قولوا لها : بغياب يوميـن وش صـار
وقولوا لها : وش كثر عنـدي غلاهـا

وقولوا لها : عندي سواليـف ٍ كثـار
وقولوا لها : ملهوووف بسمع غناهـا

وقولوا لها : دمعي على الخـد مـدرار
وقولـوا لهـا : انّ المشاعـر تباهـا

وقولوا لها : انّي مـن البعـد منهـار
وقولوا لهـا : قلبـي وعينـي فداهـا

وقولوا لها : ان انتظاري علـى نـار
وقولوا لها : ترجـع عساهـا عساهـا

امّا تجي.. من دون ماتذكـر.. أعـذار
والا ..ترووووح.. وسدد الله خطاهـا

مانيب اجازي.. حسنة الحب.. بإنكـار
ولانيب اطوّل.. في غيااابـي.. كماهـا

انا انسحرت... بعشقها.. سحر و اقمار
من دون لاشعر.. صرت كلّي.. معاهـا

من يوم ..ماكنّـا ..مواليـف وصغـار
كانت هوى قلبـي ..، وقلبـي هواهـا

كانت تغار. وكنـت أنـا اغار.وأغـار
وأغاااار... حتى من اخوها.. علاهـا

واليوم غابت.صدق يوم الزمـن جـار
وراحت ولا اتحقق.,, مناااي ومناهـا

هـذي نهايتنا..علـى كـف الأقـدار
اصفْق يديني...،، يوم تصفـق يداهـا

ان كانها عادت تبا تشوف وش صـار
وتشوف قلبٍ .. مـا تجـرأ ونساهـا

وان روّحت.. قلبي يسوي.. لها اعذار
وأدعي لها ...ربي يسـدد خطاهـا !!




من لـــطــــــش / نـــعــــــوســــــــه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

المشاركة الأصلية كتبت بواسطة اسيرةخطاها لبى سنين عمرك على هلكلمات روعه يعطيك العافيه ياقلبي تسلمين اسيرة خطاها