قصيده انشاء الله تعجبكم <<<مسوي انه كتبها

هذي قصيده لشاعر لا يذكرني اسمه لكن قصيده رائعه وانا معجب جدا بها



لا صرت بايعني اشوفك على خير " مع الســلامه دام مابه ســـــلامه

قلت انتـــهينا قل تلــك خير ياطير " ماني بأول شخص يخسر غرامـه

محذرك من قبلــــها الـــف تحذيـر " لا عفتني بيعيف قلــــبي هيامه

ماني بمـــيت لا ولااحتـــاج تـبرير " صــح الـــله لســانك ووفر كلامه

بسمعك حبكه وفكـره وتصــــوير " وافهم عدل يامدعــي بالفــــهامه

وجه الشعـــر ابيض ويحتاج تغيير " ودي تزين هالقصـــــيده علامـــه

ماضيك الاسود بأذكره دون تقصير " كذا يكون بخد هالشـــعر شـــامه

يصدق معي تعبير ويخون تعبــير " ياضيعة الشــاعر بوقت انسجامه

يمكن خطـــأ ادونك بالشـــعر ميــر " لومااحترمتــــك لـــلغرام احترامه

ماكان حبـــك غير بس طعنتك غيـر " علمتني معنى الندم والنـــــدامه

ماجــــاك منــي اي زلــه وتقصيـــر " كل ماخطـيت اعاتــبك بإبتسامــه

حسبي على الذكره اذاهبت عصير " ماعاد تنفــع شرهــتي والمـــلامه

البال ضامي وقتــها والحزن بـــــير " خسرتك وهمي كسبت اهتمامه

والليل فــازع لك كذا جــــاني مغير " ظـــلمتني واكثر ظلمني ظــلامه

لقبل علي اوحيت صــوت المسايير " وفزيت كل طـــيف اقـــوم بمـــقامه

وليـــاعزم هاللــل ضيقـــه وتفكــير " قــــولي بربــــك كيـــف باقدر انامه

مافي داعـي للعتــــب والمعاذيـــر " الغدر خال الجرح واطـــيب عمــامه

اما يجيب الـــله مطر تالــــي وخير " ولا الســـلامه ماش مامن ســلامه




وســلامـــتـــكــــــم/ مـــــــزاجــــــي