اليكم جديدي...][®][ (زهور الزيزفون) ][®][

عزمت أمري وارتحل معزوفي اللي تعرفون=ما عاد لي في الحب مصلوحن. ولا لي منفعة
لما الهوى والعشق وصلني مدارات الجنون=اسولف لحـزني.. وأدندن يا فصــولي الأربعة
اندب سواليف مضت كانت زهور الزيزفون=نفحات عاطرها....... تعم الكون لمــا تسمعه
مريته بعد أيام ولقيت الزهر يتهامسون=بوح وغلاه... وحرف طاروقه عجزنا نجمعه
كانوا هنا وهناك ما بين النفل يتنادمون=سبحانه من جمع قلوبن بالوفا..... متولعه
وبعدها تاهت خطاي وطاحت العبرة شجون=وبكيــت حرفـي حين نـادانـي بوسط المعمعة
يا بوحي اللي بك بنيت أمال وشيدتم حصون=ارم الحزن....قصر مسافـات البعــاد وطبّعه
واكتب من اللوعة على ذيك المحاجر والجفون=دمعة لغلاها....هلت العبرات صافــي منبعه
يمكن تمر أيام بعد أيام.... ويتبعها سنون=والحال... هو الحــــال لا تغييـر تحت الأقنعة
يا ملهمة بوح القصيد أنا أوعدك مهما يكون=تبقين في هامة غلاك.. مهما الليـالي تلوعه
ويبقى حبك مثل نبضي في شراييني يمون=حتى لو انه ساكن(ن) حبك وريــدي يمتعه
خلاص طاروقي انتهى معـزوفه اللي تعرفون=والحب مـا يشّفـع لقلـبه في زمــان المنفعة