ياليت ربي ما خلق حب وفـراق

دام الكلام اليوم ما عـاد ينطـاق=بين الولايف نبرة الشوق غرقـا
قال السديري عقب ماخاطره ظاق=بيتن يخلي ظامي القلـب يشقـا
ياليت ربي ما خلق حب وفـراق=والا خلق حبن على غيـر فرقـا
بيتن يخلي ضايق الصدر يشتـاق=لمعانق ايـام الصبـا لـو تبقّـا
ياليت حظي ما تعثـر ولا بـاق=ولا شفت وقتن فيه قمـت اتوقّـا
من عانقوا دربي قليلين الاوفـاق=وانا على ماقيـل حالـي تشقّـا
ما بيننا يابنت حشمه وميثـاق؟؟=وما بيننا نفسن على الود شفقا ؟؟
وشلون صدرك للخيانات ما ضاق=وانا الوليف اللي على الود يبقـا
عشر ليالي ساهرينه على سـاق=تهون عندك؟ والمخـاوي مشقّـا
ياحيف ياللي كل ما قلت خفّـاق=قلبه على شوفي واياديـه عرقـا
ياهيه يالمشتـاق لاعـاد تشتـاق=ويامعدي المرقاب لاعـاد ترقـا
كلام شوقن حافظه وسط الاعماق=خل الرجم وانزل على راس برقا