السلام عليكم
مسآكم الله بآلخير ياخوآني وخوآتي
هذاك اليوم كاشت أنا والوالد لثمامه والله ونجلس ونشب النار وشوي إلا هذي نوال الزغبي هي وأمها وأبوها كاشتين بجنبنا قلت يبه وين الدربيل قالي وش تبي فيه قلت أبي أشوف وين القبله (أنواع التصريف);) .. والله وأطلع فوق الددسن حقتنا وأجلس أدربل إلا يوم جت نوال الزغبي لمنا والله وأرمي الدربيل وأجي لمها ركض
!!! .... قالت الله يخليك سيارتنا مغرزه تعال طلعنا ... قلت هلا والله مشينا !!!... والله وتمسك يدي وأنا أبطل أجمع !!! ... قالت لي شوف بقول لأمي وأبوي أنك خطيبي !!! قلت هلا والله !!! ... المهم والله يوم جيت لمهم ويقوم أبوها ويجي لمي قالت نوال هذا حكومه خطيبي
قال أيه حكومه حموله طيبه (يلعن أم النصب) !!! ... والله وتجي أمها وتسمكني وتمطخني وتعبي جيوب ثوبي فصفص والله قالوا تعال سيارتنا ما تطلع قلت خلاص بروح أجيب الددسن حقتنا وتروحون لبيتكم وأنا أطلعها لكم (وش عنده 911على غفله) ... والله ويركب أبوها يسوق الددسن حقتنا وتركب أمها معاه قدام وأركب أنا ونوال بالحوض ... وندعز للديره والله وشوي ونغرز وننزل أنا ونوال ندف السياره ونطامر على الحوض وتطلع الددسن
(يلعن ام الرومانسيه) والله ونوصل لبيتهم قلت يالله أبي أروح قالت أمها تعال بدك تتغدنا معانا أنا طابخك لك اليوم (مرقوق) قلت والله حاله حتى هذولاء يعرفون هالسوالف !!! ... والله ونجلس الأربعه على الصينيه وأنا ونوال متقابلين وأناظر نوال وهي تاكل وأنواع الدموع تصب مني 
... قالت أمها شو مالك قلت لا أبد بس الفلفل ذبحني ... والله ويجي أبوها ويقطع لي لحم لين عبي حافتي بطلت أشوف شي ... قالي كل من يد خالك
(قلت بقلبي تخلخلت عضامك)!!! .... والله وما صدقت خلصت وأقوم أبي أطلع قالت نوال حكومه حرام عليك وأنا تتركني ... قلت يا شيخه الوالد لحاله بالبر بس ما عليكي أبي أرسل له السواق والله ونطلع أنا ونوال الزغبي بالددسن وتطق البرقع وأنا أتلطم علشان ما يعرفني أحد !!! ... ونمشي والله وتفتح المرايه تبي تصلح الكحل حقها قالت لي عيوني ... قلت وش فيها عيونك !!!
قالت لا أنت أسميك عيوني !!!! ... قلت أيه صح !!!.... قالت خلنا نروح للمقهى قلت يالله على المقهى والله ونروح وتطلب لنا كوبين (حلتيته) ... قلت يلعن أم الحاله وش هذا ما ينبلع !!! ... قالت لا حبيبي علشان دخلنا برد أنا وأنت يوم كنا بالحوض والله وأسكر خشمي وأشربه (وقلت بقلبي يما لطعنا ابو عمر عند باب المدرسه والجو بارد )!!!! ... ونطلع والله لسوق وحنا بالطريق ويدق عليها وائل كفوووري !!!! ... وتقفل بوجهه
قالت صحيح ما يستحي يدق علي وحبيبي معاي !!! ... قلت بقلبي وش السالفه يا ولد أنت حلو صحيح ولا وش السالفه ;)
والله وندخل السوق قالت حكومه تحبني !!! ... قلت أيه بس لحد يدري أشتر لي بطاقه سواء بدي أشحن جوالي !!! ... قلت والله ما معاي إلا الميه حقت أبوي وقالي غير فيها كفر الددسن !!!... والله وتناظرني وتجلس تقلب بعيونها قدامي والله وأنا أطلع الميه قلت يلعن ام الحاله عطها بطاقه يا شيخ والله وتشحن جوالها ونطلع للسياره إلا هذا أبوي جاي من البر مشي وينتظرني عند السياره قلت هلا والله وينك يا شيخ تصدق كنت أبي أدق عليك (طيح الميانه مع ابوي) قالي هات مفتاح الددسن انت منت كفو والله سياره(قلت بقلبي اللي يسمعك معطيني همرو لى بي ام) !!! ...
قلت يلعن أم التحطيم طاح وجهي قدام نوال الزغبي !!! ... والله وتجي لمي نوال قالت لا تزعل أنا احبك بددسن وبدون الددسن
قلت يلعن أم الحــب أثاريه فله والله وتصير خويتي نوال الزغبي وأصير كل خميس ألكش مفتاح الددسن من أبوي ونطلع انا وياها ندور في شـوآرع المملكه .
وسلامتكم.
سآلفتي مع *ًًًًٍٍٍٍٍٍٍََََِِِِِْْنــوآل الزغـبي*ًًٍٍََِِْْْْ
العرض العادي
