عذب جـدا ً .. !!!




شسولف لك .. عن ايام الجفا والبعد والحرمـان
بسولف لك .. عن ايّـام العـذاب اللـي تبلاّنـي
تغيب وتحسب اني بالغياب .. اضحك مع الخلان
وانا عينـي تحـرّا شوفتـك .. ياسيـد خلاّنـي
ابد شوفت عيونك يالغضي .. من قال لك زعلان؟
وانا طول الغياب اسامـر الضيقـات واحزانـي
تعبت من الغياب .. اللي معيّشني مـع الاحـزان
تعبت من الهموم .. اللي تعنّـا لـي وتنصانـي
تعبت من الفراق .. اللي يكدّر خاطـر الولهـان
تعبت من الخيال .. اللـي يواصلنـي ويجفانـي
تعبت من الكلام .. اللي يذكّرنـي وانـا نسيـان
تعبت من العذول .. اللي على شوفتـك ينهانـي
تعبت من الغرام .. اللي ذبحني فيـك يـا فتـان
تعب قلبي من افراق الغـلا .. واعـزّ صدقانـي
تعبت اغنيّ ألحان الفراق .. ول الفـراق ألحـان
تعبت أنطرك ترجع .. مثل ماكنّـا علـى شانـي
تعبت ابكي عليك أحيان .. وأشكيلك عليك أحيان
تعبت اسهر .. تعبت اشوف نور الشمس لابانـي
تعبت من الدموع اللي تسيل .. وتجرح الاوجـان
تعبت من الضمير .. اللي ليا هوجسـت بكانـي
تعبت افكّر .. انك مانسيت الحب .. واللي كـان
تعبت اقـول .. خلـي مستحيـل انـه تناسانـي
تعبت أصبر تعبت أذكر .. تعبت اتعب وانا تعبان
تعبت اتعب عليك .. ومت من فرقـاك يالجانـي
تعبت اتعب .. من ايّام الشقا والصد والهجـران
خلاص انسى وانا بقسى .. وابي انساك وانساني
شسولف لك بعد .. ماعاد عندي سالفـه يافـلان
خلص كل الكلام .. اللي بقلبـي قالـه السانـي
واذا قصدك تبي تسئل عن دموعي .. من الرحمن
بعد شفتك .. تبي شوفك وسالت لك .. ترجّانـي


__________________

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

للمراسلة والتواصل


|
-
-
mm01mm@hotmail.com