تدري وش اللي يجرح القلب جرحين

ويمد حبـل الحـزن فيـك ويشـده ...

انك تناظر طفل مـن غيـر ابويـن...

يمشي ودمعـة سايـل فـوق خـده ...

منظر صعيب ويقسم القلـب قسميـن ...

لا قـام يمسـح دمعـة بكـف يـده ...

يمش ولا يدري طريقة علـى ويـن ...

لين التعب من كثـر مـا تـاه هـده ...

اثقل حـروف يشيلهـا فيـه حرفيـن ...

لا أب يـدريـبـة ولا أم تـــرده ...

في خطوته رحلـة ودمعـة وسكيـن ...

وحـظ توسـد بالمراسـي مـخـده ...

جيت اسألـة بالله قللـي ولـد ميـن ...

وبغي يجاوب وختنـق صـوت رده ...

أنـا يتيـم ومـا لدربـي عنـاويـن ...

وجزر الحزن فينـي يسـاوي لمـده ...

وطعم الطفولة ما عرفته لهـا لحيـن ...

وثوب السعادة صـرت مانيـب قـده ...

ابكي إلى من شفت غيـري سعيديـن ...

ليـن البكـا فينـي يوصـل لحـده ...

واقفي ورحت امسح دموعي من العين ...

وعيني تناظـر دمعتـه فـوق خـده ...

وهذا اللي يجـرح القلـب جرحيـن ...

ويمد حبل الحـزن غصـب ويشـده ...



دقيت على الوتر الحساس ي الـ غ ري ب ...
لا أسكت الله لك حسا" واستعملك في طاعته...
هذا وانت تشوف اليتيم قلبك ينجرح جرحين
كيف اليتيم اللي يقاسي جروحه.............!!!!! تقبل تحيات "جريح الأيام"