هاي شله

هذا الله يسمنكم الجزو الثاني من القرق الي انتم خابرين قبل فتره والي هو بعنوان

ابي اعرس وافتك من الشحططه

اسمعوا

===================

اوالله وقلت مابدهاش انشاالله محد حوش وافتح السامسونايت

واطلع القميص البوني ابوكم طويل شارية من شارع الوزير من عند

لبناني خف بي وقال " هيدا لايئ عليك يخزي العين شو ما احلاك

فية سدئني الصبايا راح يدوبو فيك لما تلبسوة ويركضو وراك كمان

ولو معلوم هيدا ما ببيعوا الا للشباب الحبيبة متلك" ( وانا صحيح وقلت

ما دام البنات راح يذوبون فيني بشرية وشريتة ووزيتة علشان اكشخ

بة عند زوجتي لا تزوجت هي اكلف ماعلي والا لغيرها عندي

البنطرون البرتقالي لا خلا ولا عدم هذاك مسمية خاطف قلوب العذارا )

بس قلت ياالله بلبسة اليوم ومحدن بداري والبس لك جينز تركي اللي

عطاني اياة بعد ما اعرس لانة ماشاالله ربع وكرش بعد العرس ( زي

العادة اكل في النهار و لعب مصارعة تالي الليل) وزودن باالنعمة

كبرت ام احمد حقتة مدري وشلون خخخخ واسفسف شعري على

جنب الللللله يوم غديت ابوهنود والعافية واطلع علبة الفقس واحط

شوي منة عند اذاني ( دهن العود عندي فقس ارخص وصحي) نزلت

تحت شغلت الستمية حقي ( آاااة ياوجدي علية الا ما يجي ياباني منة

كودة ارخص شوي ) وادوس للمتحف بعد ما لبست النظارة الشمسية

وفتحت ثلاث زراير من قميصي وصفت الكموم لين المرافق على بالي

حركة ومحد قدي ( والله ياالثوب علي ويخب بعد) وصلت ودخلت

وبصراحة المكان كان روعة كل شي رخام وذهب وعالم وطبعاً بنات

بينهم وهو اهم شي عندي دفعت رسوم الدخول وبديت ادوج بهاك

المتحف وادوج وصايراً خفيف كل لوحة امر من عندها وامشي بعد ما

اطقلي صورة جنبها على بالي " تورست " والناس يوقفون ويتاملون

بااللوحات قلت بلا فضايح بس سو زيهم واوقف عند لوحة صغيرة

وفجاءة حسيت بدون ما التفت انو فية انثى بجنبي عرفتها من الريحة

( معلوم اكبر ما فيك خشمك ) وما التفت عليها قل خلك ثقل وسو

نفسك فنان تشكيلي وتامل بااللوحة اللي قدامك والله وزي العادة

احط ثلاث اصابع على خدي الايسر وواحد من الاصابع بغا يخالف

امري ويروح لخشمي يحسب اني بمارس هوايتي واجلس اتامل في

اللوحة ومرة اقرب لمها ومرة ابعد واقول اممم اممم والبنت مازالت

موجودة جنبي قلت بس يكفي كذا اللحين وقت الخشة معها وبسرعة

البرق التفت عليها مستغلاً اني غاسلن شعري ومتوقع انة بيرقص

ويهفهف مع قوة الالتفاتة زي دعاية صنصليك بس العرادة عرادة والله

مايرقص لو ايش ماكان يوم ناظرتها كانت هي تناظرني واستحت

ووخرت عيونها عني شي غريب شفتة لالالا هذي ماهي مخلوق

بشري زينا هذي الحورية اللي تطلع من البحر ولها زعانف من عند

الرجلين ( عزالله ان افلام الكرتون لعبت بروسنا لعب) آية في الجمال

الشعر ذهبي والوجة فلقة القمر ليلة 36 " بعد الشيح لا تشرهون

الشهر يصير 39 يوم " والبراطم خطر ما تفظخ من زود ماهي مستوية

والعيون فناجيل وخظر والجسم عود خيزران مايكسره الهواء

وصاكتن علية بذاك الجينز اللي حازة حز ومدري شلون لبستة شكلها

مدهنة جسمها بوازلين قبل لا تلبسة وش بعد وش بعد شفت اية

والخشم اصلاً مالها خشم مدري شلون تتنفس ( يخلف الله علينا تسان

الواحد مننا كل اشباهة خشم في خشم واذا اقبل عليك ما تميز هو

فلان والا علان من زود ماالخشم مغطي الوجة ذكرى مؤلمة * مرة

صورت صورة اربعة في ستة ملونة وما طلع الا خشمي بس في

الصورة بعد لحظة صمت دامت بين عيوننا حسيت انها مكتوبة لي

وانها نصفي الاخر اللي انتظرة منذو مبطي ومافية اجمل واقلع من

لغة العيون وعلى راي الشاعر الكبيرلما قال في لغة العيون وكيف

انها ابلغ من الكلام بكثير حيث قال " ما كول ما يلمعو ذهبن" ---------

> والله ما اعرف غيرة خخخخخ تكلمت وقالت هاااي اسفة اذا كنت

قطعت عليك إيحائك الفني الله الله شوفو الاسلوب والادب مهوب نعم

خير ضايع لك شي في وجهي قلت لا ابد ( صدقت ان عندي ايحاء

فني مادرت اني اغني في نفسي واقول" قال الجميحي في حب

البيض زادت شجوني" للمعلومية هاالاغنية للفنان عبداالحيم حافظ

سجلها جلسة على الاورق قبل ما يموت طالعتها وانا مسبل عيوني

وفاتحهن نص فتحة لفترة قصيرة والخشة طبعاً مفتوحة زي العادة

وبعدها قلت لها بصوت يملئوة البحة مما ادا الى انتثار بعض

السعابيل التي خرجت مني عليها " وشلون ينقطع ايحائي الفني وانا

قدامي اجمل صورة شفتها في حياتي " ( يا جماعة احس اني

استهلكت كل انواع النصب في حياتي وشكلي ببلش لا تزوجت من

وين بجيب نصب على مستوى لمدح ام عيالي ) استحت وحمرت

خدودها زودن على حمرتها وقالت بين عليك فنان تشكيلي صح على

العموم انا اسمي شانيا؟ جيت بقول اية وعادي يعني اول مرة انصب

بس والله قوية اي فنان تشكيلي خلتني اتذكر ايام حصة الفنية لادخل

علينا المدرس وتوة صاقع لة الزقارة والعقال مايل وقال يالله ارسمو

نخلة اذا كان اسبوع الشجرة والا قال ارسمو اشارة مرور اذا كان

اسبوع المرور وهذا تدريسهم وباالتالي تاخذ 1 من 1 باالله وشلون

اصير فنان تشكيلي وهذا هو اللي درسوني لدرجة انة خلاص معد

اعرف ارسم الا يا نخلة طايرن سعفها والا اشارة مرور منسدحة حتى

اذكر يوم اني صغنون قال لي ابوي ياالله ارسمني وانا ابوك ورنا

رسمك واجلس ساعة ارسم وارسم وباالتالي رسمتة وفوق راسة

سعف واقف ومعلق تمر بآذانة وراسمة بوسط حوض والبزبوز يخرخر

على راسة المهم وين طلعنا برا السالفة اية قلت لها والله انا متذوق

للفن التشكيلي فقط واسمي بيزاا ( اهون شوي ) قالت انا مثلك بعد (

ياشين التقليد ) قلت لها ترا عندي لوحات كثيرة مرة مرة ونادرة في

شقتي ومن ظمنهن لوحة موناليزا وارثها من ام جدتي خزنة اللة

يرحمها وكانت شرتها من مزاد فني في اسبانيا ايام ماكانت رايحة

فيذااك تصيف مع رجلها فليز ولد طوني ( قايلكم فيني عرق لبناني

ما تصدقون) ويعني اذا تبين تجين تشوفينهن ماعندي مانع

(خخخخخ اخطط على بعيد خلاص تلكعنا عقب ما كنا ننعزم علشان

نشوف الحمام في السطح صرنا حنا اللي نعزم) قالت والله عرضك

مغري بس ما اقدر وبينما حنا نسولف ومن زود ماجسمي بدا يتكسر

مع الخثرة بسبتها هي وسواليفها مديت يدي ابي اتسند على اقرب

جدار( راعي طويلة ) ومادريت الا وكفي غاطسن بااللوحة اللي قدامي

واثرها مرسومة والعالم الله بتشكيلة مائية مهيب تشكيلة خشبية لان

البوية لزقة بيدي وفجاة دق جرس الانذار( علشاني لمست اللوحة

تكنلوجيا وبس) والعالم اختبصت وانا وخويتي ( خلاص صرنا اخويا )

معهم وش السالفة حريق والا هجوم مسلح الا والله يجيلهم خمسة

عسكر جايين مشوتين لمي ويصارخون وقف وقف !! انا يوم شفتهم

جايين لمي بغيت اصيح من الخرعة بس قلت ياروح ما بعدك روح

:D:D

بقي بس الجزو مدري الجزء الثالث عاد اصبرو ونزله هالايام

باي

بدر


علماً ان

حلوه علماً ان

خخخخخخخخخخخخ

قصدي ترا الجزء الاول على الرابط الي تحت هذا

http://bdr130.net/vb/showthread.php?s=&threadid=17298

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

خطة سير العمل في مشروع الصندوق الماسي الاصدار Massy Version 6
تم الانتهاء من قرابة 92% بالمية وبعد طرح الاصدار السادس سيكون السابع بحول الله اكبر من التصور فسيقوم على الجلب وبني السابع على قاعدة صمم صندوقك كما تحب واحصل على ازره جديدة كل فترة فقط استدعاء وتركيب من التحكم والله الموفق