أبي أسمع أنا صوتك وأشوفك قبل ماترحل
أبى أسمع ضحكتك مرة تركتك بس لاتزعل
ولاتزعل ولاتزعل أبد مني ولاترحل
نسيت أعطي لك الوردة وأخاف بغيبتك تذبل
وإذا ماذبلت الوردة تأكد قلبي بيذبل
أمانة لاتخليني ومهما صار لاتزعل
أنا لحظة تفارقنا تمنيت لك الأفضل
ولكن ماحسبت حساب قلبي اللي يتبهذل
ولكن وفقك ربي وأنا اتمنى لك الأفضل
ولكن قبل ماتمشي أبى أذكرك بالأول
عسى قلبك يحِن لي ويرجع وقتنا الأول
لأني ماقويت البعد ولاأستحمله لو طوَل
تذكر يومنا مع بعض نتمشى ونتجَول
وإذا منا تعبنا على كل شي نتأمل
على شكل الهلال وطلته ومتى بيتكمَل
وإذا لمست يدي إيدك من الموضوع تتنصل
وإذا تقولي القمر روعة أقول لك إنتي الأجمل
ولكن مرَت الأيام وكل شيٍ حلو تحوَل
وصار الهم مالينا من الأعلى الى الأسفل

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي