تنسيق القصيده يعمل في ستايل والاستايلات الثانيه ما يشتغل فيها ليش ؟

مساكم الله بالخير جميعا


كيفكم يا المشاغبين


عندي بالمنتدى تنسيق القصيده
كان شغال زي الحلاوه

انا ما نيب راعي قصايد ولا شي

فجاة جتني رسالة من احد الاعضاء يقول تنسيق القصيده ما يشتغل

قلت اشوف وش المشكله حاولت بشتى الطرق ما فيه فايده

قلت له غديه ما يحتاج يا رجال


المهم انا دعم فني في منتدى واحد من الشباب وقالي تنسيق القصيده ما يشتغل

قلت يالله نحاول مره ثانيه

الزبده اني لقيت في كلمات ممنوعه هي اللي مخبره الوضع كله
شلتها وضبط كل شي عنده

قلت زييييييييييين
اجل بالمنتدى حقي نفس المشكله

رحت وشلت الكلمات الممنوعه من عندي
بس ما ضبط


بعد شوي قالي ولد عمي وين تقول زينته ما صلح
قلت وشلون الا مضبطه

رحت اتاكد
كل شي تمام
وهو يقول لا
عمى وش السالفه


دريت اني استخدم ستايل مختلف عن الاستايل اللي يستخدمه هو


يعني تنسيق القصيده يعمل بستايل والاستايلات الثانيه ما يعمل فيها

واتوقع ان هذا السبب
اللي يخلي تنسيق القصيده عندي ما يشتغل


وش السوات يا حماعه


ياليت القى حل عندكم

طبعا الصندوق الماسي الرابع والاخير هو اللي مثبت
وتم تعديل القوالب كلها
والكلمات الممنوعه تم مسحها




بنتظاركم