ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

][المستشـــار][ · #1 11-12-2007

طريقة المندي في البرميل وبالبر<<<غادينا نتعلم هع هع

السلام عليكم ورحمة الله وبركاته

برميل المندي مااظن فيه استراحه سوا عزاب والا شباب تخلا منه سوا برميل والا المتمدنين الفرن

طريقة المندي البرميل وبالبر<<<غادينا نتعلم

واليوم حبيت اشاركم بالمنتدى ووشلون تسوي لك رزيزه مع دجاج في برميل المندي

بالنسبة لـ برميل المندي فيه برميل اسمه (كيسي) وهو عبارة عن صفيحة حديد من 2ملم الى 6ملم على حسب طلبك ويتم طي هذه الصفيحة على شكل برميل يكون قطره تقريبا 70-80سم ويكون ارتفاعه حوالي متر او اكثر قليلا ويصمم لها غطاء وهذا هو برميل المندي المطلوب لك وللزمن وترا الصداء مب يخالف فيه يعني مايحتاج تغيره اذا اصدى

اول شي نقوم فيه ان نشب على الحطب في البرميل

همن نولم بهارات المندي بالنسبه لي عباره عن ( ملح - ماجي- كمون- صفار والى صلصه ( حسب الرغبه) -بهارات مشكله - شوي فلفل اسود ) همن نخلطها مع بعض

همن نقطع الدجاج انصاف او تخليها عدله على حسب الرغبه بس عاد الانصاف انها تقدر تتاكد من الابهار وصلها كلها من
الداخل ومن الخارج وتغسل الدجاج ثم تبهره

ومن ثم تحط رز على حسب عدد الموجودين ( احسب لكل نفر بيالتين ) واخر شي زد لك ثلاث عن الشكه لو جاء زود
ولا تنسى تغسله لك مره وحده او مرتين همن خله ينقع له نص ساعه

همن قطع البصل والطماط مع شوي زيت ولومي ودارسين وملح وتسان فيه هيل

وحط عليها الرز بدون ماتكشنه واخلطهن مع بعض هم زد الرز مويه وخله يزيد عن الرز حول 6-8 سم

صف الدجاج في الشبك المخصص لهن بمثل هالشكل الى بالصوره

على ماتخلص شغلك وتنقيع الرز والشغل هالى فوق كله والى البرميل قد جمر وصار يقول وين رزك ودجاجك
ولا ننسى نحط مركاب عشان نحط عليه قدر الرز عشان مايقرر ( يحترق من تحت )

ننزل الرز تحت ( ويفضل يصير للمندي قدر خاص بحيث انه يصير له معلق تقدر تنزل فيه القدر بدون مايتسويك

)

بعد مانقعد الرز زين نعلق الدجاج فوق مباشره بحيث ان بهارات الدجاج ولونه ياخذ منه الرز

بعدها نحكم اغلاق البرميل

ونجيب برميل ماء ونقع فيه خياش

نغطي البرميل من فوق بالخياش الى رابصة ماء بحيث انه مايصير فيه تنسيم

همن عاد رح زين لك براد شاهي واحسب له من ساعه الى ساعه وربع (

وننتبه عند فتح البرميل من البخار ) يعني احسن شي انك بعد ماتفتح القفل حق البرميل انه يصير معك عتله والى خشبة طويله وتقرص على الغطاء بشويش ( لا تحمس وتخرب الغطاء ) الين يطلع البخار ولو طلع بسرعه تصير انت بعيد

همن انتسبه في بلم وقدمه ساخناً

همن سم بالله واضرب بالخمس

واتمنى ان الموضوع يعجبكم ومانستغنى عن خبرتكم وتسان عندكم طرق اخرى نتعلمها

منقــــول

أخوكــــــــــم
المستشار

منتديات مدرسة المشاغبين - القنص الصيد الرحلات البريه الرحلات البحريه

مزمز ميرندا · #2 11-13-2007

واللهـ انكـ شهيتني ههههههههه

واللهـ الموضوع اكثر من رائع

واللهـ يعطيكـ العافيه على النقل

أتعبني غـــروري · #3 11-13-2007

الله يعطيك العافيه

ههههههههههههههههههههههههههههههههههههههههههه

واحلى شي الببسي وميرندا المتصرعاااااااااااااااات

عا السفارة

تقبل اخوي

رآيــق · #4 11-13-2007

آآخ يالبر بس

يعطيك العافيه يا بعدي

][المستشـــار][ · #5 11-13-2007

اقتباس:

واللهـ انكـ شهيتني ههههههههه

تقوله صادز والي يقولك لماشفته واناجوعان وسعابيلي تقوطر <<انواع الالم

اقتباس:

واللهـ الموضوع اكثر من رائع

واللهـ يعطيكـ العافيه على النقل

تسلملي حبيب البي

أخوك
المستشار

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري