|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
11-29-2007, 01:35 AM
| ||||
| ||||
| قصيده الهوى والنور لملك الفن خالد عبدالرحمن ((مخاوي اليل)) اهداء لكل خالدي جميل الصـدفة اللي جابتك حيي الهوا والنور=== عليك اجمل مسا مسيت عطني منه قنطاره أحي فيك ذكرك قبل شوفك والنبا مغمـــــــور=== وأحيي فيك عطرك واسمك اللي مالي داره أنا من مات حي لاطعن حربه ولا منحـــــــور=== صويب العين مايبرا غدا قلبي لك الشاره بغيت امشي واحس انه غدا مني القدم مبتور=== بغيت آقف واشوف عظام كل الجسم منهارة أنا من خانته عبرة فرح والا ضحك مسرور=== يضيق إبه النفس وده يقول من الحكي خياره أشيل اغاني لك عرضه وأبدل به على المجرور== وأمول من طواريقي على عشاق سماره أبكتب من قصيد الوزن وغيره من شعرمنثور== أنا لك شاعر يكتب وشعره نقوة أفكاره ألا ياغايب عني معي حاضر كما الدستور===== خيالك ما يفارقني بفكري دق مسماره إلا من ضقت أسولف بك على نفسي وانا مقهور== وأقول الوقت على ماريد وأختاره عليك أقبل ومنك أقفي ولا بنيت لك محضور==== أخاف عيون بعض الخلق ترقبنا وسباره وجدك الله ياحسن كما التحفة وأنا جمهـــور=== أنا المبهور في حسنك وانا من خطفت أبصاره ومنك العين تامرني وأنا لك طايع مـــــأمور=== على وصلك غدا حظي هوين وقصرت أشياره أشوف إن الحسن عقبك ولويذكر غدا مبكور=== يقال إنه حسن وللا أنت كل الزين وإبهاره ألا يابوعيون حق وبعض الوصف خرس حور== عليك الصوت ماهوصوت كما ترنيم قيثاره بقا قصرك على فالك عساه بطلتك معمور==== تمشي بردهته حافي وتحيا عقبك أزهـــــاره بريح المسك والعنبر يخالطهم زراق بخور=== إلى أقبلت جا قبلك والى أقفيته غدا إستاره على هالبوح والتلميح راس المال صدق شعور== وصدقني تري فكري عقب طيفك ماحد زاره أنا باسألك تعذرني عساي بطلبتي معذور== أشوف الوقت مايعطي ولا فالناس عذاره أبارسل لك مع النسمه سلام الخافق المكسور== عسى يجبرعزاه إنك تجيه وتنطفي ناره ذكرت اليوم والساعه ورحله عمر يامستور=== ذكرت الله في خلقك خلق هالزين وأسراره أعرف أني مناب أول ولا آخر واحد ماسور== وأجمل ماملكته منه طيف دام تذكاره ألا ياليت لي قلب يطيع الراي وأهل الشور== ضحيه موقف عابر ورحله سفر طياره مقاعدنا بآخرصف ومقعد سيدي مشغور== على يسراي كان هناك اشوف أطباع جباره أشوفه كل هالفتنه ثقل واسلوك إطهور== حصين محصن شامخ يبين كبرمقداره وأشوفه ديمه تحمي نبات الأرض بالممطور== بغيث يوم أشاهدها جرفني فيه تياره ذهلني مبرم العاتق وشلال الشعر موفور== وذاك المبسم الوردي بلون الزهرقطاره وقدأطرق هايف رشيق وخاصر مضمور== قوام اعتدال طوله يثير إقلوب جباره أغني وأغتني بذكره ولاأطمع كود بالميسور== وعودي كم شكي مني بعزفي تبكي أوتاره أعرف النفس تواقه وأعرف اني منا مسحور== ولكن سحر زينه صار ياخلق الله إشعاره أنا والليل والهاجس قطعنا بالخيال بحور== أبي منهو يوصلني ومن يعطيني أخبـــــــــــــاره القصيده ملحنه وجاهزه للعرض بصوت الصحراء اتوقع بتكون احدى مزايين ابو نايف اللي بيسابق عليها اخوكمــــــــ راكان القحطاني
_________________  برق تلظى للخوالي بريقه ,,وشح المطر في خافيات الضلوعي بي من بلاوي الوقت هم(ن) وضيقه ,, دنياي ماجتني على كيف طوعي بي من جروح (ن) داميات وعتيقه ,, لاقلت هاانت طاول الوقت روعي اضحك واجامل بس وين الحقيقه,, قامت حدر شمس الليالي تمووعي ,, محد(ن) درى بالحال وش الي يعيقه ,,اسري ظلام الليل وانور شموعي اسرح مع الايام وبكل طريقه,,واخفي بوسط الروح هم(ن) جزوعي ولو كان شبت بالضماير حريقه ,, والله مابينت لحظة خضوعي al_baasel2004@hotmail.com  |
|
11-29-2007, 04:12 AM
| ||||
| ||||
| رد: قصيده الهوى والنور لملك الفن خالد عبدالرحمن ((مخاوي اليل)) اهداء لكل خالدي بغيت امشي واحس انه غدا مني القدم مبتور=== بغيت آقف واشوف عظام كل الجسم منهارة أنا من خانته عبرة فرح والا ضحك مسرور=== يضيق إبه النفس وده يقول من الحكي خياره مبدع خالد وفيه احد يشك في ابداع خالد لبى سنين عمره مشكور ويعطيك الف عافيه انتظر جديدك بكل لهفه تقبل فائق احترامي اختك اسيرة خطاها |
|
11-29-2007, 08:42 AM
| ||||
| ||||
| رد: قصيده الهوى والنور لملك الفن خالد عبدالرحمن ((مخاوي اليل)) اهداء لكل خالدي مشكور حيييل ياخوي على هالقصيده اللي ابهرتنا فيهاوجزاك الله خير
_________________  |
|
11-29-2007, 12:51 PM
| |||
| |||
| رد: قصيده الهوى والنور لملك الفن خالد عبدالرحمن ((مخاوي اليل)) اهداء لكل خالدي مشكرو على الموضع
_________________  أجمل ثنائي في العالم ،،،،، إذا كنت تحب الارسنال فأكيد انت تحب هنري وبيرس |
|
11-30-2007, 12:08 AM
| ||||
| ||||
| رد: قصيده الهوى والنور لملك الفن خالد عبدالرحمن ((مخاوي اليل)) اهداء لكل خالدي اسيره مساير محبوب لاخلا ولاعدم نورتو صفحتي
_________________ برق تلظى للخوالي بريقه ,,وشح المطر في خافيات الضلوعي بي من بلاوي الوقت هم(ن) وضيقه ,, دنياي ماجتني على كيف طوعي بي من جروح (ن) داميات وعتيقه ,, لاقلت هاانت طاول الوقت روعي اضحك واجامل بس وين الحقيقه,, قامت حدر شمس الليالي تمووعي ,, محد(ن) درى بالحال وش الي يعيقه ,,اسري ظلام الليل وانور شموعي اسرح مع الايام وبكل طريقه,,واخفي بوسط الروح هم(ن) جزوعي ولو كان شبت بالضماير حريقه ,, والله مابينت لحظة خضوعي al_baasel2004@hotmail.com |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
