ياجماعه الخير ابغى قاضي يفصل بيني وبين البدر في موضوع خاص

هاي شله

هذا اليوم طال عمركم كان مزعلني البدر ومير اتصل عليه ومير يرد ومير يقول لي تعال

سير علي واجلس معك ومير اروح له(كثرت مير)

واطلع له عند الساعه العاشره بعد منتصف اليل والله لا يعيدها من ساعه

انا دخلت المجلس ولا مادخلت وهو يتعلق في رقبتي تعااااااال

الحين مسوي نفسك ثقيل علي والا عارف معزتك عنديوانا مصارخ بدر اعقل ياخوي ذبحتني

ماتسوى على الجيه ياخوي خلاص حقكك على راسي من فوق

ونجلس نتقهوا اذكر كان معي سيدي بس رجعت البيت بدونه وماشاء الله على اخوانه

ياهم كثار اللهم صلي عليه تقول داخل موسسة مقاولات كل شوي يدخل عليك واحد

تضيع ماتعرف هذا ولا ذاك

وماتدري الا الصغار من اخوانه الي يدخل عليك من الشباك والي يطلع عليك من وراى الكنبه

وانا بس خلاص يا ولد عيب يا ولد وكل واحد يطل في وجهك يقول انت من ؟.

وانا اقول هو ماتعرف من اكون ؟

يقول لا من انت انا اقول له انا زغلول يقول الي في منتدى؟

ايييييييه وولد جيران عمك منسدح في الفه

شوي الا يدخل علي البدر يقول اسمع جوالي فاضي وابغى استعمل جوالك

جوالي استقبال قال عطني جهازك

واعطيه جهازي ويسحب على والديني تقول الجهاز مهوب لي

ويجي قال تعال ابروح اجيب امي ويلف فيني لين داخ راسي قلت وين المخده ابغى انام خلاص

مابغى عشا من وراك

قال اقول امثبر بس ويستلم فيني خط ويحجر الي جابني ولا طلعني الا بعد صلاة الفجر وانا ابكي من القهر ابغى اروح للبيت قبل لا يصحى ابوي من النوم ويكفخني علشان كذا انا اطالب

منكم يا مشاغبين تاخذون حقي من البدر
1/يرجع جوالي

2/ يعبي لي بانزين

3/ يعشيني على حسابه

4/يشتري لي صدام بدل الي طيره في الرصيف

وسلامتكم :D

كاتب الرسالة الأصلية زغلول بيه منكم يا مشاغبين تاخذون حقي من البدر 1/يرجع جوالي 2/ يعبي لي بانزين 3/ يعشيني على حسابه 4/يشتري لي صدام بدل الي طيره في الرصيف وسلامتكم :D [/B]