|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
11-14-2007, 08:40 AM
| ||||
| ||||
 قنوات mbc والسحر ... من يوقفها ؟ السلام عليكم ورحمة الله وبركاته اول شي الموضوع منقوووول وذلك للفائدة __________________________________________________ من يتابع قنوات mbc يجد العري والخلاعه الموجوده في أغلب القنوات إلا أن mbc إنفردت عنهم بالدعوه للسحر ونشره خصوصا بين الشباب والاطفال فلم يشتهر الساحر ممدوح المرزوقي إلا من خلال هذه القناة التي أجرت معه مقابلات من خلال برنامج (آدم ) ثم استضافته بقية القنوات اللي يقهر في هذا الموضوع إنهم يرحبوبه ويقدمونه بـ ( الساحر السعودي ) ولم يشتهر أصلا لأنه أتى بشي جديد ولكن اشتهر لأنه جمع بين النقيضين السحر وهو ( الكفر ) والسعودية ( البلد التي اتخذت الشريعة الاسلامية منهجا ودستورا ) أليس شي يدعوا للتعجب رجال الحسبه في هذه البلد بارك الله فيهم وفي جهودهم يبحثوا عن السحره ويطاردوهم في الاوكار وبين الجبال وكل ماشاهدنا في الجرايد خبر قبض علي ساحر وإبطال مافي حوزته دعونا لهم بالتوفيق والسداد وهذا الساحر يتنطط بين القنوات وماحد يقيم عليه شرع الله أو ينكر عليه فعله عليه من الله مايستحق ألم يقل الرسول صلى الله عليه وسلم ( حد الساحر ضربة بالسيف ) أو كما قال. أتمنى من الدوله أقل شي تسحب منه الجنسية وتمنعه من الدخول لأراضيها خليه يتشرد خليه ساحر بس لاينتمي لأرض الاسلام هذا على صعيد الشباب نجي للأدهى والأمر قناة mbc للأطفال والدعوة للسحر في برنامج نبيل العوضي عن السحر والانكار على قناتي كنوز وشهرزاد اتصل رجل من مصر وقال ياشيخ فيه قناة للاطفال تعرض مغامرات عن السحر على طول جاء في بالي قناة mbc3 لأنهم بيعرضوا بابا وماما السحريان وهو أعتقد ماقصده المتصل طبيعي الطفل يتمنى إن كل طلباته تكون مجابه ولما يكون هذا الشي من خلال السحر أكيد بيحبه ويتعلق فيه تقولي بنتي( ياليتكم ياأمي انتي وأبوي سحريان عشان تجيبولي كل شي أبغاه ) رغم إنا نحاول نلبي أغلب طلباتها لكن حققت القناة شيئا من مبتغاها وهو حب الطفل للسحر بعد كذا بدت تتطور في برامجها ولكم الطامه الكبرى والله العظيم أصيبت بنتي ( 5 سنوات ) في قدمها ووضعتلها من الادويه المعتاده وعند النوم زاد عليها الألم كنت بجانبها واسمعها تقول ( يمك وي وي وي كيزاو, يمك وي وي وي كيزاو ) طالعت فيها لقيتها تحرك أصابعها ويدينها حولين رجلها زي الساحر لما بيطلع أرنب من طربوش جلست أضحك عليها قلتلها بنت إش تسوين قالت أسوي زي جاكي شان عشان تخف رجلي ناديت أختها الكبيرة قالتلي إيوه يا أمي في جاكي شان عجوز ساحر يقول كذا ويسوي كل شي. والله شي يقهرويبكي مو يضحك يعني نرجع نربيهم من جديد كنت دايم أعودهم يقرون الفاتحه ويدعون الله تعلموا خزعبلات السحره الله يجازي هذي القنوات حسبي الله عليهم ونعم الوكيل فيه أعظم من هز عقيدة الطفل والله مانزلت هذا الموضوع إلا خوفا على عقيدة أطفالكم من الانحراف ارتحنا من قناتي كنوز وشهرزاد من يريحنا من القنوات السعودية ومن يقف أمامهم على قول نبيل العوضي المجون والعري في كل القنوات لكن إلا العقيدة وكانت دعوته لإيقاف قنوات السحر وهذي mbc تدس السم في العسل وموجهه لفئه مهمه ومرحله خطيرة وهي الطفوله فكل مولود يولد على الفطره وهذي تحرف الفطر السليمة منقووول |
|
11-14-2007, 08:51 AM
| |||
| |||
| رد: قنوات mbc والسحر ... من يوقفها ؟ وعليكم السلام ورحمة الله وبركاته 00 التحريض على الانحلال في كل القنوات ؛؛ لكن هم يقدرون يقولون كلمه وحدهـ ..؟؟ ما اعتقد ؛؛ اذكر كان فيه مسلسل كانت بتعرض في رمضان ؛؛ منعوها قبل العرض ؛؛ ليش ..؟؟ عشان مسؤل من الكويت طلب هيك ؛؛ طيب وين مسؤلينا عن اشياء مثل هذي ..؟؟ من جد دمار ؛؛ صراحه اندهشت من اسلوب البنوته وطريقة تقليدها !! يعني التأثير قوي مرهـ .. وما اقتصرت على السحر والخزعبلات هذي :: الحين الرسوم اللي يعرضونها مو حقت اطفال !! ولا الافلام ؛؛ وربي انها للبالغين :: وحتى احيان انا استحي اطالع لبعض افلامهم ؛؛ مشكله ازليه :: متى تنحل !! يعطيكي العافيه ياقلبي ع الموضوع ؛؛ وبارك الله فيك ونفع بك ؛؛ أختــــك :: |
|
11-14-2007, 10:00 AM
| |||
| |||
| رد: قنوات mbc والسحر ... من يوقفها ؟ يعطيك العافيه على هذا الطرح الجيد . وأقول أن في زمننا هذا أصبح الناس هم من يساعدون هؤلاء السحره على الشهره والاستمرار في هذا العمل وانظري الي الاتصالات التي تأتي لأي برنامج ينشر ذلك وكأن الناس لا يعلمون أن هذا شرك . ولكن الناس اغمضوا أعينهم يعني (( أهم شي اصير بخير وبكيفه ساحر وإلا الا )) هذا والله ما نستغربه فعلا لم يعد هناك ثقه بالله سبحانه وتعالى والله المستعان . تقبلي مروري ............. عبود
_________________  |
|
11-14-2007, 10:08 AM
| ||||
| ||||
| رد: قنوات mbc والسحر ... من يوقفها ؟ ياوخيتي الحين كل شي يجيب فلوس مو مشكلة ماعاد يهم الله المستعان حرام ولا حلال ولا يجوز ولا مايجوز دامه يجيب دراهم اجل مافي احد بيقول لا والأم بي سي الحمد لله اني ماني راعي تلفزيون الى في السنة حسنة لكن مو شي غريب عليها لأنها بتكسب من اهل النفوس المسكينة مكالمات ومسجات والخ.. وكل هذا من صالح الميزانية وهذا الشرط الأساسي والمغزى المهم لأصحاب القنوات اما سالفة ان ينط مسؤول من الي عندنا ويعترض من ماذكرت الاخت هذي اغسل يدك متى سمعنا اصلن ان في برنامج منع ؟؟؟ ان فلحو الغو حلقة طاش حقت (شهيبان) لكن قنوات السحر لا شلون يلغونها وهي من كل حلقة يجيبهم راس مالي كبير شي عجيب ويحط الأستفهامات حول هذا التناقض ماقول الى الله يوفقك برنامج 99 الي فضحهم لكن الى الحين قويين عين ذا المحطات |
|
11-14-2007, 10:10 AM
| ||||
| ||||
| رد: قنوات mbc والسحر ... من يوقفها ؟ يعطيك العافيه على الطرح القيم للاسف هذا حال قنواتنا الفضائيه تدعوا الى الانحلال الاخلاقي والى هدم العقيده ولايوجد من يوقف بث مثل تلك البرامج ولا من يطالب بايقافها لذلك ستستمرفي بث سمومها للاسف ان اغلب تلك القنوات يمولها رجال اعمال سعودين من ارض الحرمين حسبي الله ونعم الوكيل تقبلي مروري
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
