هموووووووووووووم الشباب

بسم الله الرحمن الرحيم

هموم شاب صارت عجيبة

حتى طالت الجبال الوثيقة

وزادت آلامه و أوجاعه السقيمة

وأصبح فاقد البصر والبصيرة


هم الوظيفة..

هم البيت ..

هم الزواج ...


هذه الهموم تكاثرت وتوالدت

بعد تخرجه من دراسة غثيثة

وصارت حمولة ثقيلة

على شاب مثله توه

يشق سبيله

جات أمه نهون عليه وتسليه ..

قالت : ياوليدي هذه أمور بسيطة ..

وظيفة وبيت وزوجة وفيه..

أبقولك نصيحة ... خذها من أمك الخبيرة
توكل على الله بإصرار وعزيمة

وخل إيمانك فيه له أصول متينة

يحقق رغباتك ولو كانت كثيرة

أبدأ حياتك بأشياء قليلة ..





الوظيفة أهم شيء وهي الوسيلة

وبعد كذا تسير الأمور سهيلة

خذلك قروض بسيطة...

تساعدك على همومك العسيرة

وتفرج لك كربات ولو كانت صعيبة

قال الولد وبنظرة غريبة:

لا لا مستحيل يا الغالية

هذه أمور مستحيلة

أبدأ حياتي بديون غفيرة

ويروح عمري بأقساط طويلة

هذه ما هي نصيحة ..!!!

قالت : أجل وش أنت ناوي

يا راعي الحكيمة ..؟؟

سكت شوي وقال :

يالعزيزة أبدأ أدور على الوظيفة الكبيرة ..

عشان يكون مرتبها زين وأقدر

أرتب الأمور بوسيلة ..

وبعد الوظيفة أدور على سيارة ما هي صغيرة

يعني إلمانية سريعة..

وبعدها أدور على بيت له قيمة

يعني في أحياء جديدة

وبعد البيت أكمل نصف ديني

بزوجة عفيفة مستقيمة





مو شرط جميلة بس رزينة

يعني مثل (( نانسي )) أو (( حليمة )) ..

ردت أمه بسرعة وقالت : شيل هالأفكار العقيمة ..

اللي مالها قيمة بس وخيمة

بتقعد طول عمرك وحياتك ذليلة

الوضع اختلف والحياة أصبحت عسيرة

هذه نصيحتي لك وأنت حر يا أبو الأفكار السديدة؟؟؟