قصيده على ذوقي

بسم الله الرحمن الرحيم

هات الورق يا صاحبي واسود اللون
وخل المكايـن تشتغـل للطباعـه
الصدر له فوحٍ تقل فـوح غليـون
و اعجل ترى وقتي بقا منه ساعـه
عاجل وحالاً ياصل الشيخ فرعـون
نقـاض عهـد ودلعـوه الجماعـه
شيخٍ على اللي لا ومرهـم يلبـون
جماع مال وشاخ شيخـة بضاعـه
واليوم هو من بدت الناس مديـون
مديون دينٍ فيه صعـب الشفاعـه
أسمه طُبـع باللايحـه والتلفـزون
واخبار صحف اليوم غير الأذاعـه
لاجله خفـارات راسـي يفـرووون
أرحمهم اللي في عروقـه قطاعـه
يبون راسه مابها شـك وضنـون
وهذا جزا اللي مايحفـظ الوداعـه
لاجيـت بابـه دق حتـى يـردون
وخص الثعل لاصار حوله ضباعـه
واهرج عليه وعلمه علـم هـارون
علـمٍ يرجـع موجتـه للرضاعـه
ان كان ماهون عن اللـي يقولـون
والله لاغسله لين يطهـر شراعـه
لا قالك هاللون قل أييييه هاللـوون
الوايلي شطب على اسمـك وباعـه



الشاعر / مشعل بن جريد

وش راااااااااااايكم