك امك موجوده فالبيت ؟
فيصل: اي موجوده ..
فارس: انا قربت بيتكم فديتك .. بس اذا ما عليها امر قولها ابي اكلمها عند الباب ..
فيصل: ان شاءالله ..
فارس: يلا يبه انا عند البيت ..
فيصل: زين ..
سكر فيصل وراح بلغ امه ان فارس يبي يكلمها عند الباب .. ام مناف استغربت لبست عبايتها وراحت عند الباب .. فارس اول ما شافها نزل من السياره ..
فارس: السلام عليكم يمه ..
ام مناف: عليكم السلام يبه ..
فارس: شو اخباركم ؟
ام مناف: الحمدلله طيبين .. اعلومك يالاجودي .؟
فارس مبتسم: طيب الله يسلمج .. شو اخبار بنتج؟ عساها احسن الحين ؟
ام مناف: اي الحمدلله .. الفضل لرب العالمين ثم لك يا ولد الحلال ..
فارس: ما سوينا الا الواجب ..
ام مناف: جزاك الله خير ..
فجأه عبدالله دز امه وطلع يركض صوب فارس ونط عليه وحضنه .. فارس استقبله فالاحضان وابتسامته ما فارقت شفاهه ..
فارس: هلا والله ..
عبدالله: هههااااااي .. شلونك ؟
فارس: ههههه .. طيب اخبارك انت ؟
عبدالله: طيب ..
فارس تم شايل عبدالله يوم طلع له فيصل يسلم عليه .. ام مناف كانت تشوف فارس وتتفكر في ملامحه لانه وايد يشبه ابوه .. طبعا هي عرفت من يكون ابوه .. وشافت حب فارس وعطفه على عيالها .. فارس التفت على ام ناف مبتسم ..
فارس: يمه حبيت ابلغج ان الاهل بيزورونكم يوم الاربعاء ان شاءالله ..
ام مناف حست بفرحه كبيره من سمعت كلام فارس ..
ام مناف: حياهم الله ..
فارس: الله يحيج يمه .. بس حبيت ابلغج .. والله يوفقنا ان شاءالله ..
ام مناف فهمت قصد فارس .. ابتسمت ونزلت راسها ..
ام مناف: الله يقدم اللي فيه الخير ..
استأذنت ام مناف ودخلت داخل .. فيصل كان مستانس لانه فهم كلام فارس .. عرف انهم بيتقدمون لاخته .. اما عبدالله ما يدري بالدنيا .. اما فارس تم مع فيصل و عبدالله يسولف عند الباب .. فجأه شاف مناف تمشي من بعيد .. شاف ساعته وكانت الساعه 5 ونص ..
فارس " فديتني توقيتي خطير " ..
عبدالله اول ما شاف مناف ركض صوبها وهو فرحان .. وفيصل راح وراه .. اما فارس فكان يراقب مناف بوناسه .. حضنت عبدالله وسلمت على فيصل .. قربت من صوب البيت وكانت تمشي بتوتر ناحية فارس .. مرت صوب الباب وهي منزله راسها وماسكه يد عبدالله وفيصل يمشي محاذيها وشايل كتبها ..
فارس مبتسم: السلام عليكم ..
مناف منزلها راسها وبهمس ردت: عليكم السلام ..
دخلت البيت وكانت متوتره .. ومستغربه وجود فارس عندهم من غير ما يقولها شي .. فيصل حط كتب مناف ورجع عند فارس .. تم معاه لين أذن المغرب ..
فارس: ناد اخوك خل نروح المسيد ..
فيصل: ان شاءالله ..
ركض فيصل داخل نادا على اخوه وراحوا المسيد مع فارس .. مناف تمت بحيره وتبي تعرف سر وجود فارس عندهم من غير ما يقولها .. فارس والشباب طلعوا من المسيد وسلموا على بعض .. تركهم فارس ورجع البيت .. وهو فالطريق اتصل بمناف ..
فارس: حياته ..
مناف: هلا حبيبي ..
فارس: شو اخبارج ؟
مناف: الحمدلله .. اخبارك انت ؟
فارس: طيب ..
مناف: شعندك اليوم مع الشباب ؟
فارس: ولا شي .. مار اسلم واسأل ..
مناف: تسأل عن ايش ..
فارس: ههههه .. ابيه شفيج متوتره ؟
مناف بدلع: مو متوتره .. بس غريبه جيتك من غير ما تقولي ..
فارس: انا آسف يا اميرة الاميرات .. نسيت اقولج ..
مناف بدلع: عاااد قولي ..
فارس: فديت قلبها دلوعتي .. تغديتي ؟
مناف: لا للحين ..
فارس: شو تنتظرين يعني ؟
مناف: الحين الغدا مو موضوعنا .. قولي شعندك جاينا اليوم ؟
فارس يستعبط عليها: جاي ابكي على الاطلال ..
مناف: فااااارس ..
فارس: خلاص باموت من هالدلع .. صدقيني برجع بيتكم وباخطفج من اهلج ..
مناف سكتت .. كانت منحرجه من كلام فارس ..
فارس: ههههه .. بسألج حبيبتي ..
مناف: قول فديتك ..
فارس: امج ما قالت لج شي ؟
مناف باستغراب: شي !!
فارس: اي ..
مناف: لا ما قالت لي شي ..
فارس: زين تغديتي حياتي ؟
مناف: لا للحين ..
فارس: زين حبيبة قلبه قومي تغدي وكلميني بعدين ..
مناف بعفويه: فارس حيرتني ..
فارس: يا ناس هالبنت اموت فيها .. وبصراخ .. اموووووت فيها والله ..
مناف: يا مينون ..
فارس: جننتيني انتي .. زين ليش حيرتج حبيبي ؟
مناف: اول شي ما قلت لي ليش جاي ؟ و بعدين تقولي امج ما قالت لج شي وتغير الموضوع .. فارس ليش تسوي جي عاد ..
فارس: هههههه .. حبيبة قلبه انتي .. وباستعباط .. لي كبرتي بتعرفين ..
مناف بدلع: ماحبك ..
فارس: لا لا .. كل شي ولا زعللج انتي ..
مناف: خلاص بسكر ..
فارس مبتسم: حياتي ما تسكرين وانتي زعلانه ..
مناف: الا زعلانه منك وماحبك ..
فارس: لا باموت جي .. ترا بدش فالطوفه ..
مناف: لا فديتك كل شي ولا تضر نفسك ..
فارس بوناسه: عمري انتي والله ..
مناف عضت شفتها: فديتك ..
فارس: حياته .. روحي تغدي وارتاحي شوي وبعدين كلميني ..
مناف: ان شاءالله ..
فارس يلعوزها: واذا امج قالت لج شي .. قولي لي ..
مناف: عااااد ..
فارس: هههههه ..
تم يضحك معاها ويلعوزها .. سكر منها وراح المكتب عند خالد .. دخل عليه وهو مبتسم ..
خالد: يه شو هالنور ..
فارس: النور بوجهك يا بوليد ..
خالد وهو يسلم على فارس: شحالك ولد عمي ؟
فارس: الحمدلله ..
قعدوا مواجهين بعض وتموا يسولفون ..
خالد: اخبار النفسيه ؟
فارس: والله هذا احنا ..
خالد: بسيطه ان شاءالله ..
فارس: ربك بيعين ..
خالد: ان شاءالله ..
فارس: ليش للحين ما رحت البيت ؟
خالد: صليت لمغرب وجيت المكتب ..
فارس: يعطيك العافيه ..
خالد مبتسم: صج انت جارنا ..
فارس: هههههه .. اي نعم
خالد: من متى يالشيطان ؟
فارس: ههههه .. من زمان ..
خالد: بس خوش اثاث والله ..
فارس: بركات اخوك ..
خالد: سلامي عليه بونايف ..
فارس: ما قصر والله .. قام فارس من مكانه .. يلا عيل استأذن الحين .. بروح اكمل شغلي عشان اقفل على كل شي قبل نهاية الاسبوع ..
خالد: اعطيك شوي تكمل لي ..
فارس مبتسم: عيوني لك يالشريك ..
خالد: ما تقصر ولد عمي ..
طلع فارس من مكتب خالد وراح مكتبه يخلص شغله وشغل خالد .. كان يشتغل بنشاط وحيويه ..
في بيت مناف .. مناف كانت تتغدى وامها قاعده معاها .. عبدالله وفيصل كانوا يلعبون كوره فالحوش ..
ام مناف: مناف ..
مناف وهي تبلع لقمتها: هلا يمه ..
ام مناف: في ناس جاين يزورونا يوم الاربعاء ..
مناف رفعت راسها: ها .. من هذول ؟
ام مناف خذت نفس: اهل فارس ..
مناف بلعت ريقها بصعوبه و صار ويها احمر .. نفضت يدها فالسفره وبعدتها عنها ..
ام مناف: كملي غداج يمه ..
مناف: لا بس شبعت .. الحمدلله ..
ام مناف: كدرج الموضوع ؟
مناف: لا يمه .. بس ..
قاطعتها امها: لي متى بتمين جي يمه .. ابغي اشوفج عروس .. ابغي افرح فيج .. ابغي اشوف عيالج يلعبون حولي
مناف باحراج: يمه مو هاي قصدي .. بس وترني الموضوع .. وخصوصا ان فارس دوم يروح ويجي علينا .. ما فكرت في يوم انه بيتقدم لي او حتى يطالعني ..
ام مناف بحزن: فاهمه عليج فديتج .. انا الغلطانه ..
مناف بخوف: ليش يمه ؟
ام مناف: تذكرين يوم قلت لج لا تفكرين انه بياخذج .. كنت غلطانه وادري جرحتج ..
مناف صاحت: لا يمه ما جرحتيني .. انتي وعيتيني ..
ام مناف: يا بنتي انتي استخيري .. والله يقدم اللي فيه الخير ..
مناف: ان شاءالله ..
مناف باست امها .. راحت تغسل يدها ودخلت غرفتها .. شافت النلفون وقرت مسج من فارس .. وكان المسج كالتالي ..
(( عرفتي الموضوع حياتي ؟ ابي اعرف ردة فعلج ))
مناف قرت المسج وضحكت .. ردت عليه بمسج ..
(( عرفت الموضوع .. ومن الخرعه ما كملت غداي ))
فارس قرى المسج وضحك .. رد عليها بمسج ..
(( فديت قلبج انتي .. اول ما املج عليج كل يوم بخليج تطبخين لي غداي ))
مناف قرت المسج وماتت من الضحك .. ردت عليه بمسج ..
(( عيوني لك .. انت تآمر أمر حبيبي ))
فارس قرى المسج وطار من الفرحه .. اتصل بمناف وماردت عليه .. طرشت له مسج ..
(( ابيه استحي ارد عليك ))
فارس قرى المسج " فديت اللي تستحي والله اموت فيها " .. رد عليها بمسج ..
(( انا بانتظر اتصالج زين يا قلبه ))
مناف قرت المسج وحست بالراحه .. قررت انها تتصل له بعد ما يخف توترها .. فارس ومناف فرحتهم ما تنوصف اخيرا بيجتمعون مع بعض بالحلال .. فارس كمل شغله بالمكتب .. اما مناف انسدحت على السرير وغمضت عيونها وهي مبتسمه .. كانت تفكر في مستقبلها مع فارس ..
مرت الايام بالنسبه لفارس مثل العقود .. كان ينتظر يوم الاربعاء .. اما مناف فمرت الايام بالنسبه لها مثل البرق .. كانت متوتره من لقائها بأهل فارس من بعد اللي صار ..



اليوم الاربعاء .. الساعه 12 الظهر بتوقيت ( نهاية حبك إعدامي ) .. فاطمه فالجامعه مع مناف ولطيفه ..
فاطمه بوناسه: اليوم عندي موعد مهم ..
لطيفه: شو هالموعد ؟
فاطمه: هممممم .. سر ماقول لاحد ..
مناف: زين عاد لمحي لنا ؟؟
فاطمه: بعد سر ..
لطيفه: زين انا ومناف بعد عندنا موعد اليوم .. صح مناف ..
غمزت لطيفه لمناف ..
مناف: اي صح عندنا موعد مهم وايد ..
لطيفه: حتى اهم من موعدج ..
فاطمه بدلع: اخاف عندكم موعد مهم بس ..
الكل: ههههههه ..
لطيفه: لا صج فطوم شو هالموعد ؟
فاطمه: يوم الاحد بقولكم عنه ..
مناف: شمعنى يوم الاحد ؟
فاطمه: لان يوم الاحد بتعرفون ..
لطيفه: عليج حركات يا فطوم ..
الكل: هههههه ..
لطيفه: مناف شو فيج ؟
مناف: انا ؟
لطيفه: اي .. منخطف لونج ..
فاطمه: باين عليج التوتر ..
لطيفه: امورج تمام فالبيت ؟
مناف مبتسمه: مافيني شي الحمدلله ..
رن جوال فاطمه ويوسف كان متصل لها .. كان ينتظرها عند الباب ..
فاطمه: هلا ..
يوسف: حبيبتي انا عند الباب ..
فاطمه: الحين نازله ..
يوسف: انتظرج حياتي ..
فاطمه: ان شاءالله ..
فاطمه سكرت وقامت من مكانها ..
لطيفه: بتروحين ؟
فاطمه: اي يوسف عند الباب .. تآمروني على شي بنات ؟
لطيفه: لا تسلمين حبيبتي ..
مناف مبتسمه: تسلمين حبيبتي ..
فاطمه لبست عبايتها وسلمت على البنات .. تموا مناف ولطيفه يسولفون انضمت لهم مريم ..
مريم: السلام عليكم يا بنات ..
مناف ولطيفه: عليكم السلام ..
مريم: شلونكم ؟
مناف: الحمدلله .. اخبارج انتي ؟
مريم: تمام ..
لطيفه: شلونج مع الحمل ؟
مريم: والله لايعه جبدي .. اف كله ارجع ..
لطيفه: هههههه .. بعدج ما شفتي شي ..
مريم: ابيه بعد في اكثر من جي .. يا ويلي ..
مناف كانت حاطه يدها تحت خدها وتسمع الكلام بذهول .. التفتت عليها لطيفه ..
لطيفه: الدور جايج يا عروسه ..
مناف: ابيه سوالفكم تخوف ..
مريم: هههههه ..
لطيفه: سهالات .. كل هالامور بتنسينها في لمح البصر ..
مناف بخوف: والله !
مريم ولطيفه شافوا نظرة البرائه فعيون مناف ..
لطيفه: ايه عليج يا مناف .. تجنين والله ..
مناف ابتسمت بخجل: فديت قلبج ..
مريم: الساعه كم محاضرتج مناف ؟
مناف طالعة ساعتها: الساعه 2 ونص ..
مريم: آخر محاضره اليوم ؟
مناف: اي ..
لطيفه: انا باقي لي محاضرتين ..
مناف: الله يعينج .. متى آخر محاضره ؟
لطيفه الساعه 4 تبدى وتخلص 5 وربع ..
مريم ومناف: الله يعينج ..
لطيفه: معليه باستحمل .. الكورس الجاي باعتذر ..
مناف: ليش ؟
لطيفه: ما تشوفين بطني ..
مناف ومريم: هههههه ..
مناف: والله ناسيه ..
لطيفه: حليلج يا منوفه .. ان شاءالله نشوفج جايه وبطنج جدامج ..
مريم مبتسمه: ان شاءالله ..
لطيفه: لو عندي اخو زوجتج اياه ..
مناف انحرجت ونزلت راسها " غير فارس ما راح ارضى اتزوج " ..
طالعت ساعتها ولمت كتبها وقامت ..
مناف: يلا بنات انا بروح محاضرتي ..
لطيفه مبتسمه: الله وياج ..
مريم: موفقه حبيبتي ..
راحت مناف المحاضره وهي متوتره .. دخلت المحاضره وشافت الدكتور حامد قاعد بروحه فالقاعه .. مناف من الاحراج والتوتر اللي حست فيهم من كلام لطيفه استأذنت منهم .. فكان دخولها لقاعة المحاضره قبل الوقت بوايد .. كانت الساعه 2 وربع والمحاضره 2 ونص ..
مريم ولطيفه ضحكوا على خجل مناف ..
مريم: لطوف احرجتي البنت ..
لطيفه: هههههه .. والله هالبنت تجنن .. بس والله لو عندي اخو كانت خطبتها له ..
مريم: حليلها والله .. تستاهل هالبنت ..
لطيفه: زين ماشاءالله اخوانج ولا واحد فيهم عرس .. شوفيها حق فارس المزيون ولا عزوز اخوج المقلوع توأم فطيم ..
مريم: بصراحه يا لطيفه .. انا وفطيم فكرنا في مناف ..
لطيفه عقدت حواجبها: شلون ؟
مريم: فكرنا نخطبها لفارس اخوي ..
لطيفه: والله .. زين شو قال اخوج المزيون ؟
مريم: يتحجج انه ما يفكر فالعرس .. وكل ما كلمناه بالموضوع يتهرب ..
لطيفه: زين يمكن ما يبي يتزوج الحين .. بس بطب واقفه اللي بتاخذ اخوج المزيون ..
مريم: هههههه .. عليج سوالف يا لطوف ..
لطيفه: صج اخوج غرشوب .. بس عشان اكون حقانيه اكثر ..
مريم حطت يدها تحت خدها: اي ..
لطيفه: ريلج اللي ما عليه زود عن اخوج المزيون ..
مريم: بس هاي اللي كنت ابي اوصل له ..
مريم ولطيفه: هههههه ..
لطيفه: اخوج اللي ميزه حيويته وخفة دمه .. اما خالد ريلج ثقيل ..
مريم: احم احم .. لازم حبيبتي ..
لطيفه: خفي علينا انتي والغرشوب ريلج ..
مريم: هههههه ..
تموا البنات يسولفون وبعدين لطيفه اتجهت لقاعة المحاضره ومريم راحت البيت .. نرجع لمناف اللي دخلت القاعه والدكتور حامد قاعد ويقرى كتاب .. كانوا في تقربا 4 بنات متوزعات فالقاعه .. دخلت بهدوء بس الدكتور حامد رفع راسه وطالعها .. مناف توترت ونزلت راسها .. قعدت على الطاوله وطلعت كتابها وتمت شاغلها نفسها بالكتاب الدكتور كان يطالعها بشوق .. بعد مرور 20 دقيقه القاعه امتلت بالطالبات .. مناف حست بالراحه لما امتلت القاعه وقف الدكتور وقام ينادي البنات وياخذ الحضور والغياب .. لما وصل عند اسم مناف رفع راسها وناداها .. مناف انحرجت وردت بصوت واطي .. تم يطالعها وبعدل كمل باقي الاسماء وبدى المحاضره .. وطول الوقت وهو عينه على مناف اللي كانت شوي وتصرخ من حركات الدكتور .. انتهى وقت المحاضره الطالبات ومن ضمنهم مناف شلوا كتبهم واتجهوا طالعين من المحاضره .. الدكتور نادا على مناف من بينهم ..
الدكتور حامد: لو سمحتي مناف ..
مناف بتوتر: نعم دكتور ..
الدكتور حامد مبتسم: الله يوفقج في حياتج يا مناف ..
مناف طالعته باستغراب وماعرفت بشو ترد عليه ..
الدكتور حامد مبتسم: شدي حيلج هالكورس ..
مناف ويها صار احمر: ان شاءالله دكتور ..
مشت من جدامه بسرعه وطلعت من القاعه وهي مستغربه من كلام الدكتور ..
مناف " شيقصد بكلامه؟ " ..
راحت الكفتريا وتمت تفكر في كلام الدكتور حامد .. تمت فالكفتريا بروحها لين الساعه 4 الا ربع .. شلت اغراضها وراحت صوب مواقف الباصات .. ركبت الباص وكل تفكيرها باللي بيصير اليوم .. بدى العد التنازلي لمناف وفارس طبعا ام فارس والباقي مايدرون عن فاطمه والجده .. فاطمه تغدت مع يوسف فالبيت وريحت شوي .. و على الساعه 4 طلعت رايحه بيت يدها .. نزلها يوسف وراح بيت بوفارس حق عبدالعزيز .. دخلت فاطمه وسلمت على يدها ويدتها وعمها بومحمد اللي كان موجود ..
فاطمه: شلونك عمي ؟
بومحمد مبتسم: الحمدلله طيب .. اخبارج يا عروستنا ..
فاطمه بخجل: الحمدلله ..
الجد: شو اخباره ريلج المزيون ؟
فاطمه: طيب والحمدلله ..
الجد: ليش مانزل ..؟
فاطمه: عنده شغل مع عزيز اخوي ..
الجد عقد حواجبه: اي شغل ؟؟
فاطمه: هههههه .. مادري ..
الجد: من وراي يا عزوز ..
الجده: خلك عنك عزوز ..
الجد "حشى تسمع كل شي هاذي ": ان شاءالله ..
بومحمد: امي من تسمع طاري عزيز وابوي تجيها اعصاب ..
الجده: ليش هم مقصرين ..
الجد: في شو مقصرين ؟
الجده: انا بروح اجيب القهوه ابرك لي من سوالفك ..
الجد: والله حاله .. تقط كلامها وتشرد ..
فاطمه وبومحمد طالعوا بعض وتموا يضحكون .. تموا قاعدين يسولفون وتقهووا لين وصل فارس على الساعه 5 دخل عليهم وهو مبتسم وابوه وراه ..



فارس وبوفارس: السلام عليكم ..
الكل: عليكم السلام ..
سلموا على بعض وقعدوا .. فاطمه قربت من ابوها ..
فاطمه بهمس: بابا ..
بوفارس مبتسم: عيونه انتي ..
فاطمه: هممممم .. ما تحس ان احنا مسوين هاي بالخش .. محد يدري ..
بوفارس مبتسم: يا بنتي انا ما يهمني من يدري .. واعتقد انا قلت ذاك اليوم ان فارس بياخذ اللي يبيها ..
فاطمه: بس انا حاسه بالذنب .. يعني نسوي هالشي من ورا امي ..
بوفارس: اتصلي لها الحين وقولي لها رايحين نخطب حق فارس ..
فاطمه بخوف: لا بابا مو هاي قصدي .. بس احس مو حلوه في حقها نسوي هالشي كأن ماما مالها حشيمه ..
بوفارس: الا امج لها حشيمه وعلى راسي بعد .. بس هي رافضه شي وانا موافق عليه .. انا اقدر اكبر الموضوع واخلي الكل يدري واعاند .. بس مابي احط امج بموقف مب حلو ..
فاطمه: بس بابا اللي نسويه الحين بيحط ماما في موقف مب حلو .. بتتفاجأ اني رايحه مع يدتي نخطب حق فارس وبعدين الكل يدري بالموضوع .. الكل يعرف ان ماما مب راضيه على زواج فارس من البنت اللي يكلمها ..
بوفارس: شوفي سواء اخوج يكلمها او لأ .. دام هو اختارها هو يتحمل نتيجة اختياره .. وهالكلام انا قايله لامج ..
فاطمه: اللي تشوفه بابا ..
بوفارس حضن فاطمه وباسها على راسها .. أذن المغرب والشباب راحوا المسيد يصلون .. اما فاطمه ويدتها صلوا فالبيت .. بعد الصلاه فارس وبومحمد كل منهم ركب سياره .. اليده وفاطمه ركبوا مع بومحمد .. ولحقوا فارس اللي طلع قبلهم عشان يدليهم البيت ..
الجده: توكلنا على الله .. شوي شوي يا حمد ..
بومحمد: ان شاءالله يمه ..
الجده: اتصل حق هالمطيور فروس قوله يخف ..
بومحمد مبتسم: ان شاءالله ..
اتصل بومحمد لفارس وطلب منه يخفف شوي .. فارس ضحك على يدته .. خفف وتم يمشي على راحته .. دخلوا منطقة بيت مناف المقطوعه .. كانت الجده مستغربه من المكان ..
الجده: ويه وين بيتهم ؟
بومحمد: الظاهر البيوت اللي هناك ..
الجده: حشى هالبيوت مافيها حياة .. خرابه
فاطمه تذكرت هالمكان .. تذكرت لما فارس جابها من سنه تقريبا على هالمنطقه المقطوعه ..
بومحمد: الظاهر بيتها واحد منهالبيوت ..
الجده: الحمدلله على كل حال ..
بومحمد: الله المستعان ..
في بيت مناف .. ام مناف جهزت الشاي والقهوه .. وفاله على قدهم .. لبست وتجهزت عشان تستقبل ضيوفها .. اما مناف فكانت في حاله لا تحسد عليها .. كانت منسدحه على السرير وتنتفض من الخوف والتوتر .. كل شوي رفت يدها وتشوف النفضه اللي فيها .. كانت ميته من الخوف والمواجهه ..
فارس وبومحمد دخلوا بين البيوت وسط الظلمه .. فيصل وعبدالله كانوا لابسين ثياب وكاشخين بالغتر .. كانوا فالصاله مع امهم ينتظرون الضيوف .. وصل فارس عند بيت مناف واتصل بفيصل .. عبدالله سبق فيصل .. لانه اول ما سمع تلفون فيصل يرن عرف ان فارس عند الباب .. طلع وركض صوب فارس وهو ماسك غترته فارس اول ما شاف عبدالله نزل من السياره وحضنه .. بومحمد و فاطمه استغربوا من فارس .. الجده طبعا ما تشوف عدل فالليل فما كانت منتبه لفارس ولا عبدالله .. طلع فيصل وسلم على فارس .. بومحمد وقف السياره جنب رنج فارس الاسود فاطمه فتحت الباب ونزلت .. وراحت صوب يدتها وساعدتها تنزل .. مشوا ثنتينهم صوب البيت .. الجده شافت اخوان مناف وسلمت عليهم ..
الجده: شسمك ابوي ؟
فيصل: فيصل ..
الجده: بارك الله فيك .. التفت على عبدالله وباسته على خده .. وانت شو اسمك ؟
عبدالله مبتسم: عبدالله ..
الجده: والنعم .. فديت خشمك انته .. " شكله مب غريب علي " ..
طبعا فاطمه عرفت عبدالله وفيصل تذكرت انهم اللي جابهم فارس العزبه .. سلماو عليها وكانت مبسوطه من ذرابتهم .. وسلموا على بومحمد اللي بعد عرفهم وكان مبسوط عليهم ..
فيصل: تفضلوا ..
الجده: بارك الله فيك ..

دخلت الجده وفاطمه وراها .. كانت تشوف البيت وقلبها معورها على اهله .. ام مناف طلعت من الصاله واستقبلتهم
ام مناف: يا هلا ومسهلا .. حيالله من جانا ..
الجده: هلا ومرحبا .. فجأه الجده سكتت .. فاطمه ..
ام مناف: ام محمد ..
فاطمه " ام مناف!!! " ..
الحريم الثلاثه وقفوا مكانهم وكلن في باله ملاين الاسأله .. ام مناف شافت فاطمه واستغربت ..
ام مناف: فاطمه .. هلا يمه ..
فاطمه: هلا خالتي .. شلونج ؟
ام مناف: الحمدلله طيبين .. تفضلوا ..
الجده: دام فضلج يافطيم .. طول عمرج تعرفين السنع .. بنت ناس ..
ام مناف: ما عليج زود يا ام محمد ..
فاطمه " يدتي وام مناف شعرفهم ببعض ؟ وليش احنا في بيت مناف ؟ ليكون مناف اللي يحبها فارس .. ليكون هي المسكينه اللي ردت عليها امي ذاك اليوم .. لالالا .. شو قاعد يصير حولي "
الجده: والله دنيا فرقتنا وجمعتنا ..
ام مناف: الحمدلله على كل حال ..
الجده: اي والله الحمدلله على كل حال ..
ام مناف: محمد شخباره ؟
الجده: طيب والحمدلله .. هاذي فطيم بنته ..
ام مناف: ماشاءالله ..
قامت ام مناف تفاول الحريم ..
الجده: ماشاءالله على عيالج .. ريايل الله يحفظهم ..
ام مناف: الله يسلمج ..
الجده: الصغير شو اسمه ..
ام مناف: عبدالله ..
الجده: اي عبدالله ماشاءالله وايد يشبهج ..
ام مناف: فديته عبود .. هيا شخبارها ؟
الجده: طيبه الحمدلله ..
ام مناف: حمد و مرته ؟
الجده: والله حمد ماشاءالله ولده الكبير محمد الحين عنده ولدين ..
ام مناف: ماشاءالله ..
الجده: خواتج شو اخبارهم ؟
ام مناف: الحمدلله ..
الجده: كم عندج ؟
ام مناف: عندي بنت .. و ولدين .. و واحد مات العام ..
الجده بحزن: ليكون اللي عمره 4 سنين ؟
ام مناف خنقتها العبره: اي ..
فاطمه " مساكين " ..
الجده حبت تغير الموضوع لانها شافت الحزن بعيون ام مناف ..
الجده: يا فطيم تعرفين احنا ليش جاين .. نبغي بنتج حق ولدنا .. و بصراحه نبي نشوف البنت وناخذ رايها ..
ام مناف: ان شاءالله .. والله يكتب اللي فيه الخير ..
الجده: ان شاءالله ..
ام مناف: بروح اناديها ..
الجده: خذي راحتج ..
طلعت ام مناف وراحت صوب غرفة بنتها .. فاطمه على طول طلت في ويه يدتها ..
فاطمه: يدتي من هاذي ؟ شلون تعرفينها ؟
الجده: صبري علي يا بنت .. هاذي ابوج كان مالج عليها قبل امج ..
فاطمه بطلت عليونها: ها .. بس انا اعرفها واعرف بنتها .. هذول حضروا عرسي .. ما شفتيهم ؟
الجده: لا والله ما شفتهم .. تعرفيني ماشوف عدل انا .. بس شلون تعرفين بنتها ؟
فاطمه: معاي فالجامعه ..
الجده: الدنيا تجمع وتفرق ..
دخلت ام مناف وهي مبتسمه .. الجده وفاططمه ابتسموا لها وكانوا ينتظرون دخول مناف وراها .. بس مناف تاخرت شوي بالغرفه ..
ام مناف: الحين جايه البنت ..
تموا شوي ودخلت عليهم مناف .. فاطمه اول ما شافتها على طول حضنتها ..
فاطمه: مناف ..
مناف رفعت راسها وشافت فاطمه .. حست بالاحراج ..
مناف " فارس اخو فاطمه؟ " مناف تلخبطت الامور عليها .. سلمت على فاطمه ويدتها .. قعدت جنب امها وبعدين طلعت عنهم ..
الجده: تبارك الرحمن يا فاطمه .. بنتج مب احلى منج .. عيني عليها بارده ..
ام مناف: حلاة دنياج ..
الجده: زين احنا نترخص الحين .. و خلي البنت تفكر وتاخذ راحتها .. وردي علي انا .. هذا رقمي فالورقه وانا انتظر اتصالج يبه .. ولاتجبرينها يا فطيم .. لو ما بغت لا تستحين تتصلين ..
ام مناف: ان شاءالله يا ام محمد ..
الجده وفاطمه قاموا وسلموا على ام مناف .. استأذنوا و وصلتهم ام مناف لين باب الحوش ورجعت داخل .. فيصل وعبدالله اللي كانوا ماخذين راحتهم مع بومحمد وفارس اول ما شافوا الحريم سكتوا ..
فارس طالعهم مبتسم: يلا مشينا ؟
فاطمه اطالع اخوها: اي مشينا ..
فارس حس ان ورا كلامها سالفه طويله .. التفت على عمه ..
فارس: عمي ..
بومحمد: هلا يبه ..
فارس: انت توكل مع يدتي .. انا بوصل فطيم ..
بومحمد: اللي تشوفه ..
فاطمه بهمس: شيطان .. تقرى افكاري ..
الجده: فطيم مب جايه ؟
فاطمه: برجع مع فارس اخوي ..
الجده: زين يمه .. تحمل على اختك يالمينون ..
عبدالله: هههاااااي ..
الكل التفت على عبدالله .. كلهم ضحكوا عليه ..
بومحمد: حليله هالصغير .. ونيس الله يحفظه ..
الجده و ولدها ركبوا مع بعض وراحوا البيت .. فارس ودع عبدالله وفيصل وراح مع فاطمه اخته .. ركبوا الرنج الاسود وطلعوا من صوب بيت مناف متجهين للشارع الرئيسي ..
فارس: يلا اختي هاتي ما عندج ..
فاطمه: اول قولي تعرف البنت ؟
فارس ضحك: هههههه .. لا ماعرفها ..
فاطمه: فارس فديتك انا من زمان شاكه فيك ..
فارس: ولين ..
فاطمه وفارس: ههههههه
فاطمه: بقولك شي زين ..
فارس: قولي اختي ..
فاطمه: تذكر لما فاتحناك بموضوع الزواج انا مرايم .؟
فارس عقد حواجيه: اي اتذكر ..
فاطمه بدلع: عاد انت كنت تتهرب ولا عطتنا فرصه حتى ..
فارس: ههههه .. زين ..
فاطمه: تدري اني انا ومريم كنا نبي نخطب لك هالبنت ..
فارس بطل عيونه والتفت على فاطمه: احلفي ..
فاطمه: والله ..
فارس بذهول: انتوا شو عرفكم فيها ؟
فاطمه: معانا فالجامعه .. واصلا من اولم اتعرفنا عليها حبيناها وايد .. وقررنا نخطبها لك .. بس انت الله يهديك ما عطتنا فرصه ..
فارس: اكيد انتوا مغلطين .. شو اسمها البنت ؟
فاطمه: لا مو مغلطين .. اسمها مناف .. اسمها وايد مميز ..
فارس: اي والله .. فديتها
فاطمه مبتسمه: ها .. الا فديتها ..
فارس وفاطمه: هههههه
فاطمه: حتى انا استغربت انك ما قلت اسها يوم كلمت امي عنها اول مره .. قلت لها بنت فلان الفلاني بس ..
فارس: خبرج مابي ابين حق الوالده اني اعرفها ..
فاطمه: هههههه .. حركات اخوي ..
فارس: لازم تمويه شوي ..
فاطمه: شيطان اخوي عليك حركات ..
فارس مشتط: زين شو رايج فيها ؟
فاطمه: هالملاك ما تنعاف .. وانااقولك تمسك فيها تراها تستاهل كل اللي تسويه عشانها ..
فارس حط يده على قلبه: آيه عليها ..
فاطمه طالعة اخوها وكانت فرحانه له وايد ..
فاطمه: الله ينولك اللي في بالك ياخوي ..
فارس: ان شاءالله ..
فاطمه: زين ممكن سؤال فارس ؟
فارس "اعرف السؤال .. شلون تعرفت عليها؟ "
فارس: سألي ..
فاطمه: شلون تعرفت عليها ؟
فارس: تعرفت عليها ..
فاطمه: اهااا .. يعني يا فاطمه مابي اقولج ..
فارس: ههههه .. ماشاءالله عليج اختي .. تفهمينها وهي طايره ..
رن جوال فارس وكان محمد المتصل ..
فارس: عيوني وقلبي وحياتي وروحي انته ..
فاطمه طالعت اخوها وهي ميته من الضحك .. عرفت ان محمد المتصل ..
محمد: فديت روحك يا روحي وحياتي وكلي انته ..
فارس: شلونك حمودي ..
محمد: طيب .. اخبارك فروسي ؟
فارس: نشكر الله ..
محمد: ها شلون النفسيه .؟
فارس: عال العال ..
محمد: ان شاءالله دوم .. انت وين طال عمرك ؟
فارس: انا مع الاهل ..
محمد: حدد اي اهل فيهم ؟ زوجتك ولا امك ولا اختك ولا من ؟
فارس: الله يسمع منك ان شاءالله ؟
محمد: هههههه .. ان شاءالله ..
فارس: بوصل فطيم بيت ريلها وبمرك ..
محمد: لا تتأخر يا قلبي .. ترا بديت اشتاق لك ..
فارس: انا من الحين ذبحني الشوق ..
محمد: يا قلبي عليك ..
فارس: جايك طيران .. يلا سلام ..
محمد: الله وياك ..
سكر محمد وكان مستانس لفرحة فارس .. فارس التفت على فاطمه مبتسم ..
فارس: الحين يوم عرفتي ان مناف كلمتني .. شو رايج فيها ؟ طاحت من عينج ؟
فاطمه: شوف يا فارس .. اناماقول انها طاحت من عيني .. بس انصدمت وفي نفس الوقت فرحت .. لاني تمنيتها لك من اول ما شفتها .. بس الله يعينا على امي .. ومناف تكسر الخاطر وايد طيبه .. وكفايه اللي مرت فيه ..
فارس عقد حواجيه: شو قصدج ؟
فاطمه: يعني وضعهم .. و موت اخوها الصغير من سنه تقريبا ..
فارس: اقولج شي فطيم بس يتم بيني وبينج ..
فاطمه باهتمام: قول فديتك ..
فارس وقف السياره على طرف الطريق .. التفت على فاطمه والحزن بعيونه .. فاطمه طالعت اخوها وخافت عليه ..
فاطمه: شو فيك فارس ؟
فارس: اخو مناف مات بين ايديني ..
فاطمه شهقت بخوف وحطت يدها على حلجها من الصدمه ..
فاطمه:ابيه شلون ؟
فارس غطى ويهه بيدينه وتكلم بحزن ..
فارس: طرت فيه على الطواري نص الليل .. واول ما وصلت المستشفى شقه وطلعت روحه قبل ما اعطيه الممرضه .. تخيلي انه كان يعاني من جفاف من سوء التغذيه .. تدرين انهم كانوا عايشين على الماي .. يسدون جوعهم بالماي .. آآآآه ..
فاطمه كانت تحاول تحبس دموعها بس ماقدرت .. وايد تأثرت بكلام اخوها ..
فارس: هم كانوا عايشين على قدهم قبل ما يتوفى ابوهم .. بس من 4 سنين تقريبا تغير الحال .. تخيلي انها كانت تاكل نص الكرواسون والباقي تجيبه لاخوانها ..
فاطمه وسط دموعها: يالله .. مساكين ..
فارس: انا كنت افكر انها تبالغ .. بس يوم شفت بيتهم والوضع اللي هم فيه انصدمت .. لو تشوفين الفرحه بعيون اخوانها لما وديتهم المجمع اخذ لهم ملابس .. يالله يا فطيم .. كنت شوي واصيح على حالهم .. تخيلي موديهم المجمع وكانوا لابسين ثياب قصيره .. ونعلهم صغرت عليهم ..
فاطمه تترجى اخوها: الله يخليك خلاص يا فارس ..
فارس مسك يد فاطمه: فديت قلبج اسمحي لي كدرتج .. انا آسف ..
فاطمه: فديت قلبك يا فارس .. الله يجزيك خير على اللي تسويه لهم ..
فارس: مسحي دموعج يالغاليه ..
فاطمه وهي تمسح دموعها: تدري يا فارس .. مناف فالجامعه مبين عليها البساطه .. تعرف شلون تعرفت عليها ؟
فارس: شلون ؟
فاطمه: كنت دوم اشوفها تقعد بروحها واتفكر فيها .. دوم تقعد فالحديقه تحت الشجره .. وصرت احاول اني اتصل بعيونها لين مره انتبهت لي .. تمينا نشوف بعض ونبتسم لبعض .. وبعدين تجرأت ورحت قعدت معاها .. تعرفت عليها وحبيتها من اول مره قعدت فيها معاها .. ارتحت لها وايد .. حتى عرفتها على مريم اختي ومريم كان احساسها ناحية مناف نفس احساسي .. حبيناها وايد وقررنا نخطبها لك .. بس انت راسك يابس وعنيد ..
فارس وفاطمه: ههههه ..
فاطمه: زين ممكن تحرك طال عمرك ..
فارس مبتسم: عيوني لج يا ام خليفه ..
فاطمه ابتسمت بخجل ..
فارس: بس راكب عليج ..
فاطمه: بس انا قايله بسمي ولدي فارس ..
فارس التفت عليها مبتسهم وهو طالع على الشارع العام ..
فارس: فديت قلبج انتي .. وريلج ماعترض ؟
فاطمه: ماعنده مشكله ..
فارس: زوجتج خوش ريال .. كفايه بيسمي بكره علي ..
فاطمه: لو سمحت ريلي انسان متفهم ..
فارس: فديت المتفهم والله ..
فاطمه وفارس: هههههه
كملوا دربهم لبيت يوسف .. وصلوا ودخلوا الحوش ..
فارس: ريلج وينه ؟
فاطمه: قالي بيطلع مع عزيز اخوي ..
فارس: اها .. زين الغاليه تآمريني على شي ؟
فاطمه: الله وياك فديتك ..
فارس: سلام الغاليه ..
فاطمه مبتسمه: عليكم السلام ..
طلع فارس من بيت يوسف وراح حق محمد .. فاطمه دخلت البيت .. راحت الصاله اللي تحت وما نتبهت لوجود سلمان اللي كان متمدد على الكرسي ويتابع المباره كان ليت الصاله مبند والتلفزيون بس شغال .. وفاطمه افتكرت ان محد موجود .. اول ما سجلوا هدف سلمان صرخ مستانس على الهدف ..




سلمان: يا سلاااااااام ..
فاطمه صرخت من الخوف: آآه ..
سلمان قام من مكانه وخاف عليها ..
سلمان باحراج: السموحه ..
فاطمه كانت منحرجه .. طلعت من الصاله وراحت غرفتها بسرعه .. سلمان وقف مكانه وكان منحرج من الموقف اللي صار .. تضايق وطلع من البيت بسرعه .. فاطمه دخلت الغرفه وكانت مستحيه من اللي صار ..
فاطمه " مسكين انحرج " ..
تمت تفكر فيه وهي حاسه بالذنب .. خذت لها شور وبعدين استلقت على الكرسي وخذت التلفون واتصلت بهنادي ..
فاطمه: السلام عليكم ..
هنادي مبتسمه: هلا وغلا .. عليكم السلام ..
فاطمه: شحالج هنوده ؟
هنادي: تمام مرت اخوي .. اعلومج انتي ؟
فاطمه: هههههه .. طيبه الحمدلله .. انتي طالعه ؟
هنادي: لا فالبيت ..
فاطمه: شورايج تمريني ..
هنادي: همممم ..
فاطمه: مرتبطه بتروحين مكان ؟
هنادي: لا والله .. خلاص بكلم ريلي اول وبرجع أأكد لج ..
فاطمه: زين حبيبتي ..
سكرت من هنادي واتصلت بمريم اختها تبشرها بالخبر الحلو ..
مريم: هلا اختي ..
فاطمه باندفاع: مريوم لا يفوتج ..
مريم: شو ؟؟
فاطمه: خطبنا حق فارس ..
مريم: ها ؟؟
فاطمه: رحت مع ديتي اليوم ..
مريم: والله ..
فاطمه: اي وقولي من طلعت البنت ..
مريم رفعت حاجب: هممممم .. من تكون ؟
فاطمه: وحده ماتخطر على البال ..
مريم: فطوم قولي لي عاااااد ..
فاطمه: هههههه .. طلعت مناف ..
......................
يتبع

مريم: هاا ..
فاطمه: اي والله مناف .. لو مشبهه عليها بقول يمكن .. بس شفت امها واخوانها ..
مريم: قولي والله .. ياااااي .. وناااسه
فاطمه: هههههه .. والله انا استانست اكثر منج يا مريوم ..
مريم: لحظه لحظه .. يعني مناف تكلم فارس اخوي على التفون ؟
فاطمه: همممم .. اي
مريم: ليش ؟
فاطمه: القدر جمعهم ببعض يا مريم .. بس بسألج ..
مريم: هلا ..
فاطمه: بس جاوبيني بصراحه
مريم: ان شاءالله ..
فاطمه: همممم .. يعني الحين عرفتي ان مناف على علاقه بفارس اخوي .. هل تغيرت نظرتج لها ؟ مثلا طاحت من عينج .. ولا تحسين ان مالج خاطر تشوفينها ؟ قولي لي اللي بخاطرج وبأمانه ..
مريم: والله انا منصدمه .. بس ماقول ان مناف طاحت من عيني .. بس احس مابقدر اجابللها مثل قبل .. ولا ابي اتغير عليها .. يمكن فالبدايه احس ان ما راح يكون في direct communication معاها .. هاي فالبدايه بس احس عقب بكون عادي معاها نفس قبل ويمكن اكثر .. لان هالبنت احبها .. من الله اموت فيها بعد ..
فاطمه: فديتج يا مريوم .. بس تتوقعين امي وايمان وعميمه هيا والريم بيرحبون فيها ؟ تدرين هم شافوها في عرسي ..
مريم: والله خوفتيني .. ايمان الحين ماكله تبن على فارس ومب بالعته ..
فاطمه بعصبيه: على شو .. مالها حق ..
رن تلفون البيت وفاطمه استأذنت من اختها عشان ترد ..
فاطمه: لحظه اختي بارد على التلفون ..
مريم: زين ..
فاطمه: هلا هنوده ..
هنادي: هلا حبيبتي .. يلا برزي فالتج انا جايه ..
فاطمه بوناسه: زين انتظرج ..
سكرت هنادي ورجعت فاطمه لاختها ..
فاطمه: رجعت لج ..
مريم: هههههه .. هلا
فاطمه: نكمل .. انتي شعليج من ايمانو .. هاذي لاتهش ولاتنش .. لسانها يلعلع على الفاضي ..
مريم: تدرين شو قالت لابوي ذاك اليوم ..؟
فاطمه: شو ؟
مريم: قالت له لو فارس خذ هالنت بتكرهه ولا بتكلمه طول عمرها ..
فاطمه: المنه عليها .. يبه ايمانو بتزعل وبترضى بعدين .. وكلهم مردهم بيرضون حبيبتي .. وغير ان ايمان قابلت مناف وماتت عليها ..
مريم: بس الحين الوضع مختلف .. بتقول ان مناف سبب المشاكل بين امي وفارس .. تعرفين ايمان شكثر تحب ابوي وامي .. وبالذات امي ..
فاطمه: الله يستر من الطوفان اللي جاينا ..
مريم: فطيم ليش احس من نبرة صوتج الخوف ؟
فاطمه: الدنيا كلها على فارس .. امي وعميمه هيا .. ايمانو هالسوسه .. بس تعرفين من اللي خايفه منها صح ؟
مريم باستغراب: من ؟
فاطمه: الريم بنت عمي ..
مريم: ها ؟؟ ليش ؟
فاطمه: الريم تحب فارس ..
مريم بصدمه: شوووووو .. يعني اريام قريبه مني وايد .. وعمرها ما قالت لي ولا بينت لي حتى ..
فاطمه: ولا قالت لي انا بعد .. تعرفين من قالي ..
مريم: من ؟
فاطمه: فارس ..
مريم: لا انا اليوم بانجن ..
فاطمه: هو لاحظ عليها وايد .. وبعد ما قالي تميت اراقب حركات الريم .. وطلع كلام فارس اخوي صح ..
مريم: تدرين اني ما لاحظت عليها شي ..
فاطمه: ولا انا .. بس فارس اللي نبهني .. استأذنت فاطمه من مريم .. لحظه شوي اريامي ..
مريم: زين ..
فاطمه راحت صوب المطبخ تشيك على القهوه والشاي .. كانت تكلم اختها وهي تجهز الفاله لان هنادي جايتها .. رجعت على الخط مع اختها ..
فاطمه: رجعت لج ..
مريم: ههههه .. عبيطه فطوم ..
فاطمه: ههههه ..
مريم: يعني طلعت اريام تحب فارس ؟
فاطمه: اغلب الظن انها عشمت نفسها بحب فارس .. والله ماعرف شو اللي تفكر فيه ..
مريم: غبيه لو عشمت نفسها ..
فاطمه: تذكرين يوم عرسي .. لما رحنا مع فارس الفندق ..
مريم: اي اتذكر ..
فاطمه: ما لاحظتي على اريام شي ؟
مريم: همممم .. لا والله
فاطمه: فارس ما كان معطها اي اهتمام .. سلم عليها عادي .. بس تعرفين من يوم درى انها تحبه وهو يكون رسمي جدامها .. حتى ما كان يضحك معانا وايد صح ..
مريم: بلا ..
فاطمه: واللي ذبحها زود يوم رن جواله ومارد .. تذكرين لما انتي وايمان علقتوا عليه ؟
مريم: اي ..
فاطمه: ما شفتي شكلها .. كانت شوي وتنفجر .. وانا كل شوي حاولت اني الطف الجو واغير الموضوع ..
مريم: اليوم يوم الصدمات ..
فاطمه: هههههه .. هاي الدنيا ..
مريم: اي والله دنيا ..
فاطمه: بس لو تشوفين فرحة فارس اخوي اليوم .. فديت قلبه ..
مريم ابتسمت: فديته والله ..
فاطمه: احس من زمان ما شفت ابتسامته الحلوه ..
مريم: الله يسعده ان شاءالله .. بس تتوقعين فارس ومناف بيستمرون ؟
فاطمه: شو هالفال اختي .. تفائلي ..
مريم: والله متفائله بس خطر على بالي هالسؤال ..
فاطمه: ادعي الله ايسر امورهم .. وان شاءالله امي ترضى عليهم وتنسى كل شي ..
مريم: ان شاءالله ..
فاطمه: زين اختي بخليج الحين .. ابي ارتب القعده بتجيني هنوده ..
مريم: زين فديتج ..
سكرت فاطمه من مريم وكملت شغلها فالمطبخ .. خلال اقل من 10 دقايق دخلت هنادي على فاطمه .. سلموا على بعض وقعدوا فالصاله اللي فوق عشان فاطمه تاخذ راحتها .. يوسف وصل البيت على الساعه 9 ونص .. شاف هنادي والجوهره يسولفون ويضحكون .. وكان وايد مبسوط على قعدتهم .. دخل وسلم عليهم .. قامت هنادي وباست اخوها ..
هنادي: شلونك فديتك ؟
يوسف: الحمدلله .. اخبارج انتي ؟
هنادي: طيبه ..
يوسف التفت على فاطمه: يعني مب قايمه تبوسيني ..
فاطمه طالعته و انحرجت .. ويها صار احمر وابتسمت ..
هنادي: هههههه .. بايخ يوسف ..
يوسف قرب من فاطمه: يلا قومي سلمي علي ..
فاطمه بهمس: يالسخيف ..
يوسف: هههههه ..
هنادي: يوسف عن العبط ..
يوسف مبتسم: زين ممكن تصبين لي شاي من ايدينج الحلوات يا زوجتي العزيزه ..
فاطمه طالعته بدلع: ان شاءالله ..
يوسف طالعها وعض شفته ..
يوسف: وين ريمو السنداره ؟
فاطمه: مادري والله .. انا رجعت وكان خالك فالبيت وبعدين طلع ..
هنادي: يمكن عند جوجو ..
يوسف: ماعتقد .. خل اتصل حق خالي اشوف وين ريمو .. وحشتني
فاطمه: فديت قلبها ..
يوسف اتصل بخاله: هلا خالي ..
سلمان: هلا يبه ..
يوسف: وين ريمو ؟
سلمان مبتسم: ريما معاي ..
يوسف: وين كانت هايته ؟
سلمان: كانت في بيت صديقتها ..
يوسف: خف على الريس .. شنو بعد بيت صديقتها ..
سلمان: هههههه .. البنت معاها فالمدرسه .. واعرف ابوها ..
يوسف: ما عندنا بنات يروحون عند ربعهم .. لا تتعودها ريمو ام كشه ..
سلمان: ههههه .. حاضرين طال عمرك ..
يوسف: جاي البيت ؟
سلمان: اي ..
يوسف: زين ننتظرك ؟
سلمان: من عندنا ؟
يوسف: بس هنوده
سلمان: خير ان شاءالله .. انا قريب البيت ..
سكر يوسف من سلمان وقعد جنب فاطمه وشرب الشاي ..
يوسف: لبسي شيلتج خالي جاي ..
فاطمه: ان شاءالله ..
فاطمه لبست شيلتهاوقعدت جنب زوجها .. تموا يسولفون لين دخلت عليهم ريما بحشرتها ..
ريما: بابا بكره بعد ابي اروح ..
سلمان: لا .. مب كل يوم عاد ..
ريما: مالي خص .. ابي اروح بكره ..
سلمان: انا قلت لأ ..
ريما: وانا قلت ابي اروح ..
سلمان سحبها من ثيابها: دخلي فكيني ..
ريما: ماحبك زين ..
ركضت صوب هنادي وحضنتها .. استقبلتها بالاحضان وبابتسامه حلوه على ويها ..
هنادي: شلونج ريما ؟
ريما مبتسمه: طيبه ..
هنادي: وحشتيني حبيبتي .. حضنتها وباستها ..
ريما راحت تسلم على فاطمه وقعدت عندها ..
يوسف: احم احم ..
ريما تتجاهل يوسف: اليوم استانست في بيت صديقتي .. وديت الباربي مالتي ولعبنا مع بعض ..
يوسف: كح كح كح ..
ريما تكمل: حتى انا وصديقتي تبادلنا ملابس الباربي .. وناااسه والله .. I really enjoy it ..
سلمان طالع ريما بنظره .. ريما انتبهت وحست بالخوف .. دفنت راسها باحضان فاطمه من الاحراج ..
يوسف بهمس: ليش ؟
سلمان: انا قايلها ما تتكلم الا عربي ..
هنادي تلطف الجو: ريما .. عميمه جوجو تقولج بكره بنطلع كلنا مع بعض ..
ريما ببرأه: يااااااي ..
يوسف سحب ريما من حضن فاطمه وقعدها بحضنه ..
يوسف بصراخ: ريماااا .. ريماااا ..
ريما طالعته باستغراب: انا هني ..
يوسف: ريما وينج ريما ..
ريما عقدت حواجبها: انا هني شفيك ..
مسكت ويهه وقربت ويها من ويهه: انا هني شوفني ..
يوسف بعبط: اوه انتي هني ريما .. تصدقين ما كنت اقدر اشوفج من كشتج ..
هنادي وسلمان: هههههههه ..
فاطمه ضحكت بهدوء وانخشت ورا يوسف وتمت تضحك .. سلمان عجبته حركة فاطمه .. تم يطالعها وصد ..


ريما: ترا انا ما ضحكت ..
يوسف بصراخ: اموت فالعبيطه ريما ..
ريما: الحين انت تقول انا ام كشه .. وبعدين تقول عبيطه .. انا اي وحده فيهم ؟
سلمان: هههاااااي .. مات من الضحك على رد بنته .. عرفتك يبه ..
هنادي: راحت عليك ..
الكل: هههههههه ..
ريما قامت من حضن يوسف وقعدت جنب ابوها وحضنته ..
ريما: احبك بابا ..
سلمان مسح على راسها: فديت قلبج انتي ..
هنادي: زين يا جماعه استأذنكم ..
يوسف: وين اختي ؟
هنادي: نواف تحت ..
فاطمه: بدري ..
هنادي: لازم اجهز شنطته بيسافر بكره ..
سلمان عقد حواجبه: وين بيروح ؟
هنادي: قريب .. بيروح الصبح وبيرجع فالليل ..
يوسف: اهاا ..
سلمان: يلا بنزل معاج وبسلم عليه ..
ريما بدلع: بابا شلني ..
سلمان مبتسم: تعالي امي وابوي انتي ..
هنادي: يلا خالي ..
سلمان: يلا ..
سلمت هنادي على فاطمه ويوسف ونزلت مع خالها وريما ..
تم يوسف مع فاطمه .. انسدح يوسف على الكرسي وحط راسه بحضن فاطمه اللي تمت تلعب بشعره وتسولف معاه
فاطمه: شو سويت اليوم حبيبي ؟
يوسف: رحنا انا وعلي وبوسعود معرض سيارات ..
فاطمه: من يبي يشتري سياره ؟
يوسف: علي ولد عمج .. انتي شسويتي ؟
فاطمه: رحنا وشفنا البنت ..
يوسف مبتسم: والله .. من راح معاج ؟
فاطمه وهي تلعب بشعر يوسف: انا ويدتي .. وعمي وفارس ..
يوسف: اها .. شسويتوا ؟
فاطمه: رحنا بيتهم وطلعت امها تعرف يدتي وابوي .. وانا اعرف البنت ..
يوسف عقد حواجبه: شلون ؟
فاطمه: الله يسلمك طلعت ام البنت كان ابوي مالج عليها قبل ما ياخذ امي .. تم معاها كم شهر وبعدين انفصلوا .. ويدتي تعرفها لانها خطبتها حق ابوي .. والبنت طلعت معاي فالجامعه .. وتخيل اني كنت افكر اخطبها حق فارس اخوي ..
يوسف مبتسم: سبحان الله .. شوفي شلون الدنيا تقرب البعيد ..
فاطمه: اي والله .. بس البنت كاسره خاطري ..
يوسف: ليش ؟
فاطمه: احسها منحرجه مني ..
يوسف: عشان انج عرفتي ان اخوج يبيها ..
فاطمه: يعني .. تعرف انا اول ما شفت ناديتها باسمها وكنت فرحانه .. بس تعرف شعورها .. احسها خايفه انها طاحت من عيني .. والله بالعكس فرحت وايد يوم عرفت ان هالبنت اخوي يحبها .. لاني يوم تعرفت عليها فالجامعه حبيتها وحبيت كل شي فيها ما شاءالله عليها ..
يوسف: الله يوفق فارس ان شاءالله ..
فاطمه: ان شاءالله ..
يوسف: حبيبتي ..
فاطمه مبتسمه: عيونها ..
يوسف: فديت عيونها والله .. فديتج اخذي غترتي والزرار والقلم واذا ما عليج امر جهزي لي ملابسي فديت قلبج .. انا بانزل عند خالي شوي ..
فاطمه: ان شاءالله ..
يوسف قام من حضن فاطمه قرص خدودها وابتسم لها .. نزل عند خاله وفاطمه راحت تجهز ملابس ريلها ..
فارس ومحمد كانوا قاعدين فالشقه وفارس يقول لمحمد عن الاحداث اللي صارت ..
فارس بوناسه: حمودي .. طلعت صديقة خواتي ..
محمد: والله .. سبحان الله ..
فارس: وعجبني موقف فاطمه اختي .. كانت وايد فرحانه .. تدري شو قالت لي ..
محمد: شو ..
فارس: قالت لي انها كانت تبي تخطب لي مناف .. بس خبرك انا كنت اتهرب من موضوع الزواج ..
محمد: هههههه .. صدف جمعت خواتك بحبيبتك ..
فارس: اي والله ..
محمد: امك درت ؟
فارس: لا للحين .. ابوي قال بيقولها لي رجع البيت ..
محمد: شو تتوقع ردة فعلها ؟
فارس: بصراحه ماتهمني ردة فعلها .. هي تبي تحرمني من بنت ابيها بالحلال .. بغض النظر عن بعض المخالفات اللي تجرأة وسويتها .. بس هذاني داخل من الباب .. وانت تدري يا حمودي اني لو ماخذت مناف ما راح اخذ غيرها ..
محمد مبتسم: ادري يا بونايف .. الله يوفقك وياها ..
فارس: آمين ..
محمد: يلا قوم عشينا طال عمرك ..
فارس: اي والله يبيله عشى ..
محمد: وانت ما تفكر الا في بطنك ..
فارس: كان اقتراحك فالبدايه .. وتعرف اني احب اساندك في كل ما يتعلق بالبطن ..
محمد وفارس: هههههه ..
تموا محمد وفارس في شقة فارس .. في نفس الوقت بوفارس دخل الغرفه على ام فارس ..
بوفارس: رحنا خطبنا البنت حق فارس ..
ام فارس بصدمه: شو ؟؟
بوفارس وهو يفصخ ثوبه: سمعتيني ..
ام فارس بعصبيه: ليش تقولي .. عشان تقهرني ؟
بوفارس: لا بس عشان يكون عندج خبر ..
ام فارس عصبت وكان ودها تصرخ .. بس تمالك اعصابها لانها تعرف ان بوفارس ما يحب الصراخ ..
ام فارس: بارك حق ولدك .. وانا اقولك من الحين .. ما عندي ولد اسمه فارس .. عيالي عبدالعزيز وجاسم ..
خنقتها العبره ودخلت الغرفه تصيح .. بوفارس لبس جلابيته و وقف يطالع الغرفه .. خذ نفس عميق ودخل الغرفه على زوجته ..
بوفارس بحنيه: ليش مكبرين الموضوع ؟ وين حنيتج على فارس .. حبج له .. فارس بكرج .. فارس الغالي
ام فارس تمسح دموعها: خل فارس في احضان بنت الفقر ..
بوفارس بهدوء: ليش هالتعالي على الناس يا مزنه ..
ام فارس: انا ما تعاليت .. بس احنا وين وهم وين ..
بوفارس: بس الله ما يرضيه هالكلام اللي تقولينه ..
ام فارس: ربك كريم يا محمد .. انا مب رجعه في كلامي .. ما عاد لي ولد اسمه فارس .. خلاص ما عاد لي قدر عند حد ..
بوفارس حضنها: والله قدرج عالي يالغاليه .. بس انتي هدي شوي ..
ام فارس: شو اهدي يا بوفارس .. رحتوا خطبتوا وكسرتوا كلمتي ..
بوفارس: بس الولد يبيها ..
ام فارس: البنت تكلمه فالتلفون .. وين قاعدين احنا .. يبه احنا ناس متربين ..
بوفارس: تراها بنت ناس بعد .. واصابع ايدج مو سوا .. الحمدلله احنا ناس متربين .. ولو مب متربين جان فارس ما حافظ عليها ..
ام فارس: مالي كلام في هالموضوع .. انتوا سويتوا اللي تبونه .. شو تبون مني انا ..
بوفارس: مالنا غنى عنج يالحنونه انتي .. تحرمين فارس من حبج وعطفج ..
ام فارس: ليش يطلع عن شوري ..
بوفارس: ما طلع من شور حد .. بس انتي عاندتيه .. وانتي ربيتيه ..
ام فارس: ربك كريم ..
بوفارس: ليش تحرمين عياله من حنان يدتهم ؟ فارس الغالي ..
ام فارس تسمح دموعها: خل يدتهم تربيهم مالي خص فيه لا هو ولا عياله ..
بوفارس بحزن: الله يهدج يا مزنه ..
تركها وسط دموعها وطلع من الغرفه بكل هدوء .. ام فارس تمت تفكر في كلام بوفارس .. عاشت صراع كبير .. بين حبها لولدها .. وبين كبريائها ومبادئها ..
في بيت مناف الوضع كان غير .. ام مناف مستانسه ومناف نفسيتها تغيرت .. ام مناف قالت لبنتها قصة بوفارس ..
مناف: ليش انفصلتوا ؟
ام مناف نزلت راسها: ما توافقنا ..
مناف: شلون ؟
ام مناف: ما توافقنا ..
مناف حست ان امها ما بغت تقول شي .. احترمت رغبة امها ..
مناف: زين بس يدته شكلها طيبه ؟
ام مناف: ام محمد ذهب ..
مناف: بس ليش يدته وفاطمه اللي زارونا ؟
ام مناف: مادري والله ..
مناف "الله يستر من الجاي " ..
ام مناف: الله يوفقج مع فارس يا مناف .. والله تمنيته لج .. ريال وينشرى .. فكري عدل يا بنتي قبل ما تردين علينا
مناف: ان شاءالله يمه ..
ام مناف: زين قومي جهزي ملابس اخوانج عشان ينامون .. انا بقوم ارتب شناطهم ..
مناف: ان شاءالله يمه ..
ام مناف دخلت الغرفه وشافت عبدالله نايم ببرأه على الارض وكتابه جدامه .. اما فيصل فكان مندمج ويكتب فالدفتر
ام مناف: فديت عبود نام .. نادت على بنتها .. مناف .. مناف يمه تعالي
مناف: ان شاءالله يمه ..
راحت مناف الغرفه وشافت عبدالله نايم ..
ام مناف: نام فديت روحه ..
مناف مبتسمه: حبيبي عبود .. فيصل ليش ما خليته ينام على السرير ..
فيصل: ما نتبهت له .. قاعد احل الواجب ..
مناف: زين قوم البس يلا ..
فيصل يسكر الدفتر: زين زين ..
فيصل خذ ملابسه وطلع من الغرفه عشان يلبس .. مناف صادها فضول وفتحت دفتر فيصل .. وانبهرت باللي شفته
مناف " فيصل رسام ماشاءالله عليه " ..
سكرت الدفتر .. شلت عبدالله وخذته الغرفه .. رجعت الغرفه عند فيصل اللي رجع فتحت الدفتر ..
مناف: فيصل شتسوي ؟
فيصل: اكتب الواجب ..
مناف: جيب خل اراجع لك شوي ..
فيصل سكر الدفتر وحطه فالشنطه: بكره باعطي الاستاذ يشيك لي عليه ..
مناف: زين .. " ليش خاش عني هالشي يعني يا فصول؟ "
فيصل: انا بروح انام .. وين امي ؟
مناف: امي في غرفتها ..
فيصل: قولي لها بنام ..
مناف: ان شاءالله يا ولد ماما ..
فيصل: مناف ..
مناف: ههههه .. زين زين على قولة عبود ..
فيصل طلع وراح الغرفه .. مناف دخلت عند امها الغرفه .. ام مناف رفت راسها وطالعت مناف و ابتسامة خير وتفائل انرسمت على ويها .. مناف حضنت امها وتمت قاعده في حضنها .. تمت امها تلعب في شعرها وتهمس لها.. فجأه سمعوا فيصل ينادي ..



مناف: ابيه نسيت اقولج ان فيصل بينام ..
ام مناف قامت بسرعه وطلعت من الغرفه .. مناف قعدت مكانها وضحكت ..
فيصل: يمه ليش تأخرتي ؟
ام مناف: انشغلت فديتك .. تعال حبيبي ..
فيصل حضن امه وباسها .. ام مناف تمت قاعده عنده شوي لين نام .. غطته وباسته وطلعت ..
مناف: ههههه .. نسيت اقولج انه بينام ..
ام مناف: ههههه فديت قلبه ..
مناف: نام ؟
ام مناف: اي فديته .. وعبود يجنن وهو نايم ..
مناف: فديته عبود احبه وايد ..
ام مناف: الله يحفظهم ..
مناف: يمه بتنامين ؟
ام مناف: اي .. بس ما وصيج يمه .. استخيري فديت روحد .. واخذي راحتج ..
مناف مبتسمه: ان شاءالله يمه ..
باست راس امها وراحت غرفتها .. ام مناف دخلت الغرفه و حطت راسها ونامت براحه .. راحه من سنين ما حست فيها .. اما مناف شيكت على تلفونها ولقت مس كول ورساله من فارس .. وكان محتوى الرساله كالتالي ..
(( زوجتي العزيزه اتصلي في ريلج لانه مشتاق لج موت ))
قرت المسج وضحكت .. كانت حاسه بالخوف والاحراج وهي تتصل بفارس .. رن جواله ومارد .. تطمنت انه مارد عليها .. حطت التلفون وقامت من السرير تمت تشوف انعكاس جمالها فالمرايه .. رن الجوال والتفتت تشوفه .. مسكت الجوال وردت بهمس ..
مناف: هلا ..
فارس: قلبه ..
مناف باحراج: اهلين ..
فارس: عمره ..
مناف " ابيه شيقول هاذي": احم ..
فارس: حياته ..
مناف همست بدلع: عاااد ..
فارس بهمس: اموت فيها يا ناس .. فديت زوجتي وحبيبة قلبي ..
مناف ماتت من الخجل .. تمت ساكته ..
فارس: شلونج يا قلبه ؟
مناف: طيبه .. شخبارك ؟
فارس: مشتاق لعيونج ..
مناف: احم ..
فارس: فديت همسج .. بس احلى صدفه صارت في حياتي ..
مناف: اي صدفه ؟
فارس: الدنيا جمعتنا ..
مناف مبتسمه: والله دنيا غريبه ..
فارس: فاطمه اختي تموت فيج ..
مناف: فديتها فطيم ..
فارس: اقولج شي حبيبي ؟
مناف: قول فديتك ..
فارس: اول شي .. احب كلامج العسل فديتج انتي يا عسل ..
مناف ضحكت: ههههه ..
فارس: فديت هالضحكه .. وثاني شي .. تدرين انا خواتي كانوا يبون يخطبونج لي ..
مناف بطلت عيونها: شلون ؟
فارس: بعد ما املج عليج بقولج ..
مناف مدت بوزها: ليش ؟؟
فارس: عشان اكون قاعد جنبج وماسك ايدج وعيوني بعيونج وانا اقولج السالفه ..
مناف استحت من كلام فارس وماردت عليه ..
مناف: زين انا بروح انام ..
فارس يقلدها: زين انا بروح انام ..
مناف بدلع: لا تقلدني ..
فارس مبتسم: فديت قلبج انتي .. ما قلدج ..
مناف: ههههه ..
فارس: زين حياتي روحي ارتاحي الحين .. وقعديني حق صلاة الفجر ..
مناف: ان شاءالله ..
فارس: مناف ..
مناف: هلا حبيبي ..
فارس: تحبيني ؟
مناف استغربت من كلام فارس: ليش تسأل حبيبي ؟
فارس: لاني احبج با مناف .. وما راح يفرق بينا الا الموت ..
مناف: فديتك فارس انت تدري اني احبك انت وبس .. وربي اني اعشقك واموت فيك ..
فارس: مناف لا تجرحيني .. وانا اوعدج اني ما راح اجرحج .. انتي في قلبي .. انتي روحي وحياتي انتي صرتي كل شي بالنسبه لي .. صدقيني بدونج انا ما بعيش .. يا مناف ( نهاية حبك إعدامي )
مناف بخوف: سمالله عليك يا فارس .. لاتقول هالكلام فديت قلبك .. ان شاءالله بنكون لبعض .. وبنتم مع بعض طول العمر ..
فارس مبتسم: حبيبة قلبي انتي .. زين حياتي روحي نامي وارتاحي .. ولاتنسين تقعديني للصلاة ..
مناف: ان شاءالله حبيبي ..
فارس: نوم العوافي ..
مناف: الله يعافيك حبيبي ..
سكرت مناف وهي تفكر في كلام فارس وكانت محتاره منه .. حطت راسها على مخدتها ونامت وهي قلقه ..
مر اسبوع على الاحداث اللي عشناها مع ابطالنا .. اليوم الجمعه الساعه 2 ونص .. مناف وامها واخوانها كانوا يتغدون ..
عبدالله: يمه اليوم بنطلع مع فارس ..
ام مناف التفتت على فيصل: كلمك الريال ؟
فيصل ينفض يده فالسفره: اي كلمني .. بنروح نشتري اغراض ..
مناف: وش اغراضه ؟
فيصل: اغراض ريايل ..
عبدالله: يقول فارس هالاغراض ما يعرفون لها الحريم ..
مناف وامها طالعوا بعض: ههههههه ..
مناف "فديت روحه والله " ..
ام مناف: على راحتكم يالريايل .. زين الساعه كم بيمر عليكم ؟
فيصل: الساعه 3 ونص ..
ام مناف: وايد من وقت يبه ؟
فيصل: قلنا لكم شغل ريايل ..
ام مناف: زين ما قلنا شي ..
عبدالله: يمه ابي ماي ..
ام مناف مبتسمه: ان شاءالله ابوي ..
صبت ماي لعبدالله وعطته يشرب .. كانت تراقبه وهي فرحانه .. قاموا الاخوان مع بعض من السفره .. غسلوا ايديينهم وراحوا بدلوا ملابسهم .. مناف وامها كانوا يتغدون بهدوء ..
ام مناف: مناف يمه ..
مناف: هلا يمه ..
ام مناف: ابي اعرف قرارج بخصوص موضوع فارس ؟
مناف ابتسمت لامها: يمه انا موافقه ..
ام مناف من سمعت هالكلمه كانت شوي وتصيح من الوناسه ..
ام مناف: الف مبروك يا بنتي .. فرحتي قلبي الله يفرح قلبج .. الله يوفقج معاه يا مناف ..
مناف منزله راسها بخجل: الله يبارك فيج يمه ..
ام مناف: يعني اتصل بام محمد وابلغها قرارج ؟
مناف وهي قايمه من السفره: اي ..
ام مناف: تعالي كملي غداج فديتج ..
مناف: شبعت يمه ..
ام مناف ضحكت و استانست على خجل بنتها .. تمت تدعي لها بالتوفيق في حياتها مع فارس .. الساعه 3 فارس متصل لفيصل ..
فارس: هلا ..
فيصل: اهلين ..
فارس: جاهزين شباب ؟
فيصل: اي .. انت وين ؟
فارس: قريب من الفريج ..
فيصل: يعني نطلع ؟
فارس: لا مب الحين .. اول ما سوي لك رنه طلعوا ..
فيصل: ان شاءالله ..
فارس: بس وانت جاي جيب لي معاك معاي .. عطشان ..
فيصل مبتسم: ان شاءالله ..
فارس: يلا سلام ..
فيصل: سلام ..
سكر وراح صوب المطبخ ..
مناف: شتبي ؟
فيصل: الريال يبي ماي ..
مناف " فديت عمره والله " ..
مناف: زين حط ثلج مع الماي ..
فيصل: ليش ؟
مناف: الدنيا حر ..
فيصل: زين زين ..
مناف: شفينا فالبيت كلنا نقول زين زين ..
مناف وفيصل: هههههه ..
فيصل: مناف ..
مناف مبتسمه: هلا حبيبي ..
فيصل: انتي تبين فارس ؟
مناف ويها صار احمر: احم .. ليش تسأل هالسؤال ؟
فيصل: لاني ابيج تاخذين فارس ..
مناف: ليش فارس؟
فيصل: لان احنا نحب فارس ..
مناف: تذكر الدكتور اللي تقدم لي من قبل ؟
فيصل: اي .. شفيه ؟
مناف: ليش ما قلت لي تبيني آخذه ؟
فيصل: هو طيب وكان يضحك معاي انا وعبود .. بس فارس مثل اخونا الكبير .. نحبه احنا وايد .. وهو بعد يحبنا ..
مناف سكتت وكملت غسيل الصحون ..
فيصل: مناف ..
مناف: هلا حبيبي ..
فيصل: يعني انتي موافقه ؟
مناف ويها صار احمر: ان شاءالله ..
فيصل ابتسم: زين ..
رن جواله وكان فارس المتصل ..
فيصل: مناف عطيني ثلج ..
مناف: ان شاءالله ..
حطت له ثلج وصبت عليه ماي .. فيصل خذ الكوب وطلع من المطبخ .. نادا على عبدالله وطلعوا ثنين عند فارس .. ركبوا السياره وعبدالله ضحك ضحكته الحلوه ..
عبدالله: هههاااااي .. امي ومناف يبون يعرفون وين بنروح ..
فارس: ههههه .. قلت لهم ؟
عبدالله: لا ..
فيصل مد يده بكوب الماي لفارس ..
فيصل: تفضل ..
فارس: جزاك الله خير .. شرب الماي وعطى فيصل يرجعه .. رجع فيصل السياره وحركوا متجهين لسوق الغنم .. اول ما وصلوا عبدالله نزل من السياره وركض صوب الغنم .. فارس وفيصل تموا يضحكون عليه .. راحوا يتمشون ويتفرجون على الخرفان والابل ..
فارس: يلا نروح صوب الطيور ..
عبدالله: ههاااااي .. وناااسه ..
راحوا صوب الطيور وكان عبدالله مستانس وهو يتفرج على الطيور ..
فارس: عبود اختار اللي تبيه ..
عبدالله: بس ماعندي قفص ؟
فارس: باخذ لك ..
عبدالله بوناسه: والله .. ونااااااسه ..
فيصل مبتسم: عبود مينون ..
فارس: توه صغير .. خله يستانس ..
عبدالله: ابي البيضه ..
فارس: زين انا بروح اشوف لك قفص وبرجع .. فيصل حط بالك على اخوك ..
فيصل مبتسم: ان شاءالله ..
راح فارس وشاف قفص متوسط الحجم حق طيور عبدالله .. راح صوبهم واتصل بديول البيت عشان يجيه عند السوق يحمل الاغراض ..
فيصل: مب حاطين الاغراض فالرنج ؟
فارس رفع حاجب: احلف انت بس ..
فيصل: هههههه .. ليش زين ؟
فارس: عشان تفوح ريحة السياره ..
فيصل وفارس: هههههه ..
فارس: وبعدين القفص كبير .. ما يتحمل الرنج ..
التفت فارس على عبدالله اللي كان مندمج مع الطيور ويداعبهم ببرأه ..
فارس: عبيد ..
عبدالله: نعم ..
فارس: خلصت ؟
عبدالله: اي ..
فارس: زين خل نروح نشرب لنا شي لين يوصل الدريول ..
عبدالله: يلا ..
راحوا صوب الكفتريا وخذوا لهم زاويه وطلبوالهم عصير وتموا يسولفون ويضحكون .. وصل الدريول وحمل اغراض عبدالله واتجهوا صوب بيت مناف .. اول ما وصلوا فارس طلب من فيصل انه يسوي درب للدريول ..
فارس: سو درب خل الدريول ينزل الاغراض فالحوش .. وشوف عبود وين يبي يحط القفض ..
فيصل: ان شاءالله ..
عبدالله كان مع الدريول يتابعه وهوينزل القفص ويشيك على طيوره .. فارس كان يراقب عبدالله و وايد يتفكر في برأته .. طلع فيصل من البيت بعد ما سوا درب حق الدريول عشان يدخل قفص عبدالله .. ام مناف لبست عبايتها وكانت تنتظر فالحوش .. دخل الدريول وشايل القفص .. اما فارس فكان واقف عند الباب ينتظر .. ام مناف تعجبت من القفص والطيور ..

ام مناف: من له هالقفص ؟
عبدالله وبناسه: لي .. يمه فارس شرى لي طيور بعد ..
ام مناف: لا حول ولا قوة الا بالله .. وين فارس ؟
عبدالله: عند الباب ..
ام مناف راحت صوب الباب عند فارس ..
ام مناف: فارس ..
فارس منزل راسه: هلا يمه .
ام مناف: شوله مكلف على عمرك ؟
فارس: عبود يحب الطيور .. حرام اخلي في خاطره ..
ام مناف: عبود مينون .. ومع هالقفص يننته زود ..
فارس وفيصل: ههههه ..
فارس: يستاهل عبود ..
ام مناف: ما قصرت يبه ..
ام مناف شكرت فارس ورجعت داخل .. الدريول حط القفص حق عبدالله ودخل له الطيور ورتب له كل شي .. طلع الدريول بعد ما خلص .. فارس سلم على فيصل وطلع هو والدريول .. أذن المغرب ونزل فارس اقرب مسيد يصلي .. بعد صلاة المغرب ام مناف خذت تلفون فيصل واتصلت بالجده تبلغها بموافقة مناف .. الجد رد عليها ..
الجد: السلام عليكم ..
ام مناف: وعليكم السلام .. ام محمد موجوده ؟
الجده: اي موجوده .. لحظه اناديها ..
الجد نادا على الجده .. الجده خذت السماع وتكلمت ..
الجده: هلا ومرحبا ..
ام مناف: السلام عليكم يا ام محمد ..
الجده: عليكم السلام هلا ..
ام مناف: شلونج ؟
الجده: الحمدلله .. من انتي يمه ؟
ام مناف: انا ام فيصل ..
الجده: والنعم .. يا هلا ومرحبا ..
ام مناف: مرحبا فيج ..
الجده: بشريني يمه ؟
ام مناف: البنت موافقه ..
الجده صاحت: مبروكين .. وبنتج بعيوني وبعيون فارس ولد ولدي ..
ام مناف تصيح بصمت: الله يبارك فيج فديتج .. ما عليكم زود .. و ولدكم بعيونا ان شاءالله ..
الجده: جزاج الله خير .. ان شاءالله باتصل لج نحدد يوم الملجه ..
ام مناف مبتسمه: ان شاءالله ..
ام مناف: بخليج فديتج ..
الجده: الله وياج ..
سكرت الجده وهي تمسح دموعها .. الجد استغرب منها ..
الجده: ها بشري ..
الجده: وافقت البنت ..
الجد مبتسم: الله يبارك حق فارس .. والفال حق عزوز هالهتلي ..
الجده: اتصل في محمد وحمد وفارس ..
الجد: ان شاءالله ..
اتصل الجد بعياله وقالهم يمرون .. بوفارس وفارس وصلوا قبل بومحمد .. تجمعوا كلهم فالصاله ..
الجده: كلمتني ام فيصل وقالت لي ان البنت موافقه ..
فارس خنقته العبره من الوناسه .. بوفارس وبومحمد كانوا مستانسين ..
بومحمد: الف مبروك يا فارس ..
فارس: الله يبارك فيك يا عمي ..
بوفارس: تستاهل يا ولد محمد ..
فارس: قلتها .. ولد محمد ..
الجد حضنت فارس وصاحت .. فارس حضنها وباس راسها ..
فارس: والله يا يدتي جميلج هاذي على راسي .. وطول عمري ما بنساه لج ..
الجده: يبه اذا ما قمت فيكم انتوا بقوم في من .؟ كلكم سوا عندي .. بس الله يهدي امك هالقشره .. جان الحين هي فرحانه ويانا ولا جان هي اللي كلمتها ام فيصل تبلغها ..
فارس بحزن: الله يهديها امي ..
بوفارس حط يده على كتف فارس: بأذن الله شده وتزول ..
بومحمد: ان شاءالله ..
الجد: وين هيا ؟
الجده: فوق ..
الجد: حمد قوم ناد اختك ..
بومحمد: ان شاءالله ..
تموا يسولفون بفرح بموضوع فارس .. دخل بومحمد ودخلت وراه هيا ..
الجده: البنت وافقت ..
هيا بدون نفس: خير يعني ..
بوفارس ما ستغرب ردة فعلها ..
الجد: باركي حق اخوج ..
هيا لاويه بوزها: الف مبروك يا محمد ..
طلعت من الصاله على طول ورجعت غرفتها ..
الجد: لا حول ولا قوة الا بالله ..
بوفارس مبتسم: فارس يبه اتصل بفطيم اختك وبلغها ..
فارس: ان شاءالله .. بس اول بتصل في محمد ولد عمي ..
بومحمد: انت تصبر عنه ولا هو يصبر عنك ..
فارس: صدقت في هاذي يا عمي ..
الكل: ههههههه ..
انتشر خبر موافقة زواج فارس فالعيله .. والكل اتصل في فارس يبارك له من فرحتهم له .. الا الريم اللي كانت في وهم حب فارس لها .. ام محمد اتصلت تبارك لام فارس ..
ام محمد: الف مبروك يا مزنه ..
ام فارس: على شو تباركين لي ؟
ام محمد: عشان فارس .. يستاهل والله ..
ام فارس: انا ماعندي ولد اسمه فارس ..
ام محمد: كبري عقلج يا مزنه .. انتي سألتي عن البنت واهلها ومحد عابهم بكلمه ..
ام فارس: ربج كريم ..
ام محمد: لا تكسرين فرحة ولدج .. بأذن الله بتتيسر اموره ..
ام فارس: خليها على ربج ..
ام فارس صرفت ام محمد وتمت معصبه وتاكل في نفسها من القهر .. الريم انهارت من الخبر .. عذبت نفسها بالصياح اللي ما منه فايده .. مريم كانت طايره من الوناسه .. فاطمه اتصلت تبارك لفارس له .. واتصلت بمناف .. رن جوال مناف اللي كانت قاعده تقرى كتاب .. شافت التلفون وحست بالخوف قبل ما ترد .. توكلت وردت ..
مناف: مرحبا ..
فاطمه بوناسه: الف مبروك حبيبتي مناف .. والله انكم لايقين لبعض ..
مناف بخجل: الله يبارك فيج يا فطيم ..
فاطمه: والله اني طايره من الوناسه ..
مناف: فديت قلبج يا فاطمه ..
فاطمه: الله يوفقكم ان شاءالله .. وانا اعطيج كلمه و اوعدج فيها ان فارس اخوي بيحطج بعيونه ..
مناف " فديت قلبه": ان شاءالله .. ودام هالكلمه طلعت منج .. صدقيني اني واثقه في كلامج ..
فاطمه مبتسمه: الف الف مبروك حبيبتي مناف ..
مناف: الله يبارك فيج ..
فاطمه: زين حبيبتي .. حبيت ابارك لج وان شاءالله بكلمج وقت ثاني على راحتي ..
مناف " الله يستر من فطيم .. اخاف تجرني بالسوالف ": ما تقصرين حبيبتي .. وانتظر اتصالج ..
فاطمه: مع السلامه حبيبتي ..
مناف: الله وياج ..
مناف حست بفرحة فاطمه .. حست ان فاطمه اكثر وحده مستانسه لها ولفارس .. تمت تفكر في ام فارس ليش ما جات مع يدته وفاطمه ؟ وليش ما اتصلت تبارك او تكلم امها وتبارك لهم ؟
مناف " فارس قالي تقبليني بالطريقه اللي باجيج فيها .. ليكون امه مب راضيه على زواجنا ؟ ابيه امه بعد شكلها قويه ومب هينه .. مع انها كانت تحاول انها تستلطفني في عرس فاطمه بس حسيت بالخوف ناحيتها .. الله يستر من الجاي " ..
الجده اتصلت في ام مناف عشان يحددون يوم الملجه ..
الجده: السلام عليكم ..
فيصل: عليكم السلام ..
الجده: شلونك يبه ؟
فيصل: طيب ..
الجده: وين امك ؟
فيصل: لحظه بناديها ..
راح فيصل صوب الصاله وعطى امه التلفون ..
ام مناف: مرحبا ..
الجده: شلونج يا فاطمه ؟
ام مناف: الحمدلله .. اخبارج انتي ؟
الجده: والله فرحانين .. الله يهنيهم ان شاءالله ..
ام مناف مبتسمه: الله يهنيهم ..
الجده: زين يمه متى حددتوا الملجه ؟
ام مناف: والله ما شاورت البنت للحين ..
الجده: زين عيل شاوريها وشوفي متى يريحكم وعطيني خبر فديتج ..
ام مناف: ولا يهمج الغاليه ..
الجده: امنتج الله ..
ام مناف: الله وياج ..
سكرت وعطت فيصل التلفون .. راحت صوب غرفة مناف .. دخلت عندها وتموا يسولفون في موضوع الملجه ..

ام مناف: يمه مناف ام محمد اتصلت لي تسأل عن يوم الملجه ؟ متى تبين نروح المحكمه ؟
مناف بخجل: مادري يمه ..
ام مناف: متى يناسبج ؟
مناف: انتوا حددوا انا ما تفرق عندي ..
ام مناف: زين اقولها يوم الخميس ؟
مناف: اللي تشوفينه يمه ..
ام مناف ابتسمت: زين باكلمها بكره وببلغها ..
ام مناف طلعت من الغرفه وتركت بنتها .. مناف كانت طايره من الوناسه ..
اليوم الثاني ام مناف اتصلت بالجده وبلغتها عن يوم الخميس انه اليوم المناسب حق الملجه .. عمت الفرحه بيت بوفارس وبومحمد .. بس مو عند الكل ..
يوم السبت الساعه 12 ونص الظهر فارس ومحمد راحوا بيت يدتهم .. فارس قاعد مع يدته ويكلمها في موضوع الملجه ..
فارس: يدتي ..
الجده مبتسمه: ابوي انته ..
فارس: شو رايج نسوي عشى الملجه في بيتكم .. انتي شفتي بيتهم ..
الجده: اي وعليه بيتهم مافيه حيل .. خلاص باشاور يدك اول .. واذا وافق باتصل بام فيصل ..
فارس مبتسم: تسلمي يدتي ..
محمد: والله يدتي محد وقف مع فارس مثلج انتي ..
الجده قرصت خدود فارس: هاذي حبيبي فروس المتوت ..
فارس ومحمد ماتوا من الضحك على حركات يديتهم ..
الجده: فروس من الحين اقولك يا ويلك لو زعلت بنت الناس .. تراها يتيمه ومالها حد فهالدنيا .. والله بغضب عليك طول عمري لو زعلتها ولا طلقتها .. هذاني اوصيك واخوك محمد شاهد على كلامي ..
فارس: شدعوه يدتي مناف بعيوني ..
محمد: يدتي ماعرفتي فارس عدل .. يعز المره ويحطها بعيونه ..
الجده: ولد محمد عليه زود .. بس الدنيا تغير القلوب ..
محمد: عدل كلامج يدتي .. الله يوفقهم ان شاءالله ..
الجده: ان شاءالله ..
فارس اتفق مع فاطمه انها تاخذ مناف لسوق ويروحون يتشرون لها فستان للملجه .. ويوم الملجه تروح معاها الصالون عشان تضبط نفسها حق عشى الملجه ..
مر يوم السبت و وراه الاحد والاثنين والثلاثاء والاربعاء كانوا شقى بالنسبه لفارس .. اما يوم الخميس فارس ما نام من بعد ما رجع من المسيد لما راح يصلي الفجر .. تم قاعد وكان يفكر ويحاتي وكل شوي طالع الساعه وكان يحس ان الوقت بطيء .. الساعه 7 ونص فارس اتصل بأبوه .. بوفارس شاف الرقم وتم يضحك ..
فارس: صبحك الله بالخير ..
بوفارس: هلا وغلا .. حيالله معرسنا ..
فارس مبتسم: الله يحيك .. زين يبه الساعه 7 ونص الحين ..
بوفارس: والله .. معلومه جديده ..
فارس: يبه ..
بوفارس: ههههه
فارس: يلا متى بنروح المحكمه؟
بوفارس: تو الناس .. مطيور الولد ..
فارس: اي يلا خل نروح .. المحكمه فاتحه الحين
بوفارس: الحمدلله على نعمة العقل .. الساعه 9 بنطلع ..
فارس: يبه وايد متأخر الوقت ..
بوفارس: هههههه .. قلت لك الساعه 9 بنطلع ..
فارس: زين يبه بسألك ..
بوفارس: اسأل يبه ..
فارس: من بيكون شهود البنت ؟ ابوها متوفي وما نعرف احد من اهل ابوها ؟ من بيكون ولي امرها ؟
بوفارس: القاضي ..
فارس: ليش ؟
بوفارس: اخوانها قصر .. وخوالها مالهم حس ؟ وينهم ؟ ولا لها عمام .. عشان جي القاضي بيكون ولي امرها ..
فارس: ايوه .. خلاص انا ولي امرها ..
بوفارس: انت تزوجها اول .. بعدين انفخ صدرك وقول ولي امرها ..
بوفارس وفارس: ههههههه ..
بوفارس: روح شوف لك شغل لين تجي الساعه 9 ..
فارس: آآآخ .. زين بروح اشوف حمودي ..
بوفارس: اي زين شوف حمودي على قولتك ..
فارس: ههههه .. سلام الغالي ..
بوفارس مبتسم: الله وياك ..
سكر فارس وتم يحوس فالشقه ومب عارف شو يسوي .. اتصل بمناف اللي كانت تتغلى عليه وماترد الا بمسج ..
فارس: بانتحر .. تتغلى هاذي بعد .. وحمود راقد وابوي يقول تو الناس .. آآآه شاسوي في عمري ..
تم فارس يطالع الساعه لين صارت 8 ونص .. قام خذ له شور ولبس ثوبه وغترته وطلع صوب المحكمه .. مناف وامها طلعوا من البيت نفس الوقت .. تلاقوا كلهم فالمحكمه .. بوفارس اول ما شاف ام مناف طارت عيونه عليها ..
بوفارس " ما تغيرت فاطمه .. كأني اشوفها اول ما ملجت عليها .. الله يالدنيا " ..
ام مناف شافت فارس ونزلت راسها .. حاولت انها تشغل نفسها عشان ما تشغل شريط ذكرياتها .. الجده قربت من ام مناف ومناف ..
الجده: شلونج يا فطيم ؟
ام مناف: الحمدلله طيبه .. اخبارج انتي ؟
الجده: والله فرحانه .. التفتت على مناف .. شلونج عروستنا ؟
مناف منزله راسها: الحمدلله ..
الجده: مستعده ؟
مناف هزت راسها وماقدرت تتكلم من الخوف والتوتر ..
الجده مبتسمه: فديت قلبج والله .. زين يلا نروح عند الشيخ ..
مناف طالعت امها ومسكت يدها ..
الجده: يلا فديتج ..
ام مناف: يلا يمه ..
راحوا صوب الغرفه المخصصه للزواج .. تمت امور الزواج وطلعوا من الغرفه .. فارس كان مو مصدق ان مناف حلاله .. وصارت زوجته .. راح صوبها وسلم عليها .. مناف كانت ترجف من الخوف .. بوفارس كان يطالع الفرحه بعيون فارس ..
فارس: مبروك مناف ..
مناف منزله راسها: الله يبارك فيك ..
فارس مسك يدها وهمس: واخيرا صرتي زوجتي ..
مناف سحبت يدها بهدوء وكانت خايفه .. فارس ابتسم وتركها .. سلم على ام مناف وراح صوب ابوه .. الشباب سلموا على فارس وباركوا له .. طبعا كل شباب العيله كانوا فالمحكمه .. من صوب الحريم بس الجده اللي حضرت ومناف كانت وايد تفكر في ام فارس .. رجعوا البيت وبدت التجهيزات للحفله اللي قرروا انهم يسونها في بيت الجد مناف وفاطمه ومريم راحوا الصالون يتعدلون .. مناف كانت وايد مرتاحه وسط مريم وفاطمه .. ما تخيلت انهم يرحبون فيها وخصوصا فاطمه .. في نفس الوقت كانت تحاتي الباقي اللي ما قابلتهم .. فارس انشغل بترتيبات العشى .. خالد ومحمد وباقي الشباب ما قصروا معاه .. في بيت الجد .. هيا وامها كانوا يتكلمون بموضوع فارس ومناف ..
هيا بعصبيه: ليش مسوين ملجتها هني ..
الجده: انا قلت لفارس ..
هيا: انا وحده مب نازله ولاابي اجابلها .. ولا اجابل ولد ولدج ..
الجده: بتلبسين بتنزلين غصبن عنج ..
هيا: لا ماني نازله ..
الجده بحده: انا قلت بتنزلين يعني بتنزلين .. ولكن من الحين اقولج .. لو سويتي شي يزعل البنت ولا اهلها ترا مب احسن لج يا هيا ..
هيا طالعت امها: ان شاءالله .. بنشوف آخرتها بنت الفقر .. ماعندهم بيت مثل الناس يسون فيه الملجه ..
الجده: الله لا تبلينا بعقول السفهاء ..
طلعت الجده عن هيا وهي معصبه .. وكانت خايفه ان هيا تسوي لها حركات .. طبعا ام فارس حلفت انها ماتحضر .. ايمان ركبت راسها وما كانت تبي تحضر مثل امها بس بوفارس الزمها .. ولانها تسوي حساب لابوها راحت مجبوره .. ام محمد كانت وايد فرحانه لفارس .. وكانت في بيت الجده من الظهر تساعدهم وتعاونهم على الترتيبات
الريم كانت مو مستوعبه اللي يستوي حولها .. كانت تشوف نفسها فالمرايه وتمسح دموعها ..
الريم " ليش يا فارس ليش ؟ يعني فضلت الغريبه علي .. انا بنت عمك ومحد بيحبك مثلي .. ليتني مكان هالبنت والله .. ليتك تفكر فيني وتحبني مثلها " .. كانت الساعه 7 .. الريم طلبت لها وحده تجيها البيت عشان تسوي شعرها وتمكيجها .. بعد ما جهزت نزلت عند ابوها فالصاله ..

بومحمد مبتسم: يعلني اشوفج عروس ..
الريم مبتسمه: فديت قلبك يبه ..
بومحمد: جهزتي فديتج ؟
الريم: اي .. وين اسماء ؟
بومحمد: راحت مع خالد من العصر ..
الريم: لبست ولا لأ ؟
بومحمد: امج خذت ملابس لها ..
الريم: فديتها ..
بومحمد: يلا كلهم هناك ..
الريم: ان شاءالله ..
طلعت مع ابوها وكلها حزن .. وهم فالطريق كانت سرحانه تفكر ..
الريم " ليش انا سويت في نفسي جي .. انا اوهمت نفسي بحب فارس .. هو ماله ذنب اني اكرهه .. او اكره البنت اللي اختارها .. هاذي حياته ولازم افرح لفارس .. بيتم في قلبي ولد عمي .. والله بيعوضني ان شاءالله "
الريم تنفست براحه اولم ا وصلت بيت يدتها .. نزلت وهي مبتسمه .. اول ما دخلت الصاله شافت فاطمه وامها يبخرون البيت ويعطرونه ..
الريم مبتسمه: السلام عليكم ..
فاطمه التفت على الريم وحست ان الريم متغيره ..
فاطمه وام محمد: وعليكم السلام ..
سلمت على فاطمه وحضنت امها ..
الريم: وين العروسه .؟
فاطمه: في الميلس مع مريم ..
الريم: خل اروح اسلم عليها وابارك لها ..
مشت عنهم طالعه من الصاله .. فاطمه خفات من الريم .. لحقتها بسرعه .. اول ما وصلت الميلس شافت الريم وهي تحضن مناف وتبارك لها ..
الريم: الف مبروك مناف ..
مناف: الله يبارك فيج والفال لج حبيبتي ..
الريم: والله يستاهل فارس ولد عمي هالجمال ..
مناف نزلت راسها منحرجه ..
مريم وفاطمه كانوا متعجبين من تصرف الريم ..
الريم: زين انا بروح اعلق عبايتي وبجيكم ..
مريم: يلا لا تتأخرين ..
الريم مبتسمه: من عيوني ..
طلعت الريم ومريم كانت اطالع فاطمه اللي كانت عند الباب .. فاطمه رفعت حاجب وطلعت .. مريم ابتسمت وتمت قاعده مع مناف ..
مريم: ياحظ اخوي فيج يا مناف ..
مناف: لا تبالغون عاد ..
مريم: ما نبالغ يا مناف .. عيني عليج بارده بس صج تناسبون بعض .. الله يبارك لكم ان شاءالله ..
مناف: الله يسلمج حبيبتي ..
ام مناف وصلت بيت الجد على الساعه 7 ونص .. تجمعوا كلهم في الصاله يرقصون ويصفقون بوناسه وفرح .. ايمان لما عرفت ان مناف هي زوجة فارس استغربت وحست انها ماتقدر ما تفرح له .. لانها وايد حبت مناف ..
ايمان" مناف الدلوعه ؟؟ والله حركات يا فروس .. حليلها مناف والله .. ليش ماما ما بغتها ؟ عشانها فقيره بس مناف طيبه وتستاهل .. والله حرام اللي يسونه بفارس .. مسكين كسر خاطري والله .. حاسه بالذنب على كل اللي صار "
ايمان كانت تعاتب نفسها وحاسه بالذنب .. راحت وسلمت على مناف وفرحت لاخوها وزوجته مناف .. طبعا فاطمه ومريم كانوا مذهولين من التغير اللي صار لريم وايمان ..
حان وقت ان مناف تطلع فالصاله عشان يشوفونها .. طبعا الجوهره وهنادي كانوا موجودات وتفاجأو لما شافوا مناف ..
الجوهره: مب هاذي اللي بغينها حق خالي ؟
هنادي: اي والله .. راحت علينا ..
الجوهره: ههههه .. بس يستاهل اخو فطيم ..
هنادي: فارس المزيون ..
الجوهره: لا والله هنود ..
هنادي: بعد انا اقول الصج اختي ..
هنادي والجوهره: هههههه ..
دخلت مناف وسط الحريم وكانت منحرجه .. مريم دخلت مع مناف وكانت ماسكه يدها .. مناف كانت طالعه تجنن وناعمه .. قعدت على الكرسي المخصص لها .. وطبعا الحريم سلموا عليها وباركوا لها .. ام مناف كانت تشوف بنتها وتصيح من فرحتها .. كل الحريم سلموا على مناف وباركوا لها الا هيا .. الجده كانت معصبه عليها .. بس ماحبت انها تكلمها جدام الناس .. الريايل تعشوا وبعدين دخلوا فارس الميلس .. فاطمه راحت عند فارس اخوها فالميلس ..
فاطمه: لا لا لا .. كل هاي لها اخوي ..
فارس مبتسم: وين مرتي ؟
فاطمه: شو فيك مستعيل .. اصبر شوي ..
فارس: قولي لهم يدخلونها يلا .. وين اصبر ..
فاطمه: ههههه .. حليلك يا فارس .. زين الحين بروح انادي الحريم ..
فارس: بسرعه بسرعه ..
فاطمه طلعت من الميلس وهي تضحك على اخوها .. دخلت الصاله وراحت صوب جدتها ..
فاطمه: يدتي فارس فالميلس ..
الجده: زين يلا تبرزوا عشان نروح له يلا ..
فاطمه مبتسمه: ان شاءالله ..
الجده اعلنت للكل انهم بيروحون الميلس عند فارس .. الحريم لبسوا عبيهم واستعدوا عشان يزفون مناف على فارس .. مناف كانت ميته من الخوف .. وقفت مكانها وامها مسكت يدها ومشوا وراهم الحريم .. مناف كانت تمشي ببطئ .. فاطمه وايمان راحوا صوب الميلس قبل .. فتحوا الباب وانتظروا الحريم اللي كانوا يلولشون بفرح ورا مناف وامها .. مناف وصلت صوب الباب وهي منزله راسها .. فارس اول ما شافها قام من مكانه ينتظرها كان يطالع جمالها بانبهار .. كان وده يركض ويسحبها من يد امها .. اول مره يشوف مناف بهالجمال .. شعرها اللي طايح على كتوفها .. وجسمها الحلو وبياضها .. مناف قربت من فارس و وقفت جنبه وهي منزله راسها .. فارس مسك يدها الصغيره وضغط عليها .. الجده راحت صوب فارس وسلمت عليه وباركت له .. خواته كلهم راحوا له بعد وكان مستانس لايمان اخته .. وشاف الفرحه بعيونها .. جى دور الريم تسلم على فارس .. كان فارس يطالعها بخوف .. كان خايف انها تقول كلمه او تسوي حركه تجرح فيها مناف .. قربت الريم مبتسمه ..
الريم: مبروك يا فارس .. الله يهنيك ان شاءالله .. ومناف بنت الف من يتمناها ..
فارس: الله يبارك فيج بنت عمي .. والفال لج ..
رجعت الريم عند الحريم وهي مستانسه .. الخوات خذوا صور مع فارس ومناف .. طلعوا الحريم وتمت المصوره تاخذ لقطات لفارس ومناف .. وبعد ما طلعت المصوره خلى الجو لفارس ومناف .. مناف كانت منزله راسها ومستحيه .. قعد فارس جنب مناف وتم يطالعها مبتسم ..
فارس: الف مبروك يا مناف ..
مناف بخجل: الله يبارك فيك يا فارس ..
فارس قرب ويهه من ويها: واخيرا .. خلاص انتي الحين زوجتي .. حلالي جدام رب العالمين والناس كلهم ..
مناف كانت منزله راسها ومنحرجه .. فارس قام من مكانه ومد يده لها .. مناف رفعت راسها وطالعته باستغراب ..
فارس: عطيني يدج يا حبيبتي ..
مناف مدت يدها لفارس و وقفت جنبه .. فارس طوقها بيدينه اتحدت اجسامهم ومناف نزلت راسها من الخجل وتمت تتنفس بسرعه من الخوف .. فارس رفع راسها وقرب ويهه منها .. فتح حلجه وقرب من ويها .. عض خشمها بشوي شوي وتركها ..
مناف: آآآه ..
فارس: هههههه ..
مناف بدلع: ليش ؟
فارس: انا ما قلت لج اني اول ما املج عليج بعض خشمج ..
مناف دزته: يالبايخ ..
غطت ويها بيدينها وصاحت .. فارس قرب منها وحضنها بقوه لصدره .. مناف لاشعوريا حضنته وحطت راسها على كتفه وغمضت عيونها ..
مناف" آآآه .. من زمان ما حسيت بالامان .. الحين انا بين ايدينك يا فارس .. انا وانت حلال بعض " ..
فارس: زعلتي يا قلبه ؟
مناف منزله راسها: ليش تعضني ..
فارس مبتسم: بس كيفي ..
مناف: لا مب على كيفك ..
فارس: خلاص ولا يهمج .. كيفج انتي .. بس تدرين يا مناف ..
مناف: شنو ؟
فارس: الله يحفظج على هالجمال .. انا كنت اشوفج بالشيله واهيم فيج .. والحين ماشاءالله جسمج وشعرج وكل شي فيج حلو حلو حلو .. فديت روحج انتي ..
حضنها بقوه وباسها على طرف شفتها .. مناف صدت الصوب الثاني من الخجل ..
فارس: كلتي شي يا قلبه ؟
مناف: لا ..
فارس: ليش ؟
مناف: مالي خاطر .. وتدري يمعة الناس اربكتني شوي ..
فارس: الحين بقولهم يجيبون لج شي تاكلينه ..
مناف: لا مابي يا فارس ..
فارس حط يده على كتفها: ليش حياته ؟
مناف مبتسمه: بس حبيبي ..
فارس باسها على جبهتها: فديت حبيبي طالعه من حلجج الحلو ..
مناف ابتسمت لفارس وحضنته .. طوقها بيدينه وتم يلعب بشعرها ويتكلم معاها ..
الحريم فالصاله كانوا يرقصون وصفقون من فرحتهم .. على الساعه 11 ونص ام مناف كلمت فاطمه عشان تروح البيت ..

حذف نفسه على الكرسي وتم يتعبث فالتلفون .. غفت عينه وصحى على تلفون مناف .. تم سهران معاها لين أذن الفجر .. سكروا من بعض وكل منهم راح يصلي .. بعد الصلاه غفت عيونهم براحه في امان .. مناف نامت من التعب لين الساعه 12 الظهر .. طلعت الصاله عند امها واخوانها ..


ام مناف مبتسمه: هلا وغلا ..


مناف راحت صوب امها وحطت راسها في حضنها .. ام مناف باستها وقرصت خدودها ..


ام مناف: فديت بنتي العروسه ..


مناف: شلونكم ؟


ام مناف: طيبين .. انتي قولي لي شسويتي ..؟


مناف بخجل: ولا شي ..


ام مناف تلعوزها: علينا ولا شي ..


مناف: عاد يمه ..


دفنت راسها في حضن امها .. ام مناف حضنت بنتها وباستها ..


ام مناف: فديت قلبج يا مناف ..


مناف: يمه وين الشباب ؟


ام مناف: مع هالطيور من الصبح ..


مناف: ههههه .. فديتهم والله ..


ام مناف: اسوي لج لقمه تاكلينها يمه ؟


مناف: لا مب جوعانه ..


ام مناف: بس شربي حليب واكلي بسكوت ..


مناف: ان شاءالله يمه .. زين انا بروح عند الشباب لين ما تجهزين الاكل ..


ام مناف: زين فديت روحج ..


راحت مناف صوب عبود وفيصل اللي كانوا مندمجين مع الطيور .. كانت تشوف عبدالله اللي وايد يشبه نايف .. تمت تتأمل ملامحه وتتفكر فيه ..


مناف مبتسمه: عبود حبيبي ..


عبدالله التفت على مناف وابتسم .. ترك اللي بيده وركض صوبها .. حضنها وتم يبوسها ..


مناف: شلونك حبيبي ؟


عبدالله: الحمدلله ..


مناف التفت على فيصل اللي كان واقف ويطالعها .. ابتسمت له ونادته ..


مناف: تعال حبيبي فيصل ..


ركض فيصل صوب مناف وحضنها ..


مناف: شلونك حبيبي ؟


فيصل: تمام .. امس تونسنا وايد ..


عبدالله وهو يحك شعره: اي وايد تونسنا .. بس ليش فهد ما يقدر يتكلم ؟


مناف بحزن: من يابته امه وهو ما يتكلم .. بس هو مستانس صح ..


عبدالله: اي هو طيب بس ماعرف شلون هو مستانس وهو ما يسمع ولا يتكلم ..


فيصل: يمكن احسن له انه ما يتكلم ولا يسمع ..


مناف شافت فيصل وحست ان كلامه كبير ..


مناف: اي والله يمكن احسن له ..


فيصل: تريقتي ؟


مناف: لا الحين بروح اشرب حليب ..


عبدالله: انا بعد ابي ..


مناف: روح عند امي وقولها تسوي لك بسرعه ..


عبدالله: زين زين ..


ركض المطبخ صوب امه .. وهو يركض طاح على الارض وصرخ .. مناف وفيصل ركضوا له ..


مناف بخوف: عبود حبيبي شفيك ؟


عبدالله وسط دموعه: راسي .. طحت على راسي ..


مناف: فيصل روح جيب ثلج بسرعه ..


فيصل: زين ..


ام مناف بخوف: شفيه عبود ..؟


مناف وهي حاضنته: طاح على راسه فديته ..


ام مناف: تعال حبيبي ..


عبدالله وحاط يده على راسه: آآآي يمه راسي يعورني ..


ام مناف: سمالله على راسك حبيبي .. شلون طحت ؟


عبدالله: مادري وانا اركض .. آآآي يمه راسي ..


فيصل: مناف جبت الثلج ..


عطاها الثلج ولفته بفوطه وحطته على راس عبدالله .. تم عبدالله يصيح بألم ..


مناف: يمه نوديه المستشفى ؟


ام مناف: لا ما عليه شر البطل عبود ..


عبدالله وهو يشهق من الصياح: لا .. لا مابي المستشفى ..


فيصل: احسن خل يشوفون راسك ..


ام مناف: لا تخرعونه .. طيحته عاديه .. ما عليه شر حبيب امه عبودي ..


عبدالله حضن امه وتم يصيح .. ام مناف حضنته وتمت تقرى عليه ..


ام مناف: مناف يمه روحي شربي حليبج جاهز فالمطبخ ..
.........................
يتبع