مرحبــا ضيفاتنا فالفـرح نوّر=ياهلا ويامسهلا بالحاضراتي
ارقصن غنن ولابي منكن اكثر = انفضن سمر الجدايل مايلاتي
الفرح بوجودكن يزها ويفخر=دامـه الله نعمـةٍ يالغـاليـاتي

الفرح فرحين وانتي الفرح الأكبر = ياهلا بك ياعروسي يـا مناتي
قبلة الترحيب ، هاتي الخد الايسر = الشنب يخدش خدود موّرداتي
ربي جمّعنا وقــول الله أكبـر = شاعـرٍ مع شاعـرة باحلى غناتي

ياهلا بك واحترم نفسـك تـوّدر = وانثبر ساكت ولا تشوف البناتـي
فارغٍ قلبك مثـل ذيـبٍ تحدّر =يلغف الخرفان في صمت وسكاتي
لا تفكر يعرفن بالشِعْـر الأحمـر=ما يبن شعرك بنـاتٍ عاقلاتي

شينها من ليلةٍ يالوجـه الاقشـر = اعقلي يابنت خوف من الشماتي
اضحكي قدامهن لو ضحكٍ اصفـر =ولا تفردّنا تشوفي الطايلاتي
وين عقلك بالشعـر راح وتنكـر = وين كلمةحـب ويـن المفـرداتي

تحسبن العرس يالانثـى المذكر = مثل شعرك هرج صف القافيتي
العرس تدخل بعالم مثل تِقبـر=ما مضى تنساه تحيا كالرفاتي
المْـــرَهْ بالعنـق والاولاد تكبر = والعوافي تعقبك فـي كـل آتي

شوفي اللي لابسه فستـانٍ اخضـر = كنهـا لولـب برقـص المبدعاتي
وشوفي امك كنهـا كيـسٍ مخصّّر = وفرقـي بيـن العجايـز والبناتي
وشوفي المزيون راع الشعر الاشقر = واهني الرجل فـي ريـم الفلاتي

يقطع اصـلك تــرى لـو مـا تـدّبـر= وتستحي يالشين تقعد في ثباتي
لاصفقك كفين اعذر من قد انذر=واتركك وحدك وهـج بـلا عباتي
منت رجّـال ولـكن ثورٍٍ ازعــر= لا حيا لا سمت من كل الجهاتي

هيّا قم قامت عصبك ولا تأخـر = ناويه أعطيك درسٍ في الصفاتي

ماني قايم روحي لوحدك ولا اكثر = خايفٍ منك تجيبي لـي حماتـي

شخّص ببشتك وراسك فوق اكثر = ودنق عيونك ومشيك في ثباتي
وامسك بيدي وتبسـم ولا تنثّـر = ومن قرب حولك تردد "ياحياتي "

من سمع هرجك يقول ولا تحذّر= ضبي شارد ما خذه ضبٍ نباتي
جعل منتي ذيك اُم الشعر الاشقر =لاوتتشرط علي وجه الدباتي

شف ترى مابي مشاكل أو كدر = خلنا نِمْرحْ قبل وقت الفواتي
هدني الارهاق ولا احتاج السهر = والصبح بدري يهجدوني خواتي

مايصير اللي تقولي من عذر=ما انــام إلا بحل الواجباتي!
وش تقول امي إذا بان الخبر = وش اقول لهم تلحفت بعباتي!

لا تطوّلهـا وفـكر بـالامـر=وش دخلهم فــزواج الشاعراتي
وان رفضت ارميك في هذا الممر = واقفل الغرفه وطوّل في سباتي