[poet font="Simplified Arabic,4,deeppink,bold,normal" bkcolor="transparent" bkimage="backgrounds/19.gif" border="double,4,deeppink" type=3 line=200% align=center use=ex length=0 char="" num="0,black" filter=""]
القمر والليل والعشّاق على شط البحر والموج غطى الهمس في دفئ وحنين
واحنا كالطيرين فوق غصين تنظر بالعيون وخايفه من همس نسناس البحر

طـارت وراحت بعيد وطـار قلبي من محله كـود يلحق وابتدا بوح الكنين
من عذابه صـار يكفخ طفـل ضـاع وضيّع أمه هلّت دموعه فلا عنده خبر

علميني يا حروف الشوق كيف اسلى حبيبٍ ما عطاني غير جرحي والأنين
وفهّميني ويش اسّوي تاهت الغـربة بدربـي لاظـلام ولانجـوم ولا قمر

كنت واهم ياحبيبي في حساباتي ولا ادري وش تخبّي لي الليـالي والسنين
بين وهمي والحقيقة مرّ عمري مثـل بـرقٍ ما انتبه له نايـم ما خذ حذر

قام من نومه بوسط السيل ما يـدري وش اللي وصّله للقـاع مدفونٍ بطين
لـو يحرّك رجـل يغطس مشكله رجله قصيره وان ينـادي ما حدٍ ردّ النظر

ويصرخ بأعـلا جنونه ليه يادنيا عليّه وش حصل قولي صراحه وش تبين
ينتظر منها تجـاوب وينطلـق بالجـوّ مـارد يكتب الإصرار حرفه كالجمر

لا يا حرفي لا تسامح ولا تجـامل ولا تدوّر وقت يفنى خـاف رب العالمين
قل لهـا يكفي فضايح لـو تغطي ما يسدّ الشمس منخـل لا ولا كبر الشجر

لـو بغيت اسمح واصـافح عيّت يديّه عليّه ما تطـاوعني شمال ولا يمين
بس يمكن ذكـرياتك باقيـه دامت جـروحك تنحت بقلبـي وتبنـي به قصر

اذكر أيام خلت وكيف كنا صغـار ما ندري عن الحب ولا عـذاب العاشقين
كلنـا بسمة براءه ، نلعب ونلهـو ولا نـدري وثاري الحب معنـا قد كبر

زوّجـوها غصب عنها وغصب عني وانتحر حبٍ جمعنـا ويلكم ياظالمين
قلت يمكن يـوم تهـرب وانتظر لكن تبيّـن كل شئ بعـدي تغيّر يا قهر!!

ارسلت آخر رساله " ابتعد عني ما اطيقـك كان حبّـي لك تسلّي يالفطين"
هكذا بعض العـذاري وهكذا الحب التجـاري وهكذا نمضي يسيرنا القـدر


[/poet]