|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
11-22-2007, 11:53 PM
| ||||
| ||||
 قصة البنت الي ركبت مع ثلاث شباب بالثمامه السلام عليكم شخباركم انشالله بخير المهم ابيكم تشجعوني لان هذي اول قصه اكتبها وابي الردور>>>>>>>:71_71:بس عاد لا يكثر  قصة البنت اللي ركبت مع الشباب في الثمامه حقيقيه ميه بالميه ...القصه شوي طويله ويمكن البعض قراها او سمع فيها بس بليز اقروها تهمكم لأن ممكن هالاشياء تصير لنا في حياتنا الواقعيه ..... اربعة شباب تواعدوا يطلعون للبر في الثمامه سوا ويكشتون ليلتين اتفقوا بينهم ان كل واحد يجيب معه شي ...اللي جاب خيمه واللي جاب الاكل واللي جاب الورقه واللي جاي بروحه بس !!! ويوم جت وقت الطلعه ولا وخويهم اللي انشغل !! اتصل عليهم وقالهم ان ابوه تعبان ويبي يوديه للمستشفى ... الشباب قالوا عادي خذ راحتك ..طبعا هم ماراح يتأثرون لأنه ماراح يجيب معه شي ... المهم تجمعوا الشباب ..وركبوا في ذاك الجمس المضلل 3 في الامام و ولا واحد في الخلف !!! لأنهم تهاوشوا من يركب في الامام .. بدت رحلتهم ..كانوا مستانسين في الطريق ويغنوا ويرقصوا ويستهبلوا على خلق الله !! ويوم دخلوا الثمامه ونطروا دوار العويضه الا ويشوفون ذاك الشي !!! شي اسود وخصر وعليه لثمه قاعده تأشر على قارعة الطريق (حلوه على قارعة الطريق ) ...ويكعون فراميل لين طلعوا كلهم مع القزازه !! وتقول لهم معليش شباب ممكن توصلوني بيت اهلي !!؟؟؟ قالوا لها وانتي وش جايبك هنا بلحالك ؟؟ قالت انا جيت مع اهلي ..بس رحت اقضي حاجتي ..وتأخرت شوي ...ومن كثر خواتي ابوي يحسبني معهم وراحوا وخلوني لوحدي !!! الشباب قالوا خير ان شاء الله ...وين بيتك ؟؟ قالت بيتنا في السويدي !! الشباب مسكوا روسهم !! قالوا ويش بيودينا للسويدي وحنا في الثمامه ..بس مش مشكله عمل انساني!!(والا لو انه ابو شنب ايه هين نشوف الاعمال الانسانيه) ... عاد اقووولكم ... ركبوها في الجمس ... ويمشون مليونين ..واللي في الامام كل شوي يلتفتون والسعابيل تقطر !!تقل ماقد شافوا بنت .. واللي يلتفت عليها ويغمز ..واللي يأشر لها ..وهي معطيتهم اشكل .... ويوم وصلوا للسويدي ...ويقولوا لها ..شاوريلنا بيدك ودلينا على بيتكم ..البنت قامت تأشر وتدلدل فيهم بس المشكله هي ماتعرف البيت ... لأنهم دخلوا للسويدي من جهه غير اللي ابوها يجيبهم منها .... عاد ضاعت طاسة البنيه وقعدت تصيح الوقت كان ليل وقالوا لها مهيب مشكله ..حنا الحين بنروح نكشت في الثمامه والصباح رباح !! وش رايك تجين معنا هناك ...البنت فكرت شوي ووافقت بس بشروط ..انها ماتفصخ عبايتها ..وتنام فيها لين الصبح ...الشباب وافقوا ورجعوا للثمامه وطقوا خيمتهم .... هم مستانسين ويلعبون ورقه والبنت تعاينهم من بعيد يقالها خايفه قعدوا يشوون ويوم خلصوا شوي حطوا للبنت كل الاكل ويوم خلصت وشبعت كلوا عقبها وقهووها وحلو وسمرو على ضوء القمر وضحك ووناسه والبنت من بعيد لبعيد بس ... وجاء وقت النوم ... الشباب تراصوا في قرنه وفرشوا للبنت الفراش الكبير ...وناموا... وهم نايمين حسوا ان البنت تتقرب منهم حبه حبه !!! العيال شكوا في الموضوع ..قالوا شكلها من البنات اللي مااااش !! (تكفى يالعاقلين) !!! والله والبنت تتقرب وتتقرب .... لين مره صار بينها وبينهم سانتي واحد .. وتفتش وترمي العبايه !! وشافوها؟؟؟ وش تتوقعون صار !!! طبعا ماراح تتوقعون مين !!! هي خويهم الرابع اللي اعتذر ...لابس عبايه ومسوي روحه بنت !!!! ويشبون عليه ويذبحونه ضرب ويقومون ويضفون عفشهم حتى العبايه خذوها !!!وخلوه بروحه هناك ... ويقواون خل نشوف من اللي بيوصلك لبيتكم ......  |
|
11-23-2007, 04:11 AM
| ||||
| ||||
| رد: قصة البنت الي ركبت مع ثلاث شباب بالثمامه يسلموووو على القصه الروعه والله انها تجنن بس حلوو المقلب عيشناا جوو |
|
11-23-2007, 02:00 PM
| |||
| |||
| رد: قصة البنت الي ركبت مع ثلاث شباب بالثمامه يعطيكي العافيه اختي قصه حلوه انا شممكيت انها خويهم يوم قربت شوي شوي |
|
11-25-2007, 03:20 PM
| ||||
| ||||
| رد: قصة البنت الي ركبت مع ثلاث شباب بالثمامه مشكوره خيتي نوف على مرورج واهم شي انها اعجبتج |
|
11-25-2007, 03:24 PM
| ||||
| ||||
| رد: قصة البنت الي ركبت مع ثلاث شباب بالثمامه مشكور اخوي Al_sarre على مرورك |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
