شخصيتك من أفلام الكرتون

الصراحة ثم الصراحة لاحد يستحي

كلكم تشوفون رسوم وكل واحد يقول وش هو

يالله نبتدي




أفلام كرتون(توم وجيري) :

أنت إنسان مهستر وتخق مع المغامرات والمطاردات ولك ماضي رصاصي فاتح مع مدرسينك ايام الدراسه , تحب الحيّل والمقالب ,مزحك ثقيـل تحب تنكتّ وتضحك على روحك .. ( كفّك والله انك مقلع )

2-أفلام كرتون (جورجي وسالي ولين وغيرها من هذا النوع ) :

أنت إنسان رقيق المشاعر ودلوع وتتمتع بحس مرهف إذا كنتي برطومه فأنتي تحبين تحطين غرتك على عيونك وتهفينه كل شوي وإذا كنت برطوم فأنت تعاني من عقده نفسيه لإن أيام الطفوله كانوا يعيرونك (البنيّه) ( وغالبآ أكثر مايتابع هالنوعيه هم البرطومات )

3-أفلام كرتون (قريندايزر وغيرها من هذا النوع) :

انت إنسان واثق من نفسك وتحب تشتري العاب جديده وتلعب فيها قدام عيال الحاره وتستعرض وان كنتي برطومه فانتي من النوع اللي تقصين شعرك بوي وتصفقين عيال الحاره وتسرقين علوك منهم (وغالبآ أكثر مايتابع هالنوعيه هم البراطيم

4- أفلام كرتون (بومبو) :

أنت إنسان رومنسي تحب الخيال من النوع اللي ممكن وانت جالس مع اهلك فجأه تجلس تسولف على عمرك وتلعب بأصابعك بحماس ويرتفع صوتك وتنسف العالم وراك < تنسف

5- أفلام كرتون (ماروكو) : أنت إنسان مطنّش أبو أمّ الدنيا هذي وعايش بـ جو خاص فيك .. إنسان شقي وقلق شوي تحب تلعب لحالك.. ويحبونك اهلك تلعب لحالك لأنك مسبب لهم قلق ( تعجبني يامطنّش واصل وحنّا وراك )


6-أفلام كرتون (السيدة ملعقة وعقلة الإصبع) :

أنت إنسان خيالي .. تحب تفلسف وتطول المشاوير وتسوي نفسك فاهم.. إنتبه لنفسك لانك ممكن مع الوقت تصير مثقف وتألف كتاب بأسم ( خريف البحر )

7- أفلام كرتون (طمطوم) :

أنت شخص طمووح وتبي تسوي عمرك بطل باللي هي به لدرجة ممكن انك تتبرى من اهلك علشان تقول انك ولد الملك ( أهنيك على هالطموح واصل واصل )

8- أفلام كرتون (و) :

أنت إنسان بسيط وقلبك طيب لدرجة تخولك إنك تتخلى عن 3 ريال الفسحه لتصبح ريال واحد من أجل إدخال البهجه على قلب غيرك < تخولك ( خل عنك الفزعات وأقضب ارضك لو احتجت انت ماحدن داري عنك )

9عدنان ولينا) :

أنت إنسان رومنصي قدن قدن وجايب العيد مع احد من اصدقائك .. تحب المهايط والتميلح قلبك طيب بس مزاجي يعني ممكن تمسك معك وتصك أخوا خوينك طراق يمشي مليون لسبب تافه ( انتبه لنفسك مش كل مره تسلم القره .. المره الثانيه يجيك كف يمشي مليونين من نفس خويك هذاك )



10- (سوار العسل ) :

أنت إنسان رقيق المشاعر جديّ شوي ودايمآ تشيل اغصان الشجر والحصى اللي بوسط الشارع وتمسك يدين الشيبان والعجز عشان يقطعون الشارع وتعطي ****************ال مويه وريالات كل ماشفته (يعيرونك المؤدب احيانآ بس لا تهتم واصل ,ـهههههههـ ياحليلك )

11- (باباي) :

أنت إنسان جريء لدرجة البثاره وقوي لدرجة الوقاحه ودلخ بعض الأحيان , مغرور مع انك غبي أحلى شي فيك أنك تتقبل كل شي وتعتبر كل شي .. شي .. ـههههههههههـ وهـ تعبت قضن افكاري

يالله عاد كل واحد يقولنا من اي نوع هو ؟!
وإحنا فاهمين بعض يعني ماله داعي تكون من اللي يحبون قريندايزر وتحط لي عدنان
ملطوشه

ههههههههههههههههههههههههه
الموضوع روعه يجنن
يعطيك العافيه
اما انا احب توم وجيري>>>>خخخخخخ
تقبل مروري

_________________

والله تذكريني با ايام زمان يوم كنت اسنتر عند التلفزيون الصباح انتضر سبستون تفتح
مشكووووره علي الموضوع الحلو يا عسل

والله اني اموووت بليدي وساالي ..

بس موو نفس شخصيتي يمكن بس 30 بالمية ...


يسلمووو

_________________
سبحان الله والحمدلله ولا اله الا الله

عدنان ولينا) :

أنت إنسان رومنصي قدن قدن وجايب العيد مع احد من اصدقائك .. تحب المهايط والتميلح قلبك طيب بس مزاجي يعني ممكن تمسك معك وتصك أخوا خوينك طراق يمشي مليون لسبب تافه ( انتبه لنفسك مش كل مره تسلم القره .. المره الثانيه يجيك كف يمشي مليونين من نفس خويك هذاك )

ياحلو عدنان ولينا حتى لو يجي الحين بتابعة خخخخخخخخخ

_________________