يعتبر الهاتف الجوال ... من اجهزة العصر الحديثه و ... (توهق ) :D

<< ما عنده اسلوب

المهم انه مهم في الحياة العامه والخاصه والاجتماعيه وفي حالات

الطلاق :p

<<< قايلكم الاسلوب رايحن فيها


المهم ان في ناس غاثيني كل يوم واحد والا وحده متصلين على

بس مدري ليش .... هو واحد من عدة احتمالات

يا ان صوتي يهبل ... والا ان صوتي رومنسي والا صوتي شاعري

مع ان صوتي في الصبح سعد جمعه وفي الليل خالد الملا




الاتصال الاول


المتصل :الووووووووووو


هجمه : سم


المتصل :وينك يا وجه العنز ... ما قلتلك

جب لبن وخبز ... ابوك قرب يوصل من الشغل


هجمه :

غلطانه يا خاله


المتصل :الله جعلها تتخلخل عضامك


طوطوطو



الاتصال الثاني


ابك الوووووووو


هجمه : سم


سم الله عدوك


هجمه : عز الله مقامك


المتصل :مدري يخوي تشترون السيارات المصدومه

هجمه:
خخخخخخخخخخخ لا يخوي من مركبك مطب وقال اني التشليح


المتصل : ما سمعتك

هجمه : اقول لا الحين ما نشتري


المتصل :اجل وراك منزل اعلان في

الجريده اليوم يا افدغ

طوووطوو


<< موهقينه اخوياه


الآتصال رقم ألف :

العجوزه الو :

هجمه : هلا من

العجوزه وين صالح :


هجمه : صالح من

العجوزه : وين صالح وقله اني ابيه ضروري

هجمه: معليش يا خاله اظاهر انك غلطانه وهذا جوالي مهوب جوال صالح

العجوزه : قل امين

انا : امين

العجوزه : الله لا يوووفقك لا دنيا ولا اخره وعساك بالمالطيه اللي تخليك ما تشوف العافيه <<< دعاء مميز:D

انا : ليش يااخاله وش سويت

العجوزه : كل تراب

تشك <<< تقفليه سماعه


وصارت تقريبا كل يوم تدق علي والمشكله تدق من ارقام كثيره يعني ما ادري وش اخزن وش اخلي

وعلى نفس الموال وين صالح ابي صالح لدرجه انها تقووولي الا انت صاالح ..


صرت اسمع لكلامها واخذها على قد عقلها واخليها تاخذ راحتها بالكلام ...


وفي الحج مهوب اللي راح لا اللي قبله ..

<<<<< نوى اخوكم هجمه يحج

زبطت امووري انا واللي ابحج معهم مع حمله الاحسان <<< فرحان يوم بغى يحج

المهم قالولنا الوعد في المطار الساعه 9 الصبح رحت المطار وقبل الرحله ب نص ساعه

المهم

ردي الزياه وردي الزياره علينا يا حلو الاطباع <<<< نغمه جواله انذاك

هجمه : الو

العجوووزه : االو

هجمه :- ذكر الصوت بس ما تاكد لانها انقطعت فتره .. هلا مين

العجوز : يعني مافيه امل تقوولي وين صااالح .. :D

هجمه : واله مهوب انا صالح ولا ادري منهو واذا هو ولدك ترى والله

ما اعرفه تكفين لاعاد تدقين وانا اذا عرفت شي عن صالح ابدق عليك .. ويالله عن اذنك ابروح احج الحين

العجوز : جعلك انشاء الله للحمى وعسى حجك ما ينقبل منك وجعلك ما تشوووف

الكعبه في حجك .. وجعلك ما تشووفها ابد الا وانت مكفن ...

هجمه <<<< جاه انهيار عصبي في المفصل .. اقوول انتي يا .... << تشفير

جعلي انشاء الله اصلي على صالح في الحرم وانا هناك <<< يقاله رده عنيف :D

العجووزه : اااامين ااااامين انشاء الله :eek::D



الاتصال الثمانون :

المتصل : الووو

هجمه :

المتصل :وش رايك في السعوده

هجمه : لا يهمك بس كلام


المتصل :بس هم يقولون انهم انجزوا

60 % من السعوده في جميع القطاعات


هجمه : يا رجال قلتلك لا يهمونك ... حتى شف اللي يردون

ورى محمد عبده كلهم دوافير :D:D

وين السعوده عنهم